أخت خطيبي تسأل

أختى الغـــ كله ـــلا
مثل ما قالت لك الأخت قطوووه
وحسب الالوان اللي تحبينها وحسب لون غرفة النوم والمجلس واشوف اللون البيج ودرجاته تناسب معها اشياء واااايد
الله يوفقك أختك أنيين الصمت

لازم بعد تشوفن كاتلوج الاصباغ

تختارين اللون حسب ذوق

عزيزتي اختيار لون معين لا يكفي
مثلا لو قلتي بيج .. طيب اي درجة من البيج ؟

كل لون وله درجات لونية مختلفة تتدرج بين الفاتح والغامق
لو ما كنتي راح تختارين اللون بنفسك من محل مثلا .. او مع خطيبك
يفضل انك تطلبي منهم كتالوج الالوان من نفس المكان اللي بيصبغون منه عشان تحددي اللون والدرجة

فيه فرق بين انك تختاري لون والسلام .. او تحددي الدرجة اللي حابة تصبغيها ومثل ما قالوا الاخوات
يعتمد على مساحة الغرفة ونوع الغرفة ( غرفة نوم - صالة - مجلس - غيره )

بالتوفيق

مشكوريين خواتي

والله ما قصرتوا



دزاين الغرفه هي عبارة عن غرفة نوم ومفتوحه على صالة صغيره

وهي واسعه الى حد ما

طيب اذا اخترت البيج هل اصبغ الحجرة كلها بيج؟؟

ووو شو بالنسبه للصالة الصغيرة؟

هلا اختي الف مبروك ان شاء الله

بس ماكنهم مستعجلين شوي؟؟..مايبون يفوتون عروسه من عروس هههههه

انتظري لين الملكه بعدين اختاري انتي وزوجك مع بعض..

المهم اقول حسب الديزاين اللي تحبينه وحسب ديزاين الغرفه نفسها

اذا الغرفه مودرن يعني طراز حديث يبي لك درجات (اسود,ابيض,رمادي,احمر) مثل كذا

اما اذا كلاسيكيه او تراثيه او هنديه يبي لك الوان(بيج,زيتي,احمر,اورنج،كحلي,اصفر) مثل كذا

ورايي تحطين اللون واحد مثلا بيج غامق وجدار واحد بلون ثاني مثل الاورنج او جدار واحد ورق

جدران..

بس لاتحطين اللون كامل غامق لانه يضيق المكان مهما كان بتحشين الغرفه بالاثاث..

وانتبهي من الاصفر والاحمر لانها تنرفز مع اني احبها...

اكبر دليل بنتي توتي اذا لبستها اصفر ودي اظربها ...هههههههه امزح..


والله يوفقك

هههههههه

اختي توتي

انا مالجه

وعرسي جريب


م اكثر لونين ترددوا علي البيج والاورانج


مشكورين يا غوالي غلا

مرحبــــــــــــــــــــــــــــــا

والف الف مبروووووووووك

حبيبتي انا مصممة ديكورات وحابه اساعدج في سالفة الالوان

شوفي هذي شويت صور لغرف نوم في اللي ثقيل وفيه اللي خفيف

وانتبهي للالوان اللي بترتاحين الها عسب تقدرين تختارين بعدين الون المناسب

وبصراحه اللوان البيج سيد الالوان يعني تقدرين اتحطين الون الاساسي بيج وتضيفين الون اللي

يعجبج مثل الاحمر او البنفسجي او اي لون اتحبينه

وبصراحه الخوات ماقصرن عطنج كل الخيارات

والله يوفقج انشالله ...

















والسموووووووووووووووحه

هذا ذوقي في الوان البيت ان شاء الله تعجبك لان ذوقي شوي غريب احب الشي ((الغريب مو مكرر))


شوفي الصورة الاولى والثانية هاذيله احلى صبغ بالنسبة لي احسه غريب وروووووعة

والله الموضوع يا بوقته ^_^

فلاحه عنيده

صور رهييييييييييبه
ذوقج رائع

تسلمين الغاليه