الجزء التاســـ9ـــع من تجهيزات عرايس قطــ2006ــر

هيما قطر و العرايس الجداد :

في الجزء الثامن ردود مهمة , يمكن تفيدكم : تفضلوا

::

كلاسيك ..
عادي عادي .. شنو يعني باعرس ^_^ بانضرب اليوم ..

::

البنات اللي يبون ياخذون مكياج للعرس ,,, شوفوا رد أم خالد مارشيمالوز شامل الأشيا اللي تحتاجها كل عروس : تفضلوا

تكفون خزنوا الردود عندكم .. ترى ما تنلقى بالساهل : )

classic2004 :

حسب اللي صار معاي يوم عرسي من سنتيين ونص ، لازم تدفعين لهم المبالغ كاااااااااااامله قبل العرس بأسبوع أو 10 أيام .
وبنت عمي ماصار لها سنه من تزوجت ، قبل العرس بكم يوم اتصلت فيها مالة كريستال وقالت لها اذا مادفعتي بكنسل الحجز .
يعني اتوقع اجباري تدفعين كل اللي عليج .


دوحانيه زين تسوين ، انج تحطين رابط الجزء الثامن ، لأن الأسئله تتكرر .

بنت الغالي :
فديتج كل ماتفتحين جزأ حطي في بدايته رابط الصفحه الثانيه من الجزء الثامن ( لأنها شامله كل شي تقريباً .

(f) حبيبتي دوحانية ما قصرتي والله الله يجزاك خير ويوفق...

الحمد لله حجزت المكياج عن دينا خوري والله يوفق .. اما بالنسبة للشعر دقيت على نعمات قالتلي الشعر بس 1500 الصراحة وايد غالي المكياج2000 قلنا معليه عروس بس الشعر... توقعت 500 بس الأسعار عندنا صج نار .. اذا في وحدة ثانية ترشحونها ما تقصرون ....

الحناء: احتمال زبيدة واذا في وحدة ثانية ترشحونها ياليت :shy:

طبعاً ولله الحمد ( القاعة + الكوشة + التصوير ..) على أهل المعرس (r)

بنات أنا بقنع أخواني يودوني البحرين والخبر .. بس مدري ما اعرف اماكن هناك اذا فيه حد يعرف ماتقصرون

زين حبايبي .. أنا باقي على العرس تقريباً 6 أشهر شاشتري من أغراض احين بشنو ابدأ ...


ادري طولت عليكم .. بس ماراح تقصرون معاي (f)

الله يوفقكم ويرزقكم الخير

دوحانية طرشت لج رسالة أشكرج بس ما رضى لاني جديدة ..

الله يجزاك خير ويسر ويسهل امرك ويرزقك ما تتمنين .. الرقم وصل وبكلمها إن شاء الله..

هلا هيما قطر ..
يجزينا و ياج حبيبتي : )
متى عرسج ؟ في أي شهر تقريبا ؟

اممم ترى هاذي أسعار الشعر بالنسبة للعروس ..
نجوى بعد تاخذ 1500 ..

الحنا : انا وايد احب حنا نسرين .. و زبيدة يمدحونها البنات ..

و الطاولات عليهم بعد ؟

اممم زين يعني بإذن الله راح يكفيج المهر ..

شوفي ملابس النوم كلها ما لها موضة يعني تقدرين تتلقطين منهم الحين شوي شوي بس مب تخلصين مهرج عليهم خخخخ ترى الوحدة اللي بتعرس تطير عينها على طول عند قمصان النوم .. الملابس الداخلية نفس الشي .. طبعاً إذا في تنزيلات بتفيدج و إذا ما في مب مشكلة .. بخصوص قميص نوم ليلة العرس اقول تصبرين شوي بعد لا تاخذينه الحين ..

امممم المشكلة باقي 6 شهور يعني وااايد على التجهيز ..

نصيحتي ابتدي جهزي من بعد عيد الفطر أحسن على الأقل في بضاعة جديدة + الفستان ابتدي فيه قبل العرس بـ4 شهور يعني على شهر تسعة تقريباً ..

الحين تقدرين تاخذين قطع للتنانير و للجلابيات ..

