الجزء الثامــــ8ـــــــــــــن من تجهيزات عرايس قطر 2006

سديم79 :
بالعكس تاخذينه لأنه بتحتاجينه واااااااااايد تتصلين حق أهلج او صديقاتج اذا احتجتي شي ، حق محل المسكه والمصوره ، ولاتنسين اغلب الارقام بتكون مخزنه فيه .

تتصلين لهم بعد ماتخلصين من المصوره عشان يجون يوصلونج لين تحت

يعني وجوووووووووده ضروري

وخلاص قبل ماتنزلين القاعه ركبي المنبه عالوقت اللي تبين تقومين فيه الصبح حق ثاني يوم ، وبعدها صكي التلفون .

بنات خزنوا كل القوائم اللي تنحط فالموضوع عشان ترجعون لها وقت الحاجه .

لان لو ضاعت وسط الردود صعب توصلون لها :(

تفضلوا :


إغراض الجمعية :

شامبو + معجون + صابون للوجه ( أو ممكن مقشر من أي ماركه تستعلينها ) صابون الجسم + ليفة الجسم ( وعندكم بودي شوب ) + قطن جونسون تحتاجونه ( انا عن نفسي مااستغني عنه خاصه اللي نفس الكوره ) + فرشاة أسنان ( خذوا 2 لج وحق بوالشباب ) + معطر للجو + كريم ( عني اخذ دوف عشان ازيل الكحل اللي نازل تحت العين ) + كوتكس ( سوري عذروني بس لازم اكتبه ) + كير فري وضروري جداً للأستعمال اليومي خاصه للمتزوجات حديثاً + غسول حميم ( من ماركة كير فري لغسيل المنطقه ) بس عاد لاتكثرون استعماله ( يفضل استعماله قبل النوم لغسيل المنطقه ) وأنتوا عارفين ليش + فريشي ( مناديل معطره للشنطه ) + فاين صغير للشنطه + منظره صغيره ( ممكن تاخذونها من أي مكان وإذا معاج علبة البودره مايحتاج ) + ديودرنت + مدخن صغير + ولاعه + فحم سريع الاشتعال + مقراض ( 2 لج وحق بو الشباب وفي شنطه فالبودي شوب شريتها من فتره سوده صغيره فيها كل شي ) + ملقط + مبرد + أسيتون + مشابيص هههههههههه ينفعون وانتي رايحه تغسلين وجهج او بتتمكيجيين او ممكن الاستعانه بكليبات صغيره + عود أذن + رغوه ( للي تحب تسوي شعرها كيرلي + سبراي شعر ( شريته وماحتجته بس يمكن انتوا تحتاجونه + بلك مربع ( محول كهرباء ) + مناديل مزيلة المكياج .

ممممممممم هذي الاشياء اللي انا شريتها واكيد في بنات يحتاجون اكثر منها ، وبنات مايحتاجون الا نصها ، يعني كل وحده وحسب استعمالها .

