اللي ولادتهم في فبراير الجاي...حياكم

هلا فراشة الحقل
لازم اتراجعين الدكتوره
لاني للاسف ما اقدر افيدج بس انا سمعت انه لازم تتعالجين ما تهملين نفسج ابدا ما فينا يتاثر البيبي حافظي على نفسج وما وصيج بخل التفاح الصراحة انا مداومه عليه كل ما احس بحكه او شيء اروح اتغسل بخل مخفف بالماء والحمد لله اتروح الحكه اتحملي على عمرج حبيبي ترى مب زين الاهمال في هاي الفترة لازم اتراجعين الدكتوره وهي الدكتوره قالتلي عن خل التفاح اني اتغسل فيه

وان شاء الله الاعضاء يفيدونج اكثر بس ما وصيج كل ما راجعتي الدكتوره اسرع كل ما اجنبتي التعب وعشان بعد ما ايزيد عليج ويتاثر البيبي
وان شاء الله بشرينا يوم بتخفين اوكي

انا بخبركم شي مهم جدا عشان الالتهابات
صديقة الوالده دكتوره وهي اللي خبرتني

اول شي تغسلين ايدج عدل بالماي والصابون، وبعدين لازم تكون الاظافر مقصوصه (عشان النظافه) وبعد ما تخلصين حمام لازم تغسلين المنطقه بالماي والصابون باليد لاني ادري في بنات بس تستعمل الماي بدون تنظيف باليد.

انا خبرتني ها الكلام قبل ما اتزوج عشان ما تيلي التهابات، قالتلي ان بعد المعاشره يجب تنظيف المكان بالماي والصابون باليد عشان ينظف عدل، وقالتلي كل ما تستعملين الحمام لازم تنظفين بالماي وايدج عدل. (وها الكلام للبنات والمتزوجات بس طبعا البنت بس من بره بس المتزوجه لازم تنظف بايدها عدل المنطقه خصوصا بعد المعاشره)

ثاني شي ماتنظف ورا وبعدين قدام عشان ما تنتقل الجراثيم، التنظيف قدام وبعدين ورا .... اتمنى فهمتوني

وبعدين لازم تنشفين بفوطه صغيرة مب كلينكس
انا اشتريت فوطه حلوه ناعمه مب خشنه وقصيتها اكبر من الكف شويه ولما ادخل الحمام انفش فيها يوم اخلص وتتغير في اليوم مرتين
بس في الدوام طبعا مضطره استعمل كلينكس، هي قالتلي ان الكلينكس ممكن يتفتت وتم بقايا في المنطقه وانت ما تشوفيها
ويوم اسبح استعمل صابونه ديتول وبعد ما اخلص ايلس كاني في حمام ارضي واتغسل عدل بالماي واليد

والله العظيم ان كلامها وايد فادني وما يتني التهابات ابدا الحمدلله لاني بعد اهتم ان اظافري تكزن مقصوصه عشان ما يكون فيها جراثيم.

والله يا حريم سوا مثلي وبترتاحين وايد وعلموها للي تعرفونهم.

وسلامتكم

سلام عليكم :salam: شخباركم إنشاءالله الكل بخير والله يتمم علينا بسلام وصحة وعافية يارب
بالنسبة لي الحمد لله والنساه صارت أهون بشوي لكن ما أدري شفيني مو مشتهيا أشتغل خير شر أروح الشغل وراسي ثقيل كله ابي انام ولا ابي سوي شي :shy:


حبيبتي Om_Shahad
كلامج جميل :clap: وحلو وسليم :ok:

حوامل فبراير

اشحالكن


انا الحمدلله بخير ...بس وايد ابغي اكل

بس استويت ما احب الدياي يوم يكون ويا المعكرونه وشي عطر للجسم يستخدمه ريلي استويت ما احبه ..حليله وهو ميت عليه فقلت قبل كمن يوم احسن لي اطلع ويا الوالده اشوي بدال اليلسه في البيت ومنيه اخذ عطر لريلي على ذوقي ههههههههه سرت وانا مستانسه بس ظربني هبوط ضغط هناك وما اكتملت الفرحه بالطلعه سيده ردوني :(

:)

ام شمه
كلامج سليم

سنووايت
الله يعينج وحليلج يالله ان شاء ايخف عليج

عروس كتكوته
وحليلج صدق مسكينه جات العروسه تفرح ما لاتلهش مطرح هههه
يالله خيرها في غيرها

مرحباااااااااااااااااااااااااااا ... اشحالكم جميعا


احسدج عروس كتكوته ...... انا مووول ماادانى اكل شي .... اتشهى الاكل بس من يصير جدامى ما اكله ... اتلوع جبدي .

ظهري امتعبنى رجعلي الم اول ايام الحمل ... وصرت احط مطاره حاره ... خبرونى هالشي عادى والا فيه مشكله ...

