(f)
فيء:
مرحبا اختي مارشملو .. بالأول ابي أقولك اني عضوه جديده بهالمنتدى الرائع
وموضوعك لفتني وايد من روعته وتميزه .. وواضح طبعا انك خبيره بالمكياج ودمج الألوان
واللوك واضح انه مميز .
:clap:
بس عندي استفسار لأني مادري أسأل منو :(
شوفي اختي انا عندي مساحه واسعه بين عيوني وحاجبي .. وعيوني وساع وزاويتهم الخارجيه
طالعه على فوق شوي بس
يعني مثل القطاوه ههههههههه
المهم .. انا ماحب الكحل على عيوني أبد .. مع ان الكل يقولي وش فيك ماتحطين كحل
وانه حلو علي .. انا ماأقدر أتقبل شكلي بالكحل .. أحس يطلع شكلي عيوز :(
جربت كل طرق وضع الكحل وكلهم ماحبيتهم .. دوم أحس المكياج يطلع شكلي أكبر من عمري
أشوف ان ملامحي يناسبها المكياج الناعم جدا ..
وحنا عندنا أعراس بالفتره الجايه .. مادري شلون أقدر أتحكم في اللي تحطلي المكياج
انها تسويلي ناعم .. آخر وحده سوتلي قالتلي انه يناسبني كل أنواع الآي شادو
يعني السموكي و و و .. الخ
قالتلي بحطلك سموكي .. طلع شكلي يلوع الجبد :(
والله ماحبيته أبد ..
أبي نصيحتك عزيزتي بما انك خبيره .. ياليت لا تبخلين علي حبيبتي
الود ودي أشتري كل أنواع الفراشي وأجرب بالبيت .. لأني أحب المكياج
بس نادر أحب شكلي فيه
بانتظار ردك
ومشكوره على الموضع الحلو
يا هلا فيج حبيبتي و منوره المنتدى كله .. لكن ما بجاوبك الا توعديني يدوم التواصل معانا بأذن الله ..:clap:
واحنا هني كلنا خوات و تواجدنا عشان نفيد بعض
اول شي عيني عليج بارد وما شاء الله ،، تخيلت شكل عينج واذكر ايام المراهقه تمنيت عيوني تكون بهالشكل :shy:
في البدايه ،، الظاهر انتي مب متعوده على شكلج في الميك آب وحاطه في بالج ان الميك آب مب حلو عليج ..
بالنسبه لرسمات الشادو اعتقد اغلبها حلوه على عينج ،، لكن اشوف تدرجات الالوان مع شوية دمج احلى من السموكي ،، وبنهايه على شكل < ،، فهمتي قصدي .. وشي طبيعي يكون الشادو من برا ،، مرفوع شوي مع مدة عينج .. بيطلع احلى ..
عموماً ،، ابدي مع الوان الشادو الفاتحه ،، والترابيات بتطلع حلوه وايد .. مع رسم الكحل من فوق وتحت ،، بيطلع خيال ،، صدقيني الكحل على رسمة عينج وايد حلو لو يكون بارز ..
ولو تعرفين الممثله صفيه العمري ،، معليه هي عيوز ،، بس عيونها مثل وصفج ،، عيون قطوه ،، ودايماً تحط كحل بارز .. وايد حلو عليها ..
اهم شي الثقه و تكونين حابه انج تحطين مكياج ،، وشوي شوي بتتعودين ..
