^^شركات الشحن ^^^

عيون_الورد 25-06-2006 65 رد 404 مشاهدة
ع


السلام عليكم ورحمة الله وبركاته

بنات لازم نعرف اكثر عن شركات الشحن لان احنا نتعامل معاهم بشكل دائم

فضعي خبرتك لجميع التاجرات بخصوص شركات الشحن
التفاصيل مهمة خصوصا للتاجرات المبتدئات وايضا للمخضرمات فمن خلال هذا الموضوع ممكن تستفيدين ويمكن تغيرين رايج بخصوص الشركه اللي تتعاملي معاها

لا وألف لا للتاجره الأنانييه اللي بتتصفح الموضوع بدون ذكر خبرتها

المطلوب منج تاجرتنا العزيزه
شركه الشحن
نوع البضاعه
حجمها
المده التي تصل فيها للزبونه او المندوبه او إليك
سعر الشحن
هل هناك جمارك على البضاعه
اي اضافات اخرى
خصومات او عروضات حصلتي عليها
مضايقات لا سمح الله تعرضتي لها
ع
شحن المدني
شحنه بخاخ
4 كيلو
السعر 150 بعدين قال هاتي 50 درهم جمارك
يومين ووصلت الطلبيه
___________________________
بريد الامارات رفض قال انهم ما يوصلون عطور وافهم انه هذا بخاخ ما رضوو
حد عنده حل
___________________________
فيدكس
مسوي عرض بس ما جربته
شحن 10ل20 كيلو ب 440 درهم

______________________
ارامكس توصيل لداخل الامارات
طبعا مت من الحر وانا اكتب اسمي واسامي البنات على الورق مايسوي على هالقرشين اللي بكسبهم
___________________
عندي سؤال ابي اوصل هديه لبنيه في الامارات لكن مااقدر اروح لمكتب شركه الشحن
هل ايوون بيتي وياخذون الهديه ويوصلونها للبنت ولا
وكم بياخذون لاني انا اللي بدفع
ومتى بيوصلها لانها هديه عرسها بليييز ردو علي لان العرس بعد يوم
هل الفديكس ينفع ولا
ن
السلام عليكم الغالية

اختيه انا مجربة بصراحةايلايت بس في هدية صغيرة كانت بس عادي هو اصلا السواق مالهم دايما يي للبيت علشان ياخذ الاغراض من عندي لان للاسف ما عندي حد يودي لي الاغراض لمكتبهم

واعتقد ان تعاملهم وااايد حلو صح انهم يعقدون الواحديوم يسوون نفسهم يفهمون بس مو مشكلة شوي شوي بيتعودون على اسلوبج خصوصا لو كنتي لزقة شراتي كل شوي اتصل ها شو صار وشو صار

*****************************************

بس الغالية كنت حابة اسأل كيف احسب الكيلو في العطور انا العطور اللي عندي كلها 50 مل فكيف احسب كم الكيلو يعني كم غرشة تقريبا وسعر الكيلو كم بالتحديد عند فيديكس وهل ممكن ترسلين لي رقمهم لاني طلعت رقمهم مرة من الاتصالات بس ماحد كان يرد علي تعقدت وطبيت السالفة بس تدرين وايد يطلبون مني لعمان وللسعودية وللبحرين وما اقدر اتعامل وياهم والسبه الشحن

******************************************

وشي بعد باصات بلاد الشام قالوا انهم يصلون للسعودية طلبيات عادي بس بصراحة ما سألتهم بالضبط كيف الطريقة اسفة

والله يوفق الجميع وييسر الخير للجميع ان شا الله دنيا واخره

@ اختكم في الله @
ع
انا ترا سرت لشركه شحن اسمها الكثيري وقالي ان الشحنه وزنها اربع كيلو
ورقم فيدكس برسله لج عالخااص
انا طفرررررررررت في الحرمه وانا اسالها عسب جييه مستحيه ادق اسالها عن شحن ربيعتي خخ
وايلايت مب عندنا في العين
ن
السلام عليكم الغالية