بخصوص البحرين و الخبر .. تفضلي هالرابط إن شاء الله يفيدج : هنا

(( لا تصرفين على ملابسج و أغراضج أكثر من على جسمج و شعرج )) <<-- لا تغفلين على هالشي ..

عشان تستخدمين الرسايل الخاصة لازم تكون مشاركاتج من 15 و فوق ..

و بالتوفيق : )

الحمدلله لله :) والف الف الف مبروك..تحملي بعمرج الحين والله يقومج بالسلامه وبيدينك ضناج معافى وباحسن صحه باذن الله

خخخخخخخ الرد الاخير المفروض ينزل في موضوع "مجنونة قطر" بس بالغللط نزل هنيه

هههههههههههه

معليش الحلم الهادئ

نبارك لها هنيه وهناك ، تستاهل كل خير يحليلها

الله يثبته لها ان شاء الله ، ويرزق كل المتزوجات يارب .

qshark
هلا وغلا فيج حبيبتي ......انشالله البنات يفيدونج ماعندي خبره في هالشي


كلاسيك

اي والله بشرتي دمرت من تغير الجو جبهتي كلها حبوب صغار :( بس جايبه معاي صابون كركم بستخدمه خخخخخ >> ماتفوت


هيما قطر
بالعكس حبيبتي اخت وغاليه ....... بالنسبه للشعر نعمات حلو وعندج لبنى بعد وام راتب ومرسيدس

قطر

انشالله حبيبتي ولايهمج قولي انشالله يرجعون التواقيع واقدر احط الصفحات المفيده


ماما دوحانيه

فدييييييييتج والله تعجبني ردودج مكفيه وموفيه ......... صج بنفقدج عقب :(

هااااااااااااااااي بنات شلونكم
حبيت أسأل شراايكم في فستان العرس يكون بدون طرحه وكلاسيك ومع تاج صح كنه راجعه موضته عطوني رايكم حبايبي ماتقصرررررون

بالنسبه للعطووور كم لازم وشنو احسن ناعم ولا مركز وامانه شنو أحسن انواع البخوووور تكفون عطوني اسممممماء ومحلات

بالنسبه للمكياج بناااات لا يفوتكم في فور يو ماركت بينفت عندهم كريم اساس للجسم واحد بقليتر والثاني بدون ,الثاني كأنس لابسه هيلاهووب يجنن ماراح تندمووووون خاصه اللي بلمعه للأعراس والثاني لأبو الشبااااااب تحطينه في البيت صدق لايفووووووووتكم وادعولي

ذهب...زين خبرتينا عن هالكريمات :) احب هالسوالف خخخخخخخ

بنت الغالي :) مع الراس كبر راسج في باغيه ! ماتسلمين علي ولا تعلقين على شىء مثل اول

قطر :) تستاهل كل خير والله فرحت لها من قلبي صج الضنا غالي ((بل جني عيوز مضيعه ولدها)) خخخخخخ

عزيزتي ذهب :) مدري ليش ماتخيل العروس بدون طرحه احس ان الطرحه شىء مقدس بالعروس

ذهب الشيخه ممكن تحطين لنا صور المنتجات اللي تكلمتي عنها من بينفت

ذهب ..
أنا بعد ما اتخيل عروس بدون طرحة بالعكس الطرحة تميزها أكثر و التاج رجعت موضته صحيح بس ما يلغي الطرحة ..

بالنسبة للعطور :
اخذي طقمين العطر مع الشاور جل مع البودرة واحد ليوم العرس و الثاني حق الأستخدام اليومي .
و اخذي عطر أو عطرين واحد مركز و الثاني خفيف لفترة النهار .. و لا تنسين المخلطات دهن العود و غيره .. لا تكثرين من العطورات بتحتاجين تغيرينهم بعد فترة ..

و للبخور عندج راقية من أجمل و معجون العود من الشركة العربية و بخور الياس من حامل المسك

تفضلي هالرد لأختنا مارشيمالوز ( أنا شخصياً واثقة من ذوقها ما شاء الله عليها ) : هني كانت رادة على عروس الدوحة الله يذكرها بالخير ..