القاعة ( الفندق ) :
الكوشه ( تدفعين المبلغ كامل قبل العرس ب10 أيام أو أسبوعين ) وتراجعين معاهم كل شي طلبتيه وتأكدين على نوع الورد ولونه .
الإضاءه ( أقصد إضاء القاعه وتكلمين يوم العرس مسؤول القاعه وتقولين لهم شلون تبين الإضاءه أول مايزفونج )
الفرقة ( اكدي عليهم الحجز ودفعي فلوسهم ، بس اذا يعتمدون على النقوط لاتشيلين هم ، بس اهم شي اتأكدين وقت جيتهم ) .
الشاشات ( تتأكدين من المحل اذا جاب نفس اللي طلبتي ولا وتختارين مكانهم ، واذا عرسكم فالرتز دفعوا قبلها بفتره للشاشه عشان ينزلونها لكم ، انا يوم عرسي كانت ب750 ريال )
التصوير ( عادي + فيديو حددي عدد الكاميرات واذا تبين تصوير عادي ولا دجيتال ، وفهميها لو كامرتين ابي وحده ثابته عالمسرح ووحده متحركه تكون معاي اول مادخل القاعه )
العطورات ( المخلطات اللي تكون عند الباب عشان يتعطرون الناس ، لاتخلون حد يدور بالعطورات تصير ربكه وحوسه كفايه التضييف اللي بيدور عليهم وبيفر راسهم .
المدخن ( هذا يكون كبير تحصلونه عند سيد جنيد ( خلوا وحده مسؤوله عنه كل ماحترقت قطعة العود تحط وحده غيرها )
ترى هذا نوع من الذرابه والسنع في استقبال الناس واكيد كلكم عارفين هالشي يابنات قطر
انا كنت مخليه المناسبات يجهز لي طاولتين نفس ديكور طاولات القاعه وحده عاليميين للعطور ووحده عاليسار للمدخن .
بطاقة عرس الرجاجيل + الحريم ( عطوها المصورة في نفس اليوم مالة التصوير العادي وقولوا لها تحطها في البوم العرس فالبدايه ، او تقدرين تودينهم لها المحل بس اتأكدين عليها هالشي عشان ماتنسى .
إضاءة المكياج ( إذا كان عرسكم فالرتز كلموا الرسبشن يجيب لكم إضاءه زياده عشان تتمكيجون لان اضائتهم خافته )
المظله ( هذي تغطيت فيها وقت مادخل المعرس ، عاد كل وحده تجهز الشي اللي بتتغطى فيه قبل ولاتنسونه فالبيت )
مسؤولة الفندق ( خلي رقمج عندها اي وقت تحتاجينها كلميها ، واذا فالرتز تكون معاج على طول وقت نزلتج ووقت طلعتج انتي وزوجج للسويت ، ووقت مشيتج عالستيج هي تعلمج كل شي )
التضيييف ( حطوه من الصبح فالفندق )
صينية العصير ( هههههههههههههه احس مالها داعي كفايه سوينا الحركه فالخطوبه ، بس عاد وقتها بنت خالتي مسويتها لي ومايصير اقول لها لا فديتها )
المسكه ( تطلبين منه يجيبها عالساعه 6 ونص الفندق او 7 ونص المغرب ) عشان اول ماتوصل تكون جاهزه للتصوير الفوتوغرافي ، اي على طاري التصوير اول ماتاخذين رقم الغرفه اللي بتجهزين فيها اتصلي حق الاستوديو عطيهم رقم غرفتج ، عشان تجيج البنت اللي بتصور عالوقت اللي تبينه ، بس يفضل اتنقعينها عندج ولا هي اتنقعج ههههههههههههه
الدي جي ( روحي لها قبل بفتره واتفقي عالزفه وعالوقت وعلى كل شي ، وقولي لها ابي الاغاني تشتغل من بعد صلا ةالعشا لين ماتبتدي الفرقه تغني ههههههههههههه خبركم بفلوس خل اتحلل الفلوس اللي بتاخذها )
الليزر ( اذا كنتي طالبه منه اتفقي مع اللي يضبط الليزر يوم العرس فالقاعه على توزيع الليزر شلون تبينه ، وشلون الإضاءات واشرطي عليه ابي الليزر مايوقف طول العرس يشتتتتتتتتتتتتتتتتتتتتتتتتتتتتتغل )

وبسسسسسسسسسسسس هذا كل اللي عندي عن تجهيزات القاعه .

اقصد رقم مسؤولة القاعه اخذيه وخليه عندج ، وأول ماتوصلين سألي عنها اذا موجوده والساعه كم بتجي واذا قالوا محد قولي لهم الحين تجيبون لي وحده مسؤوله اتفاهم معاها .
بس مراح تحتاجين رقمها الا يوم العرس .

وفي شخص ثاني هو يسوي الحجوزات وتأكدين عنده الحجوزات وكل شي ونوع العصير اللي ينزل وعدد الكراسي والطاولات هذا زوجج يتفاهم معاه قبل بس بعد اعرفي رقمه واسمه ، يمكن تبون تزيدون شي او تستفسرون عن شي عشان تكلمونه وتعرفون .

مبروك بنات على الجزء الثامن
ماشاء الله مسرع ماحطيتوا الثامن؟؟؟؟؟؟؟؟؟؟؟؟
اول مره اشوف المواضيع نااااار الواحد مايلحق يقرا
كلاسك
والله فكره بشوف الكوشه المغربيه
بس سوري على اللقافه اول مره ادري ان الصباحيه تكون في بيت اهل العروس الي اعرفه ان بيت زوجها او بيت اهل زوجها؟؟؟

ترى كل شي جايز عند سميييييره وممكن اطلعج كريستاله مثل ماقلت واغلب بنات العيله معتمدينها اللي بتتزوج واللي بتنخطب ، واللي توها طالعه من النفاس ، تخيلوااا يعني تبي ترجع لبيت زوجها وأهي عروووووس .

