الله يخليكم ابي حل لبنت اختي قبل لا يطيح الفأس بالرأس

ريم البوادي:
اكيد بتندم ومستانسين مع ازواجهم ...وازواجهم لم يسبق لهم الزواج بعد...

......خل اتكلم خاطبه احسن لها الريايل بعدهم ما خلصو من الدنيا ...والدنيا بعدها بخيرررر.........وهيه بعدها صغيرها انا اعرف بنات اتزوجو في سن 36 سنه

.

ترا الندم ماينفع عقب فوات الاوان....

الام ما عندها ما نع ويقول هذه حياتك المشكله والي مخلي البنت والام مترددين العمر فقط
لانه ملتزم وشكله شباب جدا وحالته الماديه فوق الريح واخلاقه الكل يشهدله بالخير ولاهب راعي سفريات وسهر يعني ماشاء الله عليه بس الي مخلي البنت تتردد زي ما قلت لكم العمر فقط مع ان شكله شباب بس اخوانها يقولون ما عليك من الشكل
لان الاشكال هذه تطيح فجاه
وعلى طاري الخطابات هي هو جاي عن طريق خطابه ههههههه
والله الخطابات مع عندهم الا الشياب والامطلقين وعندهم عيال يعني بس يبونها تربي عيالهم والا متزوجين ويبونها لسعة الصدر وهي حاسه انها لو اخذ هذا بستسقر معه اكثر من غيره
وعلى طاري انها لازم تصبر بصراحه الله يرحم حالها عندها اخو معيشها في هم وغم الله يهديها
انا احاول اهديها واقول شوفي انا ما تزوجت الى الان وما فكرت زيك تقول انا حالتي غير
بصراحه رحمتها مره الله ارحم لها
ايه ما قلت لكم تقدم لها واحد قبل فتره مطلق وما عنده عيال وعمره في الثلاثينات بس انها مهب من نجد وهي خايفه من تعارض العادات والتقاليد بس
والله يعينها مسكينه

تبين رايي لاء لاتوافق

اول شي فرق العمر واااااااااااااااايد بينهم بتصير ممرضه له مو زوجه ولا تتوقع انها بتعيش حياه زوجيه عاديه

حالها حال الناس ... لاء ترى بتعيش طول عمرها مقهورة لانها بتكون مجرد نزوة للرجال هذا بياخذ منها اللي يبي وبس

وكل اللي يقدر يقدمه لها مجرد فلوس والفلوس مو كل شي

وبعدين لاتفكر انها بتجيب عيال ترى اغلبيه اللي يتزوجون بهالعمر على زوجاتهم تلاقين الرجال نفسه ياكل حبوب

عشان يمنع هو ما يبي منها الاالمتعه هو عنده عيال مو محتاج

لاتورط نفسها وهي لحين مو كبيره لذاك الزود عشان تاخذ واحد بهالمواصفات لحين العمر قدامها

ليش تربط نفسها بواحد كبر ابوها؟؟؟

مشكورين على اهتمامكم ونصحكم وما قصرتوا
اذا نقلت لها ردودكم تقول والله عارفه بس قال وش حادك على المر قالت الي امر منه
الله يفرج لها

حرام عليها 60 سنه عاد

قوليلها تستخير

استخارت كم مره بس مشكلتها الي حواليها ناس يقولون اخذيه فرصه وناس يقولون لا انتبهي
وزادت حيرتها

لا تستعجل بصرحة الزواج من رجل فى 60 وايد صعبة وهى صغيرة

اقووولج شي خليها تتزوج وتتوكل على اللـــــــــه

صدقيني لو حسبناها ،، ترى الاعمار بيد الله ؟؟

عمر كبير صغير ما تفرق ،، المهم انت عمرك كيف بتقضيــــــــــه

ويمكن ها الرجل الكبير في السن يكوون أحسن عن غيره

وما عليها إلا الدعاء ،،

نحن مشكلتنا كانت وما زالت مشكله العنوسه والكبر في السن وو الشباب وغيره

وما نفهم او ما نرضى نفهم ان الاعمار بيد الله

ياما ناااس في الستين واشكالهم في العشرين لا عمليات ولا غيرره لكن نور الرضا على وجوهم

