قلب مكسور

السلام عليكم
انا بنت عندى 23 سنه لسه مخلصه كليه
كنت مخطوبه كنت بحبه جدا من وانا صغيره اتعرفت عليه وانا فى المدرسه وحبينا بعض وكان بينا قصه حب الناس كلها عارفاها باعنى بعد حب4 سنين ورجعلى تانى بحب اكبر واكبر وانا مترددتش انى ارجعله واتخطبنا رسمى لمده سنه ونص وكان جوازى الجمعه اللى فاتت والموضوع خلص قبليها باسبوع
لكو ان تتخيلو عشان ايه خلص
عشان فستان الفرح
تخيلو ينتهى الحب الكبيرعشان ايه
انا كنت بحبه جدا كنت كل حاجه حلوه بعملهاله كنت مستحمله ظروفه كلها
هو مشترطش عليا انى البسه بحجاب وبعد ما جبته قالى لازم يرجع من غيرمايشوفه واتخانق وزعق وعمل حاجات صعبه جدا وكلم اخويا وقاله كلام بايخ انا مكسوفه اقوله
بس اقدر اقول انه تمكن من حبى لى وعرف انى مشممكن استغنى عنه حتى لو عمل ايه انا كنت بقوله كده وهو تعامل معايا على الاساس ده
مامته طبعا هى السبب كانت جامده جدا ومتصلطه جدا وقومته وهو مشى وراه كلامها
وخلص الموضوع على مفيش وقبل الجواز باسبوع ومهموش اى حاجه ولا سمعتى ولا كسره قلبى ولا كلام الناس ولا تعبى ولا اى حاجه
اللى انا عايزاه انى اعرف هل فعلا انا الواحده لو اتعملت مع حبيبها بصدق وبحب وباخلاص ده فعلا غلط زى ما الناس كلها بتقول انا ماما كانت دايما تقولى انتى مثاليه >ياده عن اللزوم وده غلط ومكنتشبصدق اى حاجه عليه
هو فعلا كان فاكر انى هاكلمه بعد كل اللى حصل
ولو كان اللى الناسبيقولو صح يبقى انا عمرى ما هاحب ولا هاتجوز لانى مبعرفش اتلون ومخلصه للى بحبه وصريحه انا فعلا غلط لانى كنت بعامله زى مامته مش حبيبته كنت بخاف عليه خوف الام مش الحبيبه
اللى انا عايزه اقوله ان بجد مبقاش فيه امان لان النسان الوحيد اللى حبيبته باعنى وطلع قليل الاصل واستغنى عنى بسهوله غيرمتوقعه واهلى بيقولولى انى السبب لانه كان واثق فيكى اوى
المهم لو الحياه فعلا كده يبقى مليش مكان فيها وياريت اى حد يقرأ الكلام ده يعتبر لان اللى حصلى كان اخرشىء متوقع فى الدنيا وانا فعلا بجد مش عارفه حياتى اللى جايه هتبقلى عامله ازاى هل هاقدر اتعايشمع الناسواثق فيهم تانى انا لا اعتقد هدا

من القلب الحزين المكسور المخدوع
نانو