من فتره طويله كتبت الخطوات اللي سوتها لي ، وبحاول اذكر الحين وان شاء الله مانسى شي .

أول شي تشقر الجسم كامل مع الظهر
ثاني شي تحط لج ماسك مخلووووط مع زبدة وبذور الكرز ومشمش اعتقد ن المهم تخلط نوعين ، وتسوي سنفره للجسم كله ، وتعالي شوفي السواد اللي بيطلع .
بعدها اعتقد تحف الجسم بالحلاوه الهنديه
وبعدها تحط لج كريم بالزبده عالجسم كله وتقول لج نامي فيه يوم كامل
وفالخير تعطيج ليوم العرس تتنقعين في خلطة اعشاب قبل ماتروحين الفندق .

بس صج يصير الجسم زبده ، أقول لكم أبوي لاحظ الفرق ونطق ذاك اليوم ، حتى يدي مسح عليها ويقول يه ............ صايره ناعمه
هههههههههههههههه احراج

وشقرت وجهي ، لأن ماكان في وقت تجف وخافت تطلع لي حبوب ، وعطتني ماسك طين احطه يوميا لين يوم العرس

وبعد أحس في شي ناسيته بس شنوووووو مادري

وصدقيني لو ماتنفع جان ماقعدت برا بيتها لين الفجر وهي تنظف العرايس ، ولا شفتي هالأقبال الكبير عليها ، ولج تتخيلين ان اللي طالعه من النفاس تحجز عندها مع انها مو عروس وزوجها متعود عليها هههههههههههه يعني تبي تحط راسها براس العروس وتروح لزوجها وهي كريستاله ، فمال بالج اللي توها أول مره بيشوفها زوجها !!

أنا بصراحه كل مامدحتها حق حد شكروا فيها وماذموها

وانتوا براحتكم يابنات

تقديرون تجيبونها قبل ب3 شهور ، او تجيبونها قبل العرس ب3 أيام ، وترى حتى حمام زيت تسوي ، بس انا لأني كنت مسويه قبل فقالت مايحتاج .

<--------- على فكره كانوا مصورينها قبل قدوم سميره بكاميرا الفيديووو واهم شي الحواجب والشنب @_@ مأساه الصراحه ، وبعد قدوم سميره بكاميرا الفيديوووو
ههههههههههههههههههههههه اكيد تتخيلون الشكل طبعاً

بس حركه سووها يابنات .

فستان العرس ومستلزماته :
الفستان + الطرحه + اكسسوار الشعر ( اذا كنتي طالبه من المصمم يسوي لج ) + الجوتي ( الله يعزكم ) + كورسيه ( اذا محتاجه ) + البرا ( القطعه الفوقيه من الملابس الداخليه ) وتختارينها على حسب قصة فستانج وانصحكم بالصالون الأزرق كل شي متوافر فيه واسعاره بمتناول اليد ، الطقم ( الشبكه أو اذا شريتي طقم ثاني ) + الدبله + الساعه + خواتم زياده ( يعني عالأقل 3 إلى 4 خواتم ، لاتقولون وايد ترى انتي عروس واذا عندج لبسي ولاتخشين شي فالكبت ، وترى فالتصوير والألبوم تبين فايدة الخواتم ولاتنسين بتسوين حركات بيدج وايد هههههههه ومو حلوه اليد خاليه + ممممممم والمناكير بعد لاتنسونه .

ولاتنسون القطن والاسيتون عشان تزيلونه بعد مايخلص العرس .