وياما ناااس في العشرين وكانهم في الاربعيـــن

والعنوسه مثل ما تقولون مشكله وهمية يفرضها علينا المجتمع ؟؟

يعني المراه اللي ما تزوجت ينقصها شي مثلا ؟؟

وعمر ال 29 والله شباب وعز الشباب

الدنيا تغيـــرت والافكار تغيرت في العالم

الا عندنا نحن ما زلنا مقيدين بمشكلة العنوسة والكبر في السن

في ناس يقولون سعادتهم ما بدت الا بعد ال 50

اكتملوا نمو ونضج وخلالالالاص رموا اثقال الشباب وراهم

وعاشوا بلا مسؤوليات جسيمة وغيررره

والله المستعان

والله سهل اني اقول توافق او ما توافق

و صعب اني اعيش في حيراتها

من انا عشان اقول توافق او لا توافق

بصراحه احس نفسي ابغي اصيح ما اعرف شو اقرر .. لو كنت مكانها يمكن اقول في نفسي الا هي عيشه المهم افتك من اللي انا فيه من الهم اللي معاي 24 ساعه .. و ارجع اقول لو طلعت من هم ادخل في هم اكبر عنه و ما اعرف شو ينتظرني ؟؟

لو كان هذا نصيبي و هو اللي بيسعدني ارفضه و اخسر فرصه ما تتعوض ؟؟

و لو كان هذا بدايه تعاسه ما حسبت حسابها ؟؟

اسئله وايده خطرت في بالي عيشتني في حيرة كبيرة .. و كأني انا هيه

في نهايه ما عندي اي نصيحه .. غير تلجأ لله ..
لاني لا انا ولا اي اخت من الخوات راح نشل همها ولا نعيش بدالها ..
بأيدها الاختيار و الله يكتب لها الخير
تستخير و تكثر من الدعاء ..
طمنينا عليها .. اهم شي لا تتخذ اي قرار تندم عليه ..

مجنونة زماني والله على هالكلام الي قلتيه بأسميك عاقلة زماني
بصراحه كلامك جدا واقعي وكانك عايشه عيشتها البنات يقولون خليها تصبر هي صغيره حرام تاخذ واحد اكبر منها
انا عارفه انهم خليفين عليها وناصحين لها الله يجزاهم الف خير بس بس هم ما ركزوا على مشكلتها الاساسيه وهي عيشتها في بيت اخوها شي لايطاق
هي عارفه انها صغيره وعارفه انها جميله وعارفه انه كبير وهذا شي غلط وبتنحرم من اشياء ويكفي انها يتاخذ واحد من زوجته وعياله وهذا مخليها تكره نفسها
وحاسه ان مهب صاير لها وحدها يعني هي عرفه هلاشياء بس عيشتها عند اخوها صعبه اجل تقول انه يقوما من النوم ويهاوشها على اتفه سبب والله كانت مرحه وفرفوشه بس بعد ما سيطر عليها اخوها ومن كثر ما يهاوش وينكد عليها صارت خوافه ومتردده مالها شخصيه واذا دخل علينا قامت وطلعت من الغرفه واذا قلت لها ليش طلعتي قالت اذا جاء احس بارتباك وما ارتاح الين يروح بالله هذه عيشه مسكينه هي تقول انا عارفه ان زواجي منه غلط وبينقصني اشياء كثيره بس لوما يجي من هذا الزواج الا اني احط راسي على المخده مطمئنه وبدون خوف
الله يعينها المشكله في التردد ذابحها لان الي حواليها وخاصه المتزوجين يقولون انتي ما جربتي الزواج ولا تعرفين عنه شي تظنين انك بتلاقين الراحه النفسيه وفكه من النكد بس يمكن ما تقدرين
تطيقين الشايب ويمكن ترتاحين فتره بس بعد كم سنه بتندمين قد شعر راس
وهذا الي محيرها
والله يعينها

اختي فشفوشة بصراحة انا من رايي انها ماتتزوج هالشيبة بالعقل عمرها 29 سنة وتاخذ واحد عمره 60 يعني حطني نفسج مكانها او اي بنت تحط نفسها مكانها هل بترضى على نفسها انها تاخذ واحد كبر ابوها او جدها وبعدين اخوها مقدور علية تقدر تطلع من المكان اللي هو قاعد فية لاكن اذا تزوجت ماتعرف شلون راح تكون عيشتها لا تنسى انها غني وعنده عيال فهل عيالة بسمحون لوحده غريبة تشاركهم فلوسهم شوفي فكري فالمشكلة من جميع النواحي بصراحة انا اختي فعمر بنت اختج وتقدم لها واحد عمره 50 وغني واايد وهي قالت بفكر انا وقفت فوجهها قتلها الموضوع مايبيلة اي تفكير يالشيخة ترفضين على طول شنو تدفنين نفسج وانتي توج صغيره حرام واللة فصدقيني اختي فشفوشة يمكن هي تبي تشرد من مشكلة وبطيح فمشكلة اكبر وبعدين 60 سنة ماعتقد فية شده حق العيال واذا صادف ووافقت علية خلها تضمن نفسها يعني تخلية يكتب لها اي شي باسمها تضمن نفسها لان ماتدرين متى الواحد يموت والاعمار بيد اللة بس حلو الواحد يفكر صح ... ويعطيج العافية

رجعت فكرت في الموضوع

و بصراحه انا متزوجه .. و تزوجت لاني كنت ابا افتك من شي و تزوجت

و بصراحه زوجي طيب معاي وايد و دايما امي تقول ما تطلعين من حقه

بس دايما احس في شي غلط في حياتي

احس اني مب مقتنعه في الزواج كزواج و دايما يقولي انتي ندامه لانج خذتيني ؟؟ اقوله انا ندمانه لاني تزوجت ...

