زوجي حبيبي زعلان علي واااايد

الله يهديكم ويصلحكم انشالله ........عزيزتي أنا من رأي أنج ما تتكلمين معاه لين ما يهدى ممكن كم يوم ما يكلمج بس انتي لا اتقصرين ابواجباته ..لما يدخل رحبي فيه وسلمي عليه وابتسمي وممكن اتقوليله ( اشتقتلك ..أنا من دونك ما اسوى شي)....وبعدين جهزي غداه ..وخلي بيتج يفوح منه العطر والمكان مرتب ..وانت خليج امرتبه ....وحاولي تتكلمين معاه في مواضيع ثانيه بس هذا الموضوع لا ..... وأكيد بيروح يرقد ..بعد ما يصحى من الرقاد ..سوي مثلا أكتبيله في منظرة الحمام أخبك ولا أقدر أستغني عنك .....لين ما تهدى الأمور بعد ما يرجع على طبيعته افتحي الموضوع معاه وبينيله أنج غلطانه واعتذري ..وبوسي على راسه وأيده ...والله هذا له تأثير كبير ...........
يا رب يا كريم انكم تتصالحون انشالله ..ولا اتزعلينه مره ثانيه ...لأن مش كل مره تسلم الجره ..
والسموحه

حبيتي لشي اذا زاد عن حده انقلب ضده

وكثرة الدلع مو في مصلحتج خفي على الريال شوي

واذا طلب منج انج ما تكلميه لاتكلميه اسمعي كلامه

بس بين فتره وفتره رسلي له مسج على الجوال

مثل : أحبك , وأنا من دونك ما اسوى شي , وحشتني, واشتقت لك

المسجات اللي من هالنوع وفيه مسج عجبني وايد وبكتبه لك ورسلي له اياه

وان شاء الله بيعجبك المسج (صعب جدآ تلاقيني

أناجوهر بحر مكنون

أنا لو تقلب الدنيا

صعب جدآ تلاقيني

جمالي من حلا روحي

وكل الزين من زيني

تصدق عاد ياروحي

أنا كلي بكل وصفي وبكل زيني

عجزت أوصل




لربع زينك )

وكتبي له في النهاية أحبك مووووووووت

والله يهديج ان شاء الله ويرجع لك زوجك مثل قبل .

حبيبتي فراولة أعطيج نصيحة خفيفة لاتتدلعين عليه زيادة عن اللزوم ، يعني مو أي شي يسبب زعل أو بكي ،

ترى الموضوع مو مستاهل زعل وانتي مصختيها حبتين معاه ،، شوفي اليوم راح يرجع من الزام الصبح

انتي تعالي وراه على طول وبس ينام انتي احرشي فيه وبوسيه قولي له فقدتك وما قدرت أنام من غيرك ،،

تحلي عليه شوي لين ينكسر قلبه ،،،،ترى الرياييل قلوبهم مثل قلب السمكة بسرعة يرضون ........

والله يهنيج وياه .........

انا في فترة ملكة .......... بس من خبرتي القليلة مع زوجي .......... ما اعتقد انه يوم يرد من الدوام وما يحصلج بتكون فكرة زينه .........بالعكس انا احسه مب زين لانه كيف تروحين بيت اهلج من دون شوره حتى لو قلتيله وقالج اوكي صدقيني بيكون من ورا الخاطر ... لانه الريال راد من الدوام تعبان في خاطره يحصل الراحة في البيت وانتي راحته ... مب يحصل البيت فاضي

اختي ممكن تكلميني على الخاص ..........ابا اتخبرج عن شي

الله يهديكم ويصلحكم انشالله ........عزيزتي أنا من رأي أنج ما تتكلمين معاه لين ما يهدى ممكن كم يوم ما يكلمج بس انتي لا اتقصرين ابواجباته ..لما يدخل رحبي فيه وسلمي عليه وابتسمي وممكن اتقوليله ( اشتقتلك ..أنا من دونك ما اسوى شي)....وبعدين جهزي غداه ..وخلي بيتج يفوح منه العطر والمكان مرتب ..وانت خليج امرتبه ....وحاولي تتكلمين معاه في مواضيع ثانيه بس هذا الموضوع لا ..... وأكيد بيروح يرقد ..بعد ما يصحى من الرقاد ..سوي مثلا أكتبيله في منظرة الحمام أخبك ولا أقدر أستغني عنك .....لين ما تهدى الأمور بعد ما يرجع على طبيعته افتحي الموضوع معاه وبينيله أنج غلطانه واعتذري ..وبوسي على راسه وأيده ...والله هذا له تأثير كبير ...........
يا رب يا كريم انكم تتصالحون انشالله ..ولا اتزعلينه مره ثانيه ...لأن مش كل مره تسلم الجره ..
والسموحه :)

