زوجي هجرني لأمرأة اخرى!! ماذا افعل؟!!!!

لا حول ولا قوة الا بالله العلي العظيم بصراااااااااااحة منصدمة ومقهووووووورة

الله يصبرج يا عمري وياخذ حقج عاجل غيرآجل

حبيبتي أكثري من الاستغفار

والله يخفف عليك همومك:(

لا حول ولا قوة الا بالله



ماعرف خاطري اسب في زوجج سب وفي هذي الي مرافجها لكن احتراما لج بسكت ....


لانج بالفعل انسانة واعية و مثقفة و مضحيو و مؤمنة .. يا بخته فييج والله .. شوفي حبيبتي مرده ريلج لج و لعيالج انشالله و مالج غير تدعين و تصلين و تدعين ربج الله يفضح هل حيوانة و يرجع زوجج لعقله .. و يهديييه


و صدقيني انا متاكده انه راح يرجعلج لانه ماله غير زوجته و عياله في النهاية .. ااما هذييج الله بيفضحها انشالله خاطري اانتفها باطه جبدي

بصراحه اختي والله انج صبوووووورة

الله يلهمج الصبر اكثر

بس اختي هووو من كلامج انه واثق انج ماتقدرين تتركينة

لاكن لوتروحين بيت اهلج

وتززعلين صدقيني وتجيبين ابوج وشيخ
واخوانج

ويعدل وضعه يصير رجااااااال ويهتم فيج ويعرف حقوقج


ولاطلبي الطلااااااااااااق

اختي حرام تتعذبين معهااا بكرة تمرضين بعيد الشر عنج والله ماراح يسأل ولايجيب خبرر

انتي انسااانه مو ناقصج شي

روحي عند اهلج وعزي نفسج ولا المذله والمهانه والعذاب
والله يسهلها عليج

حسبي الله على كل رجال خاين ......
ربي يهديلك زوجك وعليك بالدعاء والإستغاثة آخر الليل ان ربي يهديه لك ...
انا ما ادري كيف ساكته له ما عندك اهل ؟؟؟؟؟ المفروض انتي اللي تهجرينه مو هو ..يمكن يحس على دمه ويرجع ......
انا عن نفسي أطلقه با الثلاث ولا حتى أفكر فيه ....من باعني أبيعه وان كان غالي ....( بس لا تسمعين كلامي كل واحد وظروفه ) ربي يعينك ويصبرك على بلواااااااااااك ......:angry: :angry: :angry: :angry: :angry: :angry:

السلام اختي ،،
أتمنى اتكونين بخير

هذا رابط موضوعي ،، كأنج تعيدين قصتي مرة ثانية ،، والألم انج من نفس ديرتي ،،

يمكن انا كتبت لج مب لأن عندي حل لأن الحل لو عندي انا نفسي ما كتبت الموضوع ..

بس نصيحتي لج :
إنج ابدا لا تخبرين أهلج ،، لأن اهلج ما بيرضون عليج ،، أو بيقولون لج تركيه ...
انتي سكتي وايد ،، بعكسي أنا من بدا يتغير على طول بدأت بحثي وتفتيشي ..
أوقات حتى اواجهه البنات اللي يكلمهم ،، واوقات لما اكون مو متأكده اخليه يرتعب ..
اختي .. لازم في احد من أهله أو اصدقاء العايلة ثقة ،، وناس فاهمه ،، وناس يسمع لهم زوجج .. تخبرينهم عن زوجج وتشوفين اشلون ينصحونج تتعاملين معاه ،، أو يكلمونه ..
اذا عندج بنات ،، قولي له ترضى وانت ابوهم هالبنيات ان زوجهم يخونهم مثل ما تسوي ،، إذا انكر عطيه دليل قاطع وانج متأكده ان يخونج ..
أنا من التصرفات اللي سويته حق زوجي،، مرة كنت تعبانه واصيح من قلبي ،، وأقول له انا وايد تعبانه وايد،، يعني اذا كنت تدور على صدر وعلى ........ وعلى ............. انا عندي شنو الفرق بيني وبينهم ،، واذا على الجمال حتى لو كانوا اجمل مني ،، أدري اني جميلة وان لي معجبيني وخطابي اللي شكثرهم وانت تدري ،، أنا اشوف شكثر ريايلي ،، بس اقول او اشوف واحد غيرك .. لا عندي انت بدنيا ولا في واحد يسواك ،، ليش تسوي فيني جذي ،، وحسيته تأثرت وايد ..
يعني انج تستكتين ادري بشعورج نفس الشعور ،، يعني تفكيري كل مشغول بزوجي ،، ومخدتي كلها دموعه ،، وقلبي كل يرتعد من الألم ،، حتى تفكيري يصير كل زوجة يخونها زوجها مثلي ؟؟ وإذا كنت تحبينه ،، حافظي على بيتج وعيالج ،، حتى لو ما تحبينه احتسبي الأجر عند الله لأن الله عالم بحالج وبصبرج ،، حاولي توجدين حلول عقلانية بما انج أكثر وحدة تعرفين زوجج وكيفية التعامل معاه..

