اللي تعاني من التهابات بخبركم شي مهم

انا بخبركم شي مهم جدا عشان الالتهابات
صديقة الوالده دكتوره وهي اللي خبرتني ها الكلام من سنين (يعني قبل ما اتزوج)

قالتلي اول شي لازم الاظافر تكون مقصوصه دايما لان الاظافر الطويله تنقل جراثيم
وبعدين لما تبين الحمام لازم تغسلين ايدج عدل بالماي والصابون، وبعد ما تخلصين حمام لازم تغسلين المنطقه بالماي والصابون باليد لاني ادري في بنات بس تستعمل الماي بدون تنظيف باليد.

انا خبرتني ها الكلام قبل ما اتزوج عشان ما تيلي التهابات


وقبل العرس سألتها على طريقه النظافه بالنسبه للمتزوجه، قالتلي ان بعد المعاشره يجب تنظيف المكان بالماي والصابون باليد عشان ينظف عدل، وقالتلي كل ما تستعملين الحمام لازم تنظفين بالماي وايدج عدل. (وها الكلام للبنات والمتزوجات بس طبعا البنت بس من بره بس المتزوجه لازم تنظف بايدها عدل المنطقه خصوصا بعد المعاشره)

ثاني شي ماتنظف ورا وبعدين قدام عشان ما تنتقل الجراثيم، التنظيف قدام وبعدين ورا .... اتمنى فهمتوني

وبعدين لازم تنشفين بفوطه صغيرة مب كلينكس
انا اشتريت فوطه حلوه ناعمه مب خشنه وقصيتها اكبر من الكف شويه ولما ادخل الحمام انشف فيها يوم اخلص وتتغير في اليوم مرتين او ثلاث، وحاطه العلاقات الصغار البلاستيك في الحمام في مكان بعيد عن الماي عشان ماييلها صابون وتتهوى عدل.
بس في الدوام طبعا مضطره استعمل كلينكس، هي قالتلي ان الكلينكس ممكن يتفتت وتم بقايا في المنطقه وانت ما تشوفيها
ويوم اسبح استعمل صابونه ديتول وبعد ما اخلص ايلس كاني في حمام ارضي واتغسل عدل بالماي واليد

والله العظيم ان كلامها وايد فادني وما يتني التهابات ابدا الحمدلله لاني بعد اهتم ان اظافري تكزن مقصوصه عشان ما يكون فيها جراثيم.

والله يا بنات وحريم سوا مثلي وبترتاحين وايد وعلموها للي تعرفونهم.

وسلامتكم