الي تراجع مستشفى دبي .. ضروري تدخلون ؟؟

b

bj3a

عروس ماسية

20-07-2006 | 06:30 PM

الله يسلمكم انا امس اول يوم اسير المستشفى وانا الحين فالسابع ..

سرت وفتحت ملف .. ومثل ما تعرفون يسوون تحليل ( تكرمون البول) والطول والوزن والضغط وعقب يقولولج سيري عند الدكتورة ..

اترييت اليما يا دوري .. سالتني الدكتورة كمن سؤال عن حملي الاول واذا اعاني من شي حاليا ..

المهم سوتلي اسكان وقالتلي ان وزن البيبي كيلو وكل شي طبيعي ..

بس ....................................؟؟

قالتلي فيج التهاب شديد ...

وعطتني مضاد حيوي قالتلي تعالي عقب اسبوعين مع انها ما سوتلي مسحه ... كيف عرفت ان فيه التهاب ... ؟؟

وهل الالتهاب فالبول او فالمهبل ...؟؟

المهم ..

قبل لا انام شاورت زوجي قالي انتي خذي المضاد وهاي دكتورة وتعرف شغلتها وشو الي يفيدج ..

خذت المضاد وسرت بنام .. تخيلوا طووول الليل فيه ويع احس البيبي بيطلع وضغط فضيع وياني اسهال ...

ما اعرف هل اكمل المضاد انا المفروض اخذه كل 12 ساعه بس ما خذته الظهر لاني وايد متردده ...؟؟

انا احيد يعطون تحاميل للحامل الي فيها التهابات ...

شو تشورون عليه .. ؟؟

م

ما((الشوق))طرة

عروس مبدعة

20-07-2006 | 09:58 PM

الله يعافيج يالغلا

وان شاء الله اللى تعرف تفيدج

و

وشحال قلبي

عروس جديدة

20-07-2006 | 10:13 PM

مرحبــا الغـــاليه
الله يقومج بالســـلامه يارب،،،
بس مادري من قولتج ماخذت منج مسحه يعني كيف عرفت انه التهاب؟؟وبعد التهاب شديد عقولتها!!
الغاليه سيري عند دكتورة خاصه وخليها تكشف عليج وترى المضاد الحيوي مب هين
الوحده يوم مب حامل وتشربه تتلعوز وين لو حامل،،،
فأحسن قبل لا تكملين الدوا انشدي دكتورة ثانيه،،،نصيحه
والله يشافيج ويعافيج يالغـــلا

ف

فوانيس

مشرفة سابقة

21-07-2006 | 12:30 AM

هلا الغاليه بجعه
الالتهاب ممكن يبان بالتصوير ايضا
و خاصه اذا شديد ..يكون منتشر بالحوض

ا

انا

عروس مشرقة

21-07-2006 | 02:31 AM

شوفي نصحيتي لا تاخذين اي مضاد حيوي قبل ما تسالين اكثر من دكتوره

انا نفسج كان فيني التهاب ورحت عند الدكتوره وعطتني مضاد حيوي وخذته وكنت متردده وكلام زوجج نفس كلام زوجي خذته اربع ايام وسالت عنه وقالولي هذا النوع ما تاخذه اي حامل ممنوع الى للضرووره يعني اذا مافي بديل غير ورحت عند دكتوره غيرها وقالت لي بعد ممنوع وعطتني غسول وممكن يعطونج كريم لكن حبوب لا بس اسئلي اكثر عن دكتوره واخذي معاج المضاد الحيوي

a

alfajer _alb3ed

عروس مبدعة

21-07-2006 | 02:12 PM

انا انصحج سيري عند الدكتوره زينب تسويلج تحليل البول مره ثانيه ومسحه...وبتعطيج النتيجه في نفس الوقت...انا طول حملي اراجع عندها وخاصه اذا كان عندي التهابات...ولا تاخذين المضاد الا بعد ماتسوين التحليل عند زينب وشوفي شو بتعطيج من ادويه....

ع

عضوة

21-07-2006 | 03:56 PM

حبيبتي مستشفى دبي الكل يتشكى منه بس مادري انا ما جربت
انصح اتروحين عند دكتورة ثانيه عند زينب وايد شاطرة ولا مستشفى زليخه عندهم اكثر من دكتورة وانا اراجع عندهم ورباي الاولي كان عندهم ولثاني انشاء الله بعد بيكون عندهم

س

سعادة الدنيا

عروس مبدعة

21-07-2006 | 04:12 PM

أنا أراجع عند مستشفى دبي والحمد لله الكل يمدحه وأنا خواتي ومرت اخواني بعد ربوا عندهم والحمد لله كل شي كان تمام
وأنا بعد كان عندي التهاب وعطوني مضاد حيوي وتحاميل وأحس اني استويت أوكي وما أحس بحرقان مثل ما قبل كنت أحس فيها حتى ان الافرازات خفت عن قبل .
بس أنا مستشفى خليفة اللي قالي ان فيني التهاب لأن من كثر العوار اللي كان في منطقة الحوض ما قدرت أسير دبي اللي أراجع فيه وسرت عند أقرب مستشفى اللي هو خليفة بس خذت تقرير من خليفه وعطيته لدبي عشان يعرفون حالتي.
الله يعينج ويريحج بس اذا انت تحسين انج مب مرتاحة الأخوات عطوج الحلول .
والله يوفقج وتربين بالسلامة.

ا

ام نيلا

مشرفة سابقة

21-07-2006 | 04:28 PM

تستاهلين السلامة اختي

تبين الصدق انا وايد مرتاحة من مستشفى دبي ..

والدكتورات هناك ما يسون اي شي الا بمشورة الاستشارية ..

يعني اطمني على عمرج ..

واكيد هذا الالتهاب حصلوه في البووول عشان جي الممرضة كتبت الهم في الملف ..

توكلي على الله واخذي المضاد عشان مايزيد الالتهاب وتتعبين اكثر

u

um_fa6ame

عروس مشرقة

22-07-2006 | 12:50 AM

انا من كم يوم تعبت وحسيت اني بربي والبيبي بيظهر وسرت الطواري وسوو لي تحليل بول وانتي بكرامه وظهر عندي التهاب وخذو مسحه بس قالو عقب يومين تظهر النتيجه بس من البول عرفو انه فيه التهاب وقالت لي كثري شرب مااااي بس انتي عشان تتاكدين من سالفة المضاد الحيوي سألي دكتوره ثانيه

ماتشوفين شر الغاليه

ا

امي كل دنيتي

عروس مشرقة

22-07-2006 | 08:22 AM

انا اراجع عندهم شو اسم الدكتوره وترا ينبان في البول الالتهاب

ع

عروس الموج

عروس برونزية

22-07-2006 | 11:43 AM

كل ولا مستفشى دبي..

انا اداوم هناك والي تبي اي شي انا حاااااااااااااضر اوني واسطه بس عالخفيف ههههه

b

bj3a

عروس ماسية

24-07-2006 | 01:23 PM

والله الين اليوم ما سويت شي .. بس قررت اليوم خلاص اسير عند زينب لاني اراجع عندها في حملي الاول وهل حمل بعد...

ومثل ما تقولين الغاليه um_fa6ame احس احيانا البيبي بيطلع .. الصبح اذا كنت نايمه عاليمين احس بوسع يوم انش ... واذا نمت عاليسار احس بويع .. اكيد من الالتهاب ...؟؟

عروس الموج..

قوليلي وين تشتغلين وبعرفج .. لانه اخوي مسؤؤل (.....) في مستشفى دبي :) اكيد لو قلتلج تسمع على طووول بتعرفينه .. لانه كل الموظفين والدكاترة يمروون عليه ...

b

bj3a

عروس ماسية

25-07-2006 | 11:14 AM

يقولكم الله يسلمكم رحت امس عند ذ.زينب ..

وخبرتها بالموضوع ... وقلتلها اباج تسويلي مسحه وتكرمون تحليل بول ...

المهم سوتلي ويوم طلعت النتيجه تفاجأت ...

انصدمت ....

يتني صيحه ....

تخيلوا بنات .... ؟؟

قالتلي مافيج التهابات .. لا فالمهبل ولا فالبول ..

يا جماعه لو استخدمت المضاء الحيوي وانا ما فيه شي ... شو كان بيصير ...؟؟

ويوم عرف زوجي عصب وقال انا بسير اشتكي عليهم ... بس الحمدلله هديته وحمدت ربي على اني صبرت وما استخدمت المضاد ...

ع

عضوة

26-07-2006 | 12:22 AM

والله انه الدكاترة اللي ق دبي والول ع فاضي المعاشات تنصرف لهم
حرااااااااااااااااااااااااااااام عليهم