ساعدوووووني؟؟

إختي حيره .. في البدايه أحب اهنيج وبالتوفيق انشاء الله واتمنى لج الحياه السعيده ..
شوفي أختي .. البنت أول ما تتزوج تتمنى تسوي كل شئ في زواجها ,, لأنه أسعد يوم في حياتها .. لكن بالنسبه لام الزوج .. انتي المفروض تكسبينها وتكونين مرتاحه معاها .. مو شرط الأم اللي تكلم ولدها بأنه يهتم بمصاريف الزواج ويخفف منها انها ما تحب زوجته اللي بيرتبط فيها انشاء الله ,, او انها ما تبي الخير حق ولدها .. بالعكس الأم تحس في ولدها وتنصحه انه ما يبذر .. لأن التبذير حرام ,, وانتو وراكم مسؤوليه بعدين وبيت وعيال انشاء الله ,, فهي تبي منه انه يخفف فقط لا غير في النهايه انتي اللي راح تعيشين معاه وعشان تعيشين مرتاحه لازم تكون المادية حلوه ..وحتى لو سألت شو حطيتو شو أخذتو ....... الأم تبي تتطمن على ولدها وبنفس الوقت مستانسه اكيد ،، تبي تفرح بعد ،، مشي وياها الأمور ولا تتحسسين منها لأنج بتعيشين معهم
حبيبتي حطي مكانج مكانها ،، ماراح تحاتين ولدج من الخساير اللي مالها معنى والإسراف ،، لازم بتنصحينه وبتكلمينه عدل ولا لا ؟؟
وبعدين يا حبيبتي .. البنت لما تهتم بشؤوون زوجها من البدايه وتحسسه انها تبي مصلحته وتحافظ على ماله يحبها أكثر ،، يقول هذه زوجتي تخاف عليي ،، تخيلي انه مديون وما عنده ماديه بعدين لا فتحتو بيت كيف راح يصرف ,, راح تكون العيشه ضيقه ,, المفروض عليج انج تحاولين تبينين هالأشياء لزوجج من الحين ,, صحيح انج تبين حفله وتعزمين فيها اهلج وحبايبج ,، وصدقيني هو مستعد انه يسوي لج أكبر حفله تتخيلينها ،، ما راح يقولج لا،, لكن بنفس الوقت حسسيه انها حفلات ما تتكرر وبنفس الوقت تبين تفرحين لكن مو بإسراف ومخاسير ،، لو انها تكون على قد الحال .. صدقيني الريال اللي يشوف حرمته تفكر بهالطريقه يحبها أكثر ويحطها في عينه ويكون مستعد يتخلى عن عينه عشان زوجته تفرح بس ، في وايد حريم تزوجوا لكن ما خذوا الريال شخصيا ،، لا .. خذوا محفظته ،، يحبون البيزات ،، لكن في النهايه هن اللي خسرن وتزوجوا عليهن,, وامه حاولي تكسبينها لأنها في النهايه أمه وهو راح يكون في قمة السعاده لما يشوف امه وزوجته سمن على عسل ,, الحياه مو بالماديه وبس ,, الحياه أهم شئ الإستقرار النفسي والعاطفي وبعدين المادي ,, لازم الزوجه تكون حريصه على زوجها في كل شئ ,, بيته وعياله وماله تحفظه وتصونه بعيد كان أو قريب.. لأنه بهالطريقه يكون الزوج راضي على زوجته ويحقق لها كل اللي تتمناه ,, هذه نصيحتي لج يا اختي ، الله يتمم لج على خير انشاء الله ويحقق لج كل ما تتمنينه ويوفقكم يارب ودعواتج لي ..

والسموحه

حبيبتي تركي عنج هالامور اذا هي زينة معاج وزوجج يحبج مالي داعي تكبرين الموضوع.. يمكن صج ظروفهم صعبة وهو مايقدر ويمكن اخوه كان مستطاع اكثر منه..اذا المشكلة بس فس هالشي لاتخلينها ببالج وتكرهينها..

انا رايي تكسبينها.. لانكم اذا ما صرتوا حبايب بتدخلون في مشاكل مل له نهايه.. ولا تنسي انها ام زوجج... واكيد اتهمها

مصلحة ولدها.. و لا تنسين رضى الله من ررضا الوالدين... والواجب انه يطيع امه اول قبل ما يطيعج...

سؤال؟؟؟؟؟؟؟؟؟؟؟؟

الزوجه اتطيع ريلها ولا امها؟؟؟

الزوج يطيع حرمته ولا امه؟؟؟؟؟ اتريا الرد بامانه

وعلى فكره انا خاطري اتكون لي عمه لاني عمتي اتوفت قبل ما اتزوج مع انه والله العظيم البعض يحسدني لاني ما عندي

عمه يقولون "يا يحظج"

bent el ba7rain:
حبيبتي تركي عنج هالامور اذا هي زينة معاج وزوجج يحبج مالي داعي تكبرين الموضوع.. يمكن صج ظروفهم صعبة وهو مايقدر ويمكن اخوه كان مستطاع اكثر منه..اذا المشكلة بس فس هالشي لاتخلينها ببالج وتكرهينها..

وانا معت بنت البحرين بارك الله فيها

مشكورين يا الغاليين على الرد وبالعكس يا جماعه والله شاهد علي اني احبها واعزها واحترمها مثل امي واذا قالت لي شيء يزعل بالعكس ما ازعل عليها لانه اعتبرها مثل امي بس في اشياء المفروض العمه ما تتدخل فيها هذا الي كان قصدي اقوله

حبيبتي تركي عنج هالامور اذا هي زينة معاج وزوجج يحبج مالي داعي تكبرين الموضوع.. يمكن صج ظروفهم صعبة وهو مايقدر ويمكن اخوه كان مستطاع اكثر منه..اذا المشكلة بس فس هالشي لاتخلينها ببالج وتكرهينها..

والله يوفقج ويسعدج دووووووووووم


عزيزتي طماطم 2000 الزوجة اطيع امها في طلبات تخصها وتخص امها

والزوج كذلك يطيع امه في امور تخصة ويخصه

اما اذا كان على حساب الزوج او الزوجة ، فأعتقد محد له حق انه يطاع