كيف علاقتج مع حرمة اخوج ؟

انا الحقيقة زوجات اخواني مرة حلوين اللة يخليهم كذا على طول:bigsmile: :up:

شوووفوا خوااااتيييي


دووم دوووم حطوا في بالكم .... مهما كانت مرت الاخوا مو زينه ... هي احسن من غيرها و لا شعووريا بتشووفون فيها اشيه زيينه و بتخخفووون من حكمكم علييها


ولي تشوووف حرمة اخوووها زيينه الف حم و نعمه و انشالله العلاقة تقوووة



انا قبل كنت وايد انتقد لكن شفت انه محد كامل و يوم غيرت فكرتي ... شفت وايد اشيه زينه فيها


ساعات بسبب تسرعنا في حكمنا نظلم الاشخاص الي حوالينا بسبب هواجس مالها داعي و حتى لو كان لهها داعي


احنا ماله داعي نخلي هل شي ياثر


سووو الشي لكم و لنفسكم و دووووم سوو واجبكم و لا تتوقعون ردة فعل .... مو علشانهم هم لا علشانج و علشان نفسيتج و نفسج


و صدقووني خواتي لو بس احنا نعطس نفسنا وقت نغييير طريقة تفكيرنا ساعات و نتبسط وايد امووور وااااايد اشيه حوالينا بتتغيييير


في النهاية قووولوا كل انسان في الدنيا فيه اشيه زيينه و نحاول نركز على هل اشيه الزينة اكثر من الشينه علشان نطور من هل اشيه الزينة سوه لنا احنا او لغيرنا

علاقتنا مع بعض سمن على عسل
ما شاء الله لا اله الا الله

صراحه انا مو اكرها بس مارتاح لها لان

هي تتعمد تأ ذيني

البنات اللي يمدحون حريم خوانهم ... الله يهنيهم ولايغير عليهم ..

والبنات اللي يذمون في حريم خوانهم ... الله يعينهم الصراحه ...

وأنا اخواني فديتهم للحين ماتزوجوا عشان اقول رايي ، بس إن شاءالله يكونون من النوع الأول اللي ذكرته ,,,

والله انا عندي مرت اخو الله لا يوري احد فيكم

الود ودها تقطني بالشارع انا واامي

وبدون سبب حتى زوجها مب مرتاح كل يوم مسوية له مشكلة على اشياء تافهه

لاهي تبي تكون مستقله بحياتها ومحد يلعوزها ولا تبي الناس يكونون حولها ويحبونها

مادري شاللي تبيه من الدنيا

حتى اهلها يبون الفكة منها واخوانها وخواتها كل يوم يقطون عليها كلمة لين تطلع من بيتهم وترجع بيتنا

واحنا معززينها ومكرمينها ومب باين في عينها

الله يعين الجميع وياربي يهديها او يفكنا منها

السلام عليكم ورحمة الله وبركاته

عندي زوجة اخ وحده بس نتعامل كأننا اخوات الحمد لله

كله نسولف ونمزح ويا بعض بحدود الادب والمعقول يعني لهم الحين 13 سنة متزوجين ابدا ما صار بيننا اي موقف الحمد لله

تسلمي الغالية على الموضوع الحلو

مشكوره اختي على هذا الموضوع الحلو والحمد الله حريم اخواني كلهم حلوين وكيوسين وبنت ناس ومثل خواتي واذا صار بيوم خلاف بتانازل انا علشان اخوي صح كلامي اي اولا

والله موضوع حلو...والنقاش فيه احلا..

انا بالنسبه لي... اخواني توهم..صغار.والدرب جدامهم طويل...

وبالنسبه لخطيبي..فما عنده خوات..!..يعني مريحه راااسي بالمره!!..بس تبون الصج احسه ملل!!.. كان ودي تكون له على الاقل اخت!!!...

بس الحمد الله على كل حال...ولحد الان علاقتي بامه الحمد الله ..الله يتمم علينا..علاقة حلوه.. وطيبه والله يديمها علينا..

