الجزء العاشــ10ــر من تجهيزات عرايس قطــ2006ــر

انا سمعت عنها كلام متناقض ناس قالوا لي اوكي وناس قالوا لي كريه فعشان جي انا اسأل !!!
الله يستر بس
بخليها وماراح اكنسل الحجز وانشا الله تضبطه

ومشكوره حبوبه عالرد
وعندي سؤال ثاني بس بسأله بعدين لاني الحين بروح انام ..
يالله حبوبات بيباي

¤jaSmine¤:
لبنات قطر

للي تبي تشقر حواجبها ويطلع مثل الحف واحلى

انصحكم بصالون مايا بتاون سنتر تشقيرهم روووووووووووعه والله يجنن ..

انا دوم اشقر عندها الكل يسالني وين حافه حواجبج اقول لهم تشقير مايصدقون ههههههههههه

وعندكم دايموند جنب اللاندمارك بعد تشقيرهم شي ششششششي..

والله زييييييييييين انا بروح لهم اانا اشقر عند حناااااااااااان حلو تشقيرهم بس ماتعجبنى الزحمه عندهم ومره حجزت عند فيروووز لكن حجزها يطوووول

عصفووووووووووووره قطر بخصوووص سعاااااااااد انا شفت مكياجها على وحده من ربعى

كاااااااان حلو ومرتب بس مااعرف اذا هى نفس سعاد اللى تقصدينها ولا وحده ثانيه انا سمعت ان فى ثنتين بنفس الاسم لكن انا بتاكد لج وبعدين لاتلغين الحجز ولاشى الحييييييين لو بتلغين ماراح تلاقين حد

عصفورة قطر نصيييييحه لا تكنسلين الحجز

انا توني من يومين شايفه مكياجها على بنات

روووووووووووووووووووووووووووووووووووووعه شوي عليه


يجنـــــــــن !!

بناااااااااات تصدقون دوحانيهـ وكلاسيك وسحايب وغيرهمـ ....

وحشووووونا من قلبــ :sad: ،، ياااااليتـ واللهـ لو يطلونـ علينــا شوي :sad:


اللـهـ يوفقهمـ ان شــــاء اللهـ ويوفق كلــ بناتـ المنتـدى ياااااااربــ

هلا بنات

عصفوووره .... ألف مبروك وتستاهلين كل خير(f)


انا مع الأخت اللي قالت ان مكياج جواهر الظاهري حلووو ماشاء الله عليها في دمج الألوان مكيجتني حق خطوبتي
الألوان كانت زاهيه وواضحه... ومكيجت صديقتي بعد كان مكياجها حلووووو وااااايد

وبالنسبه لأخوات العروس أو اهلها
ارشح لكم وبقوه شوق وناس يسمونها اشواق لحد الحين جربتها 5 مرات وماشاء الله بودرتها ثابته وألوانها رائعه ورسمها رسم فنانه..

التشقير ... التشقير ... التشقير
الله يثبت البنات ويثبتني معاكم يا رب
انا اروح صالون الحنان اللي في السد
ماشاء الله سريعين وشغلهم مرتب حتى يوم خطوبتي جواهر تحسبهم محفوفين
واللي تشقر لا تتوقع ان الشعر يكون واضح في الصور
صدقوني الله يكرمها وينوّر وجهها... لأن كلنا ندري الحف هو النمص يعني ( لعن ) والعياذ بالله


خواتي بالنسبه لألوان الخليج انا لمــّــا قلت عنه مو زين كان عن واقع شفته بعيني اللي شفته صج كان اي كلام
وانتو بعد رايكم صح ... لأنكم مجربينه سبحان الله يمكن ذاك اليوم اللي انا شفته فيه كان حظهم مو اوكيه
بس للأمانه انا اول مره اسمع حد يمدح الوان الخليج هنيه في هالمنتدى
واللي حجزت عندهم اتمنى من الله انه يوفقها ويطلع تصويرها مثل ما تتمنى واحسن بعد

اللي صورتني في الخطوبه من كريستال اسمها ( ميمي) فلبينيه واستانس عليها بو الشباب :handup: يقول لي نبغيها حق العرس :cool2:
عطاها تقييم 100/100

