لــــــــيش تربطون بين الحـــب والزنــــــى ؟؟

بصراحه صار فيه خلط مثل ماقلتي والي تحب ينظرون لها انها واطيه لاسمح الله مجتمعات ماترحم
تحلل الحب للشاب وتحرمه للبنت وكأن البنت مخلوق حولينه قفص وياويلها لو فكرت بس تطالع عشان تتزوج البنات هدفهم حب وزواج ولكن الاغلب هالأيام لاهدفهم زواج ولا غيره همهم تسلية
يعني اختلط الحابل بالنابل صارالصح غلط والغلط صح ومثل ماقلتي الحب هو الزنى بنظر الغالبية
وانا استغرب من مثالية الرد عن بعض البنات وكأنها معصومه وكانها ترفض كل مغريات الحب مع انها مخلوق عاطفي تنساق مع العاطفه بسهولة بعكس الشاب مانقول الاعسانا نطيح على ناس تستاهل تنحب ونتزوج بحب .... وهذي امنيتي اني اتزوج بقصة حب قوية وسلامتكم
مشكوره لطرح الموضوع القيم
تحياتي

مشكووويين على مشاركاتكم

[COLOR="Magenta"]ريوف نجد دموع انا معاكم بكل كلمه قلتوها[/COLOR]

om_zayed:
وكل البنات والشباب يلعبون

السلام عليكم ورحمه الله وبركاتة

لا حبيبتى مو الكل ... في ناس تحب بمعني الكلمة وصادقة واكيد في شباب تلعب وبنات بس مو الكل وخصوصي مع تقدم التكنلوجية واصبح العب في النت والتليفون وبطرق سهله

لكن في ناس تحب وحاسة بالاشخاص الى تحهبا وتحترمه وتقدر هذا الشىء الانها فاهمه معني الحب انها مشاعر نقية وصافيه ولامجال للعب فيها



دمتم بود

انا أبقي أقول شغلة مهمة وملاحظتنها وايد
لما تنطرح اي مشكلة او قضية وهي (( التعميم ))

اذا غلط أي انسان فما يصير نحكم على الامة كلها
واذا فشل في حياته مب شرط الكل راح يفشل ..
اذا في رجل سيئ مب معناته ان كل الرياييل شراته
لاتنسون ان الرياييل في منهم اخوانا واباءنا ومحرمنا..

بخصوص صلب الموضوع وهو الحب .. الحب كان موجود في ايام
الرسول صلى الله عليه وسلم ..

عن ابن عباس رضي الله عنهما أن رجلاً قال: "يا رسول الله في حجري يتيمة قد خطبها رجل موسر ورجل معدم، فنحن نحب الموسر وهي تحب المعدم، فقال رسول الله صلى الله عليه وسلم: لم نر للمتحابين غير النكاح"

وعن سهل بن أبي حثمة أنه قال: "رأيت محمد بن مسلمة يطارد بثينة بنت الضحال فوق أجران لها ببصره طردًا شديدًا، فقلت: أتفعل هذا وأنت من أصحاب رسول الله صلى الله عليه وسلم؟! فقال: سمعت رسول الله صلى الله عليه وسلم يقول: إذا أُلقيَ في قلب امرئٍ خطبة المرأة فلا بأس أن ينظر إليها"

وقال عمر بن الخطاب أيضًا: "لو أدركت عفراء وعروة لجمعت بينهما"
وعروة عاشق عذري وعده عمه بالزواج من ابنته عفراء بعد عودته من سفر للتجارة، ثم زوجها لرجل من الأثرياء.

واعتقد الكل يعرف قصة رجل عاش في زمن الرسول كان اسمه مغيث ويحب امراة اسمها بريرة
ودايما كان يمشي وراها وهو يذرف الدموع من الحب اللي فيه مع ذلك الرسول ما نهاه عن هالشيء
بل استغرب واستعجب من موقف بريرة ..

ومن هذا نفهم ان الحب مب عيب ولا حرام لكن الاشياء الخاطئة اللي تستوي اثناء الحب
هي اللي تغير المفهوم وتجره للمعنى الحرام ..

طبعا زمنا هذا غير عن زمن الرسول والصحابه ..

والحذر واجب في الحب .. والمطلوب من البنت والشاب النية الصادقه
والاخلاص ووضع هدف لهذا الحب وهو الزواج لقول الرسول صلى الله عليه وسلم : ((
لم نر للمتحابين غير النكاح )) .. وعدم تفريط الفتاة بحيائها ورزانتها
وتقديم التنازلات مهما كانت ..

الموضوع كبير ومتشعب ولكني اكتفي بهالقدر ..

