اللي ولادتهم في فبراير الجاي...حياكم

مرحبا حوامل المشوار الطويل

شخباركم مافي اخبار توسع الصدر غير اخبار همسة وكيوت يلا بشرونا نستنه الدور................

حبيبتي مخرخشه توكلي على الله واهي الولادة صايرة صايرة والله يسهل عليج يارب ونسمع الاخبار الحلوة...لام ........

انا هذي الايام الالام كله في ظهري اما بطني فالام خفيفه ومنكثر ما احاتي خايفة اني اروح المستشفي وبكرة راجعه المملكه واحاتي المشوار يالا الله يعيني وياكم .................

هلا كيف الحال شخبار التعب عليكم والله حاسه فيكم بكتتب لكم قصه ولادتي --------------- انا طول حملتي تعبانه أولا الحمل الوحم بعدين نفص كالسيوم وحديد وضرب عندي الورك وصرت ماأعرف امشي ولا أطلع --------------------وانت اخبر وصار عندي الام طلق وخذت مثبتات وبعد هذا الثقل والتعب ورجع علي الام الطلق مره ثانيه ولا مشيت ولا مره الين يوم السبت 27 -1 خلاص مليت وتعبت وقررت أذهب بيت أهلي مشي في العصر ومشيت اكثر من النصف وشافني اخي مع اولادي امشي ومارضى وركبني قصب بالسياره وكان زوجي اول ليل والساعه 11وصل زوجي وقررت اذهب الشقه مشي لاكن الجو بارد واولادي معي -----------------------وبعدين قلت لزوجي اشتر لي خروع من الصيدليه ---------------- وصلنا وشرى فقال له راعي الصيدليه اذا كان عندك اطفال سلم عليهم قبل ما تشرب ههههههههههههههه ---------------- استغرب زوجي فقال وش يستخدم له ههههههههههه-------------------- قلت له سر بعدين تعرف وجيت البيت وشربت ثلاث ملاعق كبيره وذهبت أنام وتقلب يمين ويسار والنوم راح عني ويوم صارت الساعه 4 نمت وماجات 7 الا جالسه والتعب يزيد علي وشربت ملعقتين خروع وزوجي لما يشوفني اتألم يقول لي خلينا نروح المستشفي يمكن ولاده والساعه 11 ذهبت فقالت الدكتوره 5-2 سم مفتوح كل هذا لالم و5-2 بس فقالت يمكن يزيد ولا يذهب عنك خلاص تنويم الساعه 4 العصر وانا ما رضيت ووقعت خروج على مسووليتي --------------------------ورجعت البيت قامت الطامه الكبرى والالم يزيد الساعه وحده طلعت والساعه ثلاث رجعت ثانيه لهم وقامو يضحكون على قالو خلاص ولاده والثانيه تقول ليه في بره ليه مايضل وانا طاقه عندي وكشفت علي قالت ---------------- 5-3 ----4 سم خلاص ولاده وقالو بيعطوني حقنه شرقيه قلت لهم لا انا في اسهال بطني نظيف وما قلت لكم يوم شربت الخروع كل دقيقه للحمام ----------------- وكشفت على قالت 4 سم وطلعت المويه مني والساعه 4 قالت 4 سم و5-4 4سم والساعه 5 قالت 4سم خلاص قلت لها ماني مصدقه بس 4 سم --------------------------- 5وربع كشفت علي قالت 6 سم فرحت ونصف ساعه 10 سم وقمت اصرخ خلاص بيطلع وجات الدكتوره وعلى طول قامت تجهز الادوات مرحله صعبه جدا وتمنيت يظل في بطني الى الابد ----------------------ولد الساعه 5و40 دقيقه ظبط والفال لكم تربو بالسلامه باي

السلام عليكم

كيفكن حمولات حبيباتي

والله انا الظاهر اللي في بطني عجبتو الاقامة عندي وما بدو يطلع :gum: :qaq:

انا اخر موعد اعطتني اياه الدكتورة هو 6/2
وكنت كل الوقت اعتقد اني راح اولد في اول اسبوعين بالتاسع ، بس الظاهر لا

بالمناسبة هذا حملي الاول ، وما بعرف ابدا شو ينتظرني
دعواتكن اخواتي

ويا رب يسهلها على الجميع

همسه حنون حلوه قصة ولادتج يوم قريتها بطني عورني انا توه داشه شهري ومستعيله ابغيه يطلع الله يستر متى بيطلع شكلي بسير اقوالهم سولي طلق ..