مرسيدس : ما سمعت احد يذم فيها الكل يقول عنها ممتازه

مبروك للي كان زواجهم الأسبوع اللي فات
واللي زواجهم جااي بالتوفيق ان شاء الله



مدار قطر

حيا الله العرايس الجداد
والعرايس الي تزوجوا لهم وحشه
دلوعه قطريه وينها ما تشارك

مروا على موضوعي لو سمحتوا

http://www.3roos.com/forums/showthread.php?p=2461564#post2461564

هلا بنات بصراحــــة انا ناطرة على أحر من الجمر :no:
علشان اعرف شخبار عرس كلاسيك
الله يوفقها ويسعدها ان شاء الله


بالنسبه لسعاد أنا شخصيا ما جربتها ...لكن شفت مكياجها على بنات واييييييييد
في بنات مطلعتهم روووووووووعه :up: ....وبنات عرايس مطلعتهم .....:down: مساكين

اللي طالعين روعه كان وجههم دائري واللي وجههم بالطول مضعفته ومطولته زياده
علشان جذي الناس تختلف في مكياجها ..
بالنسبه لأي بنت بتحجز عندها قوليلها تكمل الأساس على الرقبه
يقولون تسوي الوجه جنه قناع :shy:

مشكورين يا بنات

مرسيدس يااختي حجزي عندها وانتي مغمضه ... شغلها فوق الرووووعه ... بس اذا عندج رقمها ياليت لو اطرشينه لي فديتج ..

وبالنسبه للطقاقات .. شوفي اختي الحين قاموا اكثر شي ايبون ريايل ملوا من الحريم وتخيس النفس .. ههههههههههههه... بس اذا بغيتي وحده مضمونه ومب مزاجيه وعندها ذمه .. مالج الا خيريه ... واذا بغيتي ريايل عندج خالد فؤاد وجمال التميمي هاي اللي اعرفهم انهم اووووكي

عصفورة..

انا نفسج حاجزه عند سعاد البلوشي حق عرسي وو واثقه منها..

وبقولج شي..لا تاخذين راي الناس في كل شي..انا تعلمت الصراحه من هالناحيه..دام ان الشي عاجبني وداخل مزاجي..ما علي من حد ابد...

لانج جذي بتتعبين...

وبالنهايه لازم انتي تكونين راضيه عن نفسج...ولا عليج من احد

السلام عليكم ورحمة الله وبركاته

هلا يا بنوتات شلونكم؟؟
والله اني مشتاقة لدوحانيه وكلاسيك...كل قاعدة افكر فيهم ..الله يحفظهم ان شاء الله ويهنيهم
وسامحوني على القصور يا بنات ما اقدر اقعد على النت مثل قبل

بنات انا من سمعت كلامكم عن الوان الخليج طرت طيران لين عنده
وقلتله ابي احسن المصورات وابي وابي..
وترا ناس تقول مستواكم نزل عن قبل ومن هالحجي
هو المسكين قاعد يدافع ويمدح في المحل
المهم
انا ما خذه عنده " الليزر على الكوشه وثاني على الستيج" ولا اكنسل اللي على الكوشه
وبالنسبه للورق الملون اخليه ولا لا
هذا اول سؤال

ثاني سؤال: ابي اقص شعري وين احسن مكان..وهل اصبغه مع اني احب لونه

ثالث سؤال وهو الاهم
بناااااااااااات شرايكم في أمينة الجاسم حلو مكياجها على العروس ولا لا
بليز ردوا علي

صح تذكرت:
بنات سؤال غريب ويضحك شوي يا على بالي
الحين لين رحت شهر العسل وين اغسل ثيابي وثيابه واكويهم
انا باخذه مكواة بخار صغيره ولا شرايكم
والله ماعندي حد غيركم واستحي اسال هلي

بليز بنات جاوبوني على الاسئلة اللي تعرفونها

وجزاكم الله خير
ويسعدكم ويهنيكم دنيا واخره
وجزاكم الله خير

البنفسج
إذا تقصدين الورق الملون حركة المدافع الللي يطلع منها الورق نصيحه كنسليها لأنها وايد قديمه وتخرب تسريحتج

والقص والصبغ اشوف خواتي وصديقاتي يمدحون (( تونس )) بس ما اعرف اسم صالونها يمكن البنات يفيدونج

سألت لج عن أمينه الجاسم قالوا لي قبل كان مكياجها ناعم بس الحين ما يدرون !!

