مشكلتي مع حبيبي واهلي وظروفه

[QUOTE=بنت قمر راكبه همر=

تراك شكلك صغير ومراهقه وإذا مو صغيره فإنتي ضايعه في دوامة حب مكانها مو صح..[/QUOTE]

وأنا مع الإخت بنت قمر راكبه همر

بنت الغالي:


شوفي يادلوووعة بقولج شي انتي الحين بتشوفين الف رد يقولج الاتي : شفيه السعودي وليش هلج يرفضونه وعلاقتج معاه حرام ........انا عارفه شبيقولونلج بس انا بقولج شي حبيبتي ......... انا فاهمه انه هلج بيرفضونه لانه من بلد ثاني ولانه غريب عنج وواصلا بيشكووووووون وبيقوولون من وين طلع ؟؟ بتواجهين مشاكل وايد معاه ........ انتي في هالحاله لازم تفكرين بعقلج .؟؟ تقولين وظيفته مب مناسبه ........ هل هالانسان بترتاحين في العيشه معاه ؟؟ هل بيعيشج نفس ماهلج معيشينج ؟؟ خصوصا انج بتكونين في غربه ؟؟؟؟؟؟ فكري فيها حبيبتي اذا انتي واثقه من مشاعرج ورغبتج فالزواج منه اكيده لازم تستخيرين وبعد الاستخاره تطلبين منه يقطع علاقته فيج ويتقدم لج والي الله كاتبه بيصير ........ لاتسمحين لهالعلاقه تطول اكثر ........... اي شي تبينه انا حاضره .........الله يحفظج ........

ما شاء الله عليج كفيتي ووفيتي وماعلى كلامج زود

نسيت أقول لش شيء..

أبوه ماهو تاجر ولا شيء يقص عليش ترى..

نصيحة مني لج سكري هالباااااااااب لنج بتتعبين في البداية والنهاية


والله يرزقج بولد الحلال اللي من ديرتج وجريب من هلج لنه فراق الاهل صعب واااااااااااايد

حبيبتي ..... هذا كله كلااااااااااااام ... اذا انتي بالفعل تبينه وهو على حد تعبيرج معجب فيج ويحبج ... خله يثبت لج هذا الشي ويبدا بخطوة صغيرة بس اللي هي يطرش اهله .... مو بالكلام والتيلفون ولا بالمسجات والنت .... اسمحيلي الغالية ... انتي بتعرفين حقيقته من اسلوبه ومن كلامه معاج ... افرضي انه يحبج ويموووووت فيج وين الدليل ؟؟؟ دليل فعلي مش شفهي !!! واذا ما يحبج راح يتخلى عنج في اي دقيقه انتي محتاجه له ..... اتمنالج كل التوفيق بس صدقيني الاهل نظرتهم مختلفه في اشوي تحيز بالنسبة للجنسيات مع احترامي للجميع ..... والله يقدم اللي فيه الخير

اختج: روووووووووووووووووووووز

الغاليه تأملي كلام البنات كلهم يبون مصلحتك ويخافون عليك

مليون في الميه انه كذاب ومتزوج ومرتاح أو يلعب بك

ثرى الرياييل بالهم طويــــــــــــــــل

اهتمي بنفسك والله يعوضك خير

واتركي المسنجر والمنتديت المختلطه والخرابيط

الله يكتبلج اللي في الخير

وعليج بالدعاء والصبر

علاقة النت .. خطرة واايد


و صج صعب تحكمين على شخص من وراء الشاشة و شوفي حبيبتي بخرج شغله ... اذا كنت مفكرة انه الحب هو مفتاح السعادة في الزواج ... اقوولج وايد بتعبين في حياتج ...

و اقولج عن تجربه ناس جدامي والله .. الحب ايي آخر شي في الزواج ... جدام الحب تلاقين

1) مسؤولية
2) تفاهم
3) انسجام
4) احترام

خل نمسك المسؤولية اليحن .... شوفي حبيبتي ادري يوم الوحدة توهم نفسها انها تحب ... تظن انها دام تحب هلل شخص راح تتغلب على كل الامور و راح تتفاهم ويا حبيبها و راح و راح وراح

لكم الواقع غييير ... بتلاقين وايد اشيه راح تصدمج يوم تتعرفين على هل شخص عطبيعة ... و خاصة يوم ترتبطين فيه ... بتكون بينكم مسؤوليات

1) حطي في بالج راح تعيشين مع شخص ... لازم تدارين طبعه .. تدارين رضاه ووايد اشيه
2) انسجام ... يوم تتزوجين مو تنسجمين مع هل شخص بس ... لا .. تنسجمين مع فكرة انج دخلتي حياة يديدة .. حياة زواج ... حياة انج مو مسؤولة عن نفسج ... ديرة جديدة .. ناس جدد ...
3) احترام .. تحترمييين ارائه .. ووجهة نظره و و و
4) تفاهم .. تتفاهمين معاه .. يكون بينكون حوار

الحين انتي متاكده بتقدرين على هذا كله ...