السلام عليكن

اشحالكن ...........

ما اعرف شوه فيني من كمن يوم اسناني استوت حساسه ما اروم اضغط وانا اكل ويوم اكل شي حلو يعورني ضرسي ...تعبت يسد اني على اعصابي وويع الضروس زادني


الاسبوع اللي طاف الحمدلله اشتريت اغراض للبيبي خذت الاشيا الاساسيه بس اللي قهرني ريلي شرى منز عووووووووود صح شكله حلو بس احس اني بتبهدل خصوصا ان شبريتنا عاااليه المهم ركبناه حسيت ان الحجره استوت ضيجه وااااااااايد مع انها عووده بس المنز وفكره اليلسه اللي بيسويها ريلي في الحجره خلاني احس بأن المكان ضيج استوى...... وبالنسبه لملابس البيبي غسلتهن كلهن حتى اللحف وكل شي واخر شي عطرتهن بكلونيا الاطفال عشان تخف الريحه عقب
وامسات سرت اخذ قمط قطن زياده من سوق نايف........ وجهزت شنطه البيبي واليوم جهزت شنطتي بس باقي اشياء بسيطه بحطهن عقب .......

ومن كمن يوم قمت اشرب زعتر حدي 3 استكانات والمسى اطلع اتمشى في الفريج نص ساعه لاني احس بضغط في الحوض واحس اني ابغي الحمام (كرمكم الله)...واحيانا امشي وانا اخلص اغراض البيت من الجمعيه احس اني احتاج امشي اكثر واشرب زعتر زياده ...

الحين بكمل اسبوع وانا بعدني اخت ريلي الصغيره متعبتني تبا البيبي بسرعه وكل يوم اتقول خلنا نوديج المستشفى انتي تعباانه ههههههههههه بالغصب لازم يطلع وريلي مصدقنها من اقول له احس بمغص يقول لي بوديج يله :( وعاطي تعليمات لأهله عشان ما اتم بروحي وهو في الدوام ...وانا الصراحه طفرت ابغي افتك

واختي تقول لي مب شرط اتحسين بويع بس من اتشوفين الدم اعرفي انج بتربين ولا اتسيرين المستشفى الا يوم ينزل عليج المااي ...اذا فيه علامات ثانيه خبروني :(


واااااااااايد اهذرب صح هههههههه


بس وين

نعانع
أم شهد
زوجه راشد
وباقي بنات الرابطه ليكون ربن ؟؟

عروس كتكوته مب لازم هذي الاعراض للولاده مرات ما اتحسين باي ويع وانا بولادتي الثانيه سايره مراجعه مافيه شي كانت النفس مفتوحه 5سم وان شاء الله هذي المره انا جذيه والله ايسهل علينا كلنا الحوامل

همسة حنون الحمدلله ع سلامتك
قصتك جابتلي الرعب وتذكرت ولادتي السابقه :( الله يهون علينا ويسهل ياااارب
..
خواتي اليوم عملية تقية100 ع مااذكر قالت السبت بتسويها الله يسهل عليها ويقومها
بالسلاااامه يارب
..
عروس كتكوته
انا مثلك مدري وش فيها اسناااااني صايره حساسه وتألمني من اقل شئ
الظاهر نقص الكالسيوم لان في هالوقت بالذات الجنين يحتاج اكبر كميه منه
عشان العظام تنمو عنده وانا وقفت الحبوب من نهاية الشهر الثامن بس احاول اعوض
بالحليب ومشتقاته

