افضل الاطباء في دولة قطر

يمكن حااامل اختي

لا حبيبتي اشدعوه حامل وانا توني خالصه من الدوره,,,؟؟؟؟

ما يصير

على العموم لازم اروح اسوي تلفزيون مره ثانيه واتاكد شسالفه,,,

واشكرج خيتو المياسه على الرد

عادي يأختي في طبعا تبويض بعد الدوره في بعض الحريم وهذا معروف

سالت وحده عن دكتوره للعلاج قالوا لي الدكتوره اللي بالمنصور يقولون واجد ممتازه ,,,,,
وواجد حملوا على ايدها

عدنان قليل ادب وما احبه انا تعرفون انه كان يستهزا بالرسول من فتره يقول لما تقاطعون هل بيوصل للرسول بالفاكس والا بالانترنت وواجد كلام الله يهده الخايس

اما عن شحاته سوا الهوايل في اختي توها والده تخيلوا فتح بطنها وطلع البيبي
وخيط الرحم بدون ما يشفط الدم ولا شي وخلاها وبطنها مفتوح وجا دكتور ثاني خيطها وفي الليل انتفخ بطنها وما تقدر تتنفس وبعدها اعصروا بطنها مثل الولاده الطبيعيه يعني من كل صوب الم
قلت لها اشتكي عليه بس هي ما تسمع الكلام قلت لها اليوم انتي وبكره غيرج خليه يتادب

اما انا جربت دكتوره مها عشان الالتهابات وعطتني حبوب تنزل الدوره وانا حامل ولا شيكت ولا شي
والحمد لله ان الله ستر

اما انا جربت اكثر من دكتور في حمد واحسنهم نجاة بس مادري اذا لها خبره في العلاجات

لا حبيبتي اشدعوه حامل وانا توني خالصه من الدوره,,,؟؟؟؟

ما يصير
اختي ريم لاتسبدعدين شي رب العالمين اذا اراد شي بيصير


ومافي شي مستحيل على رب العالمين


وان شاللله تكونين حااااااااامل


بس انتي طيعيني ترى نفسيتج ونفسيت زوجج

اهم شي سافري وعيشي شهر عسل جديد كأنكم توكم متزوجين اخذي لج ملابس جديده

وحسسي نفسج وزوجج انكم عرسان جدد وانشاللله بتستانسين وبتحملين باذن الله

اللهم امييين الله يسمع منكم انشاالله

ويرزقنا اجمعيين

الله يرزقج الذرية الصالحة اختي ريم انتي وباقي اخواتي يارب العالمين ..
..

انا بتكلم عن تجربتي مع دكتورتين .. دكتورة رزفي ودكتورة سميرة العراقية ..
وهم موجودين بالمستشفى الاهلي .. خبرة في مجال الامراض النسائية والولادة ..
ما شاء الله عليهم خبرة في مجالات كثيرة نعاني منها احنا الحريم ..
سواء كيفية منع الحمل او الالتهابات او تنظيم الدورة والمبايض ..
وايضا في المراجعه وقت الحمل والولادة وخاصة دكتورة رزفي شاطرة في الولادة والخياطة ..
..
انصحكم بهم ..
والله يرزق كل محرومه بإذن الله ..

تصدقون والله إني خفت من كلامكم ..

بس شكلي بحول على عمر بوزينب ..

أنا معرسه من 4 سنين وبدخل السنه الخامسه شهر 9 إن شاء الله ..

المهم بديت علاجي بعد 9 شهور من عرسي .. مع دكتورة في عياده ماأدري شسمها المهم في طريج سلوى بس ماأستمريت معاها ..

وأنا قالت لي هي وحتى عدنان الحمد لله ماعندي شي إلا أن البويضه يكون حجمها صغير ..
وعلاجي الحمد لله ماشي مع عدنان وحملت مرتين بس سقطتهم .. وإن شاء الله بجرب عمر بوزينب هالمره لو جاتني الدورة ..

والله يوفقكم يارب .. ويرزقنا ويرزقكم بالذريه الصالحة والسليمه والمعافاه ..

عن تجربتي مع مستشفى الاهلي

انصحكم بدكتوره رزفي شاطره ما شاء الله عليها
عن جد خياطتها وايد نظيفه وزيننه

انا ولدت بالقيصري على يد رزفي
عن جد خياطتها وايد كانت زينه وتشافيت بسرعه
وعلاجها ماعليه كلاااام ممتازه

اشكركم على المرور حبايبي

وتسعدني مشاركاتكم وردودكم

وكل شخص له وجهة نظر بالدكتور الي يعالجه ويرتاح له ومابه دكتور ما يخطي

على العموم حبيت اطمنكم حبايبي

انا سويت تلفزيون امس وكنت باليوم العاشر

والحمدلله نازلت لي بويضتين واحجامهم كبيره زينه للحمال يعني

وطمني الدكتور قالي البطانه عندج ممتازه ومابه اي شي يمنع الحمل

ولا تلجئين للعلاج لانه مافيج شي

ادعولي يااخواتي انالله يرزقني هالشهر انشاءالله الذريه الصالحه


ونفرح كلنا يااااااااارب

يالله يارب انك تعطي ريم على قد نيتها ...