شوفي في ناس عرفوا بعض فيي 14 سنة و هذي القصة من واقع حب لابعد حد ... كانوا يدرسون ابمصر و هل شخص هو عمي ... و اكبر من الي كان يحبها اب ست سنين تدرين شنو سوى عشانها؟ سقط نفسه ست سنين جامعة علشان يبقى معاها بكل لصفوف و يدرسها و يقضي وقته كله معاها يحبخا بجونو و يوم تزوجها عقب شهرين طلقها ... شوووفي شلون^_^
لا قدر يتفاهم ولا قدر يحترم ولا قدر ينشجم و ىخرتها حبه وصله للوهم

و شهرين طلقها

وانتي ياتني اتعرفين شخص من سنة و من النت ... ولا كلمتيه الا بالماسنجر و تقولين انج تحبيينه
و تطلعين مبرر انه زين لانه ماسمح انج تتصلين من رقمج الخاص

شوفي حبيبتي الي انتي فيه مب حب ... الي انتي فيييه تعلق و فترة اعجاب .. الحب مستحيل يكون من منطق انج انعجبتي بشخص ماشافته عيمج و ماعرفتي عنه شخص الا الي هو حب يوضحلج اياه

غير انه سعوودي و غير انه اهلج مابيرضون ... انتي علقتي نفسج فيه و هذا يبين انج تتبعين قلبج اكثر من عقلج ...

لانه من البداية تدرين انه اهلج مابيرضون و علقتي نفسج فيييه


ولي يتبع قلبه يتعب .... انتي ماتعرفينه كفايه ولا تعرفين طبعه

في صاصدقاء رابين مع بعض ... اول مايعيشون مع بعض في غربه ينصدمون من بعض و مايقدرون يتفاهمون مبالج واحد ولا شافته عيينج


نصيحتي ... تعذبي الحين و ابتعدي احسن من ما تتعذبين اكثر بعدييين


و حاولي تعرفين الخلييج اغلبيتنه ندور على الاحترام مب الحب و الحب ايي مع العشرة و اذا عن انه انتي تحبينه و ماتقدرين تحبين غيره..


لا تخافين المشاعر تجدد و هذي نعمة الله ناعمها علينا بس المفقود هو قوة الارادة الي انتي لازم تعودين نفسج عليها

اتمنى تفكرين في كلامي عدل و بتعرفييين انج ماقدرتي تجاوبين ولا سؤال من الس سئلته لانج ماتعرفين طبعه ولا تعرفينه اصلا ولا يبقى وره الشاشات ... دوم موقعه الظلام و الظلام صعب يلتقى مع النور

الله يوفقج حبيبتي و يهديج ... و يوهمج الصواب

اختي انا مع البنات الي قالوا شو هالحب من ورا الشاشات ..

شوفي عزيزتي قد لا تتقبلين كلامي هذا حيث انه سيكون مر وقاسي بعض الشي ..

وهي رساله لك وللكثير من البنات ..

عزيزتي اين الحلال في الموضوع حتى يوفقكم الله ؟؟

ما ضمانك انه لا يعرف غيرك ؟؟ اعطاكي رقم مسنجره السري .. ولم تجدي اللا نفسك به ؟؟

ما مدى مصداقيته معك ؟؟ الا يستطيع انه يكون له ايميل اخر لا تعلمين عنه ؟؟ منتدى اخر ؟؟ ومن كل هذا الكلام ... ؟

انا لن اقول انه حب لا يصلح لأنك لم تريه او يراك او لأنه سعودي وغير ذلك ..

بل لأنه حب فاشل واعذريني على هذا القول .. ماهو الحب غير الحب في الله ؟؟ حب الوالدين ؟؟ حب الزوج ؟؟

اتقي الله اختي .. فقد رأيت مثل حالتك واكثر .. وقصص كثيرة وبعضهم كما يقولون مخلصين لكن الى متى ؟؟

معلومه اود ان ازودها لك .. وقد سمعتها في محاظرة دينيه ..

ان كل من خانت زوجها .. اباها .. اخاها .. تحشر يوم القيامه وهي تحمل كما اظن لافته مكتوب عليها انا خنت ابي .. او زوجي .... الخ ..

والأخلاء يوم القيامه هم اعداء لبعض ..

واسأل الله لك الهدايه ان شالله

اسمعي كلام البنات

هذا اللي من الرياض سامعه قصته من الف وحده نفس الديباجه

الله يستر على بنات المسلمين

وحكمي عقلك اختي العزيزة

والله مادري وش اقولكم يا بنات الله يجيب الى فيه الخير

ادعولي

جزاكم الله خير على كله الى كتبتوه هذا انه دل فانه يدل على خوفكم على ماعنه لا تعرفوني ولا اعرفكم أرجو من الله أن يوفقكم جميعا لما يحبه و يرضاه والسلام عليكم ورحمه الله وبركاته

اختكم دلوووووعه