تجهيزات احلي عرايس مصر (الجزء السادس)

صحيح يا امه الله عندك حق بس اوقات الاهل بيصمموا على موضوع القايمه ده وممكن اصل الجوازة تتفشكل بسبب رفض العريس لانها اوقات بتعدي 150 الف جنيه بس مين بقنه الاهل بالموضوع ده

احبكم فى الله يا اقولانه ايه الافكار الحلوه دى اللى ناويه انشاء الله تعمليه فى فرحك



ايه يا جماعه معقوله ولا واحده فيكم من مدينه نصر علشان تقولى كوافير حلو

جزاكى الله خير امة الله

واول مرة فى حياتى اعرف ان الموخر يستحق الدفع وليس شرط الطلاق


احبكم فى الله يالا قوليلنا افكارك لفرحك ايه هيه

نونا الشعنونة

فينك وفين مشاركاتك

وكمان فين فلور


انتى فين يا فلوووووووووووووووووووووووووووووووووووووووووووووووووووووور

بصو يابنات طبعا الفرح ان شاء الله ديني وحلبس طرحتي اللي من مصر انتم عارفين نادي ظباط النقل اللي في شبرا ده انا طلعت معاهم رحلة ايتام بجد المنظر تحفة وتاجير المرسي ب600ج فقط طبعا حيبقي كتب كتااب من غير رقص ولا مغني ومعاهم العصير بلاش ببيسي وممكن معاهم شيكولاته وكمان حتقعدي الوقت اللي انتي عيزااااه دي فكرة في جامع القوات المسلحة اللي جنب نادي البنك الاهلي م نصر قريب من ش النزهة ده بردو جمبل ومافيش حد اعرفه كتب فيه

dalida_palace
إزيك يا داليدا منورة والله
ميرسى أوى عالكريم دة
هو معمول لكدة ولا لحاجة تانية ؟ يعنى هو مكتوب عليه مخدر لإزالة الشعر؟
وإن شاء الله هجيبه وأدعيلك


نور الهدى
أهلا حبيبتى
بصراحة انا مش فاكرة إسم المكواه ولا البلد لإنى رميت العلبة من زمان بس إنتى هتلاقيها عند وليد مفيش غيرها ولونها إسود والجزء اللى بيسخن أبيض زى السيراميك وليها فيشة
وحتى هما فى الكوافير نفسه شغالين بيها مش بالعادية اللى بتتسخن بالنار


أمة الله
ألف ألف مبروك وعقبالنا يارب
بس قوليلنا أسعار الأوض يعنى الصالون عمل كام والسفرة وكله؟

احبكم في الله9:
:clap: جميل يا أمة الله وانا مش صممت بس حبيت اعرف رأيكم والمؤخر كام تقريبا والمهر اساسا احنا تقريبا حنشتري بالنص فمش لازم مهر عايزة اعرف الحدود والشبكة علشان لسه مش جبتها لأن ان شاء الله كله حيبقي في يوم واحد ولو عيزين تعرفو افكار الفرح اللي عايزة اعمله ممكن اقولكم

بصي المؤخر انتي بتشوفيه حسب مقدرته يعني هو يقدر يدفع لك كام كمان راعي ان المؤذون بياخد 10 في الميه من قيمه المؤخر فراعي برضه ان ده تكليف علي العريس اما الشبكه بصي انا شايفه بسبب اسعار الذهب الغاليه وحسب زوقك لان لو بتحبي الحاجت الرفيعه او الكبيره لو بتحب الاطقم او مفرط بس نصيحيت انا اشتريت طقم وحاسه ان ملهوش فايده يعني حلبسه امتي انا لاحروح سهرات ولا حلبس سواريه هو بصراحه ليه قيمته ادام الناس لاكن متفكريش في الناس انا ليه صحبتي اخذت المهر وجابت سلسله حلوه واسوره شيك وكام خاتم وحجات كده فاعتقد عشان حرام برضه بيكون ما بين 5 الي 7 الاف ولو بالنص يبقي انتي وهو تروحوا تنقوا الاود يعني لازم تنقي الحاجه اللي هو حيجبها بس في حدود امكانياته وانتي ادري برضه بيه

بصي حبيبتي انا النهارده حجزت حجره النوم بص مش جرار مع اني كنت بفضله بس بصراحه شكله واحد المهم الصالون كان بعشره بس انا اخذته ب 8 بالعافيه والسفره ب 16 وانا اخذتها ب13 اما النوم فكانت 15 وانا اخذتها 12 والانتريه حوالي اربعه السفره والصالون وحجره النوم من عند المعرض الاوربي اللي في جمال عبد الناصر في ميامي والانتريه من عند مكوان في نفس الشارع بس فاصلم كويس هو بتاع المعرض الاوربي نصراني بس بصراحه دي منتجات مصنعه يعني لو حاجه باظت مسؤليته

دعوتكــــــــــــــــــــــــم يا بنات


عشان انضم ليكم وأكون عروس صيف 2006


أختكم في الله


اوعوا حد يدعي بأسم سارة خلو النيه كده أختنا في الله

اللهم افرج قربي وقرب كل مقروب يارب العالمين



والـــــــــــــــــــــــــف مليون مبروك لكل عروسه هتتجوز الصيف ده



والسلام عليكم ورحمة الله

ربنا يكرمك أمة الله وانا سيباه ع رحته مش بدقق بس عايزة اخد فكرة سارة عادل انا شيفاكي هنا اهلا بيكي ويارب تستفادي معنا وحاولي تقري الجزء الرابع والخامس حتستفادي بأذن الله

