لحقو علي وعطوني رايكم زوجي بيذبحني!!

البنات ما قصروا وياج
وكلنا معاج
ماعندي كلام اكثر اضيفه
انتي تعرفي مصلحة نفسج اكثر عن الكل
بس انصحك لا تفكري بنفسك كثير ولو على دراسه
الدنيا ماهي الا جبر خاطر، ضحي لعيونه وراح يذكرج بمماتج
والسموحه منج

ياربي كون بعونك اختي
والله يعينك وترى اختي زيك كذا تقول ان زوجها يحب اهله اكثر منها وهي زيك بعد تحب اهله وتقدرهم بس لازم يكون لها حب ومكانه بقلب زوجها

هذا يا اختي الكريمه اسمه بخل انتقائي تعرفي يعني ايش بخل انتقائي يعني يكون بخيل على ناس وناس يعني انتي ما يحقق لك اي طلب واهله يحقق لهم كل طلباتهم
الله يكون في عونك
ومالك وانا اختك الا الدعاء قومي صلي ركعتين بالليل وادعي الله عز وجل الله عزوجل يقول ادعوني فاستجب لكم ادعي وصدقني الله بيحقق لك اللي تبين
ربي يكون في عونك

بندري

يا حبيبتي توج صغيره وفبداية زواجج ما شفتي شي بعد :) لازم تتحملين وتتعلمين شلون تتعاملين مع الرجال

برايي انج تبينين له انج زعلانه عليه ومتضايقه منه يعني لا تسولفين وااايد معاه ولا تضحكين

اذا كلمج ردي على قد الكلام واهتمي فبيتج وباكله وشربه ولاتعطينه اكثر من حقه يعني بس

ادي واجبج كزوجه بس واتبعي هالاسلوب فترة وهو اكيد بيلاحظ التغيير وبيسألج طبعا مو على

طول تفلينها معاه وتقوليله لا لازم تتدلعين شوي عليه (( يعني مافيني شي .. ابد سلامتك ))

لما يصرررر عليج عاد قوليله باللي يضايقج منه ... وانا مع البنات تقربي من اهله اكثر وخصوصا

امه وابوه لأنه يحبهم ولهم مكانه وكلمه عنده يعني لما تكسبينهم بيكون هالشي لصالحج حبوبه ..

ولا تنسين الدعاااااء

وربي يوفقج ويهنيج ويسخر لج زوجج ياااارب

شوفي حبيبتي لا تشتكين لا حق أمه ولا حق أمج .. وهذا راح ينفعج مع الزمن .. وفي يوم راح تكبرين في عينه لما ينتبه بنفسه انج صابرة عليه وما شكيتي منه لأحد .. بس في نفس الوقت كوني ذكية في طلباتج .. وتقربي على قد ما تقدرين من أمه ولا تشكين عندها وهي بنفسها اللي بتوصيه عليج .. كوني دايما لطيفة معاه لما يرجع البيت ( مع انج ميته من القهر من داخل) لازم يكون في البيت شي يريحه علشان يجيه الريال دايما يتواجد في الأماكن اللي تريحه .. وبالنسبة للتعليم وضحي له ان هالشي مهم لكم ولعيالكم .. وخليه يوثق فيج لأبعد الحدود .. أصبري عليه على قد ما تقدرين تراه لين شاف طيبج معاه إن شاء الله بيتغير .. ودايما ذكريه بالعبادة وبالصلاة وبدينه ..

يا عزيزتي الله يصبرك على بلواك لكن صدقيني انتي مو اول وحده ولا اخر وحده تتعرض لمثل هالموقف وما في مشكله ما لها حل بس انتي طولي بالك وقوي ثقتك بالله وصدقيني بيدك كل شي..
حاولي تغيري من روتينك تعدلي تكشخي حتى لو كنت ماتطلعين ضحكي حاولي تجلسي ويا زوجك اكثر سولفي معاه دردشي سوي له مفجأت اول مايرجع من الدوام دلعيه حسسيه بالحنيه وشاركيه ولا ترفضي له طلب بس بنفس الوقت حاولي تقترحي وانسى كل حاجه ابدي رايك لاتخلي ببالك انه يعصب او غيره (جذبيه لك باسلوبك) خليه يحس بتغير صار.ز
طبعا كل ذا بالتدريج ابدي من وين ترتاحي عشان تتحمسي زياده والله الموفق
والسموحه منك شكلي نسيت نفسي وطولت

لاتنسي تبشرينا بكل خير انشاءالله

اسمحيلي *فراشة خالد * بكون صادقة معاج زوجك اناني وانتي (اسمحيلي على هذي الكلمة )انتي سلبية زوجك استغل طيبتج واااايد؛حبيبتي لازم تاخذين موقف جامد لازم اللحين تقررين تكملين معاه على هالمنوال وتستحملين وانتي ساكته ومحد يدري عنج او تكلمينه علشان يعمل حد حق هذي التصرفات انتي لج حقوق ماخذتيها كله متنازلة عنها ليش ماااااادري؟
حبيبتي لازم اهلج يدرون اذا رفض يعطيج حقج ،ليش اسرارج عند اهلة وانتي ماقلتي حق هلج شي عن الحياة اللي انتي عيشتها .
حبيبتي الله يكون في عونج ويلهمج حل لهذي المشكلة اسمحيلي على الاطالة بس بصراحة وااااايد انقهرت يوم قريت قصتج

عزيزتي فراشة خالد


غاليتي الله يكون في عونك ويلهمك الصبر ...............


