ما اريد أعيش في أوهام بس ليش ؟

خواتي الحبيبات.

صدقوني أنا مقرره أني أنساه خصوصا بعد المحاولات الفاشله. في أخر موضوع لي خبرتكم أني غيرت رقم تلفوني. حتى أهله قطعتهم مساكين لاني حسيت اني أحرجهم بأتصالاتي. لانهم يتموا يضغطوا عليه عشان يردني وهو وصل حده من كثر ما يزنوا على راسه. قلت اختصر الطريق وما احرجهم أكثر من كذا.
حتى بعد الطلاق أختي العوده ما قطعت أتصالاتها معاه. يعني يدز لها مسج من فتره وثانيه. المهم انا الحين صار لي فتره من غيرت رقمي وقطعت اتصالاتي فيه. الغريب انه كثر اتصالاته بأختي. والغريب أكثر انه راح يزورها بمكتبها !!!!!!!!!!!!!!! على حد كلام أختي تقول شكله تعبان وحزين. والغريبه انه سأل عني. يبي يعرف أخباري. وقال لاختي انه ما كان وده نوصل للي وصلنا له بس أوين أنا بغيت هالشي. انزين ليش؟؟؟؟ ليش تعيد السالفه مره ثانيه. خلاص تكلمنا في هذا الموضوع مليون مره وعرفنا انك مسكين واني انا الشريره ؟؟؟ أختي قالت له انسى وعيش حياتك. يعني حسسته اني عادي عايشه حياتي وخلاص نسيت (وانا والله اتقطع من الشوق) وأكد عليها انها تسلم علي حيل. وسألها هي مصكره تفلونها؟؟ قالت لا هي مغيرته!!!

المهم السبب الرئيسي لزيارته لاختي انه لحد الحين ما قادر يخبر الناس اننا انفصلنا. يعني اي حد يسأل عني يقول لهم اني بخير. اي حد يطرش شي معاه ياخاذه. عشان كذا وحده طرشت معاه شي حقي وما قدر يقول لها اننا انصلنا مع انها من اهله. وأخذ الحاجه وعطاها لاختي.

سألها انت ما تشوفيها ؟ قالت له بالعكس نحن دايما نطلع مع بعض. المهم كنت طالعه مع اختي المسا وقام يطرش لها مسجات. ومسجاته كلها حنين وشوق وحزن. ليششششششششششش يسوي جذي. هو قال لي مره زمان انه هو اصلا هذي المسجات يطرشها لي عشان اقراها؟؟ بس ليش الحنين زايد عنده؟؟ يريد يعلقني ويعذبني أكثر ؟؟

انا ما اريد أعيش في أوهام بس شو تفسروا هالحركات. أستهبال ؟؟؟ والله ما ادري

أنا دايما ادعي ربي انه يبعده عن طريقي اذا ما فيه امل اننا نرجع بس اشوفه يسوي هالحركات نفسيتي تتعب أكثر.

خبروني شو رياكم.