::

بنت الغالي ..
ما تفقدين غالي حبيبتي .. افا عليج لا تقولين جذي ..
خواتي أنتوا ما أبخل عليكم بشي..
و بخصوص ماما يعني خخخخ الله يسمع منج و أصير ماما بحء و حئيئي << حللللوة ^_^

عرايسنا الحلوين :) وكل البنات اللي عندهم خوات مخطوبين وعندهم خبره بليييييييييييز شاركوا في هالموضوع للاهمية :)

http://www.3roos.com/forums/showthread.php?p=2397778#post2397778

انتظر ردودكم وخبراتكم....لاتبخلون علينا ياعرايس وادريبكم مب مقصرين

بنت الغالي
دوحانية
كلاسيك
قطر
الحلم الهادئ
أم حمد القطرية
والبنات كلهم فرداً فرداً
شخباركم ؟؟؟ وحشتوني وايد
بنت الغالي
شخبارج ؟؟ وشخبار باغي ؟؟ شلون الجو عندكم ؟؟؟ انشالله بكون هناك على آخر شهر 7
دوحانية
شخبارج ؟؟ إنشالله طيبه ؟؟؟ وحشتيني والله
وماشالله على ردودج اتكفي وتوفي
كلاسيكو
شخبارج ؟؟؟ وشخبار تجهيزاتج ؟؟
لين الحين ماعرست باقي لي 3 أيام
أم حمد القطرية
جزاج الله الف خير
على الي تسوينه وايد بنات استافدوا منج وانا منهم
انشالله تكونين ذخر لنا
الله يعطيج الصحه والعافيه ماقصرتي
بنااااااااااااااااااااااااااااااات
بكره حنتي في نادي الدوحه الكل معزوم حياكم
متوتره وايد .... بطني من 4 أيام يعورني وايد ... مادري هو من الخوف ولا الحلوه بتشرف
والسلام ختام ....

العنود :) الله يوفقج حبيبتي..ولاتحاتين ترى جو حفلة الحنا واااااااااايد حلو وفيه دفء عجيب مايخوف كلش

تدرون؟ انا احب احضر الحنا اكثر من الاعراس ..مدري احسها فلللللللله وكووووووول

اهم شىء الابتسامه الحلوه يالعنود :) وانشاء الله ربي يسهل عليج كل صعب


بنااااااات حقوا على ملحق "نعومي" يتوزع اليوم مع الجرايد...مسوين مثل الكتالوج فيه كل شىء بالاسعار والالوان المتوفره لان عندهم خصومات تبدا من بكره لمدة شهر

لحقوا على اغراضهم :)

وبالمره اللي شرت مشد من عندهم تقولي اذا زين او لا...والبوكسرمالهم...واللونج ليق "الشورت الطويل" مالهم زين والا لا؟؟

يعني مع الغسيل يكون اوكيه والا يخترب بسرعه؟؟؟

ناوية امرهم بكره واتوقع بيكون زحمه خخخخخخخخخخ

بنات سكتوا ادعوا يرجع خطيبي بالسلامة اهو بلبنان والحين اهو على الحدود
اهو واخته وزوجها وخوه وعيلته الله يرجعهم بالسلامه والله ماقدر انام
يقول امس القصف عليهم الله يحفظهم ويرجعهم بالسلامة

عيون المها :( والله اليوم اشوف الاخبار واقول في خاطري الله يستر عل الناس اللي هناك واللي مسافرين يصيفون لا لهم ولا عليهم ويتفاجئون بهالمصايب هناك

الله يردهم بالسلامه ويحفظ كل المسلمين هناك :( صج شىء يعور القلب

مرحبا عرايس...



لحد يصطرني تراني فاجه!... لحين ما حجزت ميك اب.. وشعر!.. محتاره..


اشوف البنات يمدحون دينا خوري..مع اني شفتها وهي تمكيج بنات من عايلتنا... وقالولها نبي ناعم.. حطت لهم طبقاااااااااااااااااااات...


وخايفه من دانييل لانهم قالولي لي انها تتاخر بالمواعيد، يعني اذا موعدي معاها 5 تجي 6!.....

بنوتات..شاسوي...مرة ثانيه حد سمع عن جيني ولا ميرا اللي كانوا يشتغلون بصالون دانييل؟؟