حبيبتي......... كلامي اللي راح اقوله ما راح يزيد عن كلام البنات اللي حسيت انهم معاج وخايفين


عليج...


حبيبتي ..انتي قد سألتي زوجج في يوم من الايام اذا تحبني ولا لا؟


اذا جاوبج بنعم .. قولي له اللي يحب يعامل اللي يحبه كذا ؟ بيقولج على طول انا شو سويت


قولي له اللي بخاطرج كله بس بأسلوب حلوووووووووووو مش بعصبية !!!!


لان العصبية ما راح تثمر بشئ

والله يساعدج و يسخر لج زوجج يالغالية

ودمتــــــــــــــــــــــــــــــــــــــــــي بـــــــــــــــــــــــــــــــــود

الله يهدي زوجج ويحنن قلبه عليج

بس كم الفرق العمري بينج وبين زوجج ؟؟

حبيبتي والله مشكلتج مب هينة بس الحل في ايدج انتي ياعسل ... انتي قلبج طيب وايد الظاهر واللي يزيد الطين بله هو تنازلج السهل .....المشكله مو في الطيبة ولا في التنازل ...
حللي المشكلة من البداية ......حمدي ربج ياحياتي انه ريلج بار بأمه وبأهله ويحبهم حتى لو كان على حساب حياته الخاصة لان ياعيوني اللي مافيه خير بأهله مابيكون في خير لج انتي ... وهذي أول نقطة ايجابية وتبشر بخير ....
بعدين ياحلوة انتي توج صغيره عشان هالشي محتارة وموعارفة تتصرفين ونصيحتي لج لا تحاولين تحسسين ريلج بنقطة ضعفج هذي ( صغر السن ) وبيني حق ريلج انح انتي اعقل منه كيف؟؟؟
علاقتج انتي وياه سر بينكم فقططططططط يعني لاتفكرين مجرد تفكير انج تقولين حق امه أو اخته أو اي وحده من قرايبه او قرايبج انتي ولاتتساهلين بهذا الموضوع ابداًً انزين وبعدين ....
لازم بأي وسيلة من الوسايل ياحلوه حاولي انج تجلسين مع ريلج وتكلمينه لان الحياه الزوجية مالها معنى وماتستمر اذا انعدم الحوار ... انتي وريلج ياعمري شي واحد لا تحاولين تفصلين نفسج عنه ولا تخلينه هو يتعود على هالشي ....دايماً سإليه عن شغله عن حياته شاركيه في ابسط أموره وبعدين الهدايا ياعسل جددي حياتكم بهدية او بليله رومانسيه انتي بطلتها خليه يحبج واااااايد عشان مايبعد عنج ...
والاهم من هذا كسبي اهله وخليهم يكونون مفتاح سعادتج ... مثلاً اقترحي عليه تطلعون مع بعض تغيرون جو أو تسافرون مثلاً .. يعني انتي وشطارتج ..
ولاتخافين ولاتحاتين ياحلوة انشالله بتنحل كل مشاكلج بس خلي سلاحج الصبر والحب ..
وقبل لا أنسى حاولي تكملين دراستج بس بعد ماتكسبينه أكثر وتخلينه ما يقدر يرفض لج أي طلب ..
اتمنى انج تتوفقين ,,,واذا بغيتي أي استشاره ثانية لايردج شي ..

الحلم الهادىء:
هلا اختي...والله انقهرت على كلامج وعلى وضعج...عزيزتي انا مابي اقسيج عليه...بس ترى الريايل اذا خليتيهم على كيفهم بتتعبين...ولازم ماتتنازلين عن حقج...اولا بالتعليم..وثانيا بالترفيه والنزهات...ذكريه بحديث الرسول..اللي معناته ان اخير الناس هو اللي يكون اخيرهم لاهله

وانتي زوجته يعني شالفايده يكون حنون على اهله وقاسي معاج !!

