@ الحجاب لأول مرة .. شرايكم بالفكرة !! @

فكرة رائعة وذكية وبصراحة انا جات الفكرة في بالي من قبل اني اطبقها مع بنتي اذا الله امد في عمري لخمس سنوات لانه بعدها صغيرة الحين ومثل م الذكريات الاليمة ترسخ في ذاكرة الطفل كذلك العكس انه الذكريات الجميلة دايما يتذكرهاالطفل لانه مثل هذا الشي احسن الطفلة تتعود عليه وهي صغيرة عشان يكون جزء من شخصيتها وكيانها وما تقدر تتجرد منه بكل سهولة وهذي الفكرة صراحةمفيدة اكثر للعايلات المسلمة اللي عايشةفي الغرب لنه بعض الععوائل فعلا عايشين مأساة مع بناتهم في الغرب يعني انا اختي الحمدلله كانت اول بنت محجبة في فصلها وبعد ماشافوها زميلاتها المسلمات في الفصل قامو حتى هم تشجعوا وصارو يلبسون الحجاب وهي دايما تفتخر بها الشي وفي النهاية الله يحفظ علينا وعلى بنات المسلمين نعمة الحجاب وهنيئا لك اخوي حجاب اختك الصغيرة

فكره حلوووه

بس العمر مبكر جدااا

يا حبذا لو نبدا بسن التاسعه لانه هالسن هو السن التقريبي للبلوغ

ونعودهم على الحجاب وبصورة مرتبه ايضااا

لانه بعض الاهل يهملون ترتيب هندام بناتهم وخاصة الحجاب

وكان الله في عون الجميع

الفكره واايد حلووه

وبتشجع البنات على الحجاب

بس 7 سنين احس بعدها صغيره

يعني ها سن اللعب وجيه

وتحس تفكيرهم بعده مب ناضج

فمادري

كفكره حلوه والله يوفقكم ^_^

ما شاء الله
الحمد لله
الحجاب نعمه
وما شاء الله انا عندي صغارية كتاكيت اربع وعشرين ساعة يلبسون الشيلة والحجاب يلعبون فيها يعني سبحان الله اليهال على ما اتربيهم مب شرط البنت ابدا ما تلبس لين ما تكمل عشر سنين لا بس تلبسه شو شو
يعني على دلع والحين الشيل والحجابات الصراحة مغرية الوان واشكال يعني الحين البنت تشتري مكياج واكسسوارات وما مخليه شيء وهي بعدها بيبي
يعني الشيلة ما لها رب يعني تفننو في كل شيء الحين يلبسون كل شيء خليهم يلبسون بعد حجاب تطور في كل شيء ويوم يت على الجحاب اعترضوا العرب وحددو له سن معين اساسا هو ماله سن وخاصة في زمنا هذا الوحده عادي تتعلم تلبس الحجاب وهي صغيرة بالعكس اسهل واسرع في التقبل
انربيهم على لبس كل شيء وايحطون كل شيء
والحجاب اخر شيء انخليه ليش مب هو اهم شيء مب قبل عن البنت تتعلم سوالف الاكسسوارات والمكياج افضلها تتعلم تلبس الحجاب
ولا بعد الحين ايكملون عشر ويدخلون سن المراهقة اتقولك الام لا بعدها صغيرة ليش نحجرها من الحين بتكره الشيلة باجر بتشبع منها
ليش هو اكل عشان نحن نشبع منه عيل خلاص الصلاة بعد لا تامرونهم عليه خلوهم باجر بيملون منها بيشبعون منها
والله شعرنا ابيض ونحن انشوف مراهقات ايحطون ميكاج وعطور واخر لبس في الموضه والشيلة في نص الراس وله طايحه كل شوي اتعدلها والمشية اخر موضه بعد
ولا بعد في منهم ما ايلبسونه عباية الي بعد ما ايخلصون مراهقتهم سبحان الله كيف يا اب ويا ام ترضين بنتج كل غريب يطالع فيها ويتمنظر فيها سؤال يحير وقلبي ايعورني عليهم والله
والاهل ولا كانهم موجودين وجودهم مثل العدم حاليا
الناس اطورو في اشرق والغرب ونحن بعدنا لا تطور اجتماعي ولا تطور ديني كل يوم عن يوم انهمش دينا والغريب يعزه ويرفع
يالله الحمد لله على كل حال
هذا كله ضريبة الانفتاح
الحين يالسين نحن ندفعها وخاصة الي عنده عيال ما ايعرف كيف يصرف كل يوم الدنيا تزيد مناكرها ونحن حاطين ايدنا على قلبنا خايفين على عيالنا
الله يعينا
والله ايهدي كل ام واب واخ واخت وجميع المؤمنين
والسموحة طولت بس في داخلي حره بعد ما قريت الردود وحسيت انه شيء عادي هذا شيء نفتخرفيه ولازم انشجعه لازم كل ام اتسوي جذي بدل ما ايضيعون وقتهم في اشياء لا تنفعهم ولا تنفع عيالهم باجر
وكان الله غفور رحيم
والحمد لله على كل حال

:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap:
صحححححححححححححححححححححححححححح جزاك الله الفففففف خير اختي والشء هذا ر اح تخليها تحب الحجاب وتتمسك فيه اكثر ونعم الأخت بارك الله فيكي

من جد فكرة اكثر من رائعة وصراحة انا ما عندي الا ولد واحد بس متحمسة اني اجيب بنت بعد فترة
ولما تجي انشاء الله بطبق هالفكرة لما تكبر
وعموماً الفكرة هذي ممكن نستمد منها افكار حتى للولد بس ما بقول عوضاًعن الاعياد ميلاد لان عيد الميلاد بصرف النظر عن انه فكرة ابتدؤها الغرب الا اني انظر لها من زاوية ثانية وهي اني افرح الطفل بانه كبر وانه صار أكثر قدرة في التحكم في سلوكياته.. مثل الكبار ..فهي وسيلة للحث على السلوك الحسن بما ان الطفل نظرته للكبير نظرة إكبار ...القصد ان احنا نحاول نرسخ في تفكيره مفهوم صحيح ان الكبير كبير في تصرفه موبس بعمره.
ومو لازم اجواء الاحتفال تستلزم تطفئة شموع واغنية عيدالميلاد المتعارف عليها..
الافكار اللي فكرتك ممكن توحيها لنا هي مثلاً:انه قدر يبرز موهبته من خلال عمل معين ملفت وبارز جدير بالاحتفال ...لبث الثقة والحماس في نفسه ...والمثابرة في صقل موهبته .مثل ال
وممكن مثلاً:انه تعلم الصلاة ويقدر يعلم الاطفال البقية اللي جايين هالحفلة الصلاة بعد.ويكافئ على هالشي بعد!!

من فترة ظهرت هالعادة في البحرين إن البنت من توصل 9 سنوات يسوون لها حفلة يسمونها حفلة تكليف لأنه البنت خلاص صارت مكلفة و محاسبة على أعمالها
و الجمعيات و اللجان الاسلامية و الجهات الأهلية و حتى الصناديق الخيرية ما تقصر..
تنظم برامج باستمرار و خصوصا للبنات اللي اعمارهم قريب الـ9 و تعطيهم دورات تكليف تعلمهم امور دينهم و واجبات بلوغهم و في نهاية الدورة تجمعهم في حفلة تكليف و تعطيهم شهادات
أحييج أختي على هالفكرة

الحمد لله ان اعزنا بطاعته ولم يدلنا بمعصيته

الحمد لله ان هدى اختك لطريق نور الحق والتمسك بالحجاب

أخوي هادي

حلوه الفكره واشواف وااايد يطبقونها هالايام ومثل ماقالت اختي نور المدينه

يسمونها حفلة التكليف ويلقون محاضره للبنوتات عن الحجاب

ويوزعون فيها اشرطه دينيه وكتيبات صغيره عن الحجاب

فكرة حلوة أكيد .... يعطيك العافي

وصل لأمونة السلام وقول لها مبروك الحجاب ياحلوة

فكرة رائعة و الحمد لله عدد المحجبات فى ازدياد

يالله ليتهم سوولي جييه يوم لبست الحجااب ..


للاسف انا كنت اكره الحجاااب .. اذا كنت بطلع من البيت ويقولولي لبسي الشيلله اتم اصييح واصيييح وازعل واقرر اني ما اطلع ...
الغلط مب مني الغلط من اهلي للاسف .. ما اقنعوني بطريقه طيبه .. فجاه جيه من دون مقدماات يالله لبسي الشييله .. وانا اعاند وما البسها ..

اتوقع لو كانو سوولي حفله وشجعوني وحببوني في الحجااب كنت لبسته وانا احبه مب البسه وانا كاني مجبوره علييه ..

بس الحمدلله بعدين اقتنعت .. وفهمت .. وبرحي من نفسي طلبت العباه ..


فكره حلوه اخويه بومحمد .. حلو انكم تحببون الاطفال بالشي عشان ما يحسون انهم مجبورين عليه وخاصه في مثل هالامور ..


بنفسوجة

وموضوع خرافة بسويه لبنت اخويا واخبركم الاحداث:clap: :clap: :clap: :clap:

والله اختيه الفكره واااااااااااايد حلوه

على الأقل نحبب اعيالنا في الحجاب بدل مانحسسهم ان هذا فرض عليهم ويكرهونه

لأنه تعرفون يابنات كل ممنوع مرغوب