اخى صغير لسة لم يتزوج

ولكن بعد زواجة لن ندع للمشاكل طريق لاننا عائلة مسالمة لا تحب النكد

كما ان ايقاع الحيا السريعة التى نحياها لا يعطينا فرصة قيل وقال

ربنا يسعد الجميع :clap:

الحمد الله على اخواني الاربعة , وايد احبهم وهم يحبوني لو اطلب لبن عصفور بيبونه لي , والحمد الله بعد حريمهم وايد وايد طيبات. ولاني احبهم وحترمهم وايد وهم يبادلوني نفس شي. خاصة حرمة اخوي العود لانه عاشت معنا اكثر من 12 سنه معنا في البيت هي وايد تحبني وانا بعد احبها وعزها حتى أكثر من اختي الوحيدة, ولاني انا بروحي بالبيت واختي متزوجة . فانا اعتبر دلوعة البيت. دايما اطلع معهم واسير معهم واسافر وين يسافرون مع العيال. حتى اخواني يعتبروني مب اختهم لا يعتبروني وحده من عيالهم مع اني مب صغيره ولا هم كبار. ودايما حريم اخواني لما يشترون شي يشترون لي هدية.


اساسا نحن مع عائلة معروفة جدا بطيبتنا وايد ونحترم الناس وما نسوي المشاكل , لدرجة ان وايد ناس يكلمون ابوي وامي عشون يزوجون بناتهم لاخواني وشي ناس وايد زعلو منا وقاطعونا لان اخواني توزجو حريمهم. وامي وابوي الله خليهم ويطول عمرهم وايد طيبين ويحبون حريم اخواني ويعتبرونهم بناتهم مب حريم عيالهم. وادا واحد من اخواني زعل حرمته يا ويله من ابوي وامي.


انا اعتبر ادا الام واخت الزوج طيبات ويحترمون زوجة الاخ , هي بتبادلهم نفس شي , الا ادا كان طبعها مب زين هدا موضوع ثاني.

احنا عندنا وحده بس
وماشالله علاقتنا معاها زينه واهيا علاقتها معانا زينه

الله لايغير علينا ولا يغير عليكم يا بنات

موضوع حلو

ويستحق النقاش...

يجب ان يكون الطيب من الطرفين
عشان تستمر الحياة بنعيم

المشاكل وأختلاف الأراء تحدث في كل بيت وبين كل شخصين بس اهم شي محد يتعدى حدودة واكرة شي التدخل بخصوصيات الغير

ولازم نقدر وضع بنت الناس ونترك لها مساحة من الحرية هي صحيح زوجة أخ بس ما شريناها من ابوها لها حق ولها مزاج ولها طباع ولها حياتها

وكما تدين تدان

انا اقول إلي تصير زوجة اخوي محظوظة حيل لأنه امي وايد حنونة وطيبة وماترضي عليهم بالهوى إلي يهب

بس لما زوجة اخوي تضرب عيالها جدام امي وااو تقوم القيامة عندنا امي ماترضى بمبدأ الضرب ابدا مهما سوى الطفل.....

عذب القوافي:


ولازم نقدر وضع بنت الناس ونترك لها مساحة من الحرية هي صحيح زوجة أخ بس ما شريناها من ابوها لها حق ولها مزاج ولها طباع ولها حياتها

.....

انا اوافق اختي على هالنقطه ...مهما كان الاهل يعتقدون انهم طيبين و يحبون مرت ولدهم أو اخوهم .. مو لازم يشركونها في كل طلعاتهم و جياتهم .. و يشرهون عليها اذا ما جات .. لأن هي بعد لها حياتها

و بالنسبه لي .. اخواني بعدهم ما تزوجوا ...
بس اعتقد انه علاقتي مع زوجات اخواني في المستقبل ..بتصير رسمية .. تجنباً للمشاكل .. و بـصراحه مهما كانت طيبه ماراح توصل لدرجة اختي .. لا اختي غييييير ... (ما ادري هذي وجهة نظري)

و انا تعاملي مع الناس عموماً طيـب .. بس بحدوود يعني ما اجااامل بزياده او اقط وجهي يزايده...


