سورسير

السلام عليكم ...
بعد موضوعي الاول الذي لم يلاقي نجاح والله توقعت مشاركات بس اعتقد انه ماراح يكون لي مشاركة في القسم هذا لو لم يلاقي نجاح موضوعي الجديد .......
تخيلوا 50 دخلوا و2 ردوا والله عاد انتو بكيفكم انا حابة اساعدكم وكنت ابغى انصحكم عن كثير من الحاجات بس انتوا حطمتوني .......
على العموم انا ماابغى كلمة شكر بس ابغى تردوا تقولون الموضوع حلو والا لاء ؟ .......
والله كان نفسي اقولكم على حاجات كتير تستخدموها خطرة بس حطمتوني ........
المهم طبعا انا وعدتكم اني راح اكتب لكم موضوع عن سورسير ........
اسمعوني ياحبايبي أنا مااحب اقول والله فلانه قالت انو مايصلح ويسوي ويفعل من غير ماأتاكد بنفسي .....
الي حصل اني مثل البنات أبغى يكون شعري حلو ومرتب ...
وسمعت عن سورسير ورحت فعلا اشتريته وجربته ماشي ........
عاد في يوم من الايام رحت الصواري لاندمارك الي بجدة ويامحاسن الصدف شوفو اش صار؟..........
فجاءه ماما قالت تبغى الصيدلية فدخلنا طبعا الصيدلية والافجاة المح سورسير الشامبو مستغربة .........
وصرت اقول هذا هو الي بابتي تعب وهو يدور علية ومرة بالغلط جابلي جورجيو والا هو ماادري اش اسمه المهم هما من نفس الشركة ........
وجيت ابغى استخدمته الا قريت انوا يقطع الشعر قلت الحمدلله اساسا موهو الي انا ابغاه طيب ماشيين معاياه ........
وفجاة باستغراب مسكت العلبة ولقيت مكتوب علية بالعربي قمت طبعا قريت ...........
لانوا الي عندي مكتوب عليه بالانجلش .........
وسبحان الله قريت انو من مكوناته سلفات لوريث الصوديوم ...........
من مكوناته ايش ؟ اقرؤا عدل وكويس اتفقنا
طيب ياحبايبي اسمعوا في نفس الموقع هذا قريت عن المادة هاذي وانها والعياذ بالله تسبب المرض الخطير ماودي اكتب اسمه ....
عشان لاتاخذه في خاطركم .......
على العموم انا حابه اثبت لكم كلامي واتمنى انكم تعملوا بحث للكلمة هاذي وتشوفوا على فكرة انا قريت انها في بعض الشامبوهات ومزيلات العرق وغيرة مثل المعجون والى مالا نهاية ....
ياليت الي حابة تتاكد تروح الصيدلية الي هناك وتشوف بنفسها اعتقد اسمها صيدلية ابو سعود والا ماادري اش اسمها لانوا من زمان الكلام هذا المهم الصيدلية بالدور الارضي يعني اول شيء ...
وموضوعنا الجديد انشاءالله كلنا سنتناقش فيه فانا اتمنى انكم تختاروا واحد من المواضيع :
1/ الشامبوهات يعني كل وحدة تقول الشامبو حقها ونتكلم عنه ننصحها مثلا انا راح اكتب عن مجموعة من الشامبوهات ومن فين تقدروا تحصلو عليها وفوايدها وكمان انشاءالله بصورها
2/ الزيوتات والخلطات يعني نقول اش الزيوت الي ماتنحط مع بعض وهكذا ونتكلم عن الزيت الي تبغوا وفوايده وصورته
3/ حنعمل أكبر ملف عن العناية بالشعر بحيث انو كل وحدة تكتب كل شئ تعرفوا عن الشعر عشان كلنا نستفيد ....
والله يابنات اني مااعمل هذا الا عشان نفيد بعضنا كلنا محتاجين لبعض فليش مانساعد بعض ؟.........
اليوم أنا محتاجة بكرة انت محتاجة فخلينا ننفع بعضنا أحسن
والسلام لكم جميعا في الختام واتمنى الرد من الجميع
وخلو شعارنا انما الاعمال بالنيات