اما اعراض الولاده مثل ماقالت اختنا دانه 33 مو شرط يجيك الطلق ممكن الرحم ينفتح
امي صار لها كذا في ولادتها باختي انفتح عليها الرحم وهي ماتدري لان الالم ماكن قوي
ومانزل عليها دم ولاموية الجنين سبحان الله بس وراحت المستشفى في اللحظه الاخيره :)

...
انا امس طحت طيحه قويه ع ظهري من فوق الكرسي هههههه وربي من بعدها اشتغل
الالم بظهررري واسفل البطن عليوقعد معي للصبح توقعت اني بولد خلاص من شدة الالم
بس كله راح اول ماصحيت من نومي ..الله يعين
..
reem_kh الله يهون عليك وعلينا وتقومين بالسلامه يارب
صدق وين باقي البنات اختفوا ؟؟

وانا اخر دورة بتاريخ 6/5/2006

وانشالله ولادتى في 10/2/2007

مرحبا حوامل شلونكم :qaq: للحين ما ولدتوا:qaq:

:sad: بسكم عاد ولدوا بعد لمتى شتنطرووووون:confused:

همسة حنووون الحمد لله ع السلامة وألف ألف مبروك عيني ع الولادة وعقباااااااااالنااااا

يـــــــــــــــــــــــــــــــــــــــــــــــــــــــــــــــــــــــارب

بموووت أبي بسرعة أولد أقول لزوجي أول مرة أشوف وحدة تتمنى لروحها الألم :angry: أبي أولد قبل ما يجي موعد الطلق الصناعي:sad: ..

كل ليلة أحس بآلام وأقول إي والله الليلة الليلة :angry: لكن مع الأسف ترد تروح وهاي سالفتي كل ليلة .. غير آلام الظهر اللي تلوع الجبد..

ياللا الله كريم ويارب أولد قبل الموعد ..

المشكلة إن كل مكان أروح يقولون لي بطنج صغييير والنرسات اللي في المستشفى لما يخلون علي تخطيط ( لأن كل يوم أروح ) كل مرة وحدة وكل وحدة تقول لي صغير:angry: ويجيبون لي إحباط أزيد .. يعني مب شهادة وحدة ولا ثنتين وااااااايد ..

ياللا هدرت وايد وعورت راسكم .. مع السلامة والله يسهل على الجميع واللي بتولد هالايام قبلي خلها تدعي لي وقت ولادتها الله يسهل علي وعلى جميع المؤمنات :shy: ..

يالله منوه منكم يبغي حبة الحمراء انا يالسه اشربها يمكن اتسهل الولاده او اتخلي الطلق ايي انا مشتاقه للويع ..

هل يا حمولات
مخرخشه حبيبتي الله يعينك يا غاليه

بي اخبركم شي قهرني
كل الالام اللي كنت احس فيها راحت.. مادري ها شو معناه
يعني ما بربي الحين؟؟؟ يعني بعد ما كنت افكر اني ممكن اربي في اي وقت الحين قول شكلي بربي بموعدي 17\2

حتى اني ما جهزت شنطتي

زعلانه

هلا حبيباتي كل حين أدخل أتطمن عليكم يمكن وحدة ولدت :qaq:

أختي أم شهد الله يساعدش ويساعدنا

وعن الالم اللي تتكلمين عنه أنا بعد :sad: كل مرة اقول خلاص الليلة ولادة وتالي اتفشل ويا روحي

لان حتى زوجي ما اقول له اقول من اقول لاحد بوقف وهو يوقف قلت لو ما قلت :sad: :angry: يقهررررررر


الله يساعدنا

مسا الخير

هااه محد رباا منكن

زوجه راشد محد ليكووووووون شرف البيبي مالها

اممممممم انا وابد تعبانه من ضروسي عالدقه يعورني قلت ما شي حل غير احط الزعتر في الحليب واشرب .......