لا تتزوج و هيه ما عندها سبب حقيقي للزواج
يعني اللي تتزوج عشان خايفه من العنوسه بدون ما تفكر منو هذا اللي بتعيش معاه غلطانه .
و اللي تتزوج عشان كل ربيعاتها عرسن و تبا تلبس فستان و توافق على اول واحد غلطانه .
و انا اشوف ان سهام توافق عشان اخوها بتكون غلطانه ..
يمكن يسعدها بس دايما راح تحس ان في شي غلط و انها تسرعت و انها تستحق الافضل
و اخوها انا فاهمتها عدل و حاسه فيها .. بس الله يهديه و يحنن قلبه عليها .. و لو هيه حاولت تستميله شوي يمكن يحن عليها ..

بعدني في حيرة ..
و الله يوفقها و يسعدها ... يارب تفرج عليها و تعينها

والله أنا اقول الزواج قسمه ونصيب واذا كان هذا الريال من نصيبها بتاخذه واذا كان مش من نصيبها مابتأخذه بس خليها تفكر وتصلي الاستخاره عشان ماتندم بعدين
والله يوفقها ويسر امورها وامورنا...................
ويسعدها اذا كان هذا الزوج من نصيبها............

تصدقون يابنات اذا نقلت لها ردودكم خطر تبكي تقول معقوله في احد يحس فيني
بصراحه رحمتها
اخوها غثيث يعني صعب العيشه معه يتكحم في حياتها لاتروحين لكذا لاتجين وتصدقون انه يقومها
من النوم ويهاوش لسبب تافه يعني هي تقول صار في قلق دائم ومرتبكه و تقول اذا سمعته جاي اروح لغرفتي انخش عشان افتك والله بعض الاحيان تاكل في غرفتها عشان تعرف تاكل براحه
بصراحه يابنات بيني وبينكم عيشتها صعبه جدا
واكيد ان زواجها من الشايب بيريحها نفسيا المشكله انها تقول انا عارفه من الان اذاتزوجته باتنازل عن اشياء كثيره وانا ما اخذته الا وانا مضطره بس اهون على اني اتنازل واعيش في طمئنينه
احسن بالف مره اني اتمسك برايي واعيش تحت رحمة اخوي وانتظر واخرتها اكيد بروح للمصحه النفسيه
الله يعينها انا احاول افهمها واعطيها الامل ان الله بيفرجها قريب بس كانها هالايومين بدت تخاف من النتيجه لو اخذت الشايب يمكن من كثر ما اقولها ردودكم بدت تقتنع
والف شكر لكم والله بصراحه وقفتكم معها شي طيب جدا

مرحبا فشفاشه والله قصة بنت اختك بتحير بس احكيلك شغلة هلا هاد الرجال ممكن اكون احسن من ميت شب و ممكن لا و زي ما الشب بنعمله اختبارات و بنجربه و بنعطيه فرصه فهاد نفس الشي مو غلط تخطب من دون ملكه و تشوفه خلال الخطوبه و وقتها تقرر و اذا هاد ما بسير فعادي لو كتبت كتاب مو نهاية اعالم لو انفصلت
حماي (ابو خطيبي) متزوج وحده اصغر منه ب 28 سنه و عايشه معه مبسوطه لانه اكتير منيح مع انه عنده بنات متزوجات بس قويات و ما بسكته على شي بس هيه مبسوطه معه بس طبعا لما اتزوجها كان عمره 52 سنه. بس جد رهيب.
بالمقابل في بنت بعرفها اتزوجت واحد عمره 63 و هيه 22 سنه و هوي اكتير شبيب و حليوه و مليونير بس قارها عيشتها لانه معدنه سيء.

الفكره البدي اوصلها انه مو غلط تعطيه فرصه كونها بترتاحله و زي ما بتكي منيح.

مع اني ضد فارق السن الكبير و الله اوفقها يا ربو يفرج همها

مشكوره ليدي المشكله الي تحيرها انهم يقولون شكله شباب
بس اخوانها يقولون بعد خمس سنين وراح يطيح عليك وما تتمتعين بشبابك
مشكورين على نصحكم