الإعتدال في جميع الأمور عزيزتي

الدلع حلو في أوقات والعتاب حلو في أوقات

انتي لما تشوفينه تعبان ريحيحه وخله ينام وإهتمي فيه ،، عزيزتي الظاهر ان من الحمال تجيك هالتقلبات النفسيه،، وهذا شيء طبيعي وإنتي شرحي له وضعك مع الحمال وتحملي حبيبك اذا انتي بنفسك تعترفين انه يحبك ويهتم فيك ليش تعبينه وتعبين نفسك وياه،،، وبعدين مثل ما قالت الإخت عذب القوافي الحياه مب لقائاات رومنسيه،،


لا تددققين واجد ،،، وخلي الأمور تمشي بيسر ،،،

وإعتذري منه في بصوت هادي وأهم شي يكون هو مرتاح وهادي ،،،

الله يسعدكم ويوفق ما بينكم ولا يفرقكم


سفيرة فوق العاده

الله يخليكم حق بعض

الله يعينيج يالدلوعه

انا اقول تشترين له هدية حلوه وتكتبين عليها رسالة اعتذار وتخلينها في الغرفه وتروحين تباتين بيت اهلج لين يهدى هو ويكلمج

يالدلوعه

لا وألف لا ............... لا تروحين لبيت أهلج حبيبتي ..........الحين دور الدلع من ناحيه ثانيه .........يعني تستغلين الدلع لصالحج ....... لاتجيبين طاري هالزعله أبد لاتقولين له شفيك زعلان وليش وليش والله لوووو يتصرف ولاكأنج موجوده عادي تحملي ........دلعيه قوليله كلام حلو اشتقت لك ..تامرني على شي في خاطرك شي ....... بس لاتجيبييين طاري زعلته ...هو لين شافج هالشكل بيرضى بنفسه ........ وبعدين ياحلوه حاولي تغيرين هالطبع لانه يزهق ويطفر الريال ولو استحمل الحين بيجيه يوم بيتعب ............ الله يهدي سركم ......

هههههههههههههههههههههههههههههههههههههههههههههههههههههههههههههههههه
ريلج ماعندا ذوق بصرااحه <<<<<<<<<<<<<لاتزعلين اتقشمر
يعني بنوته دلوعه يزعلهاا انتي شطلبتي ماطلبتي شي بوسه <<<بس لو تراجعين معاي الموقف انتي تبين شي صعب بصرااحه يعني تطلبين من الصايم ياكل
ريلج تعباااااااااان وانتي قلتي اذا حط راسه بينام يعني بينام مايحب احد يكلمه انتي خليه ينام ويرتاح وحتى اذا عصب عليج سكتي لا تكلمينه قوليله تصبح على خير والصبح بتشوفينه شلون خدوده حمرررررررررررررررر

ثاني شي اذا رجع ريلج من الدواام قوليله شوف ترى انا ما احب هالطبع انا اذا بنام ما احب احد يكلمني وما احب الدلع واايد لا تعيد السالفه طوفته لك هالمره وظحكي وبتلاقينه هو ظحك لان عرف ان انتي فاهمته وبنفس الوقت ندمانه

اختي الله يسهل عليج اذا حامل والله يهنيكم ويهدي سركم
.
.
.
.
.

صح لا تفركين تروحين بيت اهلج

ومثل ماقالوا الخوات

كلام حلو عند استقباله وابتسامه حنونه

وبعد ممكن مسجات حلوه

سـوالـف مـطـابـخ:
قريت مشكلتج وابتسمت
فديتج انتي دلوعه :shy:

الحين استغلي دلعج (بس الدلع الحلو)
ويوم بتلاحظين انه هادي اعتذري له
وقولي له كمن كلمه حلوه ولو ما
تقبل في البدايه تحملي عشانه لين
ما يرضا ان شاء الله

ترا الرياييل ما يتحملون الدلع دوم
ولا الحنه....ممكن يطفر لو ما غيرتي
اسلوبج وياه وخلي الدلع الحلو حق
وقته ياااااااااحلوه