وباجر عندي موعد والله يستر جان ما يقولون فيج ويع الرباا ههههههههه الصراحه ما احس بويع غير احيانا مغص يمكن مره في اليوم ...بس من امشي احس بثقل والبيبي وااااايد يتحرك خصوصا فليل يتشيطن عليه ريلي يقول بطنج صغير انتي بعدج في الثامن امنوه قااص عليج عقب شهر بيي البيبي :( اتعرفون حد عاطني 28 فبراير وحد 2 مارس صدق بمووووووت لو الشهر اليااي




طمنني عليكن

دانه33 يقولون الحبه الحمرا مب زينه حق الحوامل... لا تشربين

الله يسمع منج يا عروس كتكوته ....

تدرين عاطينى اليوم اربي ع حسب الالترا ساوند ......... بس ما ربيت :( واليوم كان عندي موعد فمستشفى دبي واطمنت قالت كل شي اوكي ... انزين متىىىىىىىىىىىى ...

وانا مثلج ام شهد الالالالام خفت عنى من كم يوم ....حتى اتم منقهره ومتغصصه

بس من المغرب ظهري نار.....والحين يا دور بطنى ...انشالله مع هالمطر الحلووو اربي اليوم ... قولوا ااااااااااااااااامين

layla2005 حبة الحمراء زينه في التاسع اتساعد على الولاده وتزيد نسبة الدم والله اني تعبت ابغي اربي اليوم راسي وايد ايعورني ما ادري ليش يمكن الضغط ارتفع من كثر ما افكر بالولاده ... الله ايسهل علينا كلنا وما ايطوف الشهر الانسمع نكم كلكم والدات..
عروس كتكوته انا على موعد الدوره ولالدتي 28-2 وعلى مستشفى دبي 9 او 15 -3 وعلى عياده خارجيه 3-3 وابغي اربي اليوم قبل باجر ...

مرحبا حبيباتي الحوامل والامهات الجدد

همسه حنون قصتك عورت بطني وذكرتني بالولادات السابقة ............ بس يالله الحمد لله فتكيتي وربيتي الفال لنا يااااااااااااارب

تقية مافي اخبار عنها .............. انشاءالله اخبار خير يااارب

انا وصلت بيتى بالسلامه امس ومن المشوار بطنى وظهري ذبحونى من الالم حتى انى مانمت منهم وقلت يالله جاني الطلق.............بس لما جه الظهر راح الالم حاولت اشغل نفسي في البيت ارتب الصاله وبعض الاشياء اضيفها على المكان قلت ماابى اجلس بس ماصار شي ..........بعد شوي بتمشي بالبيت ...........

جابتلي جارت الوالدة من مكه امس عشبة كف مريم ...................بس مااعرف كيف يستخدمونها اذا وحدة عندها اي فكرة تخبرني جزاكم الله خير.............

اللهم لاسهل الا ماجعلته سهلا وانت تجعل الحزن ان شئت سهلا

مرحبا حبيباتي

هذي بعض الادعية حبيتكم تشاركوني في قراءتها .............. الله يسهل علي وعليكم باذن الله:-

( يا خالق النفس من النفس يا مخلص النفس من النفس يا مخرج النفس من النفس خلصني )

- لا إله إلا الله الحليم الكريم سبحان الله رب العرش العظيم والحمد لله رب العالمين

- ( كأنهم يوم يرونها لم يلبثوا إلا عشية أو ضحاها ) و( كأنهم يوم يرون ما يوعدون لم يلبثوا إلا ساعة من نهار بلاغ فهل يهلك إلا القوم الفاسقون )

( إذا السماء انشقت وأذنت لربها وحقت و إذا الأرض مدت ألقت مافيها وتخلت )

هلا خواتي ما وحدة منكم ولدت ه :qaq:

شكلنا كلنا بنولد في التاسع عشر :angry:

ياللا الله يسهل على الجميع ..

هلا حبيبتي
شو الاخبار
انا سهرانه مابي انام قلت اسلم عليكم خاصة اني مأجزه باجر

ابي تقية 100 تطمن عليها

المفروض موعدي الاسبوع الياي
خلاص الشنطة جاهزه وكل شي جاهز

ادعولي باجر عندي عزومه كبيره يمكن عقب ما اخلص طبخ الغدا اربي من التعب في الليل
بطمنكم عليا انشالله

يللا اخليكم
الساعه 3 في الليل