وهذا الكلام لج ولي

الله يصبرج ويعينج ويصبرني ويعينني على ما ابتلانه

والله ما اعرف شنو اقول لكم :(

مشكورين و ما قصرتوا والله اني اقدر كل الكلام الي قلتوه و حابة اشكر كل الاخوات الي ردوا على موضوعي و بردوا قلبي شويه بكلامهم............

والله اني ما قصرت معاه و ما خليت شيء الا سويته له من مكياج و لبس مثير...و هو ولا يحس ولا يحرك فبه شيء و آخرتها قال لي... لا تلبسين القصير و الشفاف في البيت عشان العيال!!

اقوله في غرفه النوم؟! يقول لي لا!!
وغير الطلعات و تغيير الجو والحركات الرومنسية في البيت و المسجات و الايميلات..و غير التلميحات!!
يعني ما قصرت!!!

انا تراني وووووووووايد رومنسية .... يمكن زايدة من اللزوم بعد! و معيشته على طووول في جو هادىء و رومنسي و اذا زعلني ......تراني ما حط في خاطري و اكلمه عادي بعد خمس دقايق.... حتى اهو ينقهر و يقولي ما اسرع ما تنسين كل الزعل و تتصرفين و لا كأنه صار شي! اقول له ...احسن ! ليش الزعل على اشياء تافهة ..الدنياما تستاهل و فيها اشياء اهم!!!

وانا و الحمدلله ضعيفة و جسمي حلو( والله ما امدح في نفسي!) بس شا اقولكم؟!!
الناس كلها تشوفني و تشوف جمالي واخلاقي و تديني الا زوجي!!!
والله اني اقدر اسوي اخس منه و اقدر اهده و عشرة غيره يتمننوني ولكني اخافو اتقي الله في زوجي!!
والحمدلله اذا طلعت من بيتي ...اخاف على اسمي و اسمه و ما اعطي فرصة لاي احد يقول لي نص كلمه
و صاينته و صاينه بيته واسمه و شرفه و هو عارف ذي الشي زين و عنده ثقة عمياء فيني!!! و الحين مو مقدرني!! :(

بس شا اقول غير حسبي الله و نعم الوكيل!!
لا دموعي تأثر فيه و لا تعبي ولا مرضي و لا كلامي و لا كلام الناس الي عرفوا عن مشكلتنا و حاولوا ينصحونه بينه و بينهم!!
ما في فايدة عنييييد و راسه يابس!!!
أنا صحيح احس اني غلط لما قلت له علاقته معاها ...لان ذي الشي خلاه يعاند معاي و يكابر و متمسك برايه و يكذب و يقول ما عندي وحده ثانيه!!!

يا ما ترجيته و صحت له حتى جفت الدموع من عيني من كثر الصياح!! و اقول له بهدوء ..قول لي عن حقيقة علاقتك معاها و انا راح اسامحك عشان خاطر اني شاريتك و احبك و عشان العيال ...اقول له والله نفسيتي تعبانه و اذا قلت لي الصج راح تريحني و ترتاح ووالله ما راح اسوي اي مشاكل ..بس قول لي!!..اعترف لي!!

و هو ......لا حياة لمن تنادي!! لحين مصر انه ما يعرفها وانه ما عنده وحدة ثانية!!!!

واقول له و الادله!!! يقول ما اعترف فيها و لا تهمني!!!!

شا اسوي حزتها!!!! يعني فوق ان هو الغلطان و المذنب...طلعني انا الغلطانه و الشكاكة و ان انا الي قاعدة تختلق المشاكل من لا شيء و ابلشه بشء ما سواه!!

شا اسوي في ريال داهية مثله!!!؟؟؟..........ما اقدر عليه وعلى حيله و متاهاته!!