والأهم سجادة الصلاه والدعاء ولازم تعرفين كيفية الصلاه ، وايد ناس يغفلون عن هالشي ، وانتي لازم تكونين مستعده وجاهزه عشان تساعدين بو الشباب اذا نسى في زحمة العرس .
خلوا كل شي جاهز عندكم يابنات ماتدرون ايش يصيرررررر

ثاني شي ( اذا عندكم طقم ابر خياطه صغير اخذوه تحسباً لأي طارئ ، أو خذي كور أبيض مع أبره )

ههههههههههه يمكن البعض يضحك ، بس ماتدرون شيصير ، ولازم تكونون استاند باي عشان بوالشباب يقول والله اني خذت سوبر وووومن كل شي جاهز عندها احم

ولاتنسون مثل ماوصيتكم في اغراض الجمعيه ، مناديل معطره للشنطه عشان بعد كل عشوه وغدوه فالمطعم تستخدمونها .

وللفحم اخذوا الولاعه اللي كانها مسدس من اجمل أو الرصاصي ، والفحم اخذوا سريع الاشتعال ، مو الاحمر لااااااااااااا هذا يطلع شرار وبتشتغل اجهزة الانذار في هالفندق والسبه الشرار ، اخذوا اللي علبته سوده وعليه مدخن فضي ، صج غيروه ومايشب بسرعه نفس الأحمر ، بس اهون من الفضايح فالفندق .

وشي بعد ضروري تحملوا يابنات بعد ماتغسلون المنطقه الحساسه تنشفون بفاين الحمام ، تراه يتقطع ويصير مثل قطع صغيره تعلق فالمنطقه الحساسه ، وأكيد عارفين ليش حذرتكم من هالشي ، كلكم على وجه زواج ومانبي نغوص فالتفاصيل ، استخدموا احسن فوط صغيره للتنشييييييييييف .
ترى يمكن تعلق قطعة فاين بالغلط ، ولكم تتخيلون المنظر المحرج


مممممممممممم وقبل ماسوي إضافة رد سريع ( اقصد بالخواتم من 3 إلى 4 ) يعني من ضمنهم الدبله وخاتم الشبكه يعني زيدوا عليهم خاتم زياده أو خاتمييين .

واذا تذكرت شي برجع لكم ، وانتوا سئلوا لاتستحون .

اييييييي وبعد نسيت شي السشوار وشاحن التلفون ، والكير الفير يابنات لاتنسونه تراه مهم وضروري ويساعد على نظافة المنطقه والملابس الداخليه .

وتعرفون ايش فايدة الكير فري ، هو نظافة الملابس الداخليه ، مب عدله تغسلين ملابسج وتنشرينها جدامه فالباث روم اول الايام @_@ ، بجذي بتكون الملابس الداخليه نضيفه ، وماعليج الا انج تخلينا في درج لحالهم بعد الاستعمال .
ولاتقولون ريحه او اي شي ، ترى انتي بتكونين معطرتهم ولابسه فوط صحيه ، يعني مافي مجال أنها تتلعوز .

وياويلكم ههههههههههه اذا حطيتوا الكير فري وانتي لابسه قميص النوم احم والطقم الداخلي .

يالله استأذن أنا وايد طولت وهذرت عليكم
ربي يوفقكم ان شاء الله قولوا اميييييييييييييين

وتذكرت شي بقوله لكم :
بما انكم بتلبسون فستان بسيط حق يوم الصباحيه مع مستلزماته أو مثل بعض البنات يلبسون بدله كشخه وراقيه ، خلوا لكم بدله في بيت أهلكم خفيفه تصلح للطلعه وعشا بالمطعم مع مستلزماتها ، لأن مثل ماأنتوا عارفين العروس تقعد في بيت اهلها لين المغرب وبعدين زوجها يمر عليها مره ثانيه وتطلع معاه ومو معقوله بتطلع بالفستان وتروح مطعم ، فلبسوا هالبدله وايد أحسن ، ولاتنسون اطقمون معاها الشنطه والجوتي الله يعزكم والميك اب الحلوووو والناعم .

هههههههههههه وماوصيكم بالسوالف اللي بتطلع مع أهلكم هاليوم ، اللي عندها سالفه تبي تقولها خل تقولها ولي فيها دمعه شايره خل اطلعها قبل مايوصل زوجها ههههههههههه أيام فضيعه والله .

