ويش أخذ معاي

اخذيلهم سلة حلويات او مكسرات وباقة ورد واخذيلهم اغراض مثل قطع وشيل وعطور ودخون وحطيهن فى سلة وزينيها.
او اخذى لهم حق البيت اى شئ مواعيين او تحف او مفرش للسرير اى شئ يخطر فى بالج

كنت افكر اني اشتري حلاوه و احط الحلاوه مع بوكيه ورد...بس ويش لازم يكون لون الورد...اريد اعطيه حال ام زوجي الله يشفيها؟

ليش ما تخذيلها شئ ممكن تستخدمه هناك مثلا شنطه ، حذا مريح ... الخ
اي شئ للسفر وانت ادر شو حماتك بتحتاج
وممكن بعد تعطيها كتب ادعيه (أدعية شفاء) او مصحف صغير للسفر

ربنا يشفيها يا رب
وجميع المسلمين

عمري كل الرومانسية اول شيء شكرا على مرورك

بس اهل زوجي رجعوا من السفر امس واريد ازورهم اليوم وما عارفه ايش اخذ معاي؟

غايوتى شكرا على مرورك الطيب

عادة إللي يكون مسوين له عمليه يعني يعطوه علبة شوكلاته أو سلة شوكلاته + باقة ورد..

وانا بعد اقولج مثل ماقالوا البنات ممكن تودين لهم سلة كافي أو ممكن تاخذين لهم كيكة حلوة وتوصين على فطاير وسندويشات راقية ...

ومايمنع تسوين باقة ورد حلوة حق ام ريلج والمعروف انه الالوان تكون بيضه بس انتي سوي مكس اورنج على مشمشي ( انتي وذوقج )...

والحمدالله على سلامتهم ...

تستاهلين سلامتهم عزيزتي


ما شاء البنات كفوا ووفوا

كل اللي بقوله قالوه

الحمدلله على سلامتهم

وانا بقول لك مثل ما قالت بنت قمر
هي جاية من سفر ومسوية عملية

الهدية المناسبة هي شوكولاتة ( سلة او علبة ملفوفة بشكل انيق ) مع باقة ورد مع كرت مناسب



واختاريها بالوان مشرقة او هادية لكن ابتعدي عن اللون الأحمر





لا اكثر ولا اقل

الف الحمدالله على سلامتها وما تشوف شر ان شاء الله..

مثل ما قالولك البنات وممكن تاخذين لها صحن حلويات خصوصا ان بيجون يزورونها ناس في صحن فخم مثل كريستال او اللي تبين..
وممكن تاخذين لها جلابيات او قمصان بأروابها لاستقبال الضيوف مع باقة ورد تحطها على الطاوله جنبها.. وهذا اللي افضله لأنه شي بيبقى لها.. وبعد لأنك زوجة ولدها فالهديه تكون شي يبقى ..
وممكن تدمجين الاثنين..
وكله راجع لك..