نصيحتكم اسافر او لا؟

اهلين اختي

رأيي انج تستشيرين الدكتورة افضل ..

لو بتكلم عن تجربتي ، في حملي الاولي كنا مقررين نسافر وحاجزين وشبه مجهزين للسفر.. في ذيك الفترة تأخرت علي الدورة وعرفت اني حامل قبل السفر ب 5 ايام .. وقلت للدكتورة اني بسافر لكنها قالت لي مو زين تسافرين هالفترة خصوصا ان وقتها كان ينزل علي دم خفيف لكني عاندت واصريت اني اسافر لاني كنت فرحانة بالسفر وكانت اول سفرة لي مع زوجي ..

الحمد لله ان الجنين ما صار عليه شي وولدته طبيعي لكني الشهادة لله تعبت واااااااااايد هناك ولا استانست بالسفرة لان كان لي وقتها 6 اسابيع وصار وحامي شدييييييد وحسيت اني كرهت ريحة زوجي لانه كان معاي على طول في الشقة مع بعض وفي الطلعات مع بعض يعني ما كنت اروح عنه ازور احد او شي .. لا كنت كل معاه فكرهته وقتها ههههههههههههههههه :shy:


وانا الحين حامل للمرة الثانية وفي الشهر الرابع .. وان شا الله بسافر بعد اسبوعين تقريبا وراح اكون وقتها توني داخلة الشهر الخامس .. والدكتورة اليوم طمنتني على كل شي واقدر اسافر ، لكن بسوي التراساوند بعد الاسبوع الجاي للاطمئنان اكثر ..


ان شا الله انتي بعد تسمع لج الدكتورة ان تسافرين وتنسين الوحام هناك وتستانسين وما تصيرين مثلي كلما اتذكر ذيك السفرة اتحسر لاني ما استانست فيها :sad:

سافري غيري جو احسن

هلا الغالية:shy:

حبيبتي اذا ما تعانين من آلام بالظهر او البطن
و امور الحمل تمام
ان شاء الله ما عليج شر و ممكن تسافرين
و شاوري طبيبتك

:)

اممم اني وضعي يشبهكم بس باختلاف بسيط الاهل كلهم بيسافرون واني محتارة اسافر معاهم والله لا؟؟ لانه عمر بنتي الحين شهر و12 يوم ولما بيسافرون اهلي راح يصير عمرها شهرين وجم يوم
المشكله اني طافشه من القعده وخاطري اسافر بس الكل يقول اليي ما راح ترتاحين في السفر لان بتج صغيرة ..؟

استشيري الدكتوره..

واذا كانت المسافه قصيره توكلي ع الله..

حبيبتي انا في الشهر الخامس وراحت على اطبيبة وسالتها عن السفر قالت لي انه عادي لأنه وضع الطفل طبيعي وانا في العراق وسافرت للشمال واخذ وقت تسع ساعات بالسيارة بس اخذت نصيحة من الانترنيت عن انه لازم كل ساعتين طريق تتمشين عشر دقائق لراحة الطفل وعلشان تنشيط الدورة الدموية وبس انتبهي من الطسات والانحناءات مالت الطريق وكمان السرعة تجنبيها وما عندج الا العافية

حبيبتي أحسن شي رأي دكتورتك لأنها تعرف وضعك

اذا كانت السفرة مو متعبة والمسافه قصيرة فلا مشكلة


اما بالطيارة ما لنصحج

حبيبتي أحسن شي رأي دكتورتك لأنها تعرف وضعك

مشكورين بنات ماقصرتوا، ويعطيكم الف عافية ،،،،،،،،،
فعلا انا رحت لدكتورتي أمس ونصحتني ما اسافر لأن المسافة طويلة حوالي سبع ساعات متواصلة وانا وحمي نوعا ما متعب فقررت ما اسافر :sad: وحتى زوجي بقعده بالبيت معاي :cool2: عقاب له .

خوفتينى ... لانى بسافر على نص 8 وبكون في الثالث .... بس الحمدالله ما اعانى من اى مشكله ......... بس احاتى يلسه الطياره 7 ساعات ... احس ظهري بينقص من اليلسه ... محتارة والله