مشمش25:
مشكوره خواتي على الردود
عزيزتي سنو وايت آسفه بالتاخير على الرد لاني كنت عندكم بالبحرين اغير جو ولا توفر عندي نت
انا استخدمت الابر لما كنت بالمستشفى وبعد ماطلعت برضه استخدمتها 4 ايام واعطوني حبوب الوارفرين استخدمها لمدة سته شهور.. الحمدلله والشكر على العافيه
زين استخدمتي الابر لاني قريت الوارفرين يسبب تشوهات اجنه بعيد الشر عن الجميع
حبيت اسالك عزيزتي
انا جتني الدوره الشهريه فضيعه بسبب زياده سيوله الدم صراحه بهذله نزيف مو طبيعي حتى اني وقفت الحبوب عشان تخف بس خايفه اضر نفسي
قولي لي عن تجربتك الله يشفينا وياك
انتظر تجاربكم
هلا حبيبتي مشمش25
بالنسبه للنزيف عادي أول شهرين ثلاثه لازم يصير خربطه بالدورة والنزيف اللي يليوع الجبد بس المفروض تروحين للدكتور اللي يتابع حالتج يجيك السيوله ويمكن يغير كميه الجرعه اللي تاخذينها وبعد أكيد بيعطيج حبوب لتوقيف النزيف حبيبتي لا تغيرين الجرعه على كيفج بدون متابعة طبيب لأنه فيه خطرعلى صحتج وبعد عندي نقطه ترى تغير نظام الأكل والصيام والرجيم بعد بيسوي لج خربطه في السيولة وبتتأدين خصوصا أول سنه من الجلطه تراني خبره سنتين وشوي بالوارفرين
ونصيحه إبتعدي عن حبوب منع الحمل لأنه أغلب المرضى اللي ألاقيهم بمواعيدي للدكتور كانوا يستخدمون حبوب لمنع الحمل وبعدها بمده صارت لهم جلطة
وبالنسبه للرضاعه سألت الدكتور قال لي ويا الوارفرين عادي يصير ترضعيين البيبي
وبالنسبه للحمل بس أول سنه للجلطه منعوني عن الحمل عشان يتأكدون من شنو السبب وللتأكد لعدم رجوع الجلطه
وبعد السنه عادي تقدرين تحملين حالج حال الناس لكن بمتابعة الطبيب التجلط وطبيب الحمل وادائما عندج سؤال استفسار أسألي الطبيب بالأكل بادوواء والحمل وغيرها وحطي بالج بعد في أدوية تتعارض مع الوارفرين فدائما قبل أخذ أي دواء أول إسألي طبيبك أو طبيب اللي صرف لك الدواه
أدري مللتج من كثر الكلام
نصيحه ثانيه قد ما تقدرين لعبي رياضه وتمشي خصوصا إذا ما تشتغلين خصصي لك نص ساعة على الأقل يوميا أو 3 مرات بالأسبوع للرياضة والمشي
وإذا عندج أي سؤال آو إستفسار لا تترددين حاضره وبالخدمه