صالات الافراح في البحرين

ماريا 1 22-07-2006 718 رد 65,622 مشاهدة
ش
معشوقه السماء;5248643:
هلا خواتي ابي اعرف صاله طيران الخليج ،، كم سعرها وتسع كم شخص ؟؟؟





أختي معشوقة السماء

مسامحة ما أعرف لو أعرف كان من عيوني

إنشاء الله البنات يردون عليك





ر
هلا بنات شخباركم بغيت اسأل عن بعض الصلالات الموجودة في البحرين ما أعرف إلا أسامهيم

صالة مأتم الجشي في البلاد القديم

صالة العبابسة في عالي

صالة مصلى العيد في جبلة حبشي

أي أحد عنده معلومات يفيدنا
ي
مصلى العيد رحتة كذا مرة عوووووووووود وزين بس عادي كلش .. الشيء الزين فية انة عووود ... بس يبط جبدي السقف مالهم .. والدجي لازم اسلامي اعتقد ..
ش
يتوم;5266607:
مصلى العيد رحتة كذا مرة عوووووووووود وزين بس عادي كلش .. الشيء الزين فية انة عووود ... بس يبط جبدي السقف مالهم .. والدجي لازم اسلامي اعتقد ..





صج كلامك أختي صالة مصلى العيد كبيرة ، ونفس الشيء ما يعجبني فيها السقف والإنارة مالتهم

أما الديجي أعتقد إنه مب لازم إسلامي



ش
رحيق الفردوس;5266565:
هلا بنات شخباركم بغيت اسأل عن بعض الصلالات الموجودة في البحرين ما أعرف إلا أسامهيم

صالة مأتم الجشي في البلاد القديم

صالة العبابسة في عالي

صالة مصلى العيد في جبلة حبشي

أي أحد عنده معلومات يفيدنا








أختي رحيق الفردوس

صالة العبباسة في عالي

حجمها معقول يعني متوسطة أو بالأحرى صغيرة نسبيا، إذا كان عدد المعازيم مب كبير ، لكنها ما تصلح إذا كان العدد كبير،

أختي ممكن تروحين تمرين على الصالات وتشوفين اللي يناسبك، في صالات وايد وأسعارها معقولة

مثل صالة حجي حسن العالي صايرة جنب صالة العبباسة في عالي
صالة أحمد منصور العالي بعد م تبعد عنهم في عالي
صالة الهدى في سار
صالة التفاؤل في باربار
صالة الأنوار في باربار
صالة المتروك في الدراز
وغيرها من اللي يمكن ما تحضرني أسماءهم ألحين




م
رحيق الفردوس;5266565:
هلا بنات شخباركم بغيت اسأل عن بعض الصلالات الموجودة في البحرين ما أعرف إلا أسامهيم

صالة مأتم الجشي في البلاد القديم

صالة العبابسة في عالي

صالة مصلى العيد في جبلة حبشي

أي أحد عنده معلومات يفيدنا




صالة مأتم الجشي في البلاد القديم صغيرة جدا وسعرها 60دينار ومكانها في ازقة ولا توجد بارك السيارات .
صالة العبابسة في عالي ايضا صغيرة تصلح لحفلة عائلية وسعرلا اعرف

صالة مصلى العيد في جبلة حبشي سعرعا 400 دينار كبيرةجدا تشيل 500 شخص واكثر وتشمل تصوير ديجتل للمعازيم وكوشة وخدمات مثل الشاي وقهوةوماي وعلبة محارم ومضيفات فلبينيات للخدمة .

صالةالتفائل 200 شخص وضيقة واعمدة تشمل تصوير ديجتل للمعازيم وكوشة وخدمات مثل الشاي وقهوة وماي وعلبة محارم والدي جي سعرها 180 دينار للايام العادية والعطل 200 دينار ولا يوجد بارك للوقوف تصير امام البيوت .


صالةالبركة اعمدة والصالةعلى شكل 6 تشمل تصوير ديجتل للمعازيم وكوشة وخدمات مثل الشاي وقهوة وماي وعلبة محارم والدي جي تسع 300 شخص سعرها 180 دينار للايام العادية والعطل 200 دينار والبراك امام الصالة .

قاعة الانوار سعرها 200 للايام العادية والايام العطل 220 دينار وتشمل تصوير ديجتل وتصوير للعروسين اختياري من عندهم ((مصورة ام عباس $ وصحاري )) للمعازيم وكوشة وخدمات مثل الشاي وقهوة وماي وعلبة محارم والدي جي تسع 350 شخص واكثر ويوجد مكان خارجي للبوفية او جلوس المعازيم ايضا ولامهاتنا يشربون القدو ويستانسون في الهواء الطلق ههههههه وسكورتي عند الباب ويوجد بارك كبير للسيارات والقاعة قريب من نادي باربار .

صالةشهرزاد تسع 400 شخص وسعرها 380 دينار بدون دي جي وتشمل تصوير ديجتل للمعازيم وكوشة وخدمات مثل الشاي وقهوة وماي وعلبة محارم وبارك للسيارت .
ي
مشكورة اختي مايا كفيتي ووفيتي ...

الا بسأل اول مرة اسمع عن صالة المتروك شلون شكلها وبجم وشنو سالفتها التفاصيل لو سمحتوا واللي عندة صور يعطينا .. وصالة الدانة اليديدة اللي مقابة جم سعرها وشنو العروض اللي عندهم ؟؟
م
يتوم;5274868:
مشكورة اختي مايا كفيتي ووفيتي ...

الا بسأل اول مرة اسمع عن صالة المتروك شلون شكلها وبجم وشنو سالفتها التفاصيل لو سمحتوا واللي عندة صور يعطينا .. وصالة الدانة اليديدة اللي مقابة جم سعرها وشنو العروض اللي عندهم ؟؟

الله اخليج حبيبتي
صالة متروك قديمة اذا الحين عدلوها هذي شي ثاني

اما الدانة في البديع الجديد على حسبما سمعته ايقولون واسعة واحلى من دانة بسند واجارها 600 دينار
وان شاء الله البنات بفيدونج
ي
اللي في البديع انا شفتها وقت البناء الله ييازيها خير عروس متفرغة راوتنا اياها بس ما ادري اللحين شلون شكلها بعد ما اكتملت
L
ماريا 1;5253903:
عندج قاعة الانوار 220دينار في باربار شامل الخدمات والدي جي والكوشة ايام العطل
وايام العادية 200 دينار تشمل كلشي وقائمة التصوير للعروس اذا حبيتي منهم
اذا تبين رقمهم ممكن اخدمج اطرش لج


اختي يا ريت ارقام القاعات وخصوصا الانوار

وبسالك عن قاعة الانوار وين في باربار هل مكان ما يضيع اخاف اسوي فيها بس المعازيم ما يدلونها انا كنت حاطة في بالي في قاعة في مطعم في العدلية بس القاعة مع الاكل بسعر 3.900 دينار للشخص يعني الدي جي والتصوير والكوشة وباقي الاشياء من عندي مين احسن

انا اشوف الانوار سعرها وايد حلو بس لو المكان ما يضيع واذا كانت القاعة حلوة وراقية

وشكرا
ي
الانوار مقابلة مقبرة .. والدجي لازم اسلامي ..مكانها ما يضيع لانة بالضبط صوب النادي مال باربار ..

والمطعم اللي في العدلية وين بالضبط شنو اسمة ؟؟

واذا تبين مكان صغير عندج صالة الدانة اللي في سند بس مو متأكدة من الاسعار .. لانة مع الاكل وكل شيء والكيك والمشروب ومن كلووووو 900 دينار اقل شيء وفية طبعا اكثر كل ما زاد اطباق الاكل ..
L
قاعة الدانة توني متصلة فيهم الاكل اذا بوفيه 900 دينار اقل شي اما اذا كان الاكل بارسلات 760 دينار اقل شي
L
يعني ما قاعة الانوار لازم ديجي اسلامي متاكدين وانا كنت استانست لان سعرهم وايد زين خسارة
ا
ماريا 1;5253903:
عندج قاعة الانوار 220دينار في باربار شامل الخدمات والدي جي والكوشة ايام العطل
وايام العادية 200 دينار تشمل كلشي وقائمة التصوير للعروس اذا حبيتي منهم
اذا تبين رقمهم ممكن اخدمج اطرش لج


مشكوووووووووره قلبي
طرشي رقمهم علـ الخاص ...



معقووووله ما يصير إلا اسلامي ؟؟؟ :(
مااظن (a)
م
Lolo wo bas;5276884:
اختي يا ريت ارقام القاعات وخصوصا الانوار

وبسالك عن قاعة الانوار وين في باربار هل مكان ما يضيع اخاف اسوي فيها بس المعازيم ما يدلونها انا كنت حاطة في بالي في قاعة في مطعم في العدلية بس القاعة مع الاكل بسعر 3.900 دينار للشخص يعني الدي جي والتصوير والكوشة وباقي الاشياء من عندي مين احسن

انا اشوف الانوار سعرها وايد حلو بس لو المكان ما يضيع واذا كانت القاعة حلوة وراقية

وشكرا




هلا حبيبتي لا مو شرط اسلامي هم دي جي مالتهم اسلمي وعندهم عادي اذا انتي عندج سي دي ممكن تعطين ابنيه مالت الدي جيه وتشغل عادي ..
لان سوينا احنا زواج اخوي وبنت عمتي اثنينهم وبنسوي لاخوي الصغير . انودي سي دي مخزن اغاني عادي اشغلون لنا. حاجزين الصالة مع تصوير لام عباس لانها تبع الصالة تصور . والاكل من مخبز منار .

ما شاء الله فل لحقي اذا تبين بشهر 3 او 4 (i)
م
Lolo wo bas;5277119:
يعني ما قاعة الانوار لازم ديجي اسلامي متاكدين وانا كنت استانست لان سعرهم وايد زين خسارة

الوصف ع طول بعد بنك ببي كي سيدة بعد الدوار يمين اول لفة يمين بعد النادي باربار ومكانها حلو وهادئ
م
مرحبا بناتيت

ابي صالات كشخه وسعرها معقووول ساااعدوني بالبحث الله يخليكم

وسؤال
الحين صالة شهرزاد 380 سعرها بالديجي ولا بدوونه

واذا ممكن
ابي سعر صاله الريان الي بالحد
م
ملكة الأحساس;5282225:
مرحبا بناتيت

ابي صالات كشخه وسعرها معقووول ساااعدوني بالبحث الله يخليكم

وسؤال
الحين صالة شهرزاد 380 سعرها بالديجي ولا بدوونه

واذا ممكن
ابي سعر صاله الريان الي بالحد


صالةشهرزاد بدون دي جي وبعد لازم تاخذين منهم ديجي ملزومة اذا تبين 80 ينار اضافة او70

روحي شوفي قاعة الانوار كشخة بالكوشة والبخار والليزر والديجي اسلامي او عادي و الاضافات كالشاي والقهوة وعلبةمحارم واستديو ديجتال وتصوير للعروسين اذا حبيتي تاخذين منم عندهم ام عباس اهم شي اننا مانتغربل بالاستديو موجود بالقاعة وسكورتي وحوش خارجي كبير للجلسة امهاتنا [COLOR="Red"]يشربون قدو (مهم ) ومطبخ وسكورتي وبارك لسيارات. والله احنا دائما نسوي حفلاتنا فيها والاهم من هذا ان صاحب الصالة رجال طيب وخلوق ودين وخدوم .[/COLOR]
ق
بنات عندي سؤال عن قاعات مركز المعارض اللي يصيرون داخل

في أحد حضر عرس هناك، او يعرف إذا شامله الأكل أو لا، يعني أي معلومات عنها؟؟؟
م
قطاف;5285654:
بنات عندي سؤال عن قاعات مركز المعارض اللي يصيرون داخل

في أحد حضر عرس هناك، او يعرف إذا شامله الأكل أو لا، يعني أي معلومات عنها؟؟؟


اول مرة اسمع عنها ان شاء الله البنات بفيدونج :(
X