بالنسبه للغسيل اذا بتسكنون في فندق هم اللي يغسلون ثيابكم ويكوونها Laundry
وعادة الغرف يكون فيها مكوى مع طاولته او تطلبين خدمة الغرف يجيبون لج
واذا تحاتين خذي معاج معاج مكوى اصغر نوع الخفيف حق الطوارئ


الطقاقات
من قطر :

خيريه : طقها حاااااامي طول العرس بس اغانيها شوي قديمه والمشكله اذا اندمجت في اغاني محمد عبدو عربونها ما بين 4000 الى 5000
عواطف : كانت قبل احسن وحده الحين ما اشوف الناس يطلبونها كثير عربونها 5000
غاليه : طقها زين وصوتها حلو بس من نص العرس تحط الايقاع
أنوار : واااااااااااااااايد تحسنت عن قبل واشوف الإقبال زايد عليها هالفتره
بدريه البحرينيه : البنات اللي معاها اصواتهم حلوه بس اهم شئ انكم تتفقون معاها انها ما تغني
سوسن : انا شخصياً ما احبها تصارخ في الميكرفون وتحرج الناس طقها زين ........ أوف ما احبها

من السعوديه :


صيته : صوتها رائع بس الخوف انها احياناً تطرش فرقتها وما تجي هي وعلى نهاية العرس تشغل ( د.ج ) اغانيها
نديبه : هي عجيبه وفرقتها عجيبه المشكله انها (((( غالبا))))) تجي العرس 11 او 12 بالليل ...<<<<< شالفايده
موضي : غاااااااااااااليه مووووووووووت يمكن 120 الف
بدريه الزري : فرقتها زينه ومعاها كذا وحده اصواتهم حلوه عربونها 7000
ابتسام الزري : مزاجيه واحياناً ما تحضر العرس واذا طلبوها الناس اغنيه تقول انا اعرف ايش اغني عربونها 7000
العنود : تغني هي مع بنات والفرقه اللي تطق شباب يعني نشاط متواصل ولا تهتم حق الفلوس اللي طايحه احس ان عينها مليانه وصوتها روعه سمعت ان عربونها 12000


هذا اللي اعرفه
تحياتي
مدار قطر

البنفسج>>>>>>>>>اذا بتروحين شهر العسل اخذي معاج كمية تكفيج وتغنيج عن الغسيل.....


وممكن راي مدار قطر ....... وان شاء الله البنات يفيدونج بآرائهم والله يوفقج

الغاليه البنفسج الله يسهل لك
بالنسبه للثياب لا تتعبين روحك الي للطلعه وديه الغسيل في كل مكان فيه مغاسل والملابس الداخليه لكم
اغسليها ودي معاك علبة صابون انا للسفر احط الصابون في قرشه بلاستيك
وعادة عند البانيو حبل صغير غسلي ونشري
وودي مكوى صغير للي للسفر مب البخار الي مثل العادي بس صغير

السلام عليكم ورحمة الله وبركاته

مدار قطر
جزاج الله خير حبيبتي وما قصرتي

فراولة قطر
مشكورة حبيبتي

أم حمد
مشكورة حبيبتي على الرد
بس استحي اعلق الملابس الداخليه في الحمام << فشيله

جزاكم الله خير ننطر راي البقيه

يعني أنا معرسه من 4 سنين ..

يصير أشارك ؟؟ ولا مب عروس ألحين .. هههههههههههه ..

محد يعرف الطقاقه اماني؟؟...بليز اللي سمعت عنها ترد !

والله أنا ماسمعت عنها ..
بس أنوار صارت في كل عرس ..
يعني غطت على الكل ..