يمكن ماشي مكتب حق ايلايت بس ما شا الله هم عندهم سواق لكل امارة فاليوم الصبح راح ادق للفرع مال بوظبي علشان اسألهم عن اسم السواق مال العين وراح ارد ارسلج اياه عل الخاص ان شا الله

وهم ياخذون لانه ييج 20 درهم وعلى التوصيل حدود 20 او 25 درهم ان شا الله اول ما راح اييب لج الرقم راح ارسله لج على طول


والله يوفقج الغالية وييسر لج الخير دنيا واخره

@ اختكم في الله @
A
السلام عليكم ورحمة الله وبركاته

خواتي التاجرات

تمنياتنا لكم بالتوفيق

لامانع ان تضعوا جميع معلومات شركات الشحن في هذا الركن بما في ذلك ارقام الهواتف

وعناوين مواقعهم واي معلومات اخرى قد تفيد بقية التاجرات

ولكم الشكر

إدارة الموقع
و
مادري اذا عادي احط لكم ارقام..

انا بحط بس اذا انحذف بطرش لكم ع الخاص

هذا رقم ايلايت فدبي042850051
وكلموهم واسألو عن رقم السواق اللي تبونه على حسب الاماره
اللي تعاملت معاهم سواق دبي و عجمان و العين

و في بعد فيرست فلايت
042828818
انا ما تعاملت معاهم بس يمكن في المستقبل اتعامل معاهم
بسألكم شو احسن طريقه في الشحن من السعوديه للإمارات
لأني بطلب النقابات من السعوديه فهن لا زجاج ولا شي بيخترب قماش..
ف شو ظنكم احسن بريد.. اقول للبنت اطرشهن عن طريق البريد السريع ؟؟
منو قد جربه
أ
اعتقد البريد الممتاز الحكومي افضل شي للمواد غير السائلة ... يصل في ثلاث ايام ومضمون وسعره زين للاشياء الخفيفة مثل النقابات ...
ر
بالنسبه للشركات اللي توصل الين البيت وتاخذ الاغراض منج هي الارامكس
ع
A1A2A3
والله اريح لنا تسلمون
ع
رقم فيدكس 8004050
وهورقم مجاني

حق اللي تسأل عن النقابات ممكن ترسلينهم نفس ما قالو لانه ارخص وانتي اسالي البريد هل
البريد العادي ارخص ولا هو نفسه الممتاز
ن
السلام عليكم الغاليات

انا يبت لكم ارقام بعض سواقين ايلايت

@@ مكتب ايلايت في ابوظبي @@ 026413232

== سواق بوظبي == بني ياس (( 0505956155))

== سواق عجمان == (( 0507286457 ))

== سواق رأس الخيمة == (( 0503727869 ))

@@ المكتب في دبي @@ 0502741128

== سواق العين == (( 0504940736 ))

والله يوفق الجميع وييسر الخير للجميع ان شا الله دنيا واخره

@ اختكم في الله @
ع
تسلمين اختي نجمه الفجر
ا
مشكورة عيون الورد على الموضوع الحلو
بس كنت اتمنى اني ادخل والاقي رد من التاجرات السعوديات
لاني في بداية طريقي وابغى اعرف اكثر عن شركات الشحن
ع
ننتظر التاجرات السعوديات يفيدونا يا ام الوليد
ن
السلام عليكم الغاليات

خواتي حابة اسأل منو مسوية حساب في فيدكس لاني حابة اعرف كيف التفاصيل اللي مسوية او اللي عندها فكرة ياريت تفيدنا

والله يوفق الجميع وييسر الخير للجميع ان شا الله دنيا واخره

@ اختكم في الله @
ع
نجمه
لو تدقين عليهم احسن بيفيدونج
انا امس دقيت عبيهم ايون البيت مارضو خخخخ
ن
السلام عليكم الغاليات

انا دقيت على الفيدكس وقالوا لي اني عندي طريقتين للتعامل معاهم

@@ طريقة فتح الحساب او طريقة الفواتير الشهرية :

