الجزء التاســـ9ـــع من تجهيزات عرايس قطــ2006ــر

اللي عندها رقم نجوى حق تسريحات العروس...تطرشه لي بليز

نور:( طرشيلي الرقم اللي عندج بليز مع اني واثقة من انه نفس الرقم اللي عندي خخخخخخخ :)

حظج حلو :) تستاهلين

توني مكلمه رفيجتي ومعطتها رقمها ورقم عبير وشريفة المهندي..قلت لها يمه صيدي لي اي وحده فيهم والسلام خخخخخخخ

وحق الشعر عطيتها لبنى ومرسيدي وبغيت بعد نجوى بس ماعندي الرقم وقلت لها نفس الشىء تحاول تصيدلي اي وحده فيهم

:) ماحب اقعد اتصل ومايردون..اتوتر خخخخخخ عشان جذيه عطيتها هالمهمه

انا ما لقيت شي حلو حق ليلة العرس


لا هني ولا في الخبر ولا في الكويت


عمتي اتصلت لي من يومين تقول لقت واحد ناعم في مكه قالت لي اشتريه؟؟؟؟


قلت لها توكلي على الله شاسوي بعد

زخلاص ما بقى شي لي انا بعد شهر بس


بكره بروح جاك ديسانج ان شاء الله

والفستان الاربعاء اخر بروفه

ومادري شنو بعد


دوجانيه فديتج الله ييسر لج انتي وكلاسيك

مادري ليش كل ما اشوف وحده تشطب احس نفسي في مكانها؟؟؟؟


ان شاء الله يصير كل شي مثل ما تتمنون واكثر والله يبعد عنكم الحساد يااااااااااااارب :)

انا حاجزه منى السودانيه حق شعري

ما اشوف حد يتكلم عنها :(

شموخ عنّادي:
انا حاجزه منى السودانيه حق شعري

ما اشوف حد يتكلم عنها :(

شموخ لا تحاتين منى شغلها حلو ومرتب سوت شعر مرة اخوي يوم عرسها وكانت حلوة تسريحتها ومرتبة
بس آنا أحب مرسيدس وعندي ولاء مو طبيعي لها:shy: و احب تساريحها لأنها بسيطة وخالية من التعقيد وطول ما هي تسوي شعرج تذكر الله و ما شاء الله عليها تعاملها راقي مع الزباين

وبسسسسسسسسسسسسس:shy:

البنفسج و شموخ عنادي ..

جزاكم الله خير .. و جايكم الدور و بتشطبون إن شاء الله ..

بخصوص قميص النوم حق ليلة العرس .. لا توترون روحكم .. هو صج لازم شي حلو و مميز و جذي بس لا فكرتوا فيها ترى محد بيشوفه إلا راييلكم .. أخذي واحد حتى لو ما كان مسكت و مشوا اعماركم .. و الحياة حلوة ^_^

بخصوص منى السودانية ..
توكلي على الله .. الله يذكرها بالخير الموناليزا كانت جايبتها حق عرسها و تمدح في شغلها حتى سوت لها بروفة قبل .. و انا سامعة عند ناس بعد إن شغلها تمام ..

.
.

سي يو

يحليلكم بناااااااااات :shy:

الله يسهل اموووركم كلها ان شاء الله :ok:

بديت احس بالخوووف :sad:
الله يستر لحين ماسويت ولاااا شيييييييييييييييي :confused:

بروح دبي ان شاء الله
ومن هناك بابدأ التجهيزات :shy:

في اشياء معينة تنصحوني اخذها من دبي؟؟؟


شموخ

الصراحه ماعرفها منى ولا مرة جربتها :shy:



الحلم الهادي

باطرش لج الرقم ان شاء الله
(f)

هاي بنااااااااات وحشتوني


شخبااااااااااركم ؟؟


عسى كل شئ تمام التمام واحلى منه <<< حلووه


مشكورين ياللي جاوبتوا سؤالي


الله يوفقكم ان شاء الله

زين طمنتوني :)

هيييييييييه الحمدلله رفيجتي اتصلت لي الحين وقالت لي انها حجزت لي عند سعاد :) هالبنيه مبروكه من اول اتصال تقول ردت عليها خخخخخخخخخ ----> يعني انتي مقروده مايبي لها شرح وتفصيل !!

نور :) ثانكس .......يابختج بتروحين دبي والله احسن لج انا بصيييييح ماقدر اروح اي مكان مالي الا اسواقنا الغالية اجهز منها لكن يالله ...كله على الله

نور :) ماوصيج ابي من كل شىء تاخذينه ..حبه لي :) خخخخخخ

لا صج..عندج مركز ابو هيل حق العبايات الخفيفة واليومية...وعندج حناين في الستي حق العبايات الكشخه مالت المناسبات موديلاتهم روعه واسعارهم بعد..مب مثل هالمحل اللي هنيه تعيس والله

وعندج بعد لارين للعبايات في وافي سنتر.......عاد وافي سنتر بتتسوقين فيه عدل ..محلاته روعه واتذكر فيه صنادل كشخه وشنط وساعات وبدل وبلايز ماركات روعه روعه واسعار حلوه

لازم تروحين له :)

برجمان بعد كوووووول بس كلها ماركات يبي لج مهرين على مهرج عشان تجهزين منه :) لا بس كله محلات الماركات العالمية وطبعا غالي وايد

سوق المنال للقطع والملابس الداخليه معرووووووف حذا سوق نايف :) الشعبي

ميركاتو..احسه لاندماركنا :)نفس المحلات

اتمنى فدتج :)

شموخ عنّادي:
:angry:

من قال انها تسوي على 3000 و3500؟؟؟؟؟

انا ارخص فستان سوته لي ب 7000 وهذي من سنتين

تقول انا امسك القطعه من 5000 وفوق


وهذي بعد واسطه عمي صديق زوجها وطول الوقت تمدح في عمي :angry:

اييي بـ 3000 والله .. لان القطعه حرير والموديل مايبيله شك وخرابيط يعني بس الخياط :)



7000 فصلت لج .. عاد والله ولايسوى شغلها كلش .. !!

شموخ عنادي
منى السودانية وايد اللي يمدحونها انا ما جربتها ولا شفت شغلها بس سمعت عنها من اكثر من وحده

اما الشعر لا تترددين جاك وبس وما انصحج بتونس جربتها مره وما عجبتني كلشششش

ورقم نسرين الحناية بتلاقينه في الخاص وبالتوفيق

هلا اخباركم

دوحانية .. محل سام في سوق فالح من ورا ..
اللي شفت كان جيس واحد بس ما ادري ذا عنده كذا شكل



البنفسج ..
الفال لج ان شاء الله تشطبين عقبنا ..
وانا احاول كل ما لقيت نفسي فاضية ولا متضايقة شوي احاول ادعي واقرا ما تيسر ..
والله يسهل ان شاء الله


الحلم الهادئ .. عندج رقم نجوى ولا اطرشه ..
والحمد لله حصلتي عند سعاد :)


شموخ عنادي ..
ان شاء الله بيجيج الدور ماباقي شي ..
منى السودانية شغلها وايد حلو سوت حق خالتي والعيلة كلهم حاجزين عندها يوم العرس


امس وصلت زفتي من الكويت ..
سمعتها دمعت عيني ما اتخيل اني انا اللي بامشي عليها ..
خواتي مساكين اشوفهم متاثرين وما يبون يبينون
تعرفون هل الايام اقعد اطالع في خواتي كل وحدة اقرب لي من روحي وكل وحدة اعزها واغليها واعتبرهم مثل بناتي .. اللي تشكي لي واللي تقولي سوالفها في المدرسة واللي تجي تبي واسطة ..
واخوي فديته اللي كل ما دشيت البيت تشوفين شلون يستانس
وكل ما قام من النوم يدورني
امي اللي كل ما رجعت من دوامي متضايقة ولا مستانسة رحت لها وقعدنا نسولف بالساعة والساعتين
ابوي اللي عمره ما قصر معاي وكان يوقف وياي في اي موقف احتجته فيه ..

مب قادرة اتخيل شلون باهدهم وباروح بيت ثاني .. اللي مهما كنت ملكة فيه ما راح اكون مثل ما كنت في بيت اهلي


الله يعين ان شاء الله :(

classic2004:
هلا اخباركم
امس وصلت زفتي من الكويت ..
سمعتها دمعت عيني ما اتخيل اني انا اللي بامشي عليها ..
خواتي مساكين اشوفهم متاثرين وما يبون يبينون
تعرفون هل الايام اقعد اطالع في خواتي كل وحدة اقرب لي من روحي وكل وحدة اعزها واغليها واعتبرهم مثل بناتي .. اللي تشكي لي واللي تقولي سوالفها في المدرسة واللي تجي تبي واسطة ..
واخوي فديته اللي كل ما دشيت البيت تشوفين شلون يستانس
وكل ما قام من النوم يدورني
امي اللي كل ما رجعت من دوامي متضايقة ولا مستانسة رحت لها وقعدنا نسولف بالساعة والساعتين
ابوي اللي عمره ما قصر معاي وكان يوقف وياي في اي موقف احتجته فيه ..

مب قادرة اتخيل شلون باهدهم وباروح بيت ثاني .. اللي مهما كنت ملكة فيه ما راح اكون مثل ما كنت في بيت اهلي


الله يعين ان شاء الله :(

الله يقطع ابليسج يا كلاسيكو دمعت عيوني من كلامج و وقف شعر جسمي:sad: :sad: :cry:
الله يهنيج يارب و يكتب لج السعادة وين ما كنتي
والله يخلي لج اهلج و ريلج يا رب
وان شاء الله تكونين احلى عروس :yes:

نور الدوحة ..

اممم اغلب تجهيزي كان من دبي .. بافيدج إن شاء الله ..

قمصان النوم اخذيها كلها من هناك .. في محل اسمه بشار في المنال فوق و له فرع في البستان .. اخذي من ماركة الغاردينيا اظن اسمها جذي .. الكرتون عنابي و الكتابة ذهبية عليه .. أحسن ماركة .. و حتى الملابس الداخلية ..

العبايات : مركز بو هيل .. و عندج محل رومو أو روميو في البستان .. عباياته كشخة سوي لج 2 عندهم ..

قماش للفساتين .. اممم من العيسائي و من مركز المنال فوق ..

قماش للجلابيات .. المحلات اللي صوب سوق نايف عند الباكستانيين .. عندهم الحراير تهبل ..

عندج الميغا مول في الشارقة إذا بتروحين .. عنده أشيا وايد و محلات أكثر من اللي عندنا ..

سيتي سنتر مضيعة وقت ما عجبني شي فيه ..

سوق التنين الصيني .. حق المفارش للتبديل .. اخذي لج 3 أرخص من اللي هني .. ( بس قبل لا تاخذين لازم تعرفين لون الغرفة شنو .. لا تسوين مثلي ^_^ )

الملا بلازا .. علياء القمر للعطور اخذي البخور و المخلطات من عندهم و المخمرية إذا تبين ..

برجمان .. حق الماركات إذا بتاخذين لج شناط يد كشخة ..

** حاولي تشترين من المحلات اللي مب موجودة عندنا .. و إذا تذكرت شي باذكره لج هني : )

إلا عرسج ما تحدد متى بالضبط ؟

::

الحلم الهادي ..

زين لقيتي حجز عند سعاد .. الله يوفقج حبيبتي ..

::

كلاسيك ..

اها في السوق داخل ظنيت محل برى ^_^

بس عاد لا تصيحيني .. هاذي ضريبة اللي بتعرس خخخخ عادي كلاسيك و ريلاكس .. هلج موجودين و الله يخليكم لبعض .. بس يقول لج سبحان الله الزوج يستوي أقرب لج من هلج .. فـ الله يسخر لج ريلج و يسخرج له و يجمعكم على خير : )

,
,

اليوم إخترت المسكة .. عند محل الورد في ميغا مارت ..

وبابتدي أطلع ثيابي عشان تنكوي ..

الله يعين ..

:)

بنات سميرة كم تاخذ على الجلسة اللي قبل الحناء بدون الحف

تاخذ 1160 تقريباً ..

دوحانية :) ثانكس..........وحجزت الشعر خلاص عند مرسيدس ..ماقصرت رفيجتي فكتني من هالهم اليوم فديت قلبها

زين بكم سوى لج المسكه انا حاطه ببالي اسويها عنده ترى شغله روعه :) انا وايد يعجبني تنسيقهم للورد

كلاسيكو :( والله كلامج يعور القلب ...يمه هذي سنه الحياه والا يسمعج يقول بتهاجرين ! يمه كلها كم يوم وترجعين تطيحين عندهم زيارات وتلهين بحياة جديدة ومسؤوليات جديدة :) لاتفكرين بهالامور واستمتعي بفرحة العمر لاتخربين على عمرج

فديتج ماله داعي نجوى خلاص حجزت مرسيدس الحمدلله :)