شكرااا جزيلا :)

رووووووووووووووووووووووعه ملاك الورد

وهذا اللي كنت ابي اوصله

ومن هذا نفهم ان الحب مب عيب ولا حرام لكن الاشياء الخاطئة اللي تستوي اثناء الحب
هي اللي تغير المفهوم وتجره للمعنى الحرام ..


مشكووورين حبايبي ومشكوره اختي النونه على ردج المنطقي

سؤال حق اختي بيانسيه
لو انتي ام واكتشفتي ان بنتج تكلم بالتلفون ولها علاقة بواحد ؟

شبتكون ردة فعلج وشبتقولين لها؟

يعطيكم العافيه موضوع شيق

ضي البدر : سؤالج حلو

اذا اكتشفت ان بنتي تكلم واحد بالتلفون اول ردة فعل مني طبعا راح اعصب لاني راح اخاف عليها لاني مادري ان اللي تكلمه او تحبه شاب زين او لا , بعدين راح اقعد واتناقش معاها واعرف اذا العلاقه بينهم علاقة لعب او علاقه جاده اذا كانت علاقه لعب راح انصحها تبتعبد عنه واوضح لها النتايج واذا علاقه جاده وعلاقة حب شريف راح اقولها تقوله يتقدم ويطلب ايدها

ام نوره مشكوووره حبيبتي

شريجاويه انا معاج بكل كلمه قلتيها وكلامج صح 100%

انا من رأيي

ان تربية البنت هي الي تعتمد على ان الحب يكون صادق او انه يوصل الى طريق الزنى

يعني اذا البنت فعلا حبت شخص وعرفت شلون تتحكم في نفسها وتبين لهذا الشاب شكثر هي بنت محترمة وبنت ناس ...مافي اي شاب يقدر يقول كلام خارج الحدود ..لأي درجة يكون هذا الشاب مو زين ....مستحيل انه يقول كلام مو عدل عن الفتاة هذي

ويعتمد على الأهل وتقبلهم للأمر يعني

انا بقول عن تجربتي انا خطيبي حبيته قبل الخطوبة ...تعرفت عليه وعلى حسب ما قال انه نيته من التعرف هو الزواج ...ومهما كان انا هالشاب ما أعرفه ولا عندي اي ارتباط فيه ....يعني كلمته وقلت له انا أكلمك بس لأنك تبي نهاية هالحب والعلاقة هي الزواج ..مرت فترة شهرين من العلاقة مجرد اننا كنا نكلم بعض بالتلفون فقط لا غير واحيانا كان يجي عند شغلي من بعيد علشان بس يشوفني ..لا طلعنا مع بعض مثل بعض الناس الي يروحون مطاعم ومجمعات كأنهم متزوجين...وحتى أهلهم مع الأسف يدرون فيهم انهم يطلعون مع بعض....

وبعدين قلت له اني بقول السالفة حق امي...وهو وافق وقلت حق امي وأخواني وابوي وبالعكس كانو عاديين واخوي بالذات كان يقول من حقج تعرفين الشخص الي بتتزوجينه ولكن في حدود انكم تتكلمون بأحترام ..لأنهم يثقون فيني وبأخلاقي اني ما أسوي شي غلط ...دائما الي أسويه في حدود المشروع

والحمدالله تمت الخطبة ....يعني لا وصلنا الى زنى ولا هم يحزنون

وانا ما أقول انه خطيبي ما كان يقول لي طلعي معاي

كان يقول ابيج تتطلعين معاي ..بس انا كنت أقول لا عقب الخطوبة نطلع ونروح اي مكان نبيه ونسوي جذي والي خاطرك فيه ..يعني كنت أحببه بهالشي

بالعكس كنت أكبر بعينه...

يعني ما أقصده ان الفتاة هي التي تتحكم بالشاب وبتصرفاته

اذا الفتاة أعتبرت الحب شي انها تخرج وتسرح وتمرح على كيفها فهذا هوالزني وبتخسر نفسها

ام الفتاة الي عرفت شلون تحافظ على نفسها وما نزلت روحها للشاب بالعكس انا أعتبره حب وصادق

في النهاية عزيزتي

نحن نعيش في زمن غير عن اباءنا واجدادنا

بحكم هالزمن لازما نماشي بعض الأمور مثل الحب قبل الزواج

ولكن مع الأسف في نظر بعض الناس ان الحب قبل الزواج حرام و ما أدري شنو ....وان الحب يجي بعد الزواج ...مو شرط

يا ريت ان بعض الناس يغيرون فكرتهم ان ان الشاب و البنت ما لازما يحبون ....على العكس فالحب هو الشي اليخلق المعجزات وانا بنفسي لاحظت هالشي وجربته

وسلامتك

وتسلمين على الموضوع

مع محبتي

hawralain

مشكووووره اختي على مشاركتج الحلوه

بصراحه !!!

