الي موعد ولادتها شهر نوفمبر حيااااااكن .......

هلا والله اختي لحلى نواعم

انا من اليوم بديت امشي لان وااااااايد تعبانه من الثقل

الحمد لله من مشيت خازن الاوياع ...............وبعد بديت اشرب زعتر

اقول انتي بطنج نزل ولا لا انا واااااااااايد نازل

باجر عندي موعد في المستشفى .............الله يسهل علينا

هلا بأمهااااااااااااات نوفمبر ومبروك عليكم العيد وكل عام وانتو بألف خير
من اسبوع كان عندي موعد اسكان وموعد الولادة عندي اتقدم من 23\11 الى 20\11 وجالت لي الدكتورة شكله بنت بس شكلها مو متأكد
ام سعودي نسيتي تضيفيني في القائمة

اهااا اخيرا عرفت الحبه الحمرا يعطييج العافيه

يابناات يقولون الزعفران بعد وايد زين ويعجل بالولاده

جربوا حليب ساخن بالزعفران وااااايد حلوو

عيــــــــــــــــــ ( مبــــــــــارك) ــــــــــــــدكم
شحالكم ياحلوين ينعاد عليكم العيد وانتو بصحة وسلامه
انا خلاص احس اني منتهيه
خدامتي شردت الله ياخذها يارب وانا الحين مع شغل البيت وماعندي وقت امشي مع اني خلاص 38 اسبوع باقي اسبوعين اهء وانا متخرعه من قلب كل ما اتذكر الولاده اموت من الرعب اهء الله يسهل على الجميع

رحت لموعدي وهاوشوني قالوا لي انتي المفروض تاخذين الابره تبعت الدم من الشهر السابع والحين دخلتي التاسع ما ينفع تاخذينها عاد الحمد لله قالت ان ما فيها ضرر ...
بس الحمد لله كل شي طبيعي ... وراس البيبي تحت ... بس للحين ما نزل بطني مادري شسالفه شكلي بعوشر مثل ولدي الاول ....

الله يسهل

مرحبااااااااااااااااا شحالكن بنات

مطلع الشمس شحالج الغاليه .......وشحال النونو

الله يعينح ما لقت تشرد الا الحين

الله يسهل عليج يارب

وهذه القائمه بعد التعديل

الي دخل التاسع هن :

Aryam -----------------> 1/11/2006


عروس الدوح ------------------> 2/11/2006

بنت مصر -----------------> 6/11/2006


ام نايف -----------------> 7/11/2006

مطلع_الشمس -----------------> 9/11/2006

MissAnGel -----------------> 12/11/2006

wala2 -----------------> 14/11/2006

مها العروس -----------------> 14/11/2006

بنت البلد .........................

قطريه هانم ----------------> 18/11/2006

flowers -------------------> 19/11/2006

بنت الديره -----------------> 19/11/2006

احلى نواعم ------------------> 20/11/2006

ام احلى حمودي --------------> 20/11/2006

همس البنفسج ـــــــــــــــــــ 20/11/2006

زئرده -------------------> 21/11/2006

نوراه -------------------> 21/11/2006

لمسة حنان -------------------> 22/11/2006

عروسة الغالي --------------> 22/11/2006

هند خالد -------------------> 23/11/2006

ima -------------------> 23/11/2006

soos,,,,,,,,,,,,,,,,23/11/2006

صمت الجروح -------------------> 25/11/2006

دلوعة حمد -------------------> 25/11/2006

ام سعودي ------------------> 25/11/2006


اما الي بعدهن مادخلن :


ملاك2006 ------------------> 26/11/2006

The Angel ------------------> 26/11/2006

قلب محمد -----------------> 26/11/2006

@ ريمي @ -----------> 26/11/2006

ليدي^^عسل ---------> 28/11/2006


الله يسهل علينا

كل عاام وانتوا بخير..إن شاء الله العيد الياي نعيد مع بيبياتنه بصحة وبسلامة..
مشكورة أختي أم سعودي على المتابعة..وعلى جهدج في الموضوع..
انه الحمدلله بخير..بس صادني الم فظيييع يوم الجمعة اللي فات ..ورحت المستشفى وقالوا لي عندي التهاب في البول ..والالم اللي جاني مثل بداية الطلق على قولة الدكتورة..وخلوني افطر آخر يومين في رمضان عشان اشرب سوائل وعطوني مضاد ومسكن..الحمدلله على كل حال..خف الالم علي..
يا بنات الله يسهل علينه ..بس الالم كان وااايد فظييييع ..الله يصبرنه..
شنو بتحطون في شنطة المستشفى؟؟لكم وللبيبيات..خبروني لو سمحتوا..

هلا احلي بطات

اشحالكم ...

ام سعودي مشكوره الغلا علي المجهود .... لما شفت الصور يتني قشعريره وحست خلاص وصلنا.. انا بطني نازل بس من مشيت حسيت براحه واشربت امس خلطه الحليب والمسمار والجرفه وبشربها كل اربع ايام وبشوف مالت ولاء ..

اختي قبل اشوي تضحك عليي تقول ما شي فايده ما بتربين الا في موعدج .... لا تستعيلين ..

مطلع الشمس منوره الغلا اشتقنا لج والله يعينج علي الشغل.. وصدق فقدناج .. الله شدي حيلج تراج موصله ...


والي تربي لا تنسانا وتدعي لنا كلنا امهات نوفمبر وتخبرنا قبل ما تروح المستشفي عشان ندعي لها ونطمن عليها ...