لأن عندي قااااعده .. و هي اللي اعتقد اني بسويها مع ام و خوات رجلي في المستقبل ..

احترمهم اوكي و اتعاملهم معهم بطيبه ,, بسسس ما اجاملهم على حساب نفسي و راحتي او اوافقهم على اشياء ما تعودت عليها ... لأن اللي يجامل الناس بزيااده يتعب بسسسرعه و يقلب عليهم بسرررعه ..
ام اللي يعامل الناس على طبيعته ... يستمر كما هو ...

و و بس ...

و تحياتي لكِ اختي على الموضوع الحلو

عذب القوافي:
موضوع حلو

ويستحق النقاش...

يجب ان يكون الطيب من الطرفين
عشان تستمر الحياة بنعيم

المشاكل وأختلاف الأراء تحدث في كل بيت وبين كل شخصين بس اهم شي محد يتعدى حدودة واكرة شي التدخل بخصوصيات الغير

ولازم نقدر وضع بنت الناس ونترك لها مساحة من الحرية هي صحيح زوجة أخ بس ما شريناها من ابوها لها حق ولها مزاج ولها طباع ولها حياتها

وكما تدين تدان

انا اقول إلي تصير زوجة اخوي محظوظة حيل لأنه امي وايد حنونة وطيبة وماترضي عليهم بالهوى إلي يهب

بس لما زوجة اخوي تضرب عيالها جدام امي وااو تقوم القيامة عندنا امي ماترضى بمبدأ الضرب ابدا مهما سوى الطفل.....

أنا مع عذب القوافي , ان بنت الناس لازم نتركها على راحتها وكل وحده لها حياتها وطبع غير.
خاصة ان اول سنه من الزواج بتكون اصعب فتره بين الزوجين وبعد مع الاهل الزوج . انا قول بصراحة ان اول ما تزوج اخوي صارت شوية مشاكل بيني وبين حرمة اخوي, وبعد فتره هي فهمتني وانا فهمتها , وبعد اخوي ابدا ما تدخل. لانه يدري ان بيزيد المشكله . والحين الحمد الله .

انا عن نفسي من يتزوج حد من اخواني اعامل زوجته على انها اختي يعني مثل ما احب لاختي احب لها و لا انسى ابدا اني اعاملها على انها اختي في الله عشان ربي يوفقني مع زوجات اخواني و الحمد لله انا و خواتي و حريم اخواني مثل الخوات بالضبط الله لايغير علينا و ايضا اذا كنا مرتاحات مع حريم اخوان و هن مرتاحات معانا بالتالي اخواني فديتهم بيكونون مرتاحين

أنا أخي بعدوا صغير على الزواج ولين يتزوج انشاؤ الله تكون علاقتي مع زوجته

علاقة حسنة مليانة ود واحترام:shy:

شكرا لموضوعك اختي

بالنسبة لزوجة الاخ

والله مادري شقول لك

مانشوفها ابدا الا بالمناسبات

واولادها مانشوفهم

وعلى الرغم ان احنا مانشوفها

مشاكلها موصلة للبيت


وحساسة لاخر درجة

على كل كلمة تركز عليها

وتروح تشتكي عند اخوي

واخوي يجي يزفنا

هذه اول وحدة

اما الثانين مو اجتماعية ابد ولاتدري عنا

يعني باختصار ولا وحدة منهم متوفقين وياها

شكرا لموضوعك اختي

بالنسبة لزوجة الاخ

والله مادري شقول لك

مانشوفها ابدا الا بالمناسبات

واولادها مانشوفهم

وعلى الرغم ان احنا مانشوفها

مشاكلها موصلة للبيت


وحساسة لاخر درجة

على كل كلمة تركز عليها

وتروح تشتكي عند اخوي

واخوي يجي يزفنا

حاولنا بكل الطرق نزرع الورد وياها

ولقينا ان احنا نجني الشوك بداله

هذه اول وحدة

اما الثانين مو اجتماعية ابد ولاتدري عنا

يعني لو مانتصل فيها او نرسل لها مسج

ماتتصل ابد ولاترسل مسج

يعني باختصار ولا وحدة منهم متوفقين وياها