طفل شقاوته غريييبة

السلام عليكم
ولد اخت زوجي عمره 5 سنين وهو الطفل الثاني عندها 2 غيره اولاد
المهم هي ساكنة في ينبع وزوجها متزوج عليها 2 وكل ما تجي عند اهلها ولدها يسوي البهادل
مرة جات والله يكرمكم يتبول على سلة البصل والبطاطس والثوم ام 3 طبقات تكون حاطتها جنب الثلاجة
صارت حماتي المسكينة تبعده عنه لما يجي
وكان اصغر من كدة يفتح الثلاجة ويكب الدقيق وياكله و يفتح دولاب التخزين وياكل المكرونات يابسة
واخر مرة دخل غرفة لحاله واخد مجلة كان يتضارب عليها هو وبنت خالته وجاب الكبريت وولعها ولولا لطف الله كان صارت حريقة كبيرة
ومرة شق رجلو بالسكينة
ومرة سحب اخوه الصغير وكان حيرميه من الشباك
الصراحة مني فاكرة المواقف التانية
ولاحظت عليه انو كلامه مو مفهوم ابدا يعني الحمدلله بنتي تتكلم بفصاحة وهي اصغر منه ب 6 شهور
وبالنسبة لأمه فهي تقول انه هو احب اولادها لها وهو يحب ابوه كثير
بس حاولت احل نفسيته ما عرفت (داخلة علمي):qaq:
قلت اعرضها هنا واشوف حلولكم معاه