[grade="4169E1 FF6347 FF1493 800080"][عروس كتكوته
سلامتج ما تشوفين شر:flower:
بالنسبه للعطر لا عطري ولا عطر زوجي وحتى ريحت زوجي :no: ما دانيهم

mewo
تسلمي حبيبتي :flower: (r)

زوجة راشد
الله يعينج حبيبتي حاسه فيج :flower:
بالنسبه لآلام الظهر عادي تروح وتجي أهم شي ماتعبين روحج ودائما نامي على ظهرج ويفضل:up: رفع الرجلين
أما المطاره:think: يتراوالي:no: مو بزين :down: لأنه دايما أنشوف بالأفلام يستخدمون ماء دافئ للولادة والله أعلم[/grade]

هههههههههه... زوجة راشد...انا وياج في 18/2/2007 ان شاء الله،، و الله يسهل علينا ويتمم لنا على خير

مرحبــــا بنـــات
حبيـــت أشـــارك معاكــــم

انا تأخرت الدوره تاريخ 17/5/2006

وعطتني الدكتورة موعد ولاده تاريخ 21/2/2007

:flower: هلا بيج حبيبتي:salam: BnT^aLbA7rAiN
البيت بيتج :shy:

شخباركم ياحوامل..

انا من كم يوم عندى موعد وشفت البيبي ..

هلا حوامل شخباركم ؟؟

انا موعد ولادتي تقريبا مع الاخوات فراشة الحقل والسعوديه 2000
الله يسهل علينا ويتمم لنا على خير ياااااارب

اختي زوجة راشد انا مثلك ظهري رجعلي مثل اول بس بالنسبه للمطاره
ماانصحك تحطينها مثل ماقالت الاخت سنووايت عليك بالراحه وان شاء الله بتروح ..

..

بنت البحرين حيااك اختي معانا

اشحالكم يا حوامــــــــــــــــل ... انشاالله بخيــــــــــــــــــــر

إنشالله ماراح احط المطاره الحاره ... خفت الصراحه ... مع انها امريحتنى :)

فقر الدوم املعوزنى احس مااقدر اتنفس ودايما راسي يدوور وتعبانه ... وما رضت الدكتوره تعطينى حديد اتقول تو الناس عالحديد .... تعبت والله وكل حد ايقولى اكلي جرجير مشكلتى مااحبه ... جنى عنز وانا اكله بالغصب ... لاه وبعد بسافر شكلي بقضى الوقت كله في الفندق



فراشه الحقل
مول لا تهملين عمرج بخصوص الالتهابات ... اربيعتى ولدت فالسادس والسبه الالتهابات وبنتها تمت 3 شهور فالحضانه .

ام غانم الظاهري ...
. خلاص عيل بنطالع منو بتربي قبل دام موعدنا نفس الشي :)

الله ايعينا انشالله وايسهل علينا

انا اخر دوره كانت لي 24/5/2006
وموعد ولا دتي ان شاء الله 9/2/2007

سلام لاحلى حوامل _ حوامل فبراير _

تراني معاكم :o

ممكن اشاركم ؟؟؟
هذا اول حمل لي
انا اخر دورة كانت 28/4

وموعد الولادة 2/2/2007

قريبة من الاخت قمر قطر
والله ايعنا على هالايام ..................بس اكيد انها من احلى الايام

الله يصبر ويعين كل حامل تتوحم وتعبانه بوحامها

اللوعه والترجيع تكرموون ذبحني

بس

الله يجعلها كفاره ذنوب ويصبرنا

[glow=FF6699]شمس2
تاريخ المتوقع للولادة حلو :up:
أتمنى أولد بالتاريخ:o هذا
عشان بنتي أو ولدي يصيرون:shy: نص ميلادي
لأنه عيد ميلادي 4/4/81

فراشه الحقل
الله يعينج ويسهل
عندي الترجيع:angry: شي مادانيه
الحمد لله ما أرجع بس من أكل شي بسيط تيني :no: لوعه تملل حياتي:sad:


3roosbb
إنتي قبلي بيومين :cool2:
بس ما خبرتينا شخبارج ويا النساه وتعب الحمل?:pain:

نعانع
ما علمتينا شخبار النونو ?:smile:


بالنسبه لي ما في أي جديد نفس اللوعة والقهر:pain: والدلاعة:sad:
بس هي يومين أحس بحركات جدا خفيفه في أسفل البطن :smile: عند النوم ساعات أقول يمكن أتوهم لأنه حركة الطفل تبدأ بالشهر الرابع وعلى حسبتي لحين بنهاية الثالث ???????

أيه وعندي موعد بتاريخ 8/8/2006 وقعاده على:mad2: أعصابي :cry: أبي أتطمن وأحس الأيام طويله ما تخلص :sad: بسرعه

[glint]يارب يا رحمن أحفظ جنيني والمؤمنات من كل مكروه
ويسر لنا وسهل علينا وإرزق اللي ما عنده إنشاء الله:flower: [/glint](f) [/glow]

النونو بخير ..

وانتى شخبارج مع الحمل....؟

انا وايد تعبانه في هالحمل
اللوعه والترجيع مموتني مثلج يا فراشة الحقل

مادري شو اسوي
حالتتتتتتتتتتتتتتتتتتي صعبه
الله يعين

تصدقون انا لين الحين مارحت للمستشفى ولا مره غير اول شي عشان اعرف اذا كنت حامل او لا
يعني من شهرين

الحمدالله من يومين خفت اللوعة بس الدوار بعده عسب فقر الدم
وزايغه لانى قريت ان فقر الدم عند الحامل يكون سبب في عدم وصول الاكسجين للبيبي ...


ام شهد ...
اسميج بارده راجعي عالاقل يعطونج شي عن اللوعه والترجيع ..الله ايعيينج والله حاسه فيج