إلى أهل الإمارات.. ابغى ادرس عندكم ؟؟

حبيبتي الجامعه الامريكيه سواء في الشارقه او دبي ( مختلط ) والرسوم اكيد مرتفعه كثير
جامعه الشارقه اوكيه
وعجمان بعد نفس الشي الرسوم مناسبه
نصيحتي لج اذا تبين تدريسن صدق مالج غير جامعه الامارات

هلا

انا ما عندي مشكلة على مختلط او لا

أنا ابغى اعرف التخصصات الدراسية والرسوم كم في السنة ؟؟
او هل الجامعات عندكم و الرسوم بنظام الساعات ؟؟؟؟؟؟

الطب موجود في جامعة الإمارات فقط.. ما سمعت ان فتحوا كلية طب في جامعة الشارجة أو الأمريكية....
جامعة الإمارات مجانية...

و الدراسة فيها احسن من جامعة عجمان.... هالجامعة ابدا ما ارتاح لها

هذا موقع كلية الطب في جامعة الإمارات و ان شا الله اتحصلين إلي تبينه

http://go.3roos.com/uDUhO7gWz88

يعني في جامعة الامارات لازم يكون بعثة من الدولة اذا كانت مجانية و البعثات ما بيفتحوا التقديم فيها الا بعد ما تبتدي الدراسة عنكم يعني تضيع علي سنة

طيب ما تدرون اذا يقبلون طالبات من دول مجلس التعاون ؟؟

في بعد كليه دبي الطبيه ..معترف فيها ويدسون فيها بنات من مختلف انحاء الخليج ...ويكفي انها مب مختلط

هلا اختي

جامعة عجمان فيها طب اسنان ، وانا جربت دراسة هالتخصص فيها لمدة كورس وظهرت
وفيها بعد صيدله

جامعة الشارجه .. فيها طب بشري وطب اسنان ايضا

وعندج كليه دبي الطيبه للبنات خمس سنوات بس طب بشري

وشي جامعة يديدة في راس الخيمه هالسنه تستقبل اول دفعه في طب اسنان وطب بشري

وعليكم السلام ورحمة الله وبركاته ..

هلا اختي والف مبروك التخرج والتفوق ..

الجامعات الامريكيه دبي .. الشارقه .. حسب علمي ما فيها طب..

جامعه الشارقه فيها طب بشري... واسنان ايضا ..
وحصلت في موقعهم هذه المعلومات ..

الطب البشري.. يحتاجون معدل 85 .. القسم العلمي طبعا .. و500 في التوفل.. ( واذا علامه التوفل اقل.. يقبلونك ولكن تاخذين ساعات اكثر للانجلش) .. وطبعا في مقابله شخصيه..


الرسوم السنة التأسيسه 31095 درهم والسنين الباقيه 70000 درهم .. هذه الاقساط الدراسيه فقط ..

الدراسه خمس سنين + سنه امتياز ..


طب الاسنان .. 80% علمي.. 500 في التوفل واجتياز المقابله الشخصيه ..

الرسوم السنة التأسيسه 32340 والباقيه 46800


-------------------

جامعه عجمان فيها طب اسنان .. ان شاءالله ادور لك وارجع


واستخيري قبل كل شيء والله يوفقك

(f) (f) (f)

شكرا على المعلومات