الجزء العاشــ10ــر من تجهيزات عرايس قطــ2006ــر

ليالي ما عليج امر حبيبتي ارسلي لي رقم مريم

Miss_N:
مرحبا بنات شلونكم حبايبي؟

ممكن اطرشون لي رقم ناديه اليهري وياليت تقولون لي شلون مكياجها ثقيل ولابسيط بكون شاكره لكم :)

واااااييد بنات اجوفهم مستانسين على نادية!!
صراحه مكياجها مب ذاك الزود!!!

انا جربته شخصيأ ..طلبت منها ناعم وماعرفت تحط لي ناعم حطت لي وااايد ثقيل!!
الي من النوع الوحشي ورسمة الكحل المفتوحه وجذيه يعني ....
وصراحه لما كانت تحط لي مارتحت لها.... حسيتها جنها ترسم على لوحه!! هههههههههههه والله صج!!!
وترا وااااااااااااااايد وايد غير شكلي!! يعني اجوف نفسي جنه مب انا!!!
انا اقول لو اتجوفين ميكياجها بنفسسج وايد احسن... لان الراي رايج فالنهايه ..
هاي راييي واتمنى اني افدتج..

هـــــــــــــــلاااااا بنـــات..



اليازي..
شكرا على ردج حبيبتي... ان شااااء الله بجوف مكياجها يمكن يعجبني!!! بس اتوقع بروح عند ميرا..



دلوعه قطرية ..
تسلميييييين على الرد اختي
هههههههههه ايه انا اقول هيلدا وايد كلاسيك بعد
مادري... مرتاحه حق ميرا..



وجدان الشوق...
انا اختي مثلج مستانسه على امنه.. علشان جيه سألت عنها...
بس بلييييز فديتج قولي لي كل مرت تحطين يكون ناعم ولا ثقيل؟
واهيه كم تاخذ؟


بنااااااااااااااااااااااااااااااات1-
بلييييييز ساعدوني؟؟؟... وين ايبيعون فساتيــــن السهرة.. غير المحلاات الي فالستي والرويال بلازا؟؟

عمري قطر:
ليالي ما عليج امر حبيبتي ارسلي لي رقم مريم

اهلين
:gum:
شيكي على الخاص يالحلوة

اليازي..والحلم الهادي..


شفيكم!...يبه انااللي ابيه مكيااااااج نااااااااااااعم!!!...ودانييل احب مكياجها..والفاونديشن اللي تحطه حلوو...عشااان جي..قلبي عورني..واختها انامااعرف شلون مكياجها مع ان قالوالي نفس الاستايل!!... انا اشوف الناس تمدح لي امنه شاهين وتقولي ناعم... فقلت يله خلني اشوفها...لاني انامااحب المكياج الخليجي..واللي من درواانج عروس...ماخلوا شي ما حطوه!!!.... شريفه ما يعجبني..مكياجها...ونفس الشي نجلاء...







اقولكم شي..بس لاتضحكون!... انا استخرت وعقبها قلت باتصل بامنه.. اذا لقيت عندها حجز..توفيق من الله ..وان مالقيت خلاص..امسك مينونك..لايجيك اللي اين منه!... وعلى نياتكم ترزقون..

اتصلت بامنه..وقالت لي انا بكون مسافره!... قلت خيره!!...


وببس..قلت لا اتعب روحي..ولا شي..اليوم بروح اسوي حمام مغربي...و حمام كريم!..وباجر..بحف...وعقبها ... الحفله!....


والله يعدي هاليوم على خير!!!..

ثااانكس..لكل اللي شجعوني!..وارفعوامن معنوياتي...

احـــــــــــــــبكم

وجدان الشوووق
انشالله من عيوني بارجع قرييييييب ...

البنفسج*:
السلام عليكم ورحمة الله وبركاته

حبيبتي وجدان الشوق
لا تخرعيني كفاية اللي فيني
وانا اقرا ردج خنقتني العبرة

امممم بالنسبة لشعوري متقلب وغائم جزئيا مع توقع هطول أمطار غزيرة خلال ال48 ساعة القادمة
وشاسوي..متوكله على ربي ومكثفة الدعاء هاليومين وناويه اقرا البقرة كامله كل يوم
الله يخليج ادعيلي في صلاتج وقيامج والملائكة بترد عليج "ولك مثلها"
بليييييز بنات لا تنسوني من دعاءكم

اختكم البنفسج

ههههههههه فديييت عمرج انا من زمان وانا اقول البنفسج تنفع مذيعه ههههههه ........]اربي يوفقج وييسر امورج وكلنا معاج قلبا وقالب >> شرايج انفع مذيعه :)

ميس انجر
باذبحج ان حجزتي عند امنه شاهين!! اعرف ذوقج وهي كلش ماتنفع لج ..........


دلوعه.

حبيبتي طرشيلي رقم ميرا وهي تجي البيت ؟؟ ويكم ؟؟

حلالييييييييييمو وين مكان صالون سما ؟؟ وعندج رقمهم ...لأان عندي مناسبه لما ارجع الدوحه واحتاج المكياج الناعم لان سعاد القطريه محجوووزه ...........

