مشروع بسيط بس حلو...محتاجه مساعدتكم

اممممممممممممم الغاليه اولا بالتوفيق في كل شي شي بس

اتنا من دبي و احب اقولج ان اكثر تجار السعوديه وعمان وقطر والبحرين ياخذون بضايعهم من دبي والشارقه وعجمان

يعني الامارات

اوكي ساعديني

ومنكم نستفيد

الغاليه انامن دبي

و لو حابه اوفر عليج المشوار و يكون تعاون بينا
انا حاضره و بالشوفه في اي وقت
بنتفق على نوع البضاعه و المبلغ المحدد لراس المال و ان شاء الله ما اقصر معاج

نفيد و نستفيد

هلا اختي انا من الكويت

واحنا دايما نروح الامارات نجيب بضايع مع العلم ان الكويت فيها كل شي

بس الحريم عندهم الشغلات البعيده حتي لوانها موحلوه وغاليه بس حلوة

وبالنسبه للكويت ارخص شي عندنا جمله الشايع وهي بسوق الديره

وعبي وملافع الفروانيه - مجمع النمران

والله ما كثر عندنا المحاميد

وحياج الله

بالكويت الي اعرفه احسن سوق للجمله اسمه سوق الجمله بالكويت واااااايد روعه ورهيب وبيعجبج اكيد.

باجي الدول ما اعرف عنهم شي

مرحبا أختي
أنا حبيت آفيدك
أنا مرة يبت بضاعة من الكويت وهي عبارة عن بيجامات رهييبة وكشخة تصلح للكبار والبنات أسعارها جداً حلوة وأخذتها بالجملة وتصوري من بين البضاعة بيجامات من ماركة لاسنزا وهذي ربحت فيهم وايد مع أني ما شفت الماركة جان خذيت منهم أكثر ....
المهم بقولك عن المكان أهوه في مجمع قديم يم سوق الذهب آتذكر أن فيه محل أسمه طاهر أباد يبيع جلابيات بالجملة وخلي هذي دليلك لأني مو متذكرة أسم محل البيجامات ولا تنسين أسواق ( المحاميد) (وبيت أولادنا) ...
إنشالله كفيت ووفيت
وبالتوفيق

مرحبا يااا قلبي

انا من الكويت وعندنا بضايع بالهبل

بعد اذا خذيتي بالجمله شي طبيعي راح وايد يرخص عليج السعر


المهم اذا تبين نصيحتي الحين احنا طايحين بالصين صج تذكرتهم تصللللللللللخ قيمتها 700 دينار

ويمكن الشركات الثانيه اقل

وهم عند تايلند وماليزيا وهسواااااالف رخييييييييييييييييييييييييييييييييييييييييييييييصه حدهااااااااااااااااااااااااااااااا

بس يبيلج تشوفين منو الي يدل فيهم عشان تروحين تشترين

المهم اذا تبين اي شي عن لكويت قوليلي وانا ادليج اماكن وااااايد

عندج المباركيه هذي كل شي فيييييييييييييها

مكياج وجناط واكسسوارات كل شي ورخاص وايد وعند مخلطات وبخور وهسوالف

بس يبيلج كم يوم وانتي تلفين فيه لانه كبييير يعني هذا كل شي بتلقين فيه

واذا تبين بجامات عندج المعلم وايد حلو ورحيص المهم اي شي تبين تسألين عنه ارسليلي على الخاص وانا ادليج اياهم

واي شي تبينه انا حااااضره

تسلمووووووووووووووووووووووووووون يالغلا


:shy: ضي الغروب.... الصين تذكرتها غاليه شوي والمبلغ الا عندي يكفي بس الدول اللي يمنا من جذي فكرت بالسعوديه والكويت

إذا جبتي البضاعة راسليني على الخاص
عشان اجوووف بضاعتج
و بسوي لج دعاية لوجه الله ..