الي موعد ولادتها شهر نوفمبر حيااااااكن .......

السلام علييكم انا وايد متأخره الانضمام معاكم بالموضوع موعد ولادتي 30 نوفمبر أخر دوره كانت بتاريخ 23 - 2-2006 ... في وحده منكم معاي ؟؟

هذا اول حمل لي وقالت لي الدكتورة انه صبي انشالله عسى الله يسهل ولاداتكم ادعو لي بنات والله خاااايفه بقى بس 8 ايام وقاعد ييني عوار يشبه الدوره واحيانا اقوى من عوارهاا هذا طلق ولا لا ؟؟

المشتاقة لله ..وعليكم السلام ورحمة الله وبركاته
أهلا بيكي بيننا :)
==> أخيرا عرفت انا ايش هوة الطلق:D

العلامة المميزة فيه: انو يكون منتظم ..
يعني كل مايجيكي احسبي الوقت بين كل الم وتاني, وازا لقيتيه منتظم يعني هادا طلق
والله يعينك ويسهل عليكي ويرزقك الذرية الصالحة يارب :)

الله يهونها علينا وعلى الجميع

انا ولادتي 26 -11

ولين الحين ما احس بالم


.

صباح الخير بنات شخبار :)


مين للحين ماولدت

هلا بنات
ألف مبروووووك لكل البنات اللي ربوا وعقبال الباقي .......انا وحده منهم

مشتاقة لله انا بعد يوم ولادتي 30 نوفمبر ، واحس بآلام وتنزل علي افرازات واكثر شي يوم اكونيوم ابذل مجهود

وكل يوم اقول خلاص بربي بس ماشي فايده

احاول اني اكثر من المشي حوالي 30 دقيقه او تقريبا ساعة يمكن يساعد....

الله يسهل علي و على الجميع ان شاء الله

كيفكم انشالله بخير انا موعد ولادتي بكره انشالله و الله خايفه كثير اسفه اتاخرت ما كتبت ليكم كنت شويه تعبانه جاني امساك فضيع و حصل لي انتفاح في منطقه الشرج الله لا يوريك بس انصحكم في اسبوعكم الاخير اكترو من شرب السوائل انا دكتوره قالت لي خدي زيت خروع الملينات ما بتسوي شئ للبيبي في الاسابيع الاخيره المهم اول امس مشيت للدكتوره و قالت لي تعالي يوم موعد كان ما جاكي مغص بتعطني مغص صناعي المهم انا اليوم حاسه انو البيبي نازل مرررررره لتحت الله يحلنا بسلامه و نحكي قصه الولاده الله يهون علينا و الف مبروك الى البنات الي وضعوا و عقبالنا

wala2 الله يعطيج الف عافيه والظاهر اللي فيني طلق امس ياني 3 مرات كل نص ساعه بس المره الثالثه العوار كان أخف .. ولا كنت ناويه اروح الطبيب بس يوم شفته ما رد حطيت راسي ونمت

hayoona هلا والله حبيبتي انا الافرازات هذي يتني بالشهر الثامن وعالجتها بالشهر التاسع في اوله طلعت التهابات وفعلا تزيد اذا بذلت مجهود بس الدكتوره قالت لازم تعالجينها ولا راح تظر البيبي اذا تبطل الرحم وباجر براجعها الصبح واقولكم شصار علي المهم الالتهابات عالجتها بس الحين ردت تنزل علي افرازات بس خفيفه باليوم مره مادري شنو قصتها لونها ابيض ولزجه واحسها بارده .. مادري نفس اللي ينزل عليج ولا لا
الدكتوره قالت اهم شي اذا كان نازل معاها دم تعالي اوكان لونها وردي بس انا موجذي


والله يهون على الجميع يااارب

يالله يابنات شدو حيلكم مابقى شي

هلا امهات اشحالكم ... اللي ولدن كيفكم وكيف بيبياتكم وكيف السهر معاكم ..

لا تنسون نفسكم الرياضه والكرشه بس من عاشر يوم ابتدي رياضه البطن ..... والمشي اذا قدرتي

لا تهملين نفسك والا بتندمين ..

سؤال مهم ......عطيتوا البيبي الحليب الصناعي والا لا ... انا متردده لين الحين اعطيه والا لا ؟؟؟


شو اخبار الباقين الله يسهل عليكم وتفتكون وتقومون بالسلامه والله سهر البيبي ارحم من الحمل والثقل والولاده ... ووووااااايي كابوس وانتهي ...