شجون محلات الفساتين في قطر فالستي والرويال بلازا وسينيه بالطابق الثاني في حياة بلازا وجلامور في طريق سلوى والور مقابل دار لارا للازياء بشارع السد

بنت الغالي
ميرا الله يسلمج الحين تمكيج في البيوت بس والعادي عندها ب 350
والحييييين بطرش الرقم من عيوني


تصدقون كانت عندي مناسبه وحجزت عند سما بعدين كنسلت مادري ليش خفت مع ان اللي مدحوهم وايد


بنوتة الغالي
سعاد القطريه مسافره تعرفين متى بترجع؟ لان عندي مناسبه اخر الشهر وابيها بس اتصل الرنه خارجيه وطرشت مسج ماردت قهرتني
مابي اتم على اعصابي انتظرها

بنت الغالي..

صالون سما...تعرفين صوب الجوازات؟...هناك ادشين دواعيس..وتحصلينه... مااعرف اسم المنطقه..

بس بقولج من تجربتي الشخصيه معاها.... تقعدج على الكرسي..وانتي تنطمين ولا اتكلمين ولا كلمه.. بس تسالج شنو لون بدلتج...وماتراويج شكلج الا عقب ما تخلص...واذا قلتي لها ضبطي ولا شي اتنرفز... جنج اطرين من عندها..


انا بالطبيعه ما كان المكياج عاجبني.. بس بالصور طالع ..واايد حلو.. وترى شغلها حلو.. بس قوليلها لا تحط وايد فاونديشن..ترى فاونديشنها مونفس سعاد القطريه... اثقل شوي....


هاااا...بنت نت!!.. حق نفس المناسبه اللي في بالي؟..خخخخخخخخ..((( حاجزة سعاد القطريه عنج!!)))

تقومين بالسلامه يا قطر برايد

البنفسج خلاص الوقت قررررررررررب لا تدشين النت << شدخل
طق طق طق احس قلبي يطق متوتره انا جنه عرسي قرب مب عرسج لوول الله يوفقج

شموخ عنادي <<< ماحاتيج لاني بكون متواجده بعرسج واعرف شتسوين الحين بعد ههههههههههه

بنات مارديتوا علي
وين احصل بنات يرقصون ومتدربيين .......؟

ميس انجر

انا عني ماعجبني مكياج امنه ولا شريفه احسسسسسه دفش وماعجبني ابد

اللي صج صج عجبني عندج فاديه وسما ستايلهم عجبني الحين كل عندهم وعبير بعد حلوو:gum:

بنت الغالي ...شيكي الخاص فديتج

مشكوره ياقطر برايد...والله يقومج بالسلامه :)

بنات وين رقم ناديه اليهري محد طرشه لي :( :(

هلو هلو هلو بناتيت فديتكم


الله يوفقكم كلكم




شجون حبيبتي هلا وغلا
اي والله امنه يعجبني مكياجهاا

حطت لي مرتين نعوووم لبناني
ومره شوي فيه حركات والوان معنه فهاليوم الوان فستاني ماتساعد كحلي وبيج وبني
بس صج طلع مكياجي روعه


وووانا احسه حلاتها اذا مناسبه مهمه بالنسبه لج تكونين شوي غير

لانه المكياج العادي والناعم كل وحده تعرف تحطه حق عمرها ونحطه فاغلب المناسبات
عشان جي التغيير مطلوووب

وتعامل امنه يعجبني عشان جي ارتاح وياها


ونجلا مكياجهاا حلو حق خطوبه حطت حق بنت عمتي طلعت اتينن مشالله
وشريفه حطت لها فالعرس وكلوو روعه


..




بنات من كم يوم فالتسي شفت المحل اظنتي نوف منزل كمن فستان نعومين وحلوين
حرير ويا كرستالات

بالعاده ماكنت اتوقع اشوف شي عندهم بس يمكن اذا دووورتو تلقون ..




..



ميسوووووووووو يالله قود لج


الله يوفقج حبيبتي يارب


اللهم بارك لهماا وبارك عليهماا واجمعهماا على طاعتك ...



يالله حبيبتي بشريناا عنج عاد والحلو حلو ..



خطوبتي ياحبني لج ..

يالله ننطر سوالف الشوبنق في فرنساااا




حلاليمووووو يالله فديتج مابقا شي


باشوف امي اذا عندها الرقم وباطرشه لج


بررب

صباح الخير بنات ديرتي ...

مبروك حق كل وحده تزوجت وعقبال الباقي ان شاء الله

بنات فديتكم حبيت اسألكم لأني وااااايد محتاره في سالفه التصوير

اشرايكم في مريم الفلبينيه وباخذ من عندها كل شي الفيديو والشاشات وسوالف التصوير كلها

بعضهم يقولون لي انها وايد زينه وبعضهم يقولون انها قديمه وماتعرف تصور مثل قبل

انتم اشرايكم ؟؟؟ بليز ردوا علي بسرعه ابي احجزها من الحين .. ومشكورين ماقصرتوا :)

مرحبــــأ عرايش شلونكم ؟؟؟
وحشتووووني وااايد
توني رجعت من الرياض ... يالله شنو تعبت .... مافي شي متعب كثر التجهيز بغيت اموووووووت
بس وناسه لاني افتكيـــــــــــــت خلاص بس باقي لي كم من عبايه وملاحف بس
والله يعيني على ترتيب الاغراض غرفتي مافيها مكان للمشي ... 9 شناط كبار غير الاكياس
ياااااااااااااااااااي احس هم وانزاح

يالله نجوفكم بعدين