كل بنت تحب لازم تكلم اللي تحبه صح والا لا ؟؟ ماعتقد بتحب من بعيد لبعيد

واذا كلمته !! وش بيصير ؟؟ الاذن تزني واللسان يزني

وهلم جرا من الكلمات والاحاسيس المتبادله والابااااااحيه بالكلام

وهالشي حرااااااااام

اما اللي بتحب من بعيد لبعيد انا متأكده بأنه بعيييييييييييييييد عن الوقوع بالخطأ وبنفس الوقت نادر من تعيش هالتجربه

ونصيحه نصيحه نصيحه والله ماورا هالكلام اللا الحرام وعوار الراااااااس والنتائج اللي شفتيها بعينك يالغاليه مو دليل انها تاخذ نسبه كبيره لإجابية الموضوع

لأن النسبة الاكبر بفشلها !!

وركن قضايا وحلول ماقصر

وحركات اللعب بالحب بوقتنا هذا كلها مكشوفه وواضحه الا الساذجه اللي تمشي ورا هالحكي

لأن النسبة الاكبر بفشلها !!

اختي سوري بس عندج دليل على كلامج؟؟

اغلب اللي يتزوجون عن حب ما يتكلمون يخافون من الحسد او من كلام الناس



مشكوووره على المرور

موضوع جرئ
واجابات صريحة
شكرا على الجميع على الطرح الجيد وعلى الاراء
والمشاركات
الحب موجود ولاننكر وجوده
ولكنه قليل جدا
في هذا الزمان
البشر اصبحوا كالذئاب البشرية

فالبنت خطر عليها ان تثق في الزمن هذا في اي انسان


دمتم سالمين
اختكم شريفة

مشكووووووووووره اختي شريفه على مشاركتج الحلوه

بيانسيهq8

الدليل بقسم قضايا وحلول هههه

شكلك الله يهديك نايمه بالعسل ماتدرين عن شي

ترا والله مصايب هالعالم وهالفضايح من ورا هالعلاقات

وبعدين انا شوف بعيوني ومو بس بمجتمعنا حتى لاحظت بقسم قضايا وحلول اغلب الخليجيين يعانون من نسبة الفشل

وكذلك الدليل ببرنامج سيرة الحب ودايم الدكتورة فوزيه الدريع تحذر بس البنات الله يهديهم !!

مشكوووووووووره اختي على تفاعلج مع الموضوع

مرحبا .........موضوع شيق بصراحه وقوي

حبيت اعلق ان اصابيع الايد ما هي سوا؟؟؟ والناس اجناس وكل واحد وتربيته وطريقة تفكيره والهدف اللي بيوصله.......
في بنات تدور الحب وتكون نهايتها الارتباط بهالشخص بس للاسف ممكن انها ما تلاقي هالشخص او ماتحسن الاختيار ........في مجتمعات تقبل هالشي ومجتمعات لا خاصتا نحن اهل الخليج اللي تحب تعتبر زاانيه للاسف وكل عيوب الدنيا فيها
وفي شباب ما يبا يتزوج الا بنت اهو يعرفها شخصيا يعني تكون في علاقه سابقه بينهم لانهم ما يؤمنون بالزواج التقليدي يقولك ممكن انها ماتناسبني ما ارتاح ويها يعني من هالقبيل؟؟؟

يعني الدنيا حظوظ وارزاق ونصيب......واقولكم سالفه واقعيه في رجل عمره 40 سنه تزوج وعمره 26 ورزق ب4 اطفال وبعد هالعمر كله ومرور الايام قعد 3 سنوات يدور على بنت يحبها وتفهمه ولقى هالبنت وعلاقتهم احلى من الحلو وقرر ان يتزوجها وان شاء الله الله يتمم على خير... اهو طلب منها يقابلها بس رفضت وطلب وطلب بس البنت ترفض <<<<<وهذا عين العقل لانها ما رخصت نفسها ........ وهو قالها انه كان يختبرها يعني يجس نبضها وارتاح من ردة فعلها وتفكيرها هذاالرجل مع انه كبير فالسن ماقال لا والله مابحب ...

الحب له سلبيات وايجابيات والحرام واضح والحلال واضح<<<<<<<الموضوع كبير وهذا اللي اقدر اقوله

مشكووووووره حبيبتي

رووووووووووووووووووووعه

تسلميييييييييييييييييييييين على هالموضوع الرائع

كان ودي ارد و اعلق على الموضوع ... بس كل اللي ابي اقوله ...
ما قصروا خواتي ::: ام هبه و رومي ..و ردو ...

فجــزاهم الله كــل خير ... و نفع بهم ...