كافيه تاجرات الامارات

السلام عليكم,

أولاً: أشكر الأخت - ندى دبي - على مبادرتها....ومبروك افتتاح الكافيه

ثانياً : أخبركن عن تجرتبي الخاصة..

أنا من سنتين أبتديت التجارة مع أختي وشارك معانا خالي في راس المال....كل واحد حط حوالي 2000 درهم ...وأشترينا بضاعة جلابيات وفساتين وقمصان جاهزه....وفي البداية كان البيع للأهل والأصدقاء في البيت...وبعدين شاركنا في معرض المرأة العصرية.....وبعدين شاركنا في معرض رمضان والعيد بالإضافة للترويج عبر المنتديات...وبعدين أفتتحنا موقعنا الإلكتروني...وساعد واايد في انتشار اسمنا وبضاعتنا وإضفنا قمصان النوم والأكسسوارات والشنط والأحذية...
...وصرنا نبيع لباقي الإمارات ودول الخليج...الحمدلله كان في أقبال على البضاعه...وزاد راس المال...وبعد مرور سنة...أفتتحنا محل شـــــــــــــدون للأزياء ...وصار له سنة من الافتتاح...والله الحمد...في تقدم كبير في المحل وتجارتنا بشكل عام....وحالياً قررنا نركز على قمصان النوم ..وأطقم السرير....ولوشنات..وغيرها...من البضايع


عجبتني فكرة التجمع برا النت.....وممكن بعد نناقش قضايا التاجرات الإماراتيات وكيف ممكن نساعد بعض للرقي بمستوى التجارة بشكل عام في الدولة وبشكل خاص للسيدات خاصة المواطنات...

بس عاد منوه الي بتنسق الحدث...ووين ممكن نتجمع...

أنا فكرت في أبوظبي ممكن نتجمع في مكان نسائي مثل : نادي الفتيات في بوظبي في الكافيه عندهم...ويصير التجمع بشكل دوري نتعرف على بعض..ونناقش أمور التجارة...ونكون صداقات يديدة

وباقي المدن يسون نفس الشي...أعتقد في أندية نسائية في كل الإمارات...ووحده من كل مدينة تتبنى التنسيق والإدارة...وبعدين ممكن يصير في لقاءات بين التاجرات من مختلف المدن....وهذا كخطوة ثانية


أنا مستعدة أنسق للتجمع...بس عاد يكون في تعاون و التزام بالحضور .. وفي البداية خلن التجمع عادي... الأخوات التاجرات من أبوظبي....يراسلني على الخاص....


وللجميع أطيب التحيات (f)

(f)

شــــــــــدون:
السلام عليكم,

أولاً: أشكر الأخت - ندى دبي - على مبادرتها....ومبروك افتتاح الكافيه

ثانياً : أخبركن عن تجرتبي الخاصة..

أنا من سنتين أبتديت التجارة مع أختي وشارك معانا خالي في راس المال....كل واحد حط حوالي 2000 درهم ...وأشترينا بضاعة جلابيات وفساتين وقمصان جاهزه....وفي البداية كان البيع للأهل والأصدقاء في البيت...وبعدين شاركنا في معرض المرأة العصرية.....وبعدين شاركنا في معرض رمضان والعيد بالإضافة للترويج عبر المنتديات...وبعدين أفتتحنا موقعنا الإلكتروني...وساعد واايد في انتشار اسمنا وبضاعتنا وإضفنا قمصان النوم والأكسسوارات والشنط والأحذية...
...وصرنا نبيع لباقي الإمارات ودول الخليج...الحمدلله كان في أقبال على البضاعه...وزاد راس المال...وبعد مرور سنة...أفتتحنا محل شـــــــــــــدون للأزياء ...وصار له سنة من الافتتاح...والله الحمد...في تقدم كبير في المحل وتجارتنا بشكل عام....وحالياً قررنا نركز على قمصان النوم ..وأطقم السرير....ولوشنات..وغيرها...من البضايع


عجبتني فكرة التجمع برا النت.....وممكن بعد نناقش قضايا التاجرات الإماراتيات وكيف ممكن نساعد بعض للرقي بمستوى التجارة بشكل عام في الدولة وبشكل خاص للسيدات خاصة المواطنات...

بس عاد منوه الي بتنسق الحدث...ووين ممكن نتجمع...

أنا فكرت في أبوظبي ممكن نتجمع في مكان نسائي مثل : نادي الفتيات في بوظبي في الكافيه عندهم...ويصير التجمع بشكل دوري نتعرف على بعض..ونناقش أمور التجارة...ونكون صداقات يديدة

وباقي المدن يسون نفس الشي...أعتقد في أندية نسائية في كل الإمارات...ووحده من كل مدينة تتبنى التنسيق والإدارة...وبعدين ممكن يصير في لقاءات بين التاجرات من مختلف المدن....وهذا كخطوة ثانية


أنا مستعدة أنسق للتجمع...بس عاد يكون في تعاون و التزام بالحضور .. وفي البداية خلن التجمع عادي... الأخوات التاجرات من أبوظبي....يراسلني على الخاص....


