أصطحاب الاطفال الى الاعراس... بين مؤيد ومعارض..

بقولكم سالفة استوت جدامي في عرس ربيعتي..

كان كل شيء ما شاء الله مرتب والكل كان يمدح في الكوشة وكان فيها اعمدة رومانية كبيرة فوقها باقات ورد كبار وكل عمود موصول بالثاني بمخمل ماروني..

وقبل ما تطلع العروس مجموعة اطفال لعبوا عند واحد من الاعمدة وطيحوه وطاح وراه عمود ورا الثاني وطبعا مع الباقات..

راحوا اهل العرس اتصلوا في الريال مال الكوشة واترييناه لين وصل وقالولنا اتغطوا يالحريم لين الريال راح..
بس الكوشة ما رحعت مثل ما كانت حلوة ولا شفنا وحدة يت وسحبت ولدها او اعتذرت!!

بصراحه انا اشتغل الصبح .. و يوم اكون معزومه اقولهم اسمحولي انا بيي مع بنتي لأني ما اقدر اخليها صبح و ليل مع الشغاله
و الحمدلله بنتي ما تشلني بالعكس تجلس مستغربه و تتطالع الناس و الحركات ..

والله انا عن نفس اذا الفرح قريب الي كتييير اهلية يعني اخذ ولادي معي لانهم اهلي فالكل حيساعدني فيهم

اما اذا الفرح بعيد نوعا ما فلا اخليهم عند ناس مقربة متل جدتهم او عماتهم او اختي

واذا مالقيت احد اجلس بالبيت انا وولادي وبلا عذاب وبهدلة

مشكورة يا احلى مشرفة

اعراس المقربين لازم الياهل يحضر..

لكن اعراس الغرب يفرق اذا كانت بنتي تمشي ماباخذها واياي لكن اذا كانت تمشي بخليها عند ابوها..
بس طبعا يفرق بين بنت ولد.الاولاد ماشاءالله عليهم شياطين وحشره فاذا الله رزقني بولد مووول ماباخذه اعراس كله بخليه عن حمياتي او اهلي او ريلي..:gum:

انا الصراحه احس حلاة العرس هم اليهال صح هم حشره بس حشرتهم تحلي العرس
ما اتخيل عرس بدونهم عيل منو بيرقص ومنو بيضحكنا :bigsmile:

انا مرررررررررره ماأأيد حضور الاطفال للعروس راحتهم بيتهم وبس بلا وجع راس ورانا وارنا مافي

فكه

موضوع قديم بس توني اجوفه..وبصراحه عجبني ولااااااااااااااازم اتكلم!!!!
اكثر شي يرفع ضغطي في الاعراس هو اليهال!!! تخيلي تسيرين عرس و تحصلينه مب عرس..الا عيدميلاد من كثر اليهال اللي يتراكضون ورا بعض و يكسرون الكاسات و يخربون الكوشه و يقطعون الورود!!!والادهى و الامر ان الامهات ولا عليهم..عادي جدا ...يوم اجوف هالمواقف دمي يفور وخاطري امسك خيزرانه اضربهم كلهم جدام امهاتهم عشان اذا هم ما عرفوا يأدبونهم حد ثاني يأدبهم!!!!تخيلوا يعني والله العظيم في عرس ربيعتي نتفوا الكوشه قبل ما تدخل العروس...يعني مب حرام هالتعب و المصاريف تروح عشان يهال يلعبون في مكان اصلا غير مخصص لهم لانه المفروض اليهال ما يسهرون وهذا وقت نومهم...
في عرسي كانت بتستوي ضرابه بيني وبين اهل ريلي لهال سبب اني قلت ماابغي اكثر من 20 بطاقه طفل للاطفال المقربين جدا...تخيلي من طرفنا ما عزمنا الا 3 اطفال وهم ال20 ما كان مكفنهم...بس الحمدلله مايو وايد اطفال الا وحده كانت طول الوقت تيي عندي عالكوشه لين ما فتنت عليها و نزلت ولا ردت...(الحمدلله الكاميرا ما صور هالموقف هههههه عروس تفتن عل ياهل )
باختصار..العرس مب لليهال ..يمكن المقربون جدا من الاهل واذا كانوا مب شياطين...والاطفال الرضع حرام اييبونهم عشان اذونهم..واللي ما عندها حد تخلي عيالها عنده لا تسير اعراس...او ممكن تيي بس تسلم و عيالها ينتظرون في السياره مع الزوج وتروح

احسني وايد هذربت ..بس من اللي نشوفه في الاعراس...وفي نظري كثره الاطفال في اي عرس يقضي على رقي العرس

عرس اخواااااااااتي واخوات زوجي راح اخذ بنتي

لأن بنتي الحفيده الوحيده بالعايلتين وما في اطفال غيرها...

