أحس ان ختان ولدي غلط؟

الحمد لله أختي صباحي،،،
خلاص دام الدكتور طمنج انسي الموضوع ولا توسوسين..
تعرفين أنا كنت مثلج إذا ولدي تعب ووديته عند دكتور وقالي ما في شي ما أرتاح..أتم ألف على أكثر من واحد...زوجي دايما كان يقولي : يعني ما ترتاحين إلا أطلعين شي في الولد :)
حرام يمكن تودينه مكان ثاني، ويقولون لج نعيد الختان ويكون أصلا ما يحتاج.. ويتبهدل مسكين، ومنطقة حساسة يعني الواحدة ما تجازف....

يارييييييييييييييييييت اترديييين علينا لان ولدي نفس الحاله وماودييته الطبيب طمنيينا شو قاالج الدكتوووور الثاني

عالي مستوايه
يقول الطبيب عادي (بس بيني وبينكم الأطباء عندنا اي كلام) مادري ليش متوسوسة
انتو عارفه بعد كل غيار لازم انزل الجلده لتحت علشان ياخذ الشكل الطبيعي ودايم انظفها من داخل اشوف هالأيام احسن شوي ماصار يطلع الجلد لفوق وبدي يأخذ شكله الطبيعي.

حاولي تشوفين طبيب ثاني غير الي ختن ولدك وكمان دائما نزلي الجلد لتحت

تحياتي

بس سواال كم عمر ولدج الحين انا عمره 5 شهوور .. ... متى بيبين الفرق؟؟؟

ولدي الحين 6 شهور
انا بين معاي من الحين وشوي مو كثير يعني احسن من الأول

مشكوووووووووووووره .. وانشالله بودييه وانشالله خير ..

وانا ولدي نفس الحال الله يستر

وديه لدكتور عشان تطمنين يا الغالية

اعرضيه على كذا دكتور..واذا اكدولج العمليه غلط...ترا يعيدونها..

انا عندي حالتين نفس الشي عملياتهم كلها غلط..لاني اشتغل فالمستشفى ولاثنين طلبوا منهم اعادة الختان بس طبعا رفضوا وحتجوا وايد على الدكاتره

انا حصلي زيكم وخليني احكيلك:::::
انا ابني ختنته وهو عمره 3 اسابيع وعند دكتور ختن ابن عمي ،،، بعدين وهو عمره 6 شهور ،،، اشوف الجلدة هذي رجعت وصارت تغطي القضيب ولا كأنه مختون ،،،، بس كان مرة مرض واخذته الدكتور ،،، فاقلت لنفسي بالمرة بدل ما اجلس اقلق،،، ليش ما استشير الدكتور واخلص فيما يخص الختانه ،،، قام الدكتور دعي الدكتور الجراح وشاف الختانة ونزلها بيده الين ما ظهر الراس كله ،،، فقال لي: ان الدكاتر عادتا لما يختنو الطفل الصغير يخافو انهم يقصو مساحة كبيره من الجلده ،،، فيقصون مساحة صغيرة احسن من يقصون مساحة كبيره ،،، فتكون الجلده الباقيه كبير ويتخيل الاباء ان الختانه غلط ،،،، قال ان الجلده كبيره علشان كده تغطي ،، وحقت ابني لصقت ،،، فقال لي لما يكبير كل شي بايكون تمام ولا تقلقين ،،، بس انتي مع كل غيار اسحبيها لتحت وتظفيها علشان ما تمسك ،،، وقال اذا تشتي تجي يوم وتقصي الزايد من الجلد فانا مستعد ،،، فقلت له لا انا في غني ،،،، فقال في النهايه لا تقلقي لما يكبر با ترجع تمام ،،،

المهم الان وسام عمره سنه وحسيت ان الختانه اتحسنت كثير بس مش تماما ... بس انا دايما احرص ان انزلها لتحت عند كل غيار وانظفها والراس يكون باين ....

