صالات الافراح في البحرين

ماريا 1 22-07-2006 718 رد 65,622 مشاهدة
أ

السلام عليكم ...


فديتكم ابي استفسر عن قاعة المارينا كلاب اذا عندكم فكره

انا مابيها حق زواج ولا خطوبه .. ابيها حق حفله عاديه ..


ياريت لو اللي عندها فكره عن الاسعار تخبرني ..
ب
كم سعر قاعة مصلى العيد؟ و شنو الخدمات اللي معها
م
بنت عاشور;6450256:
كم سعر قاعة مصلى العيد؟ و شنو الخدمات اللي معها


اعتقد 400 دينار بالدي جي وشاي وقهوة

اما الأكل فيكون عليج
ب
و ايام العطل نفس الايام العادية ؟ لان مسوية خطوبتي بمرمريز فابي يكون عرسي بسيط ..

فللي ابي اعرفه اي افضل ناريمان لو مصلى العيد ؟ اني شفت ناريمان معقولة يعني ..

اما مصلى العيد ما دليتها ..


فبرايكم اي افضل ناريمان لو مصلى العيد
ه
اعطوني اسم صالة مايكون سعرها غالي
وتكفي 400 شخص عالاقل
ي
بقول لكم من خلال الصالات اللي شفتها .. المسباح ما عجبتني كلش كلش . احسها اهي والانوار واحد .. صالة الاحلام اللي مدخلها يخرع من قلب .. وصايرة فوق كأنها المنار سابقاً حتى المنار على الاقل احلى منها بشوي .. الوحيدة اللي عجبتني صالة المتروك اول مرة اشوفها والصراحة دشت قلبي ما ادري ليش .. اهي صغيرة وتناسب حفلة صغيرة اعتقد 300 شخص لكن ما توقعتها جذي خير شر .. طاولات كراسي تزين الطاولة حلو بعد بس اللي في النص شكلها كبير شوي بس بعد صايرة احلى من باقي الصالات .. حتى المسرح على الاقل فية حركة انا ارشحها حق حفلة صغيرة
ب
هذيان


عندج البركة 200 دينار
و الشبكة 400 دينار
و ناريمان 350 دينار
ه
بنت عاشور;6487515:
هذيان


عندج البركة 200 دينار
و الشبكة 400 دينار
و ناريمان 350 دينار


كم شخص يكون .. المشكلة عائلتنا كبيرة
ما امبي الصالة تصير زحمة
ب
اذا عايلتج عودة روحي ناريمان و الشبكة ما جيكتها فما عندي فكرة بس يقولون هي واسعة


و اذا تبين و اسعة و اسعة روحي مصلى العيد
ب
يتوم اي افضل صالة المتروك لو البركة ؟


اني شفت الانوار و عجبتني لاباس بس مكانها حده كريه صوب مقبرة ما يصلح
هذا غير عن دخلة العروس ما يسوى كلش
اني اكره شي عندي دخلة العروس نفس الباب اللي يدشون منه المعازيم
ي
البركة اكبر اتوقع بس المتروك عندي احلى .. المتروك عائلية وصغيرة لكن احلى من البركة عندي .. حتى المسرح على الاقل فية حركة .. الشبكة حلو بس يوم دخلتها حسيت نفسي داشة بيت الوحوش هههههههه بس من داخل لا بأس بها الا اذا عدلوها اللحين هذا شيء ثاني .. الانوار اذا المعازيم وايد تصير حرررررر وكريها .. بس اذا شوي تصير مرتبة .. يعني هذلين الصالات حق 300 بالكثير والبركة اكثر بشوي يعني 350 تقريبا يعني لو يكون العدد 250 يكون المكان مرتب وايد ..

وهذا الشيء يعتمد عليكم لازم تروحون وتشوفون ..