اقولكم ساحرته!!ما خذه عقله وتفكيره و كيانه!!!
والحين هي مغيره رقمها و هو يحاسب و مايكلمه من جواله و يشتري بطايق و يكلمها!!
ما يشوفني !! ما يشوف فيني الزين!!! كل شيء يطلع مني عنده شين!! لدرجة خلاني اشك في روحي و افقد ثقتي في نفسي و اشوف نفسي كريهه لانه هو يحسسني اني جذي!!
وفترة صج اهملت روح و عيالي شوي لاني كنت تعبانة وايد و مو طايقة شيء و مو طايقته بعد
ولكن الحمدلله الحين رديت انتبه لروحي و شغلي و عيالي
و اعامله بالزين والطيب و لا كأنه صار شيء بيننا و لحد الحين مو جاي في عينه!!

و ما ابي اوسوس اكثر و افكر في حدود علافته معاها و اشسوى معاها و اش ما سوى و اعور قلبي اكثر و استخف!!!
و ما عندي غير اني ادعي له باهدايه و اطلب من رب العاليمن انه ينقذه من هذي الحيه و يرجعه لنا مثل ما كان

و ادعو لي اخواتي ادعوا لي بالصبر
وشكرا مرة ثانيه للجميع على الردود و النصائح :)

أنهار البحرين:

2"]يا أختي عورتي قلبي...
وهذي موضة في البحرين....من كثر العوانس ،صارت كل وحدة تدور لها على رجال وتقول له ما ابغي منك ولا شي بس تزوجني. ولما يتزوجها تخليه يترك بيته...

والله صرنا كلنا نخاف على أزواجنا من هذه الظاهرة المنتشرة في البحرين.[/SIZE]

ردك

جعلني اوقف عندة

ارجوا ان لا تعممي نظرتك على جميع بنات البحرين ولو خليت خربت

الزين والشين في كل مكان وكل ديرة فيها مقبرة

وبنات البحرين بنات ديرتك وهم اقرب الناس لك ارجوا المحافظة على كرامتكم عند ذكر شي يمس بنات البحرين....

وشكرا على ذوقك

يابعد عمري والله

قريت قصتك وتألمت كثير

بس ما باليد حيلة

هذا زوجك وابو عيالك

وتأكدي من شي واحد ....مافي رجال بهدنيا كلها سواء غني او فقير ...متعلم او امي ... ما يمر بنزوات

واكثر من يحب المغامرات النسائية هو الرجل إلي عندة شك بقدرتة كرجل

سمعي مني وانا اختك اياك ثم اياك تهدين بيتك او تتنازلين عن شبر منه او تفضحين سر زوجك حتى لو هو ما يستاهل ...فكري بعيالك وبكره لين تطلقتي والله بتبهدلين ولا احد بيرحمك ...

خليه يجرب نزواته لين يمل وماردة لعشك

امتنعي بتاتا عن المناقشات معاه ولا تتواجهين ترى انتي الخسرانة بلا شك

صدي عنه وجابلي بيتك وعيالك وصحتك واهم هذا كلة ربك ,,, ترى الشكوى لغير الله مذلة دائما استغفري واحتسبي امرك لله

والهادي سبحانة

سأني انه مرت علي حالات فظيعة ...لكن الصبر له دور

كانوا الحريم ينضربون وينطردون من بيوتهم والحين كل سنة حج وعمرة مع حرمتة

واذا ضاق فيك الحال ابكي وعبري عن قضبك

بس لا تتواجهين معاه

واهتمي فيه وفي نفسك اكثر

والله معاك

عوووورتي قلبييي .. والله اني صحت ...


صعب تعيشين مع انسان مايحس فييج مايهتم فيييج .. احس في اليوم تتقطعييين الف مررررره على جفافه وياااج ... و احس راح تتقطعين الف اذا تركتيه لانج تحبينه و ماتبين عيالج يتشتتوون ...


ماعرف شاقوووولج ... الله يعييييينج .... ودي اقووولج تركيييه خل يتادب لانه باط جبديييي ... لكن اعرف هل شي مو الشي الي بيريحج ... وودي اقوولج استمري وياه مايهون علي اشوووفج تتقطعين جذي و اهو مو على باااااله


احنا نقص على نفسنا اذا قلنا بنصبر على هل نوع من الناس .... انسان عايش معاج في البيت كواجب عليه بس .. لكن كقلب و مشاعر و يسمعج ماااافيه ... انشان يدخل البيت علشان ينام بيت و في الصباح له حياة ثانية ... دخلته في البيت مو لانه مشتاق لج و لعيالج ....

