الي موعد ولادتها شهر نوفمبر حيااااااكن .......

مرحبا اختي مها العروس

والله عمتي خرعتني قالتلي الي ماتمشي من الثامن تصعب ولادتها

..................

مرحبا بنت البلد

مشكوووره الغاليه ع المعلومه

انا قررت اوقف المشي الين التاسع


...........................

الله يسهل علينا يارب

هلا بنات شخباركم

ام سعودي الله يسهل علينا وخلنا نبدا المشي في بدايه التاسع :) ماتدرون يمكن نتلاقى ههههههه انتو في وين بتمشوون انه افكر امشي في ممشى المدينه:)

مها العروس هلا حبيبتي الله يسلمج ويخليج ويسهل عليج اسم المحل النجم الجميل وعنده اغراض حلوه :) وانه خلاص قررت اولد في السلمانيه

بنت البلد شخبارج:)

الحمد لله أنا دخلت التاسع..ميته من الخوف أدعولي.....وفعلا المشي من الثامن مو زين، الدكتورة تقول يمكن يفتح كيس الماي بسرعة.....
بس بصراحة مو لاقية أبدا وقت عشان أمشي،، أرد من الدوام ع المطبخ لين الفطور.. وبعدها أكون هلكانه أبي أريح، أو أطلع أكمل باقي تجهيزاتي......

هلا ام سعودي الله اعينج ،هذي عمتج تبي تولدج بسرعه

ام احلى حمود مشكوره حبيبتي اليوم بروح اشوف المكان هذا اذا دليت( بوري) خخخخخخ وانا بعد باذن الله ابي اولد في السلمانيه بس خايفه يحولوني على مستشفيات ثانيه مع ان عندي وحده من الاهل في قسم التوليد بس لو ياني الطلق في الليل واهي مب على الزام شسوي ، احسن شي اتناحس معاهم وانا في حالتي " الله يستر "

اختي اريام الله اعينج صج ذبحه ، شغل وبعدها بيت وطباخ لا وفي رمضان الله يعينج ويعطيج العافيه

انا رفيجتي ولدت ويابت بنت على قولتها صياحه ملعوزتها الله يخليها لها

السلام عليكم..
كيف حالكم بناااااااااات؟؟ وكيف الصوم معاكم؟؟

أنا أمس كنت عند الدكتورة, وقلتلها ابغى اولد بسرعة ,, وعشان كدا حأمشي




تعرفوا ايش قالتلي؟؟؟




قالتلي : امشي زي ماانتي عايزة؟؟!!
المشي ماحيقدم الولادة ولا له أثر؟!

قلتلها يعني ماأمشي وأتعب نفسي؟
قالتلي براحتك..بس هوة ما يأثر؟؟!!!!

أنا مرررة انصدمت دايما يقولو المشي يسرع ويسهل وفي ناس مجربين صح؟؟
ولا انتوا ايش رأيكم؟؟؟

هلا بنات شخباركم

اريام حبيبتي مبروك دخولج التاسع وعقبال الولاده السهله:) والله يساعدج حبيبتي دوام وطبخ وبعدج تكملين التجهيزات

مها العروس العفو حبيبتي حاضرين انتي بس امري والمحل مايضيع كلش كانج بتروحين سوق واقف بس لاتدخلين على الدورارت لا روحي على الدوار سيده وبعدين بتشوفين سوق واقف على يسارج وتمشين شوي وبتلاقين دوار وهذي الدوار على يمينج مكتوب بوري وبس تروحين كله سيده وبتلاقين المحل على يدج اليمين بس صاير مغطى شوي لانه قدامه بلضبط مبنى مال كهربه

ولاء هلا بيج حبيبتي انه خبري انه المشي يسهل الولاده وماندري يمكن كلام الدكتوره صح

تسلمين ام احلى حمود على الوصف ، انا راحيته في البدايه ضيعت المكان بس صج مثل ما وصفتي المكان مغطية عليه محطه الكهربه

هلا اختي ولاء شلونج وشلون الثقل معاج انتي موعد ولادتج معاي الله يهون علينا وعلى باقي البنات ، والله كلام الدكاتره يعور الراس كل دكتوره اتقول كلا غير والناس اهي اللي ضايعه اتصدق منو وتخلي منو ، بالنسبه للصيام انا صاير عندي عادي خصوصا وانا صمت قبل رمضان باسبوع الله يتمم علينا ونصومه كامل

الله يهون عليكم

مها العروس انتي بأي اسبوع من الحمل :)

الله يسهل علينا

http://www.3roos.com/forums/showthread.php?t=180442&page=26

هذا الرابط في موعد ولاداتنا كلنا

مرحبا اخواتي

شحالكن .............