بالنسبة للتعليم...قولي له ليش ماتبغيني اتعلم؟ ووضحي له ان هالشىء بيفيده هو اولا..وانتي ثانيا..وعيالكم بالمستقبل ! يعني زوجه متعلمه افضل بكل المقاييس من وحده ماكملت ثانوية ! اعذريني ماقصد شخصج بس بشكل عام يعني

وحاولي تقنعينه...قولي له او صج تحبني وتهمج صلحتي المفروض انته تشجعني على اكمال دراستي مب تشرط علي اني ماكملها لان هذا منتهى الانانية والجهل !

بالنسبة للخروج...لازم تتفقون على جدول..خذي حقج منه...!...قولي له ترضى لوحده من خواتك ان زوجها يسوي فيها اللي انت تسويه؟ حابسني ومخليني بالبيت وانت طالع ورايح على كيفج ومهملني !؟

مدري بس انا مقهوره...احس مستحيل اسكت على هالشىء !

الله يكون بعونج :(

:clap: :clap: :clap:

حبيبتي

في شغله ابي اذكرج فيها الا وهي انج ما تشتكين لامه ولا لخواته والله وانا اختج
بعد مرور الايام والسنين بيعايرونج
لانه وحده من صديقاتي كان يضربها زوجها وتشتكي لامه وابوه
والحين والله متحسفه على قد شعر راسه لانهم قامو يبدو بمعايرتها
والله يعينج ويعيني

نصييييييييييييييييييييييييييييييييييييييييحه لاتشتكين لامه صدقيني

لو امه من النوع المتفهم جان ما خلته كل اسراركم يقوله لها جان فهمته عيب عليك تطلع شي خصوصي بينك وبين مرتك

هذا شي
والشي الثاني

ترى طووول عمر الام لو مهما كان ولدها غلطان عندها اهي اهو صح ودايما تشمي بصفه لو شنوكانت تحبج الى من رحمه ربي من الخالات

امانه لا تطلعين اسرارج عند احد سأليني جربتها مره صج انه الشغله هذي ماطلعت لطبيعه خالتي ماتتحجى

بس والله ترد علي جني انا الغلطااااانه وتطالعني نظره جنه مو مصدقتني حتى ماتفاعلت معاي

ليش لانه ولدها عبالها خابصته وتعرف كل شي فيه الحمدالله تصرفت بروحي وريلي معاي الحين سمن على عسل

بس نصيحه اي حق من احقوووقج لا تسكتين عنه تدرين ليش

لانه عباله انه مو هامج او عادي عنده بيقول دامها ماتحجه خليها

طيب هذي شي بعد

لازم يعرف انه لانه مره له حقوق وعلى فكره الرسول اوصى على وقت بعد العشا للأهل الي اهي مرته ومن حقج يقعد معاج سوري طولت عليج لكن اهو خذاج ادميه منتي طوووفه يمر عليج ولا كانه عنده احد

لازم يونسج ويسلي وحدتج ويقظي اغراضج لايكون ماخذج بس حق الي يبيه وبس

لاحبيبتي لازم يفهم انه الحياة الزجيه مو بهطريقه لاء روح حق ابوك وزور اهلك لكن مثل ما تجابلهم لي حق تجابلني ماقولك لا تروح لاحد بي اقعد معاي لا بس لي حقوق

وطبعا انتي لاتقصرين قوليله هذا اذا انا مالي معنى بحياتك وذا ماخذني عبالك خدامه او صنم مالها شي بهدنيا ف هذا شي ثاني يعني خليه يحس على دمه وبسلوب حلو مو بسلوب زف

طيب

وفي شغله لازم ينتبه له

قوليله واذا انت ما تبيني اكمل دراستي اوكي لكن اذا صارت لك ظروف بهدنيا وانت رجال صعب يتسلف من الناس ياخذ من مرته اهون بالله شنو الي بتاخذ مني وانا حتى شهااده ماعندي

طيب مو بكره اعيالك بيدرسون بالله منو بدرسهم مو المفروض امهم تكون فاهمه شنو يدرسون عشان تفهم ولا اذا انته بتجابلهم وتدرسهم هذا بعد شي ثاني

تكلمي خل يصير لج حس شكلج مغلوب على امرها ياااقلبي والله قطعتي قلبيييييييييييييييييييييي

ترى والله انا نصحت وحده هل نصيحه وظبطت وياها قام يفهم لها ريلها بس طول ما انتي ساكته حقج بروح عليج

حدي قرقت ادري

بس اخر نصيييحه لووووووول والله اخر شي

دوريلج من الاحاديث عن الرسول صلى الله عليه وسلم عن وصياه لزوجه وشلون يعاملها الزوج وشنو حقوقها ومطويات عن معاملة الزوج لزوجه
وفي شريط اسمه بحر الحب رووووعه خليه يسمعه صدقيني بتأثر

في حلول عندج كثيره ودام زوجج يحبج شي طبيعي بحاول يتغير وربي يوفقججججججج

ويطلعج من غربتج

سوري والله على القرقه بس شسوي انقهرت عليج