الصكوك الوطنيه

أنا اشتركت في الصكوك.. تروحي على الاماكن اللي تبيعها وهي:
* الأنصاري للصرافة
* مصرف الإمارات الإسلامي
* الفردان للصرافة
* الإمارات للصرافة
وفي أماكن كثير كمان..
لما تروحي خذي معك أي شي يثبت شخصيتك (رخصة قيادة - بطاقة عمل- ...) وهناك بيعطوكي طلب عشان تمليه.. لكن أظن أنه الطلبات كلها بالإنجليزي.. وبتحددي كم المبلغ اللي بتوديعه.. يعني إذا كان مثلاً 5000 درهم بيكون لك 500 صك لأنه كل صك بعشرة دراهم.. ولما تخلصي بيعطوكي إيصال وبعد أسبوع بيبعثولك شهادة الصكوك على البريد (لازم تكتبي البريد في الطلب لأنه الطريقة الوحيدة عشان يبعثولك الصكوك) وفي الشهادة بيكتبولك أرقام الصكوك تبدأ من ...وتنتهي ب... وكل أول سبت من كل شهر في سحب وبيبعثوا على موباليلك مسج إذا فزتي ان شاء الله والجوائز هي
* جائزة المليون درهم
* 2 جائزة 100.000 درهم
* 5 جوائز 50.000 درهم
* 10 جوائز 10.000 درهم
وغيرها جوائز كثير ..
أنا اشتريت قبل 3 أسابيع يعني السبت الجاي أول سحب راح أدخل فيه.. ادعي لي :)
على فكرة في معلومات اكثر في موقعهم:
www.nationalbonds.ae

يا رب أكون المليونيرة السبت الجاي وأنتي مليونيرة الشهر الجاي :)

أم العروس:
اريد حد منكم اشترك في الصكوك الوطنيه ب الامارات

منو ربح فيها ومتى وكيفوكم دفع

كل شي اريد اعرفه على العام
وشكرا

هلا اختي أنا اشتركت فيها وأول مرة
أقل شيء تدفعين 100درهم واذا تبين أكثر عادي والسحب يكون أول سبت من بداية كل شهر
واذا عندج اي استفسار ثاني انا بالخدمة
واختنا نهى الحلوة ما قصرت

مشكوره يااختي نهى الحلوةوالاختjafa

[[frame="9 80"]B]مشكوره يااختي نهى الحلوة[/B]والاختjafa[/frame]

هالصكوك حلال ولا فيها شبهه ياليت اتفيدوني لاني ابا اخذ منها ؟؟؟؟؟؟؟؟؟؟؟؟؟؟؟؟؟؟

حبيبتي ادخلي الموقع الخاص فيهم بتلاقي الفتوى الخاصة بهم.. ان شاء الله حلال..

يعني في فايده تنزلي و لا بس اتريا الفوز \لو صار؟؟؟

يعني في فايده تنزلي و لا بس اتريا الفوز \لو صار؟؟؟

اعتقد انه قمار و الله اعلم .... اسالو احسن ..لنه فيه وايد شك ..

أنا اليوم أشتريت بـــ 150 درهم يعني 15 صك والله يكون فالعون.
حبيبتي مو غمار ولا شي. لأنج وقت ما تطلبين فلوسج يردونهم لج لكن الغمار خسارة الفلوسسسسس

أنا اليوم أشتريت بـــ 150 درهم يعني 15 صك والله يكون فالعون.
حبيبتي مو غمار ولا شي. لأنج وقت ما تطلبين فلوسج يردونهم لج لكن الغمار خسارة الفلوسسسسس

انا شاريه ب1000 درهم وربحت مره 250

يعني عدد اسهمي الحين 125 يعني 1250 درهم

انا بعد شرت حقي وحق ريلي
واول سحب حصلنا 100 باسم ريلي والسحب الاخير حصلت باسمي 500

وان شاء الله السحب الياي المليون :) :) :)

وبعد اشتريت بعيدية عيالي حقهم وباساميهم

وان شاء الله يكون حلال

قريت الكتاااالوج الصكوك حلااال مكتوب والله اعلم

انا بعد اشتريت ب 1000 ..

ولين الحين حصلت 100 درهم..

طرشولي مسج وطرشولي ورقة مثل شيك بس المشكلة ضاعت الورقة..
هل اقدر احصل عالامية بدون هاي الورقة؟

bintdubai:
انا بعد اشتريت ب 1000 ..

ولين الحين حصلت 100 درهم..

طرشولي مسج وطرشولي ورقة مثل شيك بس المشكلة ضاعت الورقة..
هل اقدر احصل عالامية بدون هاي الورقة؟

الغاليه الجائزة ينزل لج على الاسهم يعني تزيد عدد اسهمج على طول وتصير 1100...

الثلج الأزرق:
الغاليه الجائزة ينزل لج على الاسهم يعني تزيد عدد اسهمج على طول وتصير 1100...

مشكورة يا الغالية

ونا بعد اشك فيها لانها مثل اليانصيب

اليانصيب و القمار

لما تشترون التذكره
تروح عليكم فلوسكم

بس هذا مثل الاستثمار

تشترون الصكوك وهي مثل الاسهم
ويستثمرونها لكم في مشاريع حلال
وتنزل لكم فايده سنويه عليها

و في سحب
سواء فزتوا او ما فزتوا
حقكم محفوظ بالصكوك
يعني متى ما طلبتوها رجعولكم فلوسكم