يلسته معاج ... بس بمجرد انه قاعد في بيته يدور اوقات الراحة من اهني و يطلع من الصوب الثاني ... مو لانه وده يسمعج و يسمع احتياجاتج شنو ...


انسان يشوووف انه عنده السطلطة بكلشي و دوام تزوجج خلاص انتي تقوولين له سمعا و طاعه و اذا ماكان عاجبج ... يقوولج والله انا جذي و كيفج مع السلامة ...


مايشووف انه الزواج تفاهم ... حب ... احترام ... ثقة ... ترابط... استقرار

للاسف يشوووف الزواج من منطلق ورقة بس ... اسم زوج بس


الله يعيييييييييييييييييييييييييينج مو عارفه شااقوووولج... لكن لازم تثبتين وجوووودج بعد و تبين له انه لج كرامة .. مو يقوولج بس روحي بيت اهلج .. هذي كلمة قووووية .... رووووحي لبيت هلج نصيحة مني بس لا تطلبين الطلاق ... و خلج ساكته لا تحنين عليه ولا تتصلين فيه .. و طلعي من البيت بسكات و اخذي اغراضج وياج ... و صدقيني مرده بيحس يوم يشوووف البيت خالي


الريال بعادته خاصة المتزوج مهما كان جاف بيحن لصوت عياله بيحن لوجودج حتى لو ماكان يحس فيييه ... بيحن للحركة الي فلبيييت ... اهو يمكن تطول السالفة لين ما يرجعج لكن انشالله بيرجعج ... مرده بيشبع من ذيييج لا بالرك الله فيها عساها تنفضح دنيا و آخره ... الله مايرضى بالظلم و في النهاية بيرجعلج انتي انشالله بس انتي بعد حسسيه بقييمتج و تركييله البيت شوي اذا قعدتي بيستصغرج و بيقول تحبني لو شاسوي فيها و بيقعد يجرح فيج زياده و الانسان بعد الزم ماعليه كرامته

و هذا راييي


الله يهون عليج فدييييتج

مشكورة اختي عذب القوافي ..كلامك درر..........

انا ادري ان الشكوى لغير الله مذله ..بس والله من حرة قلبي و الي فيني تكلمت... واحسه يوم ورا الثاني قاعد يصير ادمر و ادمر!!!

تراني ساكته عنه وعن نزواته مع اكثر من وحدة صاير لي سنين و عمري ما شكيته لاحد وصابرة عليه و اقول باجر يصير احسن و باجر بيعتدل....و دايما اذكره بالخير جدام الناس و اهلي و ربعه مع انه والله طايح من عيني من زمان !!!
ولحين عندي امل كبير بالله سبحانه وتعالى .........

بس شا اسوي هذي المرأة مو مثل الي قبلها و مو راضية تهدنا في حالنا و مصرة انها تهدم بيتنا باي طريقة و ما عندي غير اقول حسبي الله و نعم الوكيل على الي قاعدة تسويه فيني!!