ان شا خير ... بس عشان تتأكدي وتطمني وديه عند طبيب مختص بتطهير الأطفال وبلاش تأجلي الموضوع لحد ما يكبر وديه من هلأ

وانا بعد احس ان ختان ولدي غلط ، وان شاء الله باخذه للدكتور علشان اتأكد مع انه ابوه معارض يقول ختانه طبيعي ، بس انا مشككة بالموضوع وحتى اختي لما شافته اكدت شكي ، واتمنى ان يطلع شكي في غير محله

اختي لا تهملي ولد ..........الصراحه صارتلي نفس المشكله مع ابني وتصدقي ما اكتشفت ان الختانه غلط الا لما كان ابني عمره 7 اشهر كنت رايحه المول مع زوجة اخوي وكان توه ابنها في الشهرين وراحت تغيره الحفاضه اعزكم الله ولما شفته انصدمت ما مثل ابني ابدااا الحرف طالع زين والجلد رايح كله وراء انا طبعا سكتت ورحت البيت على طول خبرت زوجي وقالي مو مشكله راح نخلي اخوي هو دكتور يشوفه باكر لما شافه اخوي قال لزوجي الختانه كلها غلط ....لازم يتختن من جديد انا طبعا جلست اصيح واصيح
اخذته عند دكتور فقال فعلا الختانه غلط بس انا بحاول اعمل شي وحاول يشد الجلد على ورا وفعلا ظل ابني فتره طويله الجلد وراء بعد فتره جيت اغير حفضت ابني جلس يصيح ويقولي ماما يعور كان طبعا ابني كمل سنه وما رضى اني اغسله طبعاا انا واجد خفت اتصلت على زوجي بسرعه واخذناه على العياده قال الولد صارله التهاب بسبب الختان غلط ولازم يتعمل له مره ثانيه ....... قالي لازم تودوه المستشفى بعد ما يشفى الالتهاب ........شفي من الالتهاب واخذناه على مستشفى خاص والدكتور عملله عمليت ختان مره ثانيه قالي العمليه الاولى كلها غلط قالي الي عملله العمليه شكله متدرب الله لا يبارك فيه لانه قص اللحم غلط ..............طبعاا شفت الويل ذيك الليله كان ينام في حضني طول الليل لما اتعب يشيله زوجي وهكذا قضينا اول لليله بعدها كل شي صار زين والحمد لله عبادي الحين 4 سنوات .........................
ادري طولت عليكي بالقصه بس كل الي اطلبه منك روحي واطماني على ولدك لانه كل ما يكبر يالمه اكثر الحين ما راح يحس
بالسلامه عليه ان شاء الله ما يشوف شر والله يباركلك فيه

حبيبتي انا ولدي نفس الشي

السلام عليكم ورحمة الله وبركاته


ولدي قاعد يصير له نفس الشي ... وخايفةةةةةةةةةة عليه ووايد احاتي هذي السالفة هاليومين
شالسواة ؟؟

في أمان الله

والله انا قصتي مع ولدي قصه ........... سويت له الطهاره بعد الاربعين وبعدها قال لي الدكتور تمام لاتحاتين كل شي اوكيه بعدها بفتره أحس انه في شي غلط الله يكرمكم متكفسه وفتحة البول ماتبين قالت أ مي ودي ولدك للدكتور المهم وديته دكتور الجراحه بمستشفى ثاني مر ه شاطر قال لي أول ماشافه ايه ولدك لازم ختان مره ثانيه والله هذا مش مختن وكان عمره فديته خمس شهور يعني قبل شهرين وجلست أبكي والدكتور يهدي فيني
ويقول لازم لاتحاولين لازم تخدير كامل بعدها توكلت على الله .. والحمدلله صارت أحسن

........اش هالدكاتره اللي قاعدين يتدربون على أطفالنا ليه الأطفال زمان ماعندهم مشاكل في الختان .......والله أعرف كثييييييير سووها مره ثانيه لعيالهم ..والله تعبت كسر خاطري ولدي قبلها بليله لازم مايشرب حليب علشان العمليه الصباح وطول ليلي معاه ينام ويصحى يبكي وألهيه ويالله على أجر ان شاء الله والدكتور نبهني على نقطه وقال لازم بعد الطهاره على طول ترجعينها على ورا وقال بعض الدكاتره ماينبهون على هالنقطه ........
....وان شاء الله مايشوف شر ولدك .......بس خلي الدكتور يشوفه علشان ترتاحين ولاتشيلي هم زييييييييي

شوفي لازم تودينه للدكتور لانه ولدي نفس ولدك وقلت لمن يكبر يمكن بيتغير وبيشتد الجلد مثل ماتقولون لكن للاسف الحين مشاء الله عمره 8سنوات ونفس ماهو ووديته للطبيب وقالي يبغاله مره ثانيه ختان واللحين اخوه الصغير نفس المشكله برجع اطهره مره ثانيه لانه نفس الشي وبوديهم يوم الاثنين ان شاء الله

موضوع واستفسار قديم ..