دعوتكــــــــــــــــــــــــم يا بنات


عشان انضم ليكم وأكون عروس صيف 2006


أختكم في الله


اوعوا حد يدعي بأسم سارة خلو النيه كده أختنا في الله

اللهم افرج قربي وقرب كل مقروب يارب العالمين



والـــــــــــــــــــــــــف مليون مبروك لكل عروسه هتتجوز الصيف ده



والسلام عليكم ورحمة الله

ساره ان شاء الله نشوفك عروس معنا بس استعيني بالله وادعي واسألي مجرب والله :shy:

يا بنات ما شاء الله عاليكم انا مبقتش ملاحقاكم كل اما ادخل اقرأ بال10 صفح عشان احصلكم بس امة الله الف مبروك على العفش يا قمر عقبال ما تستعمليه ان شاء الله
داليدا الف شكر على المعلومه الهامه جدا جدا جدا ديه طبعا البنج لاني بعاني فشيل المنطقه دي وبعد فيها بالسيلكابيل واحده واحده حوالي ساعتين او اكتر وبرده ماببقاش قادره
احبكم فالله حبيبتي افكارك جميله بس انت ليه مفكرتيش تجيبي فرقه مادام هتعمليه منفصل عاوزه اقلك ان الحمد لله عقدي كان جميل جدا بسبب الفرقه الحمد للهومعم المعازيم كانوا اول مره يشوفوا فرح اسلامييا بنات انا بالنسبه للحبوب عندي مشكله جامده جدا بس ماتتريقوش عاليه
قبل العقد بيوم لقيت ان عندي شعر بسيط فرقبتي وعند صدري والفستان عريان وروحت عاملاه بالسيلكابيل عاوزه اقلكم ان الحته دي احمرت جدا ودلوقت اتملت حبوب ومش عارفه اعمل اايه وبقى شاكلي وحش جدا ساعدوني يا بنات
:sad::sad:

جويره مبارك حبيبتي الهقد وعقبال البناء ان شاء الله حبيبتي بصي انا كان نفسي افيد بس معرفش ممكن احبكم في الله تفيدك لان خطيبها صيدلي

امة الله انا كمان المفروض انزل اشوف العفش ومش عارفه اعمل اايه لان المفروض اننا هجيبه فظرف شهر واحد بس لان اخو زوجي مسافر وهوه الوحيد العنده خبره ويقدر ينزل معانا فمضطرين ننزل نجيب العفش خشب دلوقتي من غير دهان والدهان يكون قبل البناء وانا بصراحه قلقانه من الموضوع ده وحاسه ان ده تسرع خصوصا اننا مشفتش الشقه غير مرات قليله ومش عارفه اتخيل اايه العفش المناسب ادعولي يا بنات وكنت عاوزه اسالكم حد فيكم راح خته اسمها كتامه دي بلد بيقولوا جنب دمياط والحاجه فيها ارخص واحلى لو حد يسمع عنها يقللي خصوصا ان انا بحب الاستايل الاوروربي وعاوزه اجيب حاجات اسعارها كويسه وفنفس الوقت الاستايل الانا عاوزاه

حبيبتي منصحكيش بموضوع خشب بس متضمنيش يطلع زي ما انتي عايزه طيب بصي روحي دمياط وقرري كذا حاجه مثلا السفره نقي ا ربع خمس موديلات ولما يجي اخو زوجك يقولك احسنهم بلاش موضوع علي الخشب ويدهن متضمنيش والله

استخيري حبيبتي افضل والله

amt_allah والله وحشتيني وربنا يكرمك عقبال بنائك بأذن الله والله يا بنات للاسف مش هقدر اوريكم الفستان عشان الصور حرام بس الحمد لله عجب الكل ومكنش حد متخيل انو هيطلع حلو كده بس بصراحه كان محليه انو عريان يلا اعملوا الفرح اسلامي واعملوا الفساتين عريانه زي ما انتم عاوزين ونصيحه مهمه جدا جدا جدا هاتو الصنادل واسعه عشان تريحكم فالحركه لان فعلا لو مكنتش مستريحه فالصندل كنت هبقى عروسه كئيبه والكودميدي اننا جبت الصندل بكعب صغير جدا شبه فلات عمركوا شفتوا عروسه لابسه فلات

JEWAYRYA:
amt_allah والله وحشتيني وربنا يكرمك عقبال بنائك بأذن الله والله يا بنات للاسف مش هقدر اوريكم الفستان عشان الصور حرام بس الحمد لله عجب الكل ومكنش حد متخيل انو هيطلع حلو كده بس بصراحه كان محليه انو عريان يلا اعملوا الفرح اسلامي واعملوا الفساتين عريانه زي ما انتم عاوزين ونصيحه مهمه جدا جدا جدا هاتو الصنادل واسعه عشان تريحكم فالحركه لان فعلا لو مكنتش مستريحه فالصندل كنت هبقى عروسه كئيبه والكودميدي اننا جبت الصندل بكعب صغير جدا شبه فلات عمركوا شفتوا عروسه لابسه فلات

والله انتي اكتر يا جويريه انا ان شاء الله فرحي اسلامي وفي مسجد ماما مرتضش تعمل النساء في البيتوالرجال في المنزل بس ادعيلي بلله عليكي ان المشاكل تتحل الفتره دي بقت مكهربه وكل شويه مشكله مش عارفه ارضي اهلي وارضيه ازاي:sad: