السلام عليكم
هلا اختي
(( زهيره ))
انا وعن تجربه راح اقولج نصايج ذهبيه تتبعينها يوم ايكون عندج حرق
1- حطي المكان تحت ماي بارد ( لا اتحطين ثلج لانه يتلف الانسجه اكثر ) لين ما اتحسين ان الحراره من المكان خفت.
2- حطي عل حرق الماده اللزجه اللي بنبتت الصبار Aleo Vera
وهاي صورته
هل نبته من اول ما عرفت فوايدها ما استغني عنها .
ممكن اتطلعين الجل وتحفضينه بالثلاجه للطوارئ.
3- حطي شاش طبي عل حرق ( لا اتحطين قطن لانه يلزق بالحرق )
4- خذي حبه مخففه للالم مثل الاسبرين او ادفل او نوروفين .
وبعد يوم من الحرق غمسي يدج بماي بارد مضاف له ملعقه كبيره خل تفاح ( يخفف من الالتهاب ويروح الآثار )
وداومي على جل الصبار لكم يوم وراح يختفي اثر الحرق بأذن الله
انشاءالله قدرت افيدج
اختج
(( روح البحرين ))