مشكووره على المجهوود خيتوو ام سعوودي

انا ياني امس الاااااام طول اليوم تحت وقلت لا شكلي ولاده وخفت <<< تذكرت الام الطلق

والله وقمت احااااااااااتي من الحين احس يانا وقت الجد

الله يسهل على الكل

هااااااااااي يا احلى بنااات شخباركم وحشتوني وايد انه قطعت عنكم مده لانه كان عندنا خلل بلنت وبصراحه ضيعني لاني وايد احب اقضي وقتي الفراغ على النت والحمدالله اللحين توه راجع لي النت :)


شخبااااااركم


والله انه تعبانه حدي امس فلليل ولدي صار مثل الجبل خخخخخخخ والله شي غرييب ارتفع ارتفاع موطبيعي وصار بطني كل مكان مافيه شي بس في الوسط شي مرتفع وصادني الم فضيييع وطبعا ضرباته من داخل تذبح:(
واما عن رجولي صارت شي غريب انتفخت انتفاااخ موطبيعي ولازم على طول رافعتها الله يستر بس

ام سعودي يعطيج الله الف عافيه حبيبتي على الشغل اللي سويتيه والله انج تعبتي عمرج

انا من شفت بقى لي 19 يوم قلبي عورني وقلت الله يستر، تراني خايفة والحين صار اتيني تقلصات وذابحتني حتى اني يوم العيد قلت يمكن اولد وما دروت الا يوم العيد بعدين طلعت مجرد تقلصات في الرحم

حركة البيبي قلت مب مثل قبل وصار الحمام عندي خخخخ اعز من قبل


ام احلى حمودي والله اني كنت احاتيج ولهنا عليج قلت يمكن انج ولدتي نور المكان بوجودج وحمدلله على سلامتج


عروس الغالي بالنسبة الى شنطه المستشفى اللي لج اهم شي

1 -الكاميرا هاي انا عندي اهم من ثيابي لان اول الدقايق اغلاها

2 - قميص الاستقبال وخذي لج اكثر من واحد

3- ملابس داخليه

4- ستيان للرضاعه

5 الويز او اي صنف انتي تستخدمينه مع ان المستشفى راح يعطونج بس من باب الاحتياط

6- شنطه صغيره في مكياج - انه بولادتي الاولى حطيتها معاي بس ما استخدمتها مجرد الكحل

7- موبايلج وجهزي مسج حلو عشان اتخبرين الاهل بقدوم المولود




بالنسبة للبيبي

1- المهاد

2- الفرش

3 - طبعا ثياب الاستقبال مالته وطبعا لازم اكثر من طقم

4- اللحاف

5 - فوطه صغيره له لتغير الحفاط طبعا انتي ما بتعبرين اتقومين من مكانج النرسات اهم بيسون لج وطبعا يمكن الاهل يغسلونه عنج اذا كانوا متواجدين

6 - دهن العود اذا تحبين اتحطين له وطبعا في الوقت نفسه لج


بعد ما اتذكر ـ يزاها الله الف خير اللي تذكرنا بالباقي " للحين ما جهزت الشنطه اشتري الاغراض وكل جم يوم ايلس اطالعهم متلهفه عا البيبي"

يابنات انه حدي متسعيله ابي اشوف البيبي ههههه من كثر التفكير صايره حتى احلم اني ولدت وشفت البيبي هههههخخخخخخخخخخخ وكل يوم احلم والله شي غرييب

مرحبااااااالساع اشحالكم بطات

ام احلي حمود منوره الغلا والحمد لله انج رجعتي كنا نجاتيج

انا باليل وايد اتعب واحس باللام ومن اقوم الصبح ولا فيني شي...

الكل بدا يمشي صح..... تعالوا شربت حليب بالزعفران وحسيت بالام خفيفه من يومين بس ما ربيت ؟؟؟؟؟؟ صدق احس انه قوي

هلو بنات شخباركم

بسألكم انه صايديني اسهال خفيف شنو يعني؟؟ خخخخخخ

هلووو حلوات

احلى نواعم زين شربتي حليب زعفران وغامرتي

انا ودي بس خايفه اشربه واولد ... خخخخخخخ صرت اخاف من الولاده احاول ماوولد بدري


ام حمودي الاسهال والامساك شي عادي بهالشهر من ضغط البيبي

واللي فيكم تجيها الالام تتبخر بحرمل وللا شويه كمون تحطه بالبخور وتتبخر فيه من تحت اذا كان طلق راح تحمى الالام واذا كان عوار راح يروح..

هلا وغلا

اقولكم ما خليت شي ما شربته ما شي فايده ما بولد الا في موعدي

جربت حليب الجرفه والمسمار وحليب بالزعتر وحليب بالزعفران ..امشي يوم وترك

حتي شهر نوفمبر مب راضي يجيي ابسرعه ... بس لاعت جبدي .....

هلا بنات شخباركم :)


احلى ونواعم هههه شربتي كلشي جربي بعد دارسين :) والزعفران وانشالله نولد مع بعض خخخخخ

اللي تبي تولد تروح تمشي على رمل غزير شوي لمده ساعه وتشرب دارسين وللا زعفران كاسين ثلاثه ... ههههههههههه

انه ابي اولد بصراحه بس انتظر ادخل الاسبوع 37 ههههههههه باقي لي 3 ايام

وبعدها راح اعمل المستحيييل

ههههههههههههههههههههههههه ام احلي حمودي شربته الدارسين هو نفسه الجرفه ... باجر بعد بشرب ... وشربت الزعفران بس حسيت انه ثقيل وسوالي الم بسيط


ههههههههههههههههههههههههه بنت البلد بمشي علي البحر قبل الموعد باسبوع الحين امشي مشي عادي في بيتنا ونصف ساعه ..

الحين تعرفون شو مشكلتي واللي باط جبدي شهر نوفمبر مب طايع يبدأ ؟؟؟ من متي؟؟؟؟

كانه عناد وياي؟؟؟؟هههههههههههههههههههههه