اللي طوفت موعدهااو نفس يومها اشربي زيت خروع نصف فنجان الظهر ... واتوكلي علي الله والمغرب بتشوفين الالام الولاده بتبتدي معاج...لا طلق صناعي ولاشي ..وولاده طبيعيه ان شاء الله . جربت هذي المره وبعد ظبطت معاي ..مثل ولاداتي اللي قبل ...

شفت بره الصفحه ... دلوعة حمد ولدت بالسلامه
وجابت بنت ..سمتها .. عائشه ... مبروك والحمد لله علي السلامه

هاااي

احلى نواعم انتي هني

هلا بنااااااااااااااااات وامهااااااات شخباركم..
مبرووووووووووووووووووك لكل اللي ولدوا بالسلامة..واللله يخلي لهم البيبيات بصحة وسلامة وعقبال الباقي وانا معاكم...
انه موعدي 22/11 وليلحين ماولدت...ادعو لي يا بنات ..تعبت والله..شنو اسوي عشان ايلي الطلق؟؟؟
فيني الم خفيف ومو منتظم..ادعو لي اولد بسهولة ويسر..وان شاء الله الله يسهل علينه اجمعين..
وننتظر قصص الولادة ان شاء الله...

سلااااااااااام..
كيفكم بنات؟؟ وكيف الكتاكيت؟؟

أحلى نواعم..
انا ماعطيتو حليب صناعي,, بس ماما تسويلو موية زمزم مع سكرنبات:D وكمان ينسون وماادري ايش:S اشياء خرابيط مادري ايش هية:)

سؤال ازا ممكن.. ايش رياضة البطن؟؟
انا بس ربطت بطني من تالت يوم,, بس لدحين ماأمشي الا شويييييية مررة
كم لازم امشي؟؟
لأني نزلت 9 كيلو من الولادة وباقيلي 8 :( :(:( ؟!!


[line]

أم احلى حمود ..
كيفك ؟؟ وكيف حمود؟؟


[line]

عروسة الغالي..
سوي زي ماقالتلك احلى نواعم ..خبرة ماشاءالله :)
اشربي زيت الخروع

هلا بنات اشلونكم
ابشركم انا ولدت وجبت ولد سميته (فريد) تاريخ 17\11 الفجر يوم الجمعه
مبرووووووكين ام احلى حمود واحلى نواعم سبقتوني هااا
المهم الحمدلله على سلامتنا وعقبال البقية ان شاء الله

هلا بنات كيفكم..

همس البنفسج الف مبروك أحلي فريد والحمد لله علي السلامه..سبقناج قبل ما تسبقينا ...

أم احلي حمود... كيفك .. وكيف حمودي اكيد مثل ولدي كله يوعان ويدور الديد ...

ولاء كيفك ..انا بعد اعطيه ينسون وكراويه ومثيبه مع سكر نبات ... يهديه اشوي ... بس قررت اعطيه حليب صناعي من بكره .. رضعه وحده في اليوم عشان يتعود

... بس محتاره في اي نوع ... نان او 26

عروسة الغالي اشربي زيت خروع وفكي نفسج ويومها بتولدين لا تخافين وتشجعي ...

حمدالله علسلامه همس البنفسج يالله ماسبقناج وايد :)

هاااي بناات

الف مبرووك همس البنفسج

والله انا تعبت نفسيااااااااااااااااااااااااااا للحين ماولدت والطلق خفيف ومومنتظم

طاف موعدي من زمان .. بس حدي هاليومين واروح لهم يولدوني صناعي الله يعيني عليه

وخايفه اشرب خروع لان وحده اعرفها شربت خروع وجاها الطلق وولدت بس البيبي طلع موصاحي:(


والله تعبت من الانتظاااااااار وكل يوم الخوف يزيد من الطلق :(

ادعوولي

ألف مبرووووووووووووووك للي ولدوااا

و انتوا يا بنات الله ايسر لكم و بيرزقكم الذرية الصالحة ...

أنا الله رزقني ببنوته الحمدللــــــــــــــه بتاريخ 11\11\2006

عقبالكم انشالله

احلى نواااعم ياهلا بييج وصدقتي حمودي كله يدور الديد ذبحني ماخله فيني حال هههههههه ماشاءلله عليه بس انه فلليل اعطييه رضعتين صناعي واعطيه ماء الحيج والحندبان لانه فيه شوي اصفار واعطيه بعد الحلوه تهديه والحمدالله هو هادئ

بنت البلد حبيبتي الله يسهل عليج

لكي الف مبروك وحمدالله على السلامه