مرحبا بنات...
شو اخباركم؟؟!!
هذا اول موضوع لي بالمنتدى واتمنى انه يعجبكم :)
كل يوم اكتشف اني "دأة أديمة" على قولة اخوانا المصريين تدرون ليش؟؟!!!!!!
لأن خواتي الاصغر مني ينادوني بالهبلة ويقولون انتي غلط عايشة بهالوقت يايبينج من العصر الحجري شو ؟؟ تدرون ليش؟؟
لأن انصدم بالثقافة الراقية جداااااااااا الموجودة عند بعض الاطفال والمراهقين واللي يدل على انهم فعلا متربيين تربية صالحة احسن منها مافي!!!!!!!!!
موقف صار من شهور وتذكرته من يومين وقررت اكتب عنه مع أني مضايجة ان كيف جي شو صار بالدنيا وين الادب والاخلاق والتربية الصالحة والاهم من هذا كله الوازع الديني اللي انعدم عند اكثر بنات هالوقت
الاشخاص: طالبات في المرحلة الاعدادية والابتدائية يعني اعمارهم بين 10 و15 سنه..
المكان: باص مدرسة المفروض انه يحتوي بنات ناس وعوايل
الموقف:
ضرابة عادية بين شلتين تبدا بالمزاح وتنتهي بقلة الادب وشتم العوايل والتلفظ بالفاظ سووقية تخلو من الادب وحسن الخلق..
المهم تدخل اختي معصبة: صدق انهم ما يستحون كان اهاليهم ما تعبوا عليهم وربوهم
سالناها ليش؟
ردت رد ما فهمت اغلبه لانها كانت معصبة وانا ما كنت مهتمة قلت يمكن ضرابة عادية واتفاحا بعد شوي بانها تقول: قالوا كلام استحي اقوله حتى المعرسة تستحي
ياني فضول وزاد فضولي بعد تهربها من سؤالي شو قالوا وياليتني ما سالت تدرون ليش؟
لأنها قالت شو قالوا بس انا مافهمت ويوم سالتها شو يعني قالت لي روحي زين هذا اللي ناقصني اشرح حق وحدة اكبر مني كلام مثل هذا بس فعلا انا ما كنت فاهمة..:sad: :sad:
كلمات والله لو سمعها أي حد بيشيب شعر راسه وامي لو سمعتنا نقولها والله والله لا تكسرنا عقبها تعطينا كف يطيرنا يوصلنا للمريخ ولا يردنا..
الفضول بيذبحني عرفت ان الكلام خايس ما تقوله وحدة محترمة وبنت ناس المهم رحت اسال ربيعاتي وانا مستحية وخايفة البعض كان غبي مثلي والبعض يستحي يجاوب والبعض قرر انه يشرح بس باسلوب غير مفهوم يسكتني يعني لي مالقيت وحدة من ربيعاتي تعرف المعنى "بس هذا ما يعني انها مش متربية" سالتها وهاوشتني بالبداية ان كيف جي تقولين وشو هالاسئلة اللي تسالينها يوم قلت لها الموقف خبرتني المعنى وياليتها ماقالت لان ويهي صدق قفطططططططططططططط..
انا اللي استغربه كيف جي البنات يتلفظون بالفاظ مثل هذي لدرجة انها صارت اشيا عادية عندهم "مثل السلام عليكم" يعني..
يعني بدل ما تناديها باسمها او تقولها يابنت فلان او بلقب الواحد يفتخر به تناديها وتقول يالــ...........!! ( اترفع عن كتابة هالكلام)
سؤالي هل انا فعلا غبية وياية من العصر الحجري لاني ماعرف شو معنى هالكلام؟؟؟؟؟؟
وهل الطفل او المراهق اللي يسمع هالكلمات ويمكن يقولها لازم نحاسبه عليها؟؟؟؟
يمكن مايعرف انها غلط وما يعرف معناها قالها لانه سمعها فهل لازم انا اغلط واقوله معناها عشان يعرف انها غلط والمفروض ما تنقال ؟؟؟؟؟؟ <<< اثقف الولد يعني شوفيكم الله يستر على عيالنا بس..