ومعناتها انج تفتحين عندهم حساب يعني تكتبين معاهم شرات العقد التعامل معاهم

ومحتويات العقد مجرد معلومات عنج --- الاسم -- العنوان --- صندوق البريد ----- الموبايل ---- الفاكس ويستحسن يكون عندج فاكس في حالة يبون يرسلون لج شي

والمغزا من هذا العقد هو تسهيل الدفع لهم يعني انتي لو كنتي فاتحة حساب عندهم وارسلتي طلبية عن طريقهم بعد ارسال الطلبية راح توصلج فاتورة الشحن وخلال شهر من ارسال الطلبية تدفعين قيمة الشحن خلال شهر كامل

اما الطريقة الثانية :

وهي التعامل الشخصي يعني انج لو تبين ترسلين طلبية اول ما تعطين السواق مالهم الطلبية مالتج تعطينه فلوس الشحن على طول لانج مب فاتحة معاهم حساب يعني مب من عملاءهم المسجلين

وطبعا الطريقة الاولى وااااااااااااااايد اسهل من الثانية الا اذا كنتي مستعيلة وما عندج فرصة تفتحين حساب عندهم مع انه ما ياخذ كم دقيقة بس المشكلة ان ما عندي فاكس علشان يرسلون لي فورم العقد لان لازم اوقع عليه

والله هم ميسرينها واااايد بس المشكلة اللي واجهتني معاهم انهم ما يقبلون ان المستلم هو اللي يدفع قيمة الشحن لازم انتي تدفعينها

فما شي غير انج يوم تستلمين فلوس طلبيتج تسلمين وياها قيمة الشحن مقدم علشان تدفعينها لهم بس اللي انا سويتها اني ممكن اتحمل نص قيمة الشحن

وعموما قمية شحن نص كيلو هي (( 167 درهم )) ونصها (( 83,5 )) درهم

وان شا الله اني افيدكم دايما بما هو جديد

والله يوفق الجميع وييسر الخير للجميع دنيا واخره

@ اختكم في الله @
ع
نجمه مشكوره على معلوماتج وممكن تقولين للزبونه تدفع قيمه الشحن مقدما اذا انتي حابه
بس فيدكس مره غالين ؟؟ يعني ماينفعون الا للشحنات الكبيره اللي مسوين عليها خصم !!
ويعطيج العافيه
ن
السلام عليكم

هيه صح بس لان الطلبية هاي واااااايد مهمة والمشكلة انها ييتين في الوقت الضايع ولازم احاول اني ارسلها على بكرة والله لو تشوفين حالتي وانا قاعدة اشوف من شركة لشركة والمفروض اني ارسلها الحين على شركة دل وان شا الله راح ارسلها بكرة بس ادعيلي الغالية والله اني حاسة ان راسيي بينفجر من كثر ما افكر في الموضوع

وعن شركة دي اتش الـ

انا اتصلت فيهم علشان اسألهم عن الطلبية اذا اقدر ارسلهاعليهم وكالعادة طبعا قالوا لا لان فيها عطر مع ان العطر عربي مو فرنسي

المهم قالولي اني ممكن ارسل عن طريقهم عطور فرنسية او عربية بخاخة بس بشرط ان حجم العطر ما يتعدا الـ 30 مل ولازم 30 مل يعني انا الحين طلبت بدال العطر الواحد عطرين بحجم 30 مل علشان ما ينقص شي ان شا الله على الزبونه

اما عن قيمة الشحن طبعا راح تكون عليها بس بعد راح اسألهم بكم سعر النص كيلو تحسبا لبكرة بعد ما يندرا شو الضروف

على حسب ما يقولون ان السواق مالهم يي لين بيتنا بس والله بعدني ما جربت يوم اجرب ان شا الله باجر وادعولي راح ابلغكم على طول

والله يوفق الجميع ان شا الله وييسر لكم الخير ان شا الله دنيا واخره

@ اختكم في الله @
X