رأيي فصالون الشموس

السلام عليكم ورحمة الله
بقولكم رأيي فصالون الشموس وبكل صراحة وما بيني وبينكم غير رب العالمين والله يشهد على كل كلمة أقولها .وأنا ما أبغي أسبب الضرر للصالون .لا والله يا جماعة الخيـر بس افهموني أبغي مصلحتكم
وما راح أغلط على حد :(
أنا سرت صالون الشموس ......بس شقولكم عنه .رحنا أنا وخواتي والعروس اختي ويانا عساس تسوي بروفه على المكياج والتسريحة اللي بيسوونها حقها
بس للأسف رحته وأنا معتمدة على الكلام والمدح اللي ماله آخر اللي شفته منكم يا خواتي ..........
كنت أتمنى اني ما اندم
لكني ندمت اي والله ندمت
اتعرفون انهم ما عدلوها وايد حلو بس المسكينه اختي اعتمدت على كلامهم ... قالولها بنعدلج أحلى من جي بواااااايد فالعرس وبعدين نحن كنا دافعين عربون .....فكيف اذا سحبنا الحجز ما راح يردونه وهالشي معروف
المهم
فالعرس شو خسفت فينا الله لا راواكم
أنا أعدل روحي أحلى من تعديلهم بمليون مرة
والا التسريحة .ما قول غير الله كريييييم
رحت عندهم وشعري حرير والله ورجعت وشعري متشربك عالآخر
وحتى التسريحة لو انّا ما يبنالهم صورتها ولا الطريقة يمكن بسامحهن بقول ما فهمن عليه
لكن الله الشاهد اني يبت الصورة والطريقة بس للأسف
يا خواتي الغاليات انا ما بقولكن لأني بس أبغي أستفزهن .أنتوا أحرار وكل وحدة ولها ذوق وراي
بس نصيحة أخت
لا تعتمدون على اللي ينقال وبس
روحوا وجربوا بروحكن ..وأنا أعرف ان صالون عمرو وصالون منى وصالون شارم أفظع صالونات بكلللللللل صراحة ..جربوا وما راح تندمون .انا أنصحكن وأتمنى انكن تتقبلون النصيحة..وتصيرون مب بس أحلى عرايس ...ملكاات جمال بعد ;)
والله يسامحني اذا غلطت فحق أحد ..........
بس والله أبغي الخيـر للكل
وداعت الله خواتــــــــي :)