خواتي انا من ثلاث ايام فيني الم في منطقه ...............مثل العنان في عظام المنطقه

بس مافيني الم ظهر او بطن ..........اقول يمكن من ضغط البيبي ولا شوووووووو

سلااااااااام
هلا مها العروس ... كيفك؟؟
===> يللا نشوف مين تسبق التانية ;)

انا قلت ان شاءالله كمان اسبوع او اتنين وأبدأ المشي وماعليا في كلام أحد:D
وان تعبت أوقف...



أم سعودي كيفك؟؟
والله مادري ..ماعندي خبرة بس الله يعافيكي ويسهل عليكي..
أنا العكس بطني وظهري يعوروني :S

أختي مها العروس الله يعينا كلنا،، بصراحة هلكاااانه من التعب، حتى أني أحس أني وايد بجدم في الولادة...

عاد لا تزعلون مني إذا ربيت قبل موعدي في أكتوبر وتقولون عني غشاشة :)

أختي wala2 وكل أخواتي الحوامل،، كلام الدكتورة صح، المشي ما يقدم الولادة ولا يأخرها، وكل ياهل يطلع بوقته،، بس ميزة المشي أنه يقوي منطقة الحوض عندج، وتعرفين عاد ها المنطقة لها دور في عملية الولادة..إذا كانت ضعيفة تتعب الحرمة أكثر في الولادة......

مشكووورة أختي ام احلى حمود وعقبالج وكل الحوامل تدخلون التاسع وتربون بالسلامة يارب...

أختي بنت البلد أنا أول وحدة في الجدول :(.....الله يستر، وان شاء الله أبشركم وتكون قصة ولادتي حلوة وبدون معاناة ....

أختي ام سعودي22 أنا جاني ألم أمس تحت عند منطقة الرحم، وكان وقت صلاة الفجر...
المهم قعدت على صوت المنبه والألم قوي، قلت في نفسي شكلي بولد، ومت من الخوف، وما تحركت من الفراش، حتى ما قمت أصلي:( كنت وايد خايفة وريلي يقولي قومي صلي أقوله أسكت عني ما أقدر أتحرك بطني يعورني، المسكين خاف وسكت.....
النتيجة أني في الدوام اليوم، عادي ما في شي...شكله النونو كان يقص علي :)

حصلت لكم ها المعلومة عن المشي.....تفضلواااااااا :

الحامل والرياضة :
تمثل الرياضة للحامل وخاصة المشي المعتدل يوميا في الهواء الطلق والتمارين الرياضية الخفيفة أهمية كبيرة حيث تساعد على تنشيط الدورة الدموية بالجسم وزيادة مرونة العضلات والمفاصل لسهولة الولادة

هاي بنات

شخباركم

ارياام الله يسهل عليج حبيبتي ههه شنو شعورج وانتي اول اسم بلجدول :) حلووو

هلا اختي ولاء شكلي انه اللي بسبقج في الولاده اليوم رايت للدكتوره عن الالم اللي تيني قالت لي الراس نازل المفروض اللي في وقتج مرتفع اكثر من جذي ، واحتمال اولد قبل موعدي بشوي


اريام .. نفس الشعور اختي الحمدلله انه الدكتوره عطتني اسبوع اجازه راحه لاني اشتغل ومثل حلاتج التعب ذابحني ومشكوره على المعلومه

ام سعودي شلونج وشعلومج

هلا مها العروس شخبارج :)

اهلين كلكم

انا من امس واحس بالم تحت مثل النغزات تجي وتروح تشبه الام الدوره الشهريه

مادري شمعناااااااته خفت !!

هلا بنوتات كيفكم كلكم؟؟

والله انا شكلي من كتر ماني مستعجلة ..
حيجي موعدي ويعدي وانا لسا ماولدت:(

انا الدكتورة اعطتني موعد بعد اسبوعين ,, عشان تهيئني نفسيا للولادة

هلا بأمهات نوفمبر اشلونكم ويه الصيام ورمضان
أنا احين خلاص حاسه بالثقل خاصة بعد الافطار والحين بديت امشي شوي لان فعلا المشي يقوي العضلات عند الحامل ويسهل الولادة فلاتخافون من انه المشي يأثر الحينه وانه الافضل بالتاسع خلاص الايام يالسه تمر والله يجوم كل وحده منا بالسلامة ان شاء الله

هلا بأمهات نوفمبر اشلونكم ويه الصيام ورمضان
أنا احين خلاص حاسه بالثقل خاصة بعد الافطار والحين بديت امشي شوي لان فعلا المشي يقوي العضلات عند الحامل ويسهل الولادة فلاتخافون من انه المشي يأثر الحينه وانه الافضل بالتاسع خلاص الايام يالسه تمر والله يجوم كل وحده منا بالسلامة ان شاء الله