الله يهنيكم يارب

اي يابنات توني الحين والله تذكرت ، اللي ماعطى صورها وصور زوجها للمحل عشان يسون لها عرض بالباور بوينت ، ينعرض عالشاشه قبل العرس ، خل تستلمهم مع شريط الفيديوووو من المصوره في نهاية العرس .
أدري بتكونون ناسيين وانا مثلكم ناسيه ، بس اذكرها الحقتني وعطتني كيس فيه شريطين فيديوو كبار مع الأشرطه الموجوده فالكاميرا ( اشرطه صغيره ) وصورنا وصور أهلي اللي انعرضوا عالشاشه .

بس حبيت أذكركم ، مع انهم أمينات والله المصورات ويعرفون انها مسؤوليه .
والاحسن اخذوا الكيس معاكم السويت وحطيه فالشنطه على طول ، ماتدرين يمكن تعطينه وحده من هلج وتنساه وسط الحشره

مشكوره دوحانيه على الموضوع
وانا مع دوحانيه ثبتوا موضوع التجهيزات علشان ماندور ونحوس وعلشان ولا وحده تسئل كل مره عنها

سحابه حب
انا قلتج عن غسول كير فري وحطيت الصوره في الجزء السابع بس الظاهر ماشفتيه
تلقينه في الجمعيات وهو غسول مخصص حق المناطق الحساسه وحق الحريم بس
بس صراحه والله يخليج ريحتج مثل البيبي اناا ماستغنى عنه ماستعمل الا هو
واذا على الترتيب انتي اكيد راح تشترين فرشات وملاحف فخمه استعملي واحد يعني لونه مثا عنابي فخم وفيه تطريز افرشيه طبعا وعطريه وعطري المخدات وكل شي
فوق الفراش كتي ورد عادي وكتي حلويات (مثلا جواهر جلكسي)
اشتري طبعا كم باقه ورد علشان تجملين الغرفه وعادي بعد لو تحطين وحده في الحمام علشان تعطر الحمام وتجمله
وطبعا سله فواكه لاتنسين تقولين حق الفندق يحطونها لانج عروس يحطون لج ابلاش وحزات حراميه مايحطون
مممممممم
وبس لا تبالغين في الاغراض لان راح تصير زحمه والغرفه دفشه تصير يعني كم باقه ورد كفايه
وخلي التزيين الكشه حق غرفتج الي بترجعين لها
سديم
اكيد تاخذ معاها الجوال بس ماتوديه العرس يعني تسكره وتحطه في الشنطه علشان يودونه في الغرفه علشان راح تحتاجين له في الصباحيه الكل بيتصل لج علشان يساعدج واذا مابتجبين وحده تمكيج اكيد راح تتصلين لها

قطر
مشكوره على القائمه فدتيني صراحه

السلام عليكم ورحمة الله وبركاته


ما شاء الله متى فتحتو هالجزء؟؟؟

انا انصدمت يوم شفت الموضوع مغلق وقعدت ادور على غيره

بنات بغيت اسال لازم احف جسمي كامل يعني الظهر والبطن ولا لا؟؟؟؟
لاني احس اذا حفيت مره بلتزم على طول احف


ولا يكفي المشقر؟؟؟؟؟؟؟؟؟؟؟؟؟؟؟

هههههههههههههههههههههههههه
تعبت وانا اقرا هههههههههههههههههه
يعطيج الف عافيه
انزين ممكن رقم سميره

والبنات اللي بيروحون البحرين يمرون على محل في شارع البوكواره اسمه ( كارت بلانش ) جلابياته حلوه وهي صناعه كويتيييه ، تجي خلق شانتون الخفيف والبارد اللي من داخل يكون مثل الحرير ، وفيها تطريز حلوووو ، والتطريز يناسب كل الاعمار ماتحسونه تطريز قديم بالذهبي والفضي ، لا يكون ملون .

والأسعار حلوه على 260 او 290 واغلى وحده كانت ب440 ، وجد والله من غير مابالغ كل مالبست وحده اسألوني عنها وعلى كلامهم ستايل جلابياته حلووو وناعم وكشخه وينلبس في أي وقت .

-----------------------

لاتنسون ياعرايس ، اللي نظرها خفيف ، تشتري لها باكيت عدسات جديد حق 3 شهور تقريباً ، إذا كانت تلبس عدسات ، وتشتري محلول ، وتسوي لها نظاره حلوه حق قعدة البيت إذا تبي تريح عينها .

