عمري 18 والاكتئاب والخوف ذبحني

أختي لا تحطين الحلم في بالك.....انشاءالله تكون أضغاث أحلام ما لها علاقة بالواقع..
وممكن يكون شي نفسي، يعني طول ما أنتي مخوفه نفسج بتظلين خايفة...
واستغفري واقري قرآن و أذكار الصباح والمساء..
وما عليج شر انشاءالله

شكرا لكم اخواااتي ريحتوني،،، واااايد،،

وانا بالفعل اداوم على الذكر وادعيه الهم والحزن

والحمد لله على كل حااال،،، وانا ادري ان هاااذي كلها وساوس من الشيطان الرجيم،، اللي يبي يبعد الملتزمين بالدين عن الطريق الصحيح،،

يحااول يوهمهم،، انهم بيمرضون وبيصيرون تعيسين مع التدين، وعمل الخير،،
عسب يرجعهم للخطأ والذنوب،،

انا قريت هالاشيا في موقع ديني،، والحمدلله انا متمسكة بكل شي اسويه من عبادة وسنن واعمال خير والحمدلله،،،


وشكرا لكم مرة ثااانية

ياقلبي الاحلام مو كل شئ

فيه الحلو والشين

بس الاحلام نحطها ببالنا انها تكون فعللآ زينه وممكن العكس
واذا حلمنا بشئ يخوف جلسنا نفكر ونتشتت بس عشان هالحلم
لا تفكرين والله مو زين لك بعدين انتي صغيرة

والاحلام مو كل شئ

وابعدي عنك هالوساوس وماعليك الا العافيه اسالي مجربه

والله يبعد عنك كل هم وخوف

اختك ملوووووووكه

هلا عمري ملووووكة،،،

هيه صح انا معاااج،، بس تدرين عااد انا حساسة زياده شوي،، بس ما عله انا دووم اقنع نفسي اني اقوى من هالوساوس والافكار السخيفة،،،

احاول اخلي تفكيري بالعبادة والدراسة والعمل،، وهذا عندي كفاية


وشكرا لج

هيه صح،،، انا وياااج،، وصدقيني هذا كله من الشيطان،،،

ولا ترى الانسان المؤمن ،، ما يخاااف من شي وحيااته كلها سعااادة،،،في الدنيا والاخرة

الحمدلله اننا مسلمين ودينا نجاة ،،،

وبعدين اللي يصلي ويذكر ربه لا خوف وعليه ولاهم يحزنون

خلا نفكر بإيجابية،،، وان شاء الله يشفي المسلمين من الامراض النفسية،،،


دينا دين يسر،،، شااامل كامل لكل شي،،

انا وااايد كنت افكر اني لازم اترك دراستي الجامعيه تخيلووو،،، عسب اتفرغ للعبادة في البيت

بس بعدين سألت وقريت وعرفت انه طلب العلم فريضة،، وان الله سبحانه وتعالى يحب يشوف اثر نعمته على عباده،،

كنت فاااهمة الدنيا غلط،، لاني كنت اقرا لمواضيع دينية متشددة،،، بس الحمدلله عرفت ان هالشي مو زين،،،

وانه لازم نعطي الجسد حقه والاهل حقهم والنفس حقها،،،


واتمنى منكم مااا تصدقووون كل شي ينكتب في الانترنت،،



والسموحه

مرحبا اختي الشفافه
انا مثل حالتج ..
مره سمعت الشيخ الكبيسي في قناة دبي يتكلم عن الصبر و انواع الصبر و البلاء
و اتصلت حرمه و سألته كيف تتغلب على الخوف
تخاف من اي شي و كل شي و مرات ما تعرف شو السبب
و السبب طريقة تفكيرها .. صراحه انا عندي نفس المشكله وايد افكر ..
و مرات الشيطان يفتح لي ابواب اعوذ بالله منه .. يتني فتره كنت بتخبل من الوسواس و الخوف
المهم ما بطول عليج وايد بس الشيخ قال انه الخوف عند بعض الناس يكون ابتلاء من رب العالمين
حسب قوله تعالي ( ولنبلونكم بشي من الخوف و الجوع و نقص من الأموال و الأنفس و الثمرات )
و انتبهي للجزئ الي بعده>>>> ((و بشر الصابرين))]انا من سمعت الحلقة والله ارتحت و حمدت الله على كل حال ..
و ان شاء الله بنصبر ..

تحياتي لج حبوبه

تسلمون على المشاركة

أميرة البجع:

أختي الشفافة الله يبعد عنج الخوف والضيق،اللهم آمين

بالنسبة لحالة الخوف والضيق فجأة.. لاتخلينه هاجس يعكر عليج حياتج..

طبيعي الانسان يحس بالضيق والشعور بالوحشه،ماادري بس بالنسبة

لي بين فترة وفترة أشعر بهالشعور لكن أسارع بذكر الله،لأن ذكر

الله يريح القلب ويهدأ النفس..

إشغلي وقتج بأشياء تفيدج،لأن دائما الفراغ يعزز الشعور بالضيق..

الله يوفقج ويشرح صدرج..اللهم آمين


في أمان الله

وأنا مع الأخت أميرة البجع بارك الله فيها