مشكورة اختي دلوع و مرة ثانية شكرا لجميع الاخوات على الردود و النصائح

مشكورة اختي دلوعة و شكرا مرة ثانبة لجميع الاخوات على الردود و النصائح

الله يعينك و يصبرك يا اختي

السلام عليكم حبيبتي ..........
أختي اولا : لازم يكون عندك عزيمة واصرار كبر الجبال : وتعتبرين هذا تحدي العمر وتقولين انا بنجح في هذا التحدي مهما صار, وتعرفين ان عدوك أمرأة زيك زيها, بس فيه شي انت أفضل منها أنك شريفة وبنت ناس وعملك كله في النور وعلاقتة بزوجك علاقة صحيحة زواج شرعي يعني هو ملكك الحين أمام الله وخلقه, وهي انسانة وضيعة وعملها كله في الظلام بعيد عن الأضواء مثل الكائنات الدنيئة وعلاقتها خطأ في خطأ , والي يبدأ على باطل مصيره ينهدم ولو طال الزمن , والله يمهل للظالم حتى يتمادى ثم تنزل عليه العقوبة , وهذي سنة الله في الأرض.
ثانيا: قومي آخر الليل مهما صار لازم تقومين وتدعين الله بكل اصرار وتداومين على هذا الشي لمدة شهر او أكثر ...وتكونين موقنة بالاجابة .......... (فيه ناس كان عندهم مشاكل كانوا يظنون انها مستحيل تنحل ومع ذلك قاموا آخر الليل وصلوا ركعتين ودعوا واظهرو ضعفهم أمام الله ... وسبحان الله كلها اشهر واستجاب الله دعوتهم , وهم الحين في أحسن حال ماكأن مر عليه شدة من قبل .... ولكن واجب احسان الظن بالله.
ثالثا: انا سمعت عن قصة وحدة كان زوجها ما يبيها من اول ما اتزوجها وهو مو مقتنع فيها , ووصل حدة زوجها منها وفي ذاك اليوم طلع من البيت مررة زعلان , وهي حست انه خلاص بيطلقه
وهي ما تبي ها الشي , ف ايش سوت ؟؟؟؟؟؟؟؟؟؟
راحت صالون وتزينت ولبست احسن فستان و خلت أخوها يحجز لها في فندق فخم و راحت هناك وعزمت زوجها في الفندق ...... وهي عارفة انه بيجي مو عشانها عشان الفندق (عزيمة في فندق من يفوتها و اهم شي مو على حسابه اكيد بيستانس)
وفعلا جاء وسبحان الله رضى وما طلقها.....
وان اقول تروحين لفندق بعيد عن الاولاد ومكان جديد تتغير نفسيتكم انتم الاثنين, وممكن يشيل الحاجز اللي حاطه على قلبه كل ما دخل البيت ( بحيث انه ما يشوفك ولا يتقبل منك شي)
وفي ذيك اللحظة انسي كل شي واعتبري نفسك كأنك أول مرة تشوفينه, وتصرفي على هذا الاساس. وان شاء الله يلين معاك , ومستحيل يكون مثل الحجر .....لازم يلين ولو بعد زمن
بس لاتسوين هذا , الا بعد شهر من الدعاء.
لاتيأسي واستمري ..... اهم شي الاصرار والاستمرار ...

انصحك اختي ... تسمعي شريط ( كيف تكسبين محبوبك) للدكتور صلاح الراشد

حبيبتي انتي في حرب ..اسمها حرب اعصاب...وفي الحرب في منتصر وفي مهزوم ..صح؟

شوفي اي وحده تبين تكونين ...وبالدعاء والصلاه راح تعرفين انتي ايش تبغين...

في مثل سمعته واعجبني .....انا اشوفه جكمه بعد..(مايشرب الا العطشان) يمكن يكون مو مفهوم عند بعض الناس ..انا مافهمته الا بعد تجربه مريره ....يعني قبل لا تسوين اي شي صلي الاستخاره..وبعدها لازم تكونين متاكده 100% انك مو مقصره مع زوجك ابدااااااااااااااااااااااا

بعدين وااااااااااااااااااااااااااااااااااخر شي...انتي لازم تفكرين بنفسك وبكرامتك يعني مو معقوله بتعشين لواحد عايش لغيرك !!

وما اقول غير الله يختار لك الخير لك ولعيالك ويهديلك زوجك

اختك روز

حبيتي حاسة فيج وبحرقة قلبج

الله يرحق قلوبهم مثل ماحرقوا قلبج

اختى عليج بالاستغفار وقيام الليل لانه ربنا سبحان هو القادر على هداية زوجج نحن بس بنعطيج النصايح بس مايغير بالوضع شئ

حبيبتي استغفري وايد يعني مو اقل عن الف مرة في اليوم بنية تفريج همومج وصلى على النبي بعد وايد

صدقيني ياما ناس انفرجت هموهم وانحلت مشاكلهم من الاستفغار وقيام الليل

حسبي الله ونعم الوكيل


بنات الحرام وايد يا اختي ..اوقح منهن ما شي


الله يبعدهن عن ازوجنا يا رب

قولي حق الحرمة اذا لك أتصالات معاها

راح ابلغ عنك شرطة الآداب وراح تتهمين بقضية زنا

وراح تنفضحين جدام الخلق

شوفي يكمن هي من النوع إلي يخاف ما يختشيش

والله ينصرك عليهم بس اهم شي صحتك

صدقيني اذا صادك شي من هالأمراض بأسم الله عليك محد راح ينفعك لا زوج وغيرة انتي بس احتسبي امرك لرب العالمين