تجهيزات المستشفى و توزيعات المولود الجديد

كتكوته

حبيبتي عادي..بالعكس اشكرج لانه بصراحه نحتاج معلومات...وللاسف انج مب من دبي

اتمنى من البنات اللي عندهم خبره يساعدونا

السلام عليكم

انا بعد في الاسبوع الثاني من الشهر الثامن ..

و جهزت حق الولاده لون تركواز مع ذهبي فاتح مثل اللي تقرب لج يا كتكوته حتى و انا اقرى قلت لا يكون تقصدني ههههههههه ..

خذت الملحف من بي اتش اس لونه تركواز ساده و عند الطرف مطرز لون ذهبي فاتح خفيف و على المخده نفس الشي .. و خذت شموع و ورد مجفف نفس الدرجه و مع ذهبي .. و اليوم رحت هوم سنتر و شريت فازتين معبيين نفس الرمل لونه ازرق تركواز و فوق كلش الشمعه .. بحطهم على الطاوله و بينهم مفرش نفس اللون بس درجته اغمج شوي و مطرز بذهبي و مشكوك خفيف خذته من مركز دانا اللي في السوق .. اما اكواب العصير عندي و بعد الاستكانات مالت الشاي و الفناجيل عندي اشياء كشخه مالت العيد .. باقي اخذ لي صواني حق التقديم و صنيه احط فيها الكافي .. و بخلص

انجل ايز

حبيبتي انتي تشوفين هالاشياء بتسوي زحمه .. لا بالعكس لان الاغلبيه يولدون في غرف خاصه و الغرفه الخاصه وسيعه نوعاً ما .. اوسع من الغرفه العاديه ..

و الله يهون عليج و على كل البنات و ان شاء الله تكونين استفدتي من تجهيزاتنا

عجبني اللون التركواز مع الذهبي


شكلي بسويه ان شالله


واذا سويت شي لولادتي اقولكم ان شالله

بنات دبي

وينكممممممم


نبي محل لجلابيات الرضاعه

وايد عجبني الموضوع لأني انا بعد ما جهزت اي شي و ودي اجهز امبجر لأن ما ادري شنو الظروف بعدين..

بس تدرون هالايام قاعده احاول ادور مواقع لتوزيعات المواليد من الانترنت لأن احتمال يطلع ارخص او حتى لو طلع اغلى بشوي..فانتي تكونين وفرتي على نفسج اللف و الدورااااان من محل لي محل و يمكن ما يعجبج شي ! :)

يا ليت اللي عندها مواقع من هالنوع تحط لنا الروابط.. :)


و فعلا موضوع الجلابيات اللي حق الاستقبال محيرتني بعد..

بس عادة عندنا فالكويت ما ادري اذا عندكم مثلنا او لا..

ان الحامل تلبس مثل قميص نوم كشخة من ستان..

حتى اعرف وحده ماخذه خام برادي و امخيطته و امسويتلها تصميم وااايد حلو ولا كانه خام برادي هههههه

و فكرت انا بعد اخيط عشان ما الف بوايد محلات و اتعب من المشي..ولا سمح الله يصير نزيف ولا شي..لأن بداية حملي كان فيني اجهاض منذر و الدكتورة حذرتني من الحركة الكثيرة..

عشان جذي ودي اخلص شغلي من الانترنت..مثل التوزيعات..لكن في شغلات بضطر اني اروح ادور عليها بنفسي مثل الكفر و الشرشف و الخخخخ

والله احاتي هالايام اللي بمشي فيها عشان ادور..الله يعين ان شاء الله..

فعجبني الموضوع لأن كل وحده تقول خبرتها تختصرلج وايد اماكن ادورين فيها و تطلعين فاضيه..

لكن المشكله كل وحده فينا بديرة و المحلات اللي عندكم مو موجوده عندنا...

عاد شوقتوني على محل كشششخه :(

يله لم ازوركم ان شاء الله بروحله :)

هلا بنات

اختي قوارير...

في دبي قلنا فيه مح كشخه بلازا اللي على طول حذال مركز بو هيل...اذا انتي تقصدين قمصان النوم للاستقبال في المستشفى

الغاليه ام فروحه...

انا ما خليت موقع عالنت ما دورت فيه..بس بصراحه يطلع عليج وايد اغلى بسبب التوصيل...اسعارهم نار...
فيه موقع حلو بطرشه لج عالخاص...بس التوصيل من امريكا لين هني غالي


انا بصراحه امس رحت سوق الجمله..عندنا في دبي جريب سوق الذهب...وحصلت اشياء تجنن عندهم...خذت من عندهم توزيعات و بوديها باتشي او غودايفا يحطونلي فيها كاكاو و يلفونها بطريقه راقيه

مشكوره اختي انجل ايز

يا ليت ترسلين لي الموقع مال التوزيعات

هلا عزيزتي كتكوته نايمه


الصررررررراحه شغلج ماشاء الله عليه حلوووو .. ومتعوووب عليه
اكيد بيطلع الترتيب حلوووو ... ان شاء الله اجيج وتشكرج بسلامه


ربي يعطيج الف عافيه حبيبتي

تسلمين بحرينه
انشالله تعبي يكون على شي حلو
وحياج الله ..

كان بودي اساعدك

لو انتي معاي في السعودية كان برسم الخدمة سويت لك توزيعات بنفسي وبالعدد اللي تبيه

كم angel عندنا

الله يتمم لك بخير ويسهل عليك

لي عودة

حبيبتي انجل ايز

ممكن تشرحيلي بالضبط سوق الجملة وين لو سمحتي
ابي اروح دبي واخذ افكار من هناك
واذا حصلت شيء حلو من التوزيعات ممكن اشتري من هناك
والسموحة:shy: :shy: :shy:

الف شكر عالمرور خواتي

قوارير

ارسلت لج الرابط الغاليه

رومي

الف شكر حبي...ادري انتي قدها و قدود...:) يلا عقبال ما تسوين توزيعات البيبي مالج

غدوووره...

بصراحه ما اعرف ادلي...هو قريب من سوق الذهب ..وين محلات السجاد ..يكون سوق الجمله من الخلف...لازم تسألين وانتي هناك واعتقد بيدلونج..

بليييييييييييييييييز ابي الرابط

من تعرف وحده من بوظبي تسوي تجهيزات الولاده

موضوع رائع

مرحبا..بصراحة الموضوع حلو وايد..
ياريت لو الاخوات يحطوا صور لبعض مشترياتهم او هدايا توزيع عشان نستفيد...
اختي انجل ايز اقول وين صاير هاي سوق الجملة في دبي ..وقصدج سوق الذهب القديم ولا؟؟وياريت ترسيلي رابط الموقع
كتكوتة نايمة اقول هاي الشراشف بتحطينهم بالمستشفى ولا عندج بالبيت لماتردين..وعادي نغير شراشف المستشفى بصراحة بكرية وماعندي خلفيه بهاي المواضيع:sad:
اتمنى من البنات يساعدوني بافكار حلوة ومحلات حلوة لاني بصراحة ماعرف شو اسوي ومحتارة ونفسي اجهز تجهيز حلو لاول بيبي
:sad:

حوامل قطر...
دزيت لكم عالخاص بعض شغلي للتقديمات المتميزة!!!

ما تعرفون ولا وحده !!!!!!!

بنات دبي حبيباتي انا توني داخلة التاسع من يومين ومب عارفة وين اسوي الموالح والكيك اللي بالاحجام الصغيرة وبعد وين اقدر ازين غرفة الولادة من اي محل ؟؟ فممكن اتساعدوني وبسرعة لانه مافي وقت وانا على طول تعبانة ومب قادرة على المشي والله يجزيكم الف خير

غالياتي اذا حبيتوا توزيعات اشرطة محاضرات او مصاحف انا حاضره