-----------------------

ونصيحه للي تبي تضيف حلو وعندها حد من البحرين تاخذ التضييف من ( ليلووو ) صراحه حلو وعجيييييييب ولين الحين ماشفت منه في قطر .
واذا من الإمارات أخذوا من كافي ( فواااااااله ) صج كافي ولا الكوافي الباريسيه شكل وطعم عجييييييييييييييب ، ويجي في علبه كبيره ب120 بسسسسسس ، والعلبه تكون مليانه مليانه .

لكن بشرط ينشالون في اليد ، توصون حد يجيبهم لكم .

وعلى ضمانتي هالمحلين اخذوا وانتوا مغمضين .

--------------------

بخصوص نجوى ، سوي شعرج عندها وأنتي مغمضه ، شفت تسريحاتها على 3 ، وكل مره تسوي شعرهم غير وماشاء الله من غير وصلات ولا شي .
وانا جربتها في عرس بنت عمتي ، مع خوات العروس والعروس ، صج شي حلو ومرتب وغريب ، واخت العروس تحاتي شعرها خفيف وشلون بتسوي لها ، لكن ضبطت التسريحه من غير وصلات ، رفعت شعرها ونزلت لها خصصصصصل بعد ، ومابين شعرها خفيف ، والحلو انها ماتحط سبري وايد ، والفيييييير عجيييب عندها ، على قولتها خلي شعرج اسبوع ومراح يخترب .

واغلب الاكسسوارات اللي جبناها لها للشعر هي ( حلقان ) ضبطتهم لنا عدددل ولا كان حاطين حلقان في شعرنا كلش ، ومره قصت دانتيل مقطع من فستان بنت عمي وحطت في شعرها ، ماتتعطل المره كلللللللش هههههههههههه .

شموخ
على حسب جسمج
يعني لو انتي من النوع الي شعرها صج صج يبين لازم حف
بس لو خفيف ومايبين حتى ماله داعي المشقر لان راح تبين مع الاضاءه العرس كنج قطو
لاخليه عادي وماراح يبين لاتخافين

بنت الغالي
بليز ارجعي واكتي قائمه البنات الي بيعرسون والي عرسوا علشان نعرف ثبتيه ما عليج امر

السلام عليكم ورحمة الله وبركاتة

لوسمحتوا بنات ممكن تعطوني اسامي محلات تفصيل فستان العرس
بس ابي محلات تصاميمة راقية وحلوة

سمعتوا عن محل تصميم في السد اسمة ملك الموضة
وشلون ربيلا تصميمة حلو
وموداليدي وانوني كلود سينية ديفلية شلون تصاميمة حلوة خايفة مابي اجازف

هلا عرايس

شموخ بالنسبة لحف الجسم البطن والظهر ماانصح اذا كان الشعر خفيف انا جذي شعر جسمي خفيف فشقرته للخطوبه والعرس بسسسس واذا عندي مناسبة مهمة وبيكون فستاني مفتوح من الظهر اشقره اما غير جذي لااا

مودا ليدي تفصيله روووعه وانوني بعد حلوووووووو


كلووود حلووو بس دايما يخربط بالمواعيد

نقلت لكم هالدعواي الحلوة واتمنى تستفيدون وتحتفظون بها

هذي مجموعه من الدعوات جمعتها

بعضها من النت وبعضها من مجموعة كتب عندي

عل الله ان ينفع بها

وتكون سبب من اسباب الالفه بين الزوجين

*****************************

**اللهم يا مالك الملك ملكني قلب من أحوجتني إليه فأنت تقدر ولا أقدر وتعلم ولا أعلم وأنت علام

الغيوب، وأشلل خيمة قلبه وأصلحه لي وأجعله لا يرى أحدا غيري ، اللهم أصلح بيننا ولا تجعل بأسنا

فيما بيننا وأجعل بأسك على عدوك وعدونا اللهم أفتح لي قلوبا غلفا وأعينا عميا وآذانا صما...

**اللهم أستر عنه عيوبي وأستر عني عيوبه وأظهر له محاسني وأظهر لي محاسنه ورضني بما

رزقتني وبارك لي فيه ...