اما اي زواج ثاني طبعا لا ... وحنا الدخول يكون في بطاقات يعني كيف اخذ بنتي وهي مو معزومه؟؟؟؟

واصلا انا ما احب الزواج الي فيه اكثر من 5 اطفال .... لأن الاطفال يخربون الزواااااج

وانقهر من الناس الي يجيبون بزرانهم واذا صار على زواجهم يمنعون احضار الاطفال....

واخلييهم عند اهلي والا اهل زوجي

انا عن نفسي لا اخذ ولدي لا لقريب ولا لبعيد لان الزواج اصلا مناسبه رسميه فلازم نحترم هالرسميه مادام فيه اطفال لو طفل واحد مايطلع الشي مرتب وحتى يوم زواج اخوي مااذته جلس بالبيت مع الخدامه وكل شوي اكلمهم

أعارض


واذا ولا بد ممنوع اصطحاب الاطفال فوق سن 3 سنوات

انا اعارض بشده
بس اذا الاهل مسموح بس اذا معزومين مكانهم البيت احسن

بالنسبة لي أكيد العرس يكون مرتب بدون الأطفال وحشرتهم، وشخصيا ما أحب أخذ معاي أطفال خصوصا إذا كانوا يمشون ومن النوع اللي يسوي إزعاج...لكن بصراحة لما نعزم الناس لأعراسنا مستحييييل نطلب منهم يجون بدون أطفالهم، أو نسوي بطاقات دخول للأطفال، بصراحة أحب نرحب بالناس وما نعزمهم بشروط، مع أني أتغايظ وأعصب لما يحولون العرس لمكان للعب...

اللي صدق يجلطني الناس اللي يجيبون معاهم أولاد كبار، فوق الثلاث أو الأربع سنين، يكونون صدق فظيييعين، والناس الله يهديهم ما يتفهمون أن هذول مو مال أعراس حريم....

اذا كان الطفل قريب من الدرجــــه الاولى,,, لازم يروح لانه حرام تطوفه هالمناسبه...

لكن طبــــــــــــعا بعد تأديبه وتعليمه بمايجب ان يفعله ومايجب ان لااااااااا يفعله!!

اما الاعراس الغريبه ابدا ابدا لا احبذ حظور الاطفال فيها...

ولكن لازم ننتبه الى ظرورة البدء باصطحاب البنات فوق سن 11 الى الاعراس لكي تتعود على الجو .. والرقص والفرحه...

لان اغلب البنات يواجهون صعوبه كبيـــــــــــــــــــره في التأقلم مع اجواء العرس مع ان اعمارهن تعدت العشرين والسبب عدم اصطحابهن وهن صغار

تحياااااااااااااااااااااااااااااااااااتي

انا الصــراحه عيالي هاديين بس مااحب آخذهم معاي الأعراس


ماادري افضل انهم يقعدون في البيت احسن

انا اشوف ان اليهال مكانهم البيت احسن هم ايش فهمهم في الاعراس

انا ما افضل اودي ولدي
ومن الاساس انا ما احب اروح اعراس
ولو فكرت واضطريت رغم اني ماضطر بحطه عند امي
الاني ازعاج الاعراس يكفي واخاف على ولدي من سماعات الموسيقى والدخون والامراض وغيره
فما افضل بتاتا

ابصراحه انا مااحب آخذ ولدي الاعراس
من يومين خذته وياي عرس وحده من الاهل ..وقام يحبو من بين الطاولات وانا امشي وراه ..وبعدين تضايقت وطرشته البيت ...
ومثل مايقولون جنة الاطفال منازلهم