وللجميع أطيب التحيات (f)

(f)

مرحبا اختي الغاليه ...... ما شالله عليكم وعيني عليكم بارده :ok: :clap:

انا معاج في فكره التنسيق واحب اخبركم ان تنسيق المكان في دبي بيكون عليه وان شالله اذا الله ردا بيكون في نادي دبي للسيدات ولا في مطار دبي - قاعه المجلس ( بحضر لكم مفاجأه) :shy: واسال الله انه يبارك لنا في هالشي .... ويكون اجتماع عالخير ان شالله

دمدماني:

[frame="8 80"]بسم الله الرحمن الرجيم

اشكركم عالهافكره الحلوه الصراااااااحه عيبتني وااااااااااايد -:ok: -- عسبت الوحده تقدر تتعرف وتاخذ علاقات تجاريه واخويه وي اابعض

اعرفكم على نفسي انا دمدماني :shy:

أأجر فساتين عرايس ---عروس مب سهره ---:clap: في بوظبي و العين --- طبعا المكان الرئيسي ابوظبي

وعطيكم فكره عن فساتيني اغلبها من اروشي و لبنان كمال زغيب --- و عندي انواع طبعا كله يعتمد على قصة الفستان لاني تحب الشي الغريب --- وتميز وهذا اساس نجاح كل بزنس

اتمنى من الجميع التوفيق الصراااااااااااااااااااااااااااااااااااااحه خاصه بنات لبلاااااااااااااااااد

وأي استفسار فالكم طيب حبايبي:salam: ...[/frame]

مرحبا بج اختي الغاليه معانا في الكافيه ........... وعسى ربي يوفقج ان شالله ويبارك فيج .... :shy: وان شالله يوم بيشرف سعيد الحظ :shy: اطمني ان فستاني بيكون من عندج الغاليه ....
وكل الشكر للمشاركه

السلام عليكم,

اخر التطورات....أنا راسلت جميع الأخوات الي من الإمارات الظاهره اساميهن في موضوع دليل التاجرات..والي ردن علي لين الحين في حدود ال 20

بس في كم وحده اعتذرت لظروفها الخاصة.....وأنا بفتح موضوع يديد في القسم....بعنوان تجمع التاجرات الإماراتيات...وياريت يكون علشان يجذب الأخوات الي ما شاركن في هذا الموضوع...ويكون تفاصيل التجمع فيه..وبحط قائمة باسماء (طبعاً المستعاره) الأخوات الي راسلني ...وكل مدينة في مجموعة...

شوفن الموضوع..

على خير ان شالله وربي يبارك لنا ويوفقنا ان شالله

أختي الغالية
جزاكي الله خيرا ^_^
ماشاء الله الموضوع وايد عاجبني ^_^ بهذي الطريقة الصراحة اتعرفت على النشاطات الي البنات
يمارسونها ^_^ ^__________^
وبظل اتابع ^________^

وهذا المطلوب اختي شما وعسى ربي يوفقج

دمدماني ربي يسمع منج

وآمييييييييييييييييييييييييييييييييييييييييييييييييييييين

والله مقهوره لانى برع الامارات الغاليه والله تولهت عليها متى برجع ...

المهم أنا وأعوذ من كلمه أنا ... أبيع جلابيات كويتيه من (الكويت) والحين يالسه أجهز للعيد ما ما أكون موجوده وما بلحك... بس أختى بتتولى المهمه... الله يعينها وأنا بتبعها عن طريق النت....

والسموحه

اختي حصه السويدي ان شالله تردون البلاد فاقرب وقت وربي يوفقج ان شالله واي مساعده انا حاضره

تسلمين الغاليه ندى دبى...والله ما تقصرين

حصه السويدي مع خالص تحياتي لج اختي

ودعواتي الحاره لج

مشكوره يالغاليه...

وأن شاء الله بأقرب فرصه نلتقى

[grade="FF4500 D2691E A0522D FF7F50"]بنوتات بسالكم
ابي ارسل اغراض بالبريد الممتاز

وأنا مغلفتنهم عدل

هل يوم بروح البريد واشحنه بيفتحونه يعني هل ضروري يفتحونه

حرام مغلفتنه عدل

3 علب ايشدو كلاسيك
2 بخاخ السيقان
1 عطر خخخخخخخخخخخخخخخخ عسب جييه استفسر
والله ياليت افلت منهم

خبروني لو ما جيكو هل بفلت منهم ولا بيكشفوني

يالله اتريا ردودكم لا تتأخرن [/grade]

أعتقد لازم يشوفون الأغراض الي بطرشينها ويتأكدون منها.....بس شوفي حسب مزاج الي موجود هناك وأنت وحظج....:)

شدون تسلمين عيوني
وع قولتج حسب مزاجهم

عيون الورد اذا العرض للسعوديه ( انا ما ابغي اخوفج ) بس لازم بيفتحون الاغرااااض وباقي الدول متساهلين

ندى دبي:
عيون الورد اذا العرض للسعوديه ( انا ما ابغي اخوفج ) بس لازم بيفتحون الاغرااااض وباقي الدول متساهلين

طيب يفتحونها اهم شي بتكون وصلت ؟؟؟ مايرمون يردونها
ليكون يردونها :sad:
والله طفرونا هالجماارك لازم يسون لنا تسهيلات

وربي يوفقج(f)