**اللهم ألجم فاه بكلمة لا أله إلا الله وأسكن غضبه بلا حول ولا قوة إلا بالله ..

**اللهم أرزقني حنان الزوج والولد ومالا حلالا بلا عدد وقراءة القرآن إلى الأبد ..

**اللهم لك الحمد ولك الشكر كما انت اهل له وكما ينبغي لكريم وجهك عزوجل

إذ يسرت لي هذا الزواج..

**اللهم اجعله لي قرة عين وعوناً على طاعتك اللهم اجعلني له سكناً وعلية ناصية مباركة..

**اللهم حببني اليه وحببه إلي وارزقنا الذرية الصالحه التي بصلاحها صلاح ديننا ودنيانا..

**اللهم ابعد عنه النساء الضالات المضلات صويحبات يوسف.

**اللهم ألف بين قلبي وقلوب أهله برحمتك يا أرحم الراحمين..

**اللهم سخر لي زوجي تسخير العبد لسيده..

**اللهم يسر اموري معه واصرف عني شرة وأقنعني به وأقنعه بي..

**اللهم اجعلني في عينه كبيرة وفي عيني صغيرة ..

**اللهم افتح بيني وبين زوجي واهلي وانت خير الفاتحين..

**اللهم ياجامع الناس ليوم لاريب فيه اجمع بيني وبين زوجي على خير..

**اللهم اجعلني له كما يحب واجعله لي كما احب واجعلنا لك يارب كما تحب..

**اللهم اجعل قلب زوجي معلق بحبك وبحب نبيك ثم بحبي..

**اللهم ياولي نعمتي وياملاذي في كربتي اجعل نقمته علي برداً وسلاماً كما جعلت النار برداً وسلاماً على ابراهيم..

**قــــــراءة ســــورة الــزلزلــة..

قبل ليلة الزواج اكثري من قول:

**(اللهم أجعل تلك الليلة بردا وسلاما على قلبي وانزل علي السكينة

وتغشاني برحمتك ياارحم الراحمين..)

في نفس ليلة الزواج تقولين نفس الدعاء مع اسبدال كلمة (تلك الليلة)

بقول(هذه الليلة)

****************************

لكن ماننسى طاعة الزوج في غير معصية الله

مع الاكثار من النوافل وقرائه القرآن

مع امنياتي ودعواتي القلبية لك بالتوفيق والاستقرار في حياتك الجديدة...

لاتنسيني من دعواتك الطيبة ^-^

بنت قطــــر

انشالله حبيبتي بحط القائمة وانا معاج في غسول كير فري للمنطقه الحساسه ممتاز


شموخ عناديــ
حبيبتي اذا الشعر الي في ظهرج يبين حفيه بس لااااازم تستخدمين كريم بعد الحف اذا كانت اول مره عشان مايطهر لج حبوب ..واذا الشعر خفيف شقريه ...... بالنسبه لكلامج احلى ام ياختي لازم يكون مشقر على طوول الشعر مب بس في المناسبات مب حلو ابوالشباب يشوف شعر فالظهر ههههههه .......انا بالنسبه لي افكر اسوي ليزر عشان انسى هم حف هالمناطق ..

فوفو الحلوه ..
مودالييدي وأنوني هذول الي شفت خياطهم ومرتب ....... انتي عروس ؟


قطر
:clap: :clap: :clap: :clap: :clap:

فديــــت النصايح المفيده وراعيتها ..........تسلمين لنا والله ......... (f)

تبون نصيحتي ما راح تخسرون ..
قد ما تقدرون خلكم على طبيعتكم .. يعني لا تتروعين إذا ما توحد لون جسمج أو مناطق ما حفيتيها مثل الظهر و البطن .. صدقوني عاادي .,,, أقول لكم ليش ؟؟ لأن الريّال بيعرفج أنتي و أنتي بتعرفينه هو .. يعني لا تتوقعون مثلا إنه بيقول و لا بيتكلم ..
يعني في الذمة ما بتمر عليج أيام ما راح تحطين مكياج ؟ ولا ما راح تحفين عشان عندج مناسبة ؟ ما راح تمر عليج أيام بيشوفج فيها بأسوأ حالاتج .. بس أهم شي لا تهملون أعماركم .. و خلكم عاادي ..


قطر :: الله يجزاج خير ردودج وايد مهمة و مفيدة ..

((( لا تنسون تخزنون الردود عندكم )))

اي أنا عروس

وأسال عن تصميم فساتين الاعراس