ارجو المساعده.............؟؟؟؟؟؟

عزابية 11-07-2006 10 رد 1,294 مشاهدة
ع
السلام عليكم بنات شخباركم انشالله طيبين
الصراحة هذا أول موضوع انزله فالمنتدى مع إني مشتركه من زمان بس الحمد لله استفدت وايد من تجاربكم والله يعطيكم العافية.....حبيت اعرض عليكم مشكله تواجه ربيعيتي وانأ كتبت هالموضوع عشانها وانشالله تفيدونا بخبرتكم ...هي بشرتها وايد وايد وايد وايد جافه لدرجه انها تتشقق من كثر الجفاف ما خلت عياده ولا كريم ما حطته على جسمها بس ما شي فايده وكلم تحط هالكريمات على شان ترطب جسمها وبعض المناطق الجافة يتغير لونها ويصبح بني مع التشقق وطبقه الجلد تتيلف ...وما عرف شو اقوللكم بعد بس انشالله القى عندكم الحل ؟؟؟؟؟؟؟
س
لاسف ما عندي فكره
غ
زيت الزيتوووون واااااااايد زين للبشرة الجااااافه يرطبها ويغذيها ويحميها وفيه بعد مضادات أكسده ....


خليها تستخدمه كبديل عن الكريمات الاخري .. وان شاءالله يفيدهااا
ع
مشكوره الغالييه
ب
هلا عزيزتى

اكيد صديقتج ماتشرب سوائل كفايه ولا تاكل فواكه ولا الخضراوات الخضراء وذات الالياف

لان كل ما تشتكى منه يدل على جفاف داخلى عضوى وتظهر آثاره على البشره

ونصحيها بالتالى:

1. شرب ماء طول اليوم بما يوازى 12 كوب فى اليوم تقريبا ثلاث زجاجات مياه معدنيه كبيرة..على الاقل 2 ونصف مش اقل

2. أكل فواكه طول اليوم وبالاخص الغنيه بالالياف مثل البطيخ والشمام وهو متوفر طول السنه والخضراوات والسلطات على الثلاث وجبات وبالخصوص

الخيار والكرفس والخس

3. استخدام المياه الدافئه والباردة بالتناوب فى الاستحمام لتحفيز الغدد الدهنيه لافراز زيوتها
وبالتالى ترطيب طبيعى للبشرة.

4. بعد كل استحمام تدليك كل الجسم بزيت بيبى جونسون البخاخ لمدة 10 دقائق حتى تمتصه البشرة وبعدها رشه بماء ورد بارد لقبض مسامات البشرة

5. كل ليله قبل النوم تستحم بماء دافىء فقط وتنهيه بهذه الوصفة التى تغنيها عن كل الاطباء وتخلصها من الجفاف الى الأبد:

1. تحضير زجاجه فاضيه وخلط التالى بها واستخدامها كل ليله قبل النوم لمدة شهر وبعد ان ترجع بشرتها طبيعيه تستخدمها مرة واحدة فى الاسبوع فقط

2. كوب زيت لوز حلو

3. كوب زيت زيتون

4. نصف كوب جليسرين سائل

5. ربع كوب زيت خروع

واذا مالقت زجاجه كبيرة ممكن استخدام الزجاجات الكبيرة الخاصه بالطرشى او الآجار او المخللات

وهذى الوصفه بترطب بشرتها وبتغذيها وبتعيد ليونتها الطبيعيه لها وبتبيضها

ولا تنسى تدعيلى وتدعى لوالدى بالرحمة والمغفرة(f)

وربى يحفظها ويحفظج يا قلبى

بنت عذارى
ع
مشكوره اختي بنت عذاري ويزاج الله الف خير وانشالله تستفيد منها وتصح....بس بغيت اسالج زيت الوز الحلو هوه نفسه زيت الوز العادي الي نشتريه من عند العطار وشو هوه الجلسرين السائل والله ما عرفه ممكن تحطيلي صورته او اذا في اسم ثاني وبعد بغيت اعرف حجم الكوب مثل شوه ؟؟؟؟؟ ومشكوره حبيبتي
ع
هلا اختي بنت عذاري بغيت اسالج الخلطه تستخدمها بعد الاستحمام عقب التنشيف ولا وهي خرسانه وبعدين ترش عليها ماي ولا بس تنام فيها وتنش تسبح ...........ومشكور الغاليه ادري حشرتج..
5
أنا أعرف انو زيت الزيتون هو أقوى مرطب للبشره خليها تدهن منه كل يوم
متل ما قالت الأخت غزال الدماني
ب
عزابية:
مشكوره اختي بنت عذاري ويزاج الله الف خير وانشالله تستفيد منها وتصح....بس بغيت اسالج زيت الوز الحلو هوه نفسه زيت الوز العادي الي نشتريه من عند العطار وشو هوه الجلسرين السائل والله ما عرفه ممكن تحطيلي صورته او اذا في اسم ثاني وبعد بغيت اعرف حجم الكوب مثل شوه ؟؟؟؟؟ ومشكوره حبيبتي


هلا حبيبتى

زيت اللوز الحلو هو الموجود بالصيدليات والسوبرماكت مش اللى عند العطار

والجليسرين السائل هو زيت نباتى يرطب البشرة ويمنع جفافها وتحصلينه بكل الصيدليات

والسوبرماركت



بس قوليلهم ابغى جليسيرين سائل

pure glycerin

وحجم الكوب ...اى كوب او كأس عندج مش مشكله

يعنى حسبى المقادير على اى كوب عندج لان النسبه بتكون على حسب حجم كوبج

وتقبلى ارق التحايا

بنت عذارى
ب
عزابية:
هلا اختي بنت عذاري بغيت اسالج الخلطه تستخدمها بعد الاستحمام عقب التنشيف ولا وهي خرسانه وبعدين ترش عليها ماي ولا بس تنام فيها وتنش تسبح ...........ومشكور الغاليه ادري حشرتج..



هلا اختى عزابيه

تستخدمها بعد ماتتنشف وتدهن كل جسمها وتنام به وثانى يوم تصحى عادى وتاخذ حمامها الصباحى

وتحياتى

بنت عذارى
M
نصائح الغاليه بنت عذاري فنانه .. لازم تتبعها لأنها مهمه وايد .. الى جانب الخلطه لأن كل مكون فيها .. نتيجته وايد حلوه ..

واعتقد بنت عذاري قصدها تستخدم الخلطه قبل النوم و تتركها ،، عشان البشره تمتصها وتستفيد منها .. ومن باجر الصبح تغسلها وتاخذ شاور ..

يعني مثل ما قالت بنت عذاري بعد الشاور تستخدم البيبي اويل وقبل النوم الخلطه اللي ذكرتها

الى جانب هالخلطه ممكن تستخدم مرطبات حلوه وتلين الجلد .. خصوصاً اللي تحتوي على زبدة الكاكاو .. او الـ Body Butter من بدي شوب لأن ترطيبه وايد قوي ..


Almond Body Butter
وايد حلو ومن مكوناته : اللوز الحلو ،، زبدة الشيا ،، زبدة الكاكاو ،، والجلسرين .. وكل هالمكونات مرطبات قويه ..

وخليه تستخدمه بعد كل وضوء اذا قدرت ،، لأن الماء ينشف البشره ومحتاجه بعده لترطيب
X