الله يكون في عونج حبيبتي

عزيزتي فراويلو الدلع حلو بس لحدود والرياييل مزاجيين وخاصة اللي منهد من شغله وياي يبي يرتاح وايشوف جدامه وجه بشوش وكلمة حلوة مش عتاب وملام
حبيبتي في زمنا كثر السؤال والعتاب يخليهم يدورون على حد يعوضهم بره.
عسب شي أقولج مش شرط الحمل هو السبب عيل وقت الدورة الشهرية نكون متوترين عيل كل شهر بنختلف مع رياييلنا
حتى لو كنتي زعلانه منه من اي سالفة ابتسمي وحلي المشكلة في وقت هو رايق ومرتاح

ههههههههههههههههههههه

تصدقين حالي من حالك
بس انا ما الومه انت ماتحبني ومن هذا الكلام لا اساله انت تحبني
واذا كان زعلان مني عشان اي موضوع لو تافهه اجي بحضنه واذا بعد عني اجلس ابكى واقوله خليني بحضنك يقوم يضحك عليا
واذا كان نايم وانا صحيت من النوم اجي انام بحضنه واجلس ابوسه يقوم يصحى زعلان بس الحمدلله دحين لما اجيه وهوا نايم ياخذني بحضنه وما اتحرك ابد عشان لا اضايقه
حاولت كثير اعدل من نفسي وابعد عنه خصوصا لاكان نايم والحمدلله خفيت شوي عليه وهو متفهم

صدقيني الكل يعاني من هذا الشي ... ومن اتفه الاسباب سوينا مشكله ... هي فالحين نحن في هاي السوالف

دوم كنت اسوي بريلي نفس الشي .. ويوم يتصل فيني اضايج زياده وما ارمسه ... شي عادي حبوبة مع الحمل كل شي يصير

انا صارت فيني وايد مواقف بس لازم تكبرين عقلج وتدلعين في الوقت المناسب .... شو رايج الحين وانتي يالسة طرشيله

مسج عن الحب ولا يفضل انج انتي تكتبينه من كلماتج .... ولا تزعجينه باي اتصال ... صدقيني هو اللي بيتصل وبتقولين

رووووووووووز قالت ..... الله لا يحرمنا من رياييلنا ..... كل هذا نسوي فيهم ومساكين متحملينا .... الله يعينهم ^_^

اختج : رووووووووووووووووووووز

مرحبا عرايس أشكركم على ردودكم وآسفة على التأخير
وقولولي الحمد لله على سلامتج....

الله يسلمكم في اليوم اللي زعل فيه ريلي وكان بالدوام طرشتله مسج وما رد علي وبعدين اتصلت فيه بالليل الساعه 12 وقالي أنا مشغول....نمت ونفسيتي تعبانه ومتضايقه حييييييييييييل...

بالباجر قمت الصبح لبست وتريقت عشان الدوام وجا ريلي الصبح ...كنت قاعدة عند التسريحه اتسنع فهو جا من وراي وقالي كيف الحال؟ وصوته كله حزن...كنت عاطتنه ظهري فما هان علي رحت وحضنته وقتله أنا كنت مريضه ولما شفت شفيت ...فديت روحك....ابتسم لي .....

حسيت براحه وصلني الدوام وبعدها رحت مع زميلاتي عندنا امتحان Excell وقعدت في المعهد من الساعه 11 إلى 1.5 والامتحان الساعة 2.5 الظهر......حسيت قبل الساعة 1.5 بألم في بطني وبعدين رحت الحمام وشفت الدم ...نزيف الله لا يراويكم...صرخت بأعلى صوتي أنادي ربعي يقولولي عادي حبيبتي الدم وقت الحمل...أقولهم أنا غرقانه ..وأبكي ..راح جنيني .....دقو على ريلي .....وحده من أهلي كانت معاي خذت تلفوني ودقت على ريلي ووداني المستشفى ونوموني عندهم واليوم طلعت...بس الحمد لله صرت زينه....

يا ترا يا بنات صدق الزعل أثر علي ولا ركوب السيارة وقعدة الكرسي...ما أدري؟؟؟

المهم ريلي قعد معاي بس ما نام وياي...كسر خاطري كان خايف علي وااايد ...الحين تبت من الدلع اللي كنت فيه وقل خلاص ما ارح أضيق عليه أبدا......وراح اهتم بنفسي أكثر ....

شصار عالجنيييييييين الي في بطنج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبتي لازم تغيري اسلوبج شويه

بتصيرين حرمه وعندج عيال ما ييوز اللي تسوينه


بعدين ما لازم يبوسج كل يوم خليه يشتاج وتدزه الحايه ويركض وراج


فكري صح

بنت الغالي: الحمد لله الجنين بخير...