في هالحال اتوقع ان فتحت عينه على اشيا المفروض مايعرفها!!!!
وهل هالمراهقة اللي تتلفظ بهالاشيا هي فعلا مثقفة ومنفتحة وهي اللي عايشة صح ونحن غلط؟؟؟
كلمات لا تعرف معناها الا من بلغت من العمر ما بلغت وبعد ان انجبت من الاطفال ما انجبت فهل يوجد وجه شبه بينها وبين تلك المراهقة التي لم تتعدى بعد سن15
كتبته نتيجة قهر...استغراب....وخوف على اطفال المستقبل واللي ما نعرف كيف بيكونون الله يستر بس.. واللي تحس انه الموضوع يهمها وناقص ياليت ما تبخل علينا برايها ويزاكن الله خير..
واسمحولي طولت عليكم..
ثقافة ام قلة ادب
ن
24-07-2006 | 07:52 AM
ع
24-07-2006 | 12:21 PM
لا أختي أنتي مهب جايه من العصر الحجري لكن هم اللي تجردت الأخلاق والدين والقيم منهم بسب أهمال الاهل , والله يكون بالعون .
لك تحياتي .
لك تحياتي .
أ
24-07-2006 | 12:33 PM
لا اختي هذي قلة ادب الصراحه
و احنه يوم كنا في عمرهم ماكنه نتجرا نفكر في هالكلام مب نقوله
الصراحه هالزمن كل شي فيه تغير
و الله يهديهم و يصلحهم
و احنه يوم كنا في عمرهم ماكنه نتجرا نفكر في هالكلام مب نقوله
الصراحه هالزمن كل شي فيه تغير
و الله يهديهم و يصلحهم
&
24-07-2006 | 02:00 PM
استغفر الله
مع الاسف ان هالظاهر منتشره وايد وايد..بحكم ان عندي اخت فالثانوي وتحكيلي عن سوالف البنات
تخيلوا الحين عادي البنت تتكلم عن حبيبها وكانها تتكلم عن اخوها
بس للامانه ترا مو\كل البنات اهلهم مقصرين فتربيتهم لان اللي عرفته هالبنات من يوصلوا البيت ما يسترجوا ينطقوا هالالفاظ قدام اهاليهم
نصيحة مني ...كل وحده تسلح ولدها او بنتها وتفهمها من البدايه انه في الفاظ بيسمعها وتحدد ان اللي مو متربي بس اللي هو يقولها
مع الاسف ان هالظاهر منتشره وايد وايد..بحكم ان عندي اخت فالثانوي وتحكيلي عن سوالف البنات
تخيلوا الحين عادي البنت تتكلم عن حبيبها وكانها تتكلم عن اخوها
بس للامانه ترا مو\كل البنات اهلهم مقصرين فتربيتهم لان اللي عرفته هالبنات من يوصلوا البيت ما يسترجوا ينطقوا هالالفاظ قدام اهاليهم
نصيحة مني ...كل وحده تسلح ولدها او بنتها وتفهمها من البدايه انه في الفاظ بيسمعها وتحدد ان اللي مو متربي بس اللي هو يقولها
ن
24-07-2006 | 04:21 PM
مشكورات خواتي عالمرور وصدقتن الوحدةمنهن من تعتب باب بيتهم تصير خوش بنية ومؤدبة بس برا الله يستر بس..
ونحن للحين والله ما نتجرا نقول هالكلام بس شنقول غير الله يعين..
طيب يوم تقولين للولد هالالفاظ مب اوكي ممكن يسالج عن معناها او يروح يدور عالمعنى عند غيرج وما تعرفين الشرح او الكلام اللي بينقاله شو بيكون ولا شو رايكم؟؟؟؟
ونحن للحين والله ما نتجرا نقول هالكلام بس شنقول غير الله يعين..
طيب يوم تقولين للولد هالالفاظ مب اوكي ممكن يسالج عن معناها او يروح يدور عالمعنى عند غيرج وما تعرفين الشرح او الكلام اللي بينقاله شو بيكون ولا شو رايكم؟؟؟؟