شعرج خفيف ويتساقط ادخلي وتخلصي من المشكل

السلام عليكم يا عرايس (f) (f) :shy: (f) (f)

شخباركم عساكم طيبين

انا اليوم قلت بعد ماكنت استفيد من هالموقع الرائع قلت مايصير استفيد وما افيد :sad:

فقلت بجيب لكم خلطه بس ايشكده:ok: الخلطه تكثف الشعر وتنعمه وتقويه وتمنع تساقطه

والخلطه سهله وااااايد ومكوناتها موجوده في كل بيت يعني ما يحتاي تروحون للسوق ولاغيره


طولت عليكم :shy: ادري


الخلطه هي FF0000عباره عن زيت خروع وعظم التمر وزيت زيتون

الطريقه هي

تاخدين عظم التمر يعني 10 تقريبا وتحمصيهم فوق المقلاة وتاخذيهم بعدين تدقيهم لين ما يصيرو غبره

وتاخذيها وتكبيها في زيت الخروع في غرشه اوقنينه وتضيفي عليها شوي زيت زيتون عشان يخففها شوي

وتتركيهم يومين عالاقل لين ما يترسب مسحوق عظم التمر في القاع

وبعدين تدهني بيه شعرج وجلدة راسج بعد

وبعد اسبوع انشاء الله بتظهر معاج النتايج الحلوة واستمري في الدهن مرتين بالاسبوع وتقدري بعد الابوع الاول تدهني مره بالاسبوع قبل ما تتسبحي بس تسوي مثل حمام زيت لشعرج وتخليه ساعتين او اكثر على حسب وقتج


اتمنى اكون افدتكم يا حبيباتي والله هذي الوصفه مضمونة:ok: واتمنى تجربوها ما بتخسرون شي بتكسبون شعر حلو وكثيف

ما تبخلو علي بدعواتكم بانه الله يرزقني باللي في بالي
:shy: :shy: :shy: (f) (f)