موضوع خاص لكل من وده يسجل في البرنامج

عذباء:

السلام عليكم ورحمة الله وبركاته

هلاااا خواتي الغاليات

ماشفت ولا وحده سجلت اللي صار معها

خلال هالثلاث ايام

بانتظاركم

اليوم إن شاء الله راح نبدأ بالبرنامج الثاني

من برنامج النعومه

بس قبل مانبدأ لازم تحمدي ربي على هذي النعمه

وتذكرينه وتشكرينه وتسمين بالله وانتي توضعينها على الشعر

لان ربي يطرح البركه عليك وعلى شعرك

نبدأ الحين والبرنامج اليوم بسييط جداً

الزبده

تأخذين زبده وتخرجينها من الفريزر

لاتذوبينها على النار خليها هي تذوب لحالها

وبعدها يصبح شكلها مثل الكريم أضيفي عليها

اي من الزيت المفضل عندك انا افضل زيت الطبخ

كميه قليله جداً بس علشان يسهل عليك الدهن

وبعدها حطيها على شعرك وحاولي توزيعنها

على كل الشعر وخليها لمدة 5 ساعات

وبعدها اغسلي شعرك وسوي نفس الخطوات

اللي قلت لك عليها

وهي غسل شعرك بالشامبو المناسب

والبلسم المناسب للشعر

ووضع ماسك الشعر

1_خل تفاح انا شعرى متوسط طوله فاحط فنجان يكفى.

2_صفار بيضه.

3_3ملاعق كبار مايونيز.

وبعدها تغسلي شعرك مره ثانيه

اتمنى وانتوا تغسلوا شعركم تغسلوه بلطف

وبعدها تتستخدمين حمام زيت فاشكول بالثوم

مو شرط فاشكول بالثوم حمام الزيت اللي يناسب شعركم

أتمنى انكم تطولون في مدة الحمام زيت يعني

حطوه 3 ساعات لانه كل ماطولتي المده كل ماصار افضل

وبعدها حطي الكريم المناسب للشعر او سيروم مناسب

مثل سيروم كريستال او اي سيروم ترتاحون له

واي كريم ترتاحون

بالتوفيق لكم ياااااااحلى بنات

قمـر البحرين:
هلا وغلا حبيبتي عذباء


ان شاء الله ابدأ من بكره


وارد لكم بالنتيجه

المكونات سهله ومعروووفه قيمتها وفايدتهااا

تسلمين حبيبتي

chiquitita:
مشكورة اختي عدباء

انا شعري جاف و لساتني مسوية حمام زيت

و استعملت عدة زيوت

زيت زيتون زيت لوز زيت دابر املا زيت خروع و زيت الحبة السوداء و زيت الثوم زيت السمسم زيت افوكا

و دلكت بيهم فروة راسي خليتهم ساعتين بعدين غسلت شعري

××طيف نجد××:
معليش قلبي عندي سؤال بخصوص حمام الزيت
ثلاث ساعات ما تضر بالشعر عيوني

الدانـــــه:


أختي عذباء

تسلمين عالبرامج الممفيده والرائعــه

الله يعطيج العافيه وعساج عالقوه دوم

بس عند استفسار خل التفاح ما يضر الشعر ؟؟؟

لان ودي اسوي لي الخلطه بس متخوفه

أختج الدانــه

chiquitita:
تسلمين اختي عدباء

انا اكثر شي فادني لشعري المايونيز و زيت الزيتون احطهم على شعري و بعد ما اغسله احس انه صار ناعم و فيه لمعة

اشتريت مجموعة اعشاب للشعر ادا سمعتو فيها عرعار -دباغ -ورد مجفف-زعتر-قشور رمان مجففين-مريوت -و الحبة السوداء حستعملهم مع قليل من الحنة و ان شاء الله بتجيب فايدة لاني اعاني من تساقط الشعر
:shy:

..، بسمة ألم ..،:
زين ابي اعرف ابتدي بالزبده بالاسبوع الثاني
ولا نفس اسبوع الاسبوع الاول واكمل وراه


وبعد ابي اعرف الزبده احطها جم يوم
يعني مثل الزيت 3 ايام ولالا


وابي اعرف الماسك اخليه على شعري جم مده
ساعه ولا اكثر


جزاكم الله خير

*فراشة*:
السلام عليكم

أختي عذباء يا ليت تكتبي البرنامج الأول والثاني
بطريقة مرتبة ويتم إدرجها في موضوع خاص بك ولا يكتب فيه أحد غيرك حتى يتسنى للجميع الرجوع إليه بسهولة أكثر وبدون البحث في الصفحات
وكل ما ننتهي من برنامج تكتبي البرنامج الجديد في الموضوع الخاص هذا
ويكون الموضوع مغلق بحيث لا يرد أحد فيه إلا أنتي

ويكون هذا الموضوع للنظر في النتائج
مجرد اقتراح : )

بارك الله فيك وجزاك الفردوس الاعلى



أختك المحبة // *فراشة*

..، بسمة ألم ..،:
مشكوره اختي على الرد

وبخصوص زيت الشحمـ

أستمر عليه جم يوم أو جم مره أحطه

بالاسبوع

وابي اعرف بعد أحط وراها الماسك مثل كل مره

ولالا


جزاج الله خير