حبيبتي إن شاءالله تبشرينه بخير حملج ... واهم شي مثل ماقالوا البنات نفسيتج ...

تعرفين انا اعرف وحده كانت قاعدة فالبيت يعني ماتشتغل وكله تفكر في الحمال والعلاج وتقول ماخليت طريقة من الطرق ماسويتها وتقول والله نفسيتي فالحضيض ...

قام قالها ريلها ليش ماتشتغلين احسن لج عالاقل تنسين هالسالفة.... تقول والله من دوامت وتعرفت على البنات الحمدالله 3 شهور الا وانا حامل ، وكانت تقول انا ماحملت من بعد كتبة الله الا من تغيرت نفسيتي .....

فانتي حاولي تشغلين وقت فراغج بشي انتي تحبينه ... والله يكتب لج اللي فيه الخير يا حبيبتي ...

يالله يارب انك ترزق كل البنات المحرومات وتعطيهم على قد نيتهم ...

الله يرزقكــم بالذريـــة الصالحـــة



مجنونة قطر>>>>>> الله يتمم لج على خير ويرزقج بالولد الصالح



بالنسبــة لي عقب ما تزوجت تلخبطت دورتي ورحت حق الدكتورة يسرى اللي في عيادة الشرطة لأني كنت اروح لها لما كانت في عيادة خاصة ويا ليت ما رحت لها....

أول شي قالت لي ان هرمون الحليب مرتفع ولازم نزله... ونزلناه وبعدها سوت لي تلفزيون وقالت لي الحمل صعب عندج لأن بويضاتج صغيره وضعيفة...... وزعلت ومت صياح ونفسيتي كلش

وخذتني امي عند الدكتوره نجاه قطرية وايد زينه وتعاملها حلو سوت لي تحاليل وتلفزيون كل شي اوكي والبويضة ما فيها اي شي طبيعية.......... واستانست وارتحت انه ما فيني شي والشهر اللي عقبه بدون اي شي طلعت حامل بس الله ما كتب وسقطت وعلى طول حملت بدون شي وكنت اتابع عند شحاته في المسائية بس ما ارتحت له احس ما يهتم يشوف التلفزيون اللي مسويته وبعد ما يهتم لأنه يقول مدام انج سويتيه عند احلام وقالت كل شي اوكي خلاص ويسألني في اي مشكلة؟ عندج حبوب؟ وخلاص سوي موعد بعد شهر!!! بس ,,,,,

عقبها حولت عند سميرة العراقية بصراحـــة ممتــــازة ممتازة بمعنى الكلمة تهتم فيج وبأدق التفاصيل ومستحيل يسون لج شي بدون استشارتها حتى في الولادة كلموها الساعة 3 الفجر عشان اربي قيصري وعقبها اتصلت فيني الغرفة وقالت لي كل شي يعني كانت متابعة كل شي بالتفصيل ........


بس سميرة الحين في التخصصي؟!!!!




والدكتورة رزفي زينة والكل يمدحها.....




النفسية لها دور في الحمل واكبر مثال أنا...... على نهاية كورس التخرج حملت لأني كنت مستانسة اني باتخرج..... وكثروا من الاستغفار ولا تنسون صلاة الليل والله يوفقكم

والدكتورة رزفي??

منو الدكتورة رزفي ؟؟ اول مرة اسمع فيهاا؟؟؟

الدكتورة رزفي دكتورة أعتقد باكستانية كانت في حمد وألحين في الاهلي ..

دكتوره رزفي هي زينات رزفي اللى كانت في حمد

اللى اعرفه ان سميره العراقيه مهب في الاهلي
لقيت دكتوره عراقيه ممتازه في الاهلي وقالولي اسمه غير

وينهم بنات بلادي ..!!!

بنات الللحين من احسن بحمد المسائيه ابغي اخذ مواااعيد امدحولي نجاة ونجاح

اختي كان عندها تكيس في المبايض

وراحت اكثر من عيادة خاصة ولاستفادت

وراحت عند ليلاما وعطتها ابر وحبوب والم من غير فايده

واخر شي حولتها مستشفى الولادة

وكانت تتابع في مستشفى الولادة عند دكتورة اسمها مريم

وانا كنت اروح معاها

والحمدلله بعد كم شهر حملت وجابت البيبي

والحين عندها ولد الحمدلله

الله يرزقكم خواتي وان شاء الله تحملون

بنات اللي ماعندهم عيال روحوا العمره

ترى الدعاء عند بيت الله له فايده كبيرة

وانا سمعت حريم وايد حملوا من بعد ماراحوا هناك ودعوا

وحتى اختي كانت حامل باول الاسابيع وراحت العمره ورجعت

وبعد اسبوعين سوت تحليل الحمل في البيت وطلعت حامل

وبعدين تاكدنا من المستشفى

حبيبتي روحي عند دكتورة إيفا بمجمع المنصور الطبي ممتازة وراح تعطيكي تلخيص كامل لحالتك وراح تتابع معك وهي من صربيا مومثل الدكاترة العرب الله يصلحهم كل همهم الفلوس ...

المهم روحي عندها بسرعة لأنها راح تسافر ويمكن ترجع على رمضان

ربي يرزق كل من يتمنى .. ولا يحرمنا ..