الي موعد ولادتها شهر نوفمبر حيااااااكن .......

أختي هند خالد
بالنسبة للسليب باج أنا فصلتها طقم مع الشنطة مال أغراض البيبي.....سويتهم عند محل بريتي مذرز في أبوظبي،، عجبتني الأشياء اللي عندهم......

أختي أحلي نواعم الجلابيات سويتهم عند خياط أسمه العافية ، مادري شو اسم المنطقة لأني من أبوظبي، الشهبة والا سمنان والا غيره، بس وحدة من بين ها الأماكن، خذي رقمه من البدالة وبيخبرج عن المكان....أول مرة أسوي عنده، بس إذا جهزن قريب بصورهن ان شاء الله وبحط الصور، المحل عنده شغلات حلوة وأسعاره مناسبه......

أختي ام احلى حمود يمكن هذا أول بيبي لك :) لأني في الأول سويت جذي، أي شي صغير أشوفه أشتريه، غير الهدايا الوايد اللي جتني، اللي لبسته مرة وتخلصت منه، واللي وزعته..بصراحة لعبت في أغراضه وهداياه المسكين، ألحين أقول ياليتني احتفظت فيهم وما استخدمتهم كلهم، حتى جهاز المراقبة بعد ما كبر شوي عطيت حد ياه رغم أن كان ممكن أخليه وأستفيد منه...عشان جذي ها المرة حاولت أكون منظمه قد ما أقدر..بس الحمد لله، الطفل الأول كله تجارب....

اختي ليدي جهاز المراقبه خاص للاطفال مثل الانتر كوم يكون عندج وعنده وتخلينه مفتوح وتروحين بعيد واذا بكى تقدرين تسمعين صوته من خلاله

___________________________

يابنااات انا احس بعوار بريووولي كل يوم والام مثل الام الطلق تجيني لفتره دقيقه او اقل تعفسني وتروح :(

بس انا موعد ولادتي 15 نوفمبر يعني يتروالي باقيلي وايد على مااولد

وناويه اذا قربت ولادتي اشتري تحف صغار على اشكال ولد وبنت ةاحطهم في كياس مزينه صغار وحلويات عشان اوزعهم على الضيوف في ولادتي

وبعد ناويه ازين الصواني بنفس الشكل البسهم قماش واحط على الجانب تحفه بيبي

والله يسهل عليناااااااااااا

ويارب مايصادف برد وايد في ولادتناا

السلام عليكم ورحمه الله وبركاته .......


امهاات شهر نووفمبر اسمحوولي على الإزعاااج

انا صرااااحه بنووته عزبااااء بس من مواااليد نوفمبر

وجاني فضووول وانا يوم ميلادي 29-11


والله يهوون عليكم ويتمم عليكم ويسهل ولادتكم يااااااااااااااااارب


مع السلامه:salam:

السلام عليكم بينات شخباركم

هلا والله بام احلى حمود شحالج الغاليه وشحال النوونوو

هلا بيج انه الحمدالله بخير والنونو بعد وانتي شخبارج شمسويه

شلونكم بنات

انا صار لي يومين صايمه واحسن بشويه تعب بس البيبي ما شاء الله عليه طايح ترفس فيني ما ادري يمكن منقهر علي

هههههههههههه هلا بمها والله تصدقين انه بعد صار لي 4 ايام صايمه وصدق احس بجووع والبيبي بعد طايح ترفيس هههههه

ام احلى حمود الظاهر من اليوع يرفسون الله يستر اذا طلعوا على الدنيا شنو بيسون

انا بعد صايمه وكاسر خاطري البيبي احس انه يوعاان

بنت البلد نفس الشعور كل ما قام ايرفس فيني البيبي اقول يمكن يوعان فديته

هلا وغلا حبايبي البطات....

ام سعودي اشحالج الغاليه ان شاء الله ابخير انتي والبيبي...

ام احلي حمودي ... والله انتي اللي عنونه ...قاعده اقرا اللي شارتنه ما خليتي شي ملبوس الخير عليج وعلي البيبي ..كلنا جذه أول مره نخبل علي اي لبسه ونشتريها ... اتصدقين في اشياء ما لبسناهم ما لحقنا وكبر من غير الهدايا..
بس تعالي لا تمشين بدري تونا داخلين الثامن ... عن ينهد الماي من المشي حاسبي ... اول التاسع بنمشي ان شاء الله ..

اريام هلا غناتي مشكوره علي العنوان اليوم بحاول ادوره وجزاج الله خير قربتي عني البعد .

تعالوا تعانون من الشد العضلي بالليل وايد تعبانه منه انا يمسكني كل ليله وفي حلاة نومي ...

الله يعينا ويحسب لنا الاجر ان شاء الله...

احلى نواااعم هلا بيييج
وعن سالفة الشد العضلي انه بموووت منه يصيدني في بطه ريلي هههه مرتين صادني وانه نايمه وقعدت وانه اصارخ بس صج يتم يومين مكانه يالمني

هلا اخواتي انا عضوه جديده حبيت انضم وياكم انا موعد ولادتي ان شاء الله 23/11/2006 والله يسهل علينا جميعا

هلا احلى نواعم اشحالج
انا نفس الشي صادني شد عضلي بس مرتين ومثل ما جالت ام احلى حمود يصيد في بطه الريل ويظل دقايق بعدين يخف الله يعينا ويخفف علينا

هلا والله باختي همس البنفسج

الله يسهل عليج ................


........................................

ام احلى حمود بعدانا مثلكم يجيني الشد العضلي الصبح اول ماصحى من النوم ماقدر اوقف بس دقايق ويخف ..................

الله يسهل علينا اجمعين

أخواتي (همس البنفسج وأم أحلى حمود وأم سعودي ) الله يعافيكم من الشد العضلي. بس بسألكم هل تواظبون على كبسولات الكالسيوم ولا لأ؟؟؟؟؟ لان دكتورتي تقول نقص الكالسيوم في الجسم يسبب تشنجات للمرأة الحامل مو بس في الرييل حتى حزت الولادة يصيب المرأة الحامل تشنجات. ديروووا بالكم على عماركم. أنا عن نفسي أستعمل الكالسيوم على شكل فوار يعني قرص كالسيوم أحطيه في كاس ماي وبعديت انتظر دقايق وأشربه حتى انه طعمه مثل البرتقال. لأنه كالسيوم مع فيتامين سي.

:( خوفتيني أختي هند خالد !!!!!!!!!
تصدقين أني في ها الحمل مهملة الفيتامينات والكالسيوم والحديد بشكل فظيييييييع....
أخر مرة صرفت لي الدكتورة أدوية كنت في الرابع، وألحين أنا في الثامن وبعدهم عندي، مع العلم أن كل علبة فيها حوالي 40 حبة بس......

حبيبتي أريام لا تخافين. عوارض نقص الحديد والكالسيوم والفيتامينات معروفه. إذا كنتي تحسين بدوخة وبضعف عند أقل مجهود وإذا كنتي تلهثين واايد عند المشي فهذي أعراض نقص الحديد. وإذا كانت المرأة الحامل يصيبها تشنج فهذي أعراض نقص الكالسيوم.

بس بعده في وقت واظبي على الحديد والفيتامينات والكالسيوم وانشاءالله ما تشوفين شر.

أنا بس اخذ كبسولات فيتامين أما كبسولات الكالسيوم ما اخذها بس أشرب حليب مرتين في اليوم تقريبا ............... وهل الحليب بيمنحني كالسيوم مثل الكبسولات أو لا .