بس على فكرة اذا بتشوفينها من غير معازيم بتشوفينها حلوة لكن روحيها في عرس بتحسين بشكل الصالة عدل بعدين ..
ب
اني الشبكة ما رحتها و لا المتروك بعد .. بس البركة احسها اوكيه و تصلح حق اعراس عائلية بس فعلا بالمعازيم كلشي يتغير ههههههه
ي
احنا يوم عرس اخوي نبي كنا صالة رخيصة شوي ملقينا الا البركة والانوار والهدى .. بس الانوار والهدى ممنوع اغاني واخوي ومرتة يبون اغاني فصارت في البركة .. بس ما عجبني الدجي مالهم كلش مالة صوت .. اليوم عندنا عرس في الدانة سند بروح وبشوف الاكل والصالة وهل تغيرت خلال سنة او لا .. لانة يوم عرس رفيجتي الصالة كانت روووووووووووووووعة ..
غ
بناات

اني دورت صالات كثيررررة وبعطيكم معلومات عنهم
والا يبي ارقامهم بدزهم لة على الخاص



اتصلت حق صالة امواج المسباح قالوا لي الصالة مع الديجي ب 299 ومع الاكل تصير 499 شكلة الاكلهم كلش مو اوكي وغضيت عنها النظررررررر


واتصلت حق صالة قصر المرجان قالوا لي شاملة كل شي ومع قائمة واحد تطلع حوالي 1600 او 1700 بهالحدود


وامممم

والدانة الا في سند حوالي 400 شخص ب 1500 شاملة كل شي


صالة شهرزاد بالصالة والدي جي ب 450 تقريبا لانة الصالة بروحها 380 دينار وماعندهم خدمة التصوير والاكل بس عندهم استيديو بالصالة


صالة الجميرا قالوا لي ب 1700 دينار شاملة كل شي



صالة الريان ب 600 دينار اجار الصالة مع الدي جي حق ايام العطل و 550 دينار الايام العادية




واخيرا عجبتني صالة الدانة الا في المقابة على شارع البديع
وعندهم قاعتين وحدة 1 وثانية 2

انا عجبتني قاعة 2 وقال لنا بيعطينا اياها حق 400 شخص شاملة كل شي ب 1500 مع قائمة الاكل رقم 1
ع
السلام عليكم...


ابي مساعدة ضرووووري

زواجي بعد العيد :21_207:

ابي اسوي حفلة بسيطة ل 200 او 250 شخص ،،
في قاعة مرتبة ونظيفة في حدود 1000 الى 1200 دينار،، بس ماتكون ضيقة وصغيرة وايد لان مابي الناس تتزاحم فيها وابيها تكون شاملة الخدمات من ( البوفيه - التصوير - الدي جي - والشاي والقهوة .. الخ )

بشنو تنصحوني ؟؟؟

تعبت وانا ادور،، وايد محتارة :think:


تحياتي ،،، :87457:
E
صالة البركة والأنوار والهدى بجم ؟؟
غ
اختي عروسة حلوة

روحي الدانة الا بالمقابة ترى واجد حلوووووووووة الصالة

واذا تبين 200 شخص او 250 اعتقد بكون يمكن الصالة 1000 دينار او 1200
لانة انا حجزتها حق 400 قالوا لي بيعطوني اياها 1500 دينار شاملة كل شي طبعا


روحي شوفي الدانة فية قاعتين 1 و 2
وبيعجبونج ومرتبين
E
اختي غربة بلا عنواان
ياريت تطرشي لي كل ارقام الصالات الي عندج
احتاجها ضروري ^^
و صالة الريان الغلا شفتيها ؟ حلوة او لا؟؟!!

وااذا عندج فكرة عن صالة رخيصة ابغااها لحد من قرايبي وده يعرس ^^
و يعني سعرها بحدود 200-300
لقيت البركة والانوار والهدى ارخص شي اذا حد يقدر يفيديني
ايهم الاحلى عارفة الثلاث مآسي بس يعني اهوّن واحد
ونقدر نحن نعدل الديكور ونضيف شوي لمسات :)


وبالنسبة حق صالة امواج المسباح
بالعكس الغالية اكلهم ما كان شين ^^
يعني عادي .. بس الصالة مو لين ذاك الزود
الدانة ارقى .. اهي ومرمريز ..!


/

يعطيج العافية
ه
بنت عاشور;6489212:
اذا عايلتج عودة روحي ناريمان و الشبكة ما جيكتها فما عندي فكرة بس يقولون هي واسعة


و اذا تبين و اسعة و اسعة روحي مصلى العيد


في رايج ناريمان او الشبكة واسعين ويكفون تقريبا 500 شخص؟

وفي وين تصير كل وحدة؟
ه